#poem_4fa14019263a2 td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} راح البراد وشمر الصيف كمه طبق زهابه بالدواليب لمه ان كان عشنا نلحقه للمقابيل وان كان رحنا كلن يشيل همه دنيا تلاعبنا على العدل والميل الوقت يمضي والمقادير طمه شفنا بها شي(ن )يفوق التهاويل تسقيك حلو(ن) ثم تطعمك سمه نهارها لحظات ويقرب الليل والخلق في طول الامل مستهمه والعمر يمضي والموازين بالكيل والعاقل يحسب لقبرن يظمه اجيال ولت وينها يارجاجيل وين الاخو واخوه وعيال عمه دنيا تظللنا بحر المقاييل وقت(ن) ويمكن اننا مانتمه