قصتي مع كفرات بريجستون ممتعة وشيقة ومفيدة لجميع الأعضاء

محروم.كوم · #1 04-27-2012, 06:40 PM

السلام عليكم ورحمة الله وبركاته
هذه القصة حصلت لي قبل شهر
اشتريت سيارة جيب ترافرس شيفرولية مستخدمة وقلت تدري اسال صاحب السيارة

اللي شراها وكالة هل سبق ان غير الكفرات فقال لا وكفراتي نوعها بريجستون قلت توكلنا على الله
طبعا هذا مقاس الكفر وهو نادر(( 255-55-20)) ويصلح لأهل الأكاديا
اتجهت لمحلات الكفرات بمخرج 14 وبعد لف ودوران تأكد لي أن مقاس كفرات سيارتي مايجي إلا بريجستون
المهم لقيت محل قال أنا أوفرها لك قال ب 1200 للكفر الواحد المهم مني ومني وأكاسره قال 950 قلت ok
وقلت لاهنت اعطني ضمان الوكالة مؤسسة الطلائع وكيل بريجستون
قال لا أنا أعطيك ضمان محل لمدة سنة
قلت أجل كفراتك من دبي
قال لا وكالة
قلت وش يضرك طيب أختم لي ختم الشركة
قال لا
قلت أجل من دبي
وبجيب المصحف تحلف لي انها من الطلائع الوكيل مو من دبي وتراني أسافر باستمرار وأولادي بذمتك ...
لرجال كنه خاف وقال اسمع دامك حطيتها بذمتي الكفرات نشتريها من موزعين في الغرابي
وترى كل الشارع يبيعون
من دبي ؟؟؟؟ وتبغى ترتاح رح للوكالة بطريق خريص قلت خلاص - من سمح للتجار ؟؟؟
لاحول ولاقوة إلا بالله ... شكرت الرجل ورحت لشارع الضباب مقابل مدينة الملك فهد الطبية
إلانفس الكلام بس السعر ( 1.500)ريال ولايعطيك ضمان
---------------------------------------------
اتجهت للوكالة مؤسسة الطلائع وكيل بريجستون السعودية دخلت السيارة قلت بكم الكفر بعد الخصم
قال ب ( 1850 )ريال للكفر ولايوجد خصم يعني الطقم ب (7.400)ريال
قلت طيب ركب والشكوى على الله .... قال والله للأسف الكفر مو موجود نطلبه لك من أمريكا قلت هاه؟
وش دخل أمريكا بريجستون يابانية . قال بس كفرك الوحيد أمريكي ونصيحة بيع السيارة الكفر بيبهذلك ؟؟
---------------------------------------------
قلت وش رأيك يا ولد تتصل على وكيل بريجستون الكويت
المهم اتصلت قال الكفر سعره بعد الخصم (106)ديانر يعني (1.431) ريال والطقم (5.724) ريال
الفرق ( 1.676) ريال والله ماهي سهلة تمشية وتغيير جو وكفر موجود وهي أهم نقطة .
---------------------------------------------
توكلت على الله واتجهت للكويت الحبيبة
وعلى طول لشارع كندا دراي مثل الصناعية عندنا
وقبل ما أروح للوكالة قلت لف ياولد عسى تلقى جوديير أو فايرستون أو أي شركة رخيصة ... مالقيت
وألف ألقى محلات مثل اللي بمخرج 14 قالو والله حنا نجيبها من دبي ...
المهم رحت لمركز اسمه الميلم وعنده كل الكفرات وكفراتهم كلها وكالة ويعطيك ختم الوكالة
قال مقاس كفرك موجود بعد الخصم (98) دينار يعني (1.323) ريال الطقم
(5.292)ريال
قلت لالالالا لقيت أقل بروح الوكالة .... قال اسمع لا تروح حنا أرخص قال بعطيك بسعر حلو جدا
قام يحسب ويحسب وقال ( 90)دينار للكفر يعني (1.215) ريال للكفر والطقم
(4.860)ريال
قلت طيب بروح الوكالة وبشوف قال طيب رح وارجع قلت ok
وأروح للوكالة وهي المحطة الأخيرة ( مركز إطاراتي بريجستون ) وأقابل المحاسب
-رجل محترم جدا - شرواكم - وقال اسمع فيه كفرك
وبعطيك خصم ممتاز أعطيه للموزعين
تدرون كم قال ((((((((((((((((((((((((((( 83 )))))))))))))))))))))) دينار
يعني ( 1.120) ريال للكفر الواحد والطقم (4.482) ريال + نيتروجين مجانا للطقم
قلت ركب وحسبنا الله ونعم الوكيل على أخويانا بالسعودية
طبعا للمقارنة
الكفر الواحد بالسعودية عند الوكيل
1.850 الطقم 7.400
الكفر الواحد بالكويت عند الوكيل
1.120 الطقم 4.482
الفرق بينهم
2.918 ريال
__ مو شرط كل الوكالات نفس بعض يمكن هناك أغلى في أشياء ثانية لكن قبل لاتسوي شيء___
اتصل قبل لاتركب وتحس إنها أصلية مو عندنا تركب وأنت خايف .
رقم وكالة بريجستون 0096524848787-- 0096524846637
وأرجو من الجميع أن يذكر الله ويقول ماشاء الله لاقوة إلا بالله .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع : كفرات بالون 17 , كفرات بريجستون 17 .. ( والطفران يدخل )	محروم.كوم	منتدى أخبار المواقع والمنتديات العربية والأجنبية	0	10-28-2011 05:10 AM
للبيع كفرات برجيستون مقاس 17	محروم.كوم	منتدى أخبار المواقع والمنتديات العربية والأجنبية	0	03-15-2010 01:20 PM
للبيع كفرات بريجستون مقاس 17	محروم.كوم	منتدى أخبار المواقع والمنتديات العربية والأجنبية	0	07-28-2009 04:30 PM
معلومة ممتعة ولطيفة ومفيدة عند بحث الصور في الجوجل ، وايضا البحث حسب الالوان المختلفة	محروم.كوم	منتدى أخبار المواقع والمنتديات العربية والأجنبية	0	05-13-2009 11:00 PM
مجموعة من المواقع ممتعة ومفيدة للجميع	محروم.كوم	منتدى أخبار المواقع والمنتديات العربية والأجنبية	0	05-12-2009 02:30 AM