اريد منكم توضيح الحق منهو معه قصة حصلت بيع وبيع ومحاولة استرجاع

محروم.كوم · #1 05-11-2012, 04:00 PM

السلام عليكم .
الي حصل اشتريت سيارة مستعمله ماشيه حوالي 60الف على ان مافيها شي بحوالي 31الف ومامشيت عليها الا اقل من 700لان المسافه بين منطقتي ومكان السيارة 280كم ورجعه 280 يعني تقريبا 560 والباقي داخل البلد0 اشتريتها ظهر السبت وبعتها عليه يوم الاربعاء و محافظ عليها مرة مرة بس الي انا شاريها له مايبيها اعلنت عنها واتصل علي واحد حتى قبل اكتمال الموضوع سامها ب29 رفضت وقلت دون 31ماني بايع نهائي بل حديتها 33 الف تواعدنا اني انزلها للمعارض في المدينة الي سايمها يسكن فيها لكنه اصر اني ابيعها عليه كان هالكلام يوم الثلاثاء العصر ولها معي فقط اربع ايام يوم الاربعا فجرا دخلتها الحوش امسحها واتفقدها لاحظت بكل اسف ان الرفرف مسمكر بلغته بالعيب وقال خلاص ب25الف رفضت رفضا قاطعا كيف ترضى تخسرني 7000الاف خلال اسبوع قال الخسارة بالعمر وانا اخوك رفضت وقال حدها قلت 28الف وصلها ل26 رفضت ارسلت ولدي فيها ووصيته مايتعدى 120 جاء العصر كلم على الرجال قلت وداها ولدي ويوصل لكم تقريبا بعد ساعة لانه ماشي قبل ساعه وشوي اعتذر منك ماني بايع بهالسعر واغلق السماعة بعد ساعة الا يتصل قال خلني اشوفها ويصير خير وكم حدك قلت حدي 28الف واول معيي عن 29 الف لانه طلع الرفرف مرشوش لمخش فيه على كلام صاحبها كلمته بعدين وقالي الا انه لم يخبرني فيه وقت الشراء واناعلمت به الرجال يوم شفته يوم مضت ساعه وشوي الا يتصل الرجال قال هاماوصل نسقت بينهم المهم تقابلوا بمكان معروف وفحص السيارة من الى وركبها واعجب اشد الاعجاب بنظافتها واشاد بتكيييفها البارد جدا جدا وبدا مسلسل المفاوضات مامر على شخص مثله يقول السيارة ابيها ابيها وابي استخدم مايضر الرفرف هذي 26500 وارفضت ويكلمني اخوه ونص ساعه واصدع من الجوال قال هذي 27 قلت ابدا ابدا 28 ويكلمني مره اخرى قال يمكن ممشاه ماهو حقيقي قلت يمكن وتراي ماادري عنها ثلاث مرات قال والله اني ماارفع عليك السماعة قبلتها بالي فيها بس بعني ب27500 قلت لا هون و بعد شوي الا يتصل وحكي وحكي رفضت قلت تبيها ب28الف ولا الله يرزقني واياك والصلاة اقيمت وفاتني باسبابه ركعتين يوم بديت ودخلت بالصلاة الا بدا يدق جوالي تصدقون ماسكت بلشت فيه حتى اني احاول فيهاحول اطفيه وفتحته باحد المرات يوم خلصت الصلاة بسرعة الا له اربع مكالمات خلال 4دقائق كلمت عليه قال باركلي اخذتها 28 قالت الله يبارك لك شراها وحول لي الفلوس بنفس الليلة راحت الايام بعد حوالي عشرة ايام الا يكلم وكان الجوال بالبيت نسيته كلم على مكالمات كثيرة جيت الا يدق رديت ماسلم ولا شي قال كيف حالك يابو فلان السيارة طلع فيها وجهية وكرهتها وبعتهاب26 ودينموا المكيف خرب والله ماسامحك وهي في رقبتك الى يوم القيامه انت غشيتني والغش هو اخفاء عيب السلعة يعني يتهمني بالكذب والتدليس قلت يوم بعت وخسرت تبي تعوض خسارتك مني باي حق تطلبني الفرق بالسعر بعد ان بعتها قال يعني تقبلها لو ارجعها قلت ايه قال خلاص ابي ارجعها من الي شراها !!!!!!!!!!!!!!!!!!!!!!!!!!!! وترا 2000 وسخ يدين ويحلف انها ماهمته ههههههه وهو حايس الدنيا ويبي يرجع السيارهمن الي شراها حتى يرجعها على الي هو شاريها منه ويكرر ماهمتني ال2000 بس تراها برقبتك وبذمتك ولا ماهمتني بس تراني ماني مسامحك سكر

وانا اقول هو بايعها وناوي ياخذ الالفين مني باي حق هذي حلاله يعني لو باع بمكسب يبي يكلمني ويعطيني الزود كلامه غير منطقي وغير شرعي وغير قانوني
كلمت علي شيخ وقالي انت قلت له افحص قلت له تراني مادري عنها ثلاثا وراء بعض الي تاكدت منهاعلمته وهو شافها وحلف انه مايرفع السماعة علي لو يلقى الي يلقى لاكنه حنث بايمانه وكلم وهدد وحتى انه باعها قال باعها قلت ايه قال خلاص ملبه حكي معك
بعدين كلم وقلت عقب مابعتها تكلمني قال خلاص ارجعها تقبلها قلت ايه لكني تذكرت كلامه يوم يحلف انه مايرفع على السماعة وهونت
طيب حثيثيات الوضع
اولا هو استعملها 9ايام تقريبا ويبي يرجعها واستعماله وين
السيارات انزلت اسعارها ضربها الصيني لانه بدا ينجح وينتشر وزينته رخص سعره حتى الاسطوره الكامري بدات تنزل نازل حوالي 6الاف موديل 12 ارخص من 11 يوم كان جديد
وش رايكم بهالادمي الي كلامه ياكل بعضه
انا بينت الي اعرفه
هو شافها وفحصها ورفع السوم من 26الى 28 بعد ان شافها
قالي قبلتها ببالي فيها والله ماارفع عليك التلفون
قلت له تراي مادري عنها تراي مادري عنها تراي مادري
نسمع ارئكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اريد توضيح موحظر	محروم.كوم	منتدى أخبار المواقع والمنتديات العربية والأجنبية	0	03-22-2012 01:20 AM
نساء تبرأ منهن الرسول عليه افضل الصلاة والسلام فاحذري ان تكوني منهن	محروم.كوم	منتدى أخبار المواقع والمنتديات العربية والأجنبية	0	10-28-2011 05:00 PM
حصلت 3سيارات وابي منكم المساعده	محروم.كوم	منتدى أخبار المواقع والمنتديات العربية والأجنبية	0	10-06-2010 12:50 AM
حصلت 3سيارات وابي منكم المساعده	محروم.كوم	منتدى أخبار المواقع والمنتديات العربية والأجنبية	0	10-06-2010 12:50 AM
الحق الشركة دي 100% حصلت علي العضوية الذهبية اليوم Inovabux	محروم.كوم	منتدى أخبار المواقع والمنتديات العربية والأجنبية	0	10-14-2009 04:40 PM