وسط الحضور دخل شخص وقال قصيدة في العروسة للعريس ..

الحب العنيد · #1 01-28-2008, 02:43 AM

[align=center] أبد ما جيت أبــــارك لك ولكن جيت باوصيك

على الله ناوي(ن) تدخــل بها اللـــيله ... معذبتي

ترى لولا الظروف اللي عطّـتك وحدّت محاكيك

قســـم بالله مـــا تدخل عليــــها لو على رقبتي

ولكن النصيب أقوى ولاادري ويش اسوي فيك

نعــم...صــارت معزبتك,, ولا صــارت معزبتي

كذا شـاءت بنا الأقـــــدار تحرمني لجل تعطيك

كذا لازم عشــــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك

تدللــــــــها..تدلعــــــــها ...تنسّــــيها مصاحبتي

أنا من كثر مااغليها أحس اني بديت أغلـيك

ولاتسـأل بأيـة حـق والا وش مناســــــبتي

لأنك لو بتسألـني بتسمـع شي مـــــــا يرضيك

لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك

وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك

وشاغبها إلـــــــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك

تحمّلــها وإسألـها :ياعمـــــري ليـــه عصّبـتي

وبالك أسمع انك يوم تضربهــا وهي تشكيك

ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك

وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك

يقــــــول انه بيــنــتظـرك لوشـيّـب وشـيّــــبتي

وانا مجنونها اللي مـا نساهــــــا وانششت مايمديك

تغــطي ذكريـــــاتي.. في هواهــــا و ربع تجربتي

أحس اني تماديت بكلامي,, والغضب حـــاديــك

ولو انك في مــكاني ما تفكر في محــــــاسبتي

كفاك اني تركت الليــــله أشغالي عشان أجيك

دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـــك

أنا جيتك عشــان أخاطـبك واسمع مخـــاطبتي

توصّــــى .... وانتبه.. واحرص عليها والله يهنيك

ترى كل الكلام اللي طلع من ضيقي وكبـــتـــي

ولكن ما قدرت اني أقوله وانت مايخفـــــيك

أخـــــاف اني اذا قلته تقوم وتقطـــع رقبــتي[/align] __DEFINE_LIKE_SHARE__

εïз~اَلِمَيّث}● · 01-28-2008, 06:51 AM

[overline]----{ [/overline] صح منطوق الشاعر

والله يعين من يمر فـ ذي الظروف >_<

تسلمين الغاليه ع القصيده الطيبه

وربي لاهانج نترقب يديدج

السموحه ع القصور

اختج

الميث [overline]}-----[/overline]

__DEFINE_LIKE_SHARE__

المتفيـ ج ـة · 01-28-2008, 07:01 PM

الله يعينه .. ..
تسلمين ختيه على هـ النقل .. __DEFINE_LIKE_SHARE__

الريم1 · 01-29-2008, 02:47 PM

الحب وماقتل

يسلموو عالطرح الحلوو

والله يعطيج العاافية __DEFINE_LIKE_SHARE__

мisŝ~ƒ๏σŝнџ · 01-29-2008, 04:04 PM

صح لساانــهــ

تــسلمين الغلا على الطرح __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
..! عروس أبكت الحضور !..	نغموش	قصص و روايات	25	09-05-2012 04:58 PM
دفعة جديدة من الدخون لدى العروسة 2006	محروم.كوم	منتدى أخبار المواقع والمنتديات العربية والأجنبية	0	03-04-2010 07:33 PM
صغيرتي .. العروسة	♕ وليد الجسمي ♕	شعر و خواطر	4	09-08-2008 12:45 PM
تلب سريع يا بعد كل الحضور	قطو الـ ح ـب	طلبات الاعضاء	0	04-06-2008 11:09 PM
جماهير روما ممنوعة من الحضور	وحداني قطر	رياضة محلية و عالمية	5	01-24-2008 02:00 PM