ابي اسولف عليكم قصة واقعية كان قديم تعرفون اكثر القرى لايوجد بها كهرباء واذا وجد على عدة بيوت قليلة فقط وكان العرس اي الزواج يستخدمون الاتاريك والسراج للانارة وكانو اهل القرية مترابطين مع بعض بالسرا والضرا المهم بعد العشاء يبدا لعب السامري كان هناك شخص ابي ارمز له بحرف م يلعب سامري ويقوم يتهزع وكان يشيرون له انه حاط باحد اصابعة خاتم زار كانت اعمارنا تقريب بالعشرة سنين ولكن متعجبين من الاشخاص الي يلعبون سامري ويطقون الطيران وطريقة لعبهم وحركاتهم المهم مركزين على خوينا م كان فيه عرجه اي احد رجوله الله يكرمكم قاصرة عن الثانية زاد الطرب ويتمايل م وهو يقع على الارض خفنا ماندري وش حصل مات ولا وش فيه المهم يصيحون الي يلعبون بصف السامري شدو السامرية الي يقول مطلعها مع الزمل الاول ويشدون ويطقون فوق راس م ويرتجف ويقوم ويلعب ويطيح مرة ثانية ويشيلونه وهو ممد وبحوض الددسن يذهبون فيه لبيته المهم حنا سوالفنا ماغير م صلح كذا وعمل كذا وننتظر حفل زواج حتى يجي م وكان باصبعة خاتم الزار ومايقطع راسه احد م من اسرة لها ثقلها بالمجتمع لكن شذ عن عائلته بهاالزار المهم حصل زواج وجاء م ومثل عملته بالزواجات السابقة ويطيح على ظهر ماصحى اثنا ذلك حضرت سيارة جمس ولايركب تلك السيارة غير الشيوخ الا وهذا عمة الشيخ ومعه اربع من اولاده م مستلقي على الارض صفوف السامري وقفت شافت الشيخ واقف على راس م المهم ويضربه برجله الله يكرمكم ويفتح بعيونه م الا هالمصيبه واقف فوق راسه عمة ويشيل فيه فوق ويمسط فيه على الارض وعياله معه مايقول غير والله ماعودها وضرب وشالوه ومن ذيك الساعة بحياتي ماشفته بعرس ومن الصدف قابلته قبل اسبوع والي خلاني اتذكر سالفته واسلم عليه ويقوم يسئلني وين ذاهب قلت ابد معزوم على زواج فلان بك خوه قال لاوالله ياخوي والله ماداني العروس العروس بهالوقت ماتونس قلت بقلبي لاوالله الي مايونس علقت عمك لك وزارك الي كنت تمثل فيه علينا امل ان تكون القصه اعجبتكم تقبلو تحياتي
05-03-2012, 02:20 AM
العرض العادي
المواضيع المتشابهه 
