قآﻟۆ : ﻣﺳگين ن مَـآ عِندگ ْشخص "يحبگ ۆتحبہ.. ړديٺْ بِڳلْ بَــړۆد: ۆشَو يعني! يگفيـﮯ عَنْدِيـّے أصحاب يبيعۆن آﻟدنّيـآ عشآني - الصفحة 11

البوش كاين · 05-25-2012, 03:01 PM

مشكـــــورهـ على البـآاإرتـأات اللي أكثر من رووعــــــه

تقبلي خطفتيه

__DEFINE_LIKE_SHARE__

ﻤﺟﻧﯡﯡﻧک · 05-25-2012, 10:43 PM

كل البارتات الي خليتيهن واااو

ماعندية توقعات __DEFINE_LIKE_SHARE__

بنـت داري · 05-28-2012, 02:09 AM

ؤئن البارت؟ __DEFINE_LIKE_SHARE__

αlи3αιмι · 05-28-2012, 07:28 PM

البارت الثالث عشر

.
.
.

عند حنون القميله .. كانت الساعة ٤ ونص تقريباً
ياسه في حجرتها ع اللاب وفجأة سمعت صوت قريب من دريشتها
… : آأإإإإإإإإإإإإإإإإآأإآآآآإإهه
حنون نقزت من الزيغه و طااح قلبها قامت من ع الشبريه شوي شوي بطلت الدريشه وأول مابطلت الدريشة
حنون صرخت بأعلى صوتها وطاحت ع الأرض وتمت ترجع على ورا وهو يتقرب وهيه ترجع وهو يتقرب أكثر لين دخل عليها مايد وشاف شي أبيض عود ومن الصدمه وقف ماعرف شو يسوي … وأختفى ويا مايد صوبها على طوول
مايد يربع صوب حنون ويرفعها : بلاج ؟؟
حنون مب رايمه ترمس أنبلع لسانها أنربط
مايد بإندفااع : أررررممممسسسسيييييي
دش عليهم بو مايد بسرعه ووراه أم مايد وشافوا حنون بحالة الله لا يراويكم كيف .. ويها كان مسوود و خانقتنها العبره ومب رايمه ترمس تبا تقولهم تبا ترمس لكن ماتروم عقب كم دقيقه أنفجرررت صيااح بس مارمست ولا كلمه .. بس مايد قالهم اللي صار .. شلوها وطلعوها في الصالة .. وهيه تشااهق من الصيااح .. بعد كم سااعه والكل عندها ويو حريم عمها وعمومتها دروا بالسالفه .. أختها عواش الصغيره ماشاءالله أخبار الدار .. هآع
بو مايد ماسك إيد حنون : أنزين قوليلي خبريني .. حنان .. حنان (ويضربها بخفيف عـ ويها وهيه حاطه راسها على صدر أمها ومبهته ما ترمس تقول ميته)
مايد : أبويه الحال جذيه مايصرف .. قوم نوديها الدختر
حنان وآخيراً رمست جنها تذكرت شي : هيييه تذكرت .. بعد يوم الخميس دخلت حجرتي كنت حاطه اللاب على الشبريه يوم رديت حصلته تحت (وردت تصييح .. بصوت مخنوق)
كلللهم أطالعوا بعضهم
مايد مب عايبنه الوضع ويتقطع قلبه على صوت صياح حنون : أبويه شو ألحين ؟؟ يا نوديها المستشفى يا أخلي مطوع يقرا عليها
أم مايد: لالا بنشغل كل يوم القرآن في البيت .. مايحتاي (وتمسح عـ راس حنون وتقرا عليها)
. . .
صارت الساعة 5 ونص العصر .. بطلاتنا سارن يدرسن .. وفي نفس الوقت لطوف قاعدة تفكر " كيف أقنع أماه تخليني أسير عند ظبوي ؟؟" .. وسارت دقت حق شموه
طووط طوووط
وردت عليها البشكاره : هلوو ؟؟
لطوف ترمس نفس بشكارتهم : هلووو ؟؟
البشاكره : منو ؟؟
لطوف : جني
البشكاره : بسم الله ..أنتي لطووب ؟؟
لطوف : ههههه أيوا أنا لطوب .. وين شمووه ؟؟

البشكاره : شمووه لووخ بلاا (روح برا)
لطوف : أنجين أنتي سيلي قولي هق هيه تألي في تلبون هق أنتي <<منقعه الرمسه ههه (أنزين أنتي سيري قوليلها في تلفون حقج)
البشكاره تتمصخر عليها : شو هدا كلاام ؟؟ فلبيني ولا أندونيشي ؟؟
لطوف: ههههه لا فلبيني ولا أندونيشي .. سيري يلا زقري شمووه ..(وسارت زقرتها ويت شموه)
شموه : ألو ؟؟
لطوف : مررحبا السااع
شموه : مرحبييتيين
لطوف ترمس لبناني : كيفييك بنت عمي ؟؟
شموه مكمله وياها : تمام .. ومن صوبييك ؟؟
لطوف : يعلييش شو هزا الحكي ؟؟ منيحا أنا منييحاا
شموه : هههه أقوولج ردي على المواطن أحسن .. ويا رمستج المخبقه
لطوف : عداال يالمواطنه أنتي ؟؟ .. أنزين .. طلبتشش لا ترديني
شموه : آمريي .. تم
لطوف : ما يامر عليش عدو ولا ظالم .. واله أني جايه من .. من مسقط
شموه : هههه .. خلصينا
لطوف: نبا نسير نحن الشلة المشتله طولي بعمرج .. أممم نبا نسيييييير عند
شموه بملل : شووووو ؟؟ خلصيني ؟؟
لطوف تبا أتطفر بشموه : عند !!
شموه : أففف ..
لطوف : عند !! يلا قولي عند منو نبا نسيييييير ؟؟ (وإبتسامه عريضة)
شموه طفرت : صدقيني بسكر في ويهج أن ماقلتي
لطوف : لالا خلاص .. نبااا أمم نسير نسلم على ظبووي
شموه : أممم
لطوف : شرايج ؟؟
شمو ه: ماعرف أحس إذا رحنا نص الأسبوع أمم أحسن
لطوف : أنتي عبيطه ؟؟
شموه : لا
لطوف : نبا نسيير اليوم .. يا ذكية أنتي .. لأنه هيه بتطلع باجر أصلاً
شموه : لاااااا
لطوف: هييييييييه .. وإذا يا شاطره رحنا لها باجر وكانت طالعه ؟؟ شدراج أنها بتكون موجوده ؟؟ وشدراج أنها أصلاً بيطلعونها فليل ؟؟ والصبح نحن بنكون في المدرسه .. وأكيد بيرخصونها الصبح ولا العصر .. ونحن ما بنطلع قبل أذان المغرب ولا العشا .. وإذا ظهرت أمايه مابتخليني أسير بيتهم عشان أسلم عليها !! منو بيخليني أسير بيتهم ؟؟ يدي ولا يدتي أن شاء الله؟؟
شموه مبهته : حشى حشى حشى .. كلتيني يابوج ..
لطوف: ههه .. أنزين دقي حق المفلع الباقيات وقوليلهن بعد أذان العشا يكونن جاهزات
شموه: صح تعالي كلمتي أمج ؟؟!!
لطوف: أووووه تصدقين ولا خبرتها حتى ؟؟
شموه: ههه لهدرجه واثقة أنها بتوافق يعني ؟؟ وبتخليج تسيرين ؟؟
لطوف: أوكييه أنتي خبري أمج وخلي أمج أدق علـى أمااه وتقولها السالفه بلييز هااه ؟؟
وسكرن .. سارت شموه خبرت أمها وقالتلها أنه بتسير ويا لطوف عند ربيعتها في المستشفى يسلمون عليها .. وقالتلها أدق حق أم لطوف تخبرها وتقنعها توافق .. طبعاً أم لطوف إذا حد غير لطوف رمسها وأقنعها بتوافق بس إذا لطوف رمستها ما بتوافق ههه .. وردت شموه على لطوف
شموه : أقولج أمايه بتسير ويانا بعد
لطوف : لاااااه ؟؟ حلفي ؟؟ أووونه !!
شموه : وأمج بعد .. أمايا رمستها تراه
لطوف منصدمه أمها بتسير : قووووووليييييييييي قسم ؟؟
و سكرن .. كانت الساعة ٦ وأذن المغرب وسارت لطوف عند أمها كانت أطالع ماري تشوي .. وماتحب حد يخرب عليها ..
لطوف تربع صوب أمها في غرفه الطعام وتبطل الباب مال دفاشه : وواااااااااو .. أمااه أنتي مستحييله
أم خليفه زااغت: بسم الله .. أشووفيج ؟؟
لطوف : بتسيرين وياي عند ربيعتي نسلم علـيها في المستشفى صدق ؟؟
أم خليفه فهمت السالفه ليش لطوف مستانسه : هييييييه .. رمستني حرمت عمج علي وقالتلي بيسيرون .. منو بعد بيسير ؟؟
لطوف : يمكن ميثوة بنت عمي خميس .. ماعرف !!
أم خليفه : أنزين
لطوف : أنزيين قومي يلا أنتي ..
سارت لطوف وهيه فرحانه الأخت ودقت علـي بيت قوم ميثوة
طووط طوووط طوووط
..: ألو !!
لطوف : سلطون عطني ميثوة سررعه
سلطان : بسم الله .. الناس تسلم .. تسأل عن الحال !!
لطوف بسرعه : أوكيه أوكيه .. السلام عليكم .. وشحالكم ؟؟ شخباركم ؟؟ يلا عطني ميثوة .. بسررعه .. يلااااا
سلطان : حشى .. أنزيين
(وسار يزقرها سلطان .. ويت)
ميثوة : ألوو ؟!
لطوف : أقولج .. بتروحين ويانا عند ظبووي نسلم عليها في الدختر ؟؟
ميثوة : ههههه .. حشى الناس تسلم أول شي ..
لطوف : أففف والله جد ..
ميثوة عاقده حوايبها : أنتي صدق ترمسين ؟؟ منو بيخليني ؟؟
لطوف : حتى أنا ياخي مذله لين وافقوا !! أمايه بتسيير
ميثوة : أصلاً أبوي مابيوافق حتى لو حاولت معروف الجواب ..
لطوف : أنتي سيري حاولي جربي يمكن تغير الوضع .. تغيرت الأفكار المعقده !!
ميثوة : تعالي أنتي كيف وافقت أمج ؟؟
لطوف : أصلاً أنا مارمستها .. رمستها حرمة عمي علي .. وقالتلها
ميثوة : شمووه رايحه بعد ؟؟
لطوف : يب .. يلا
ميثوة بحسره: يااا حظظكم .. أففف والله عارفه الجوااب أقولج مابا أتقفط ..
لطوف : عطيني أمج أنا برمسها
ميثوة : صدق أنتي بترمسينها ؟؟
لطوف : يب يب يلااااااا سرررعه
ميثوة : أوكيه بس لا تخبرينها أنه شموه رايحه ويانا بلييز .. أنتي تعرفين
لطوف : أوكيه أوكيه
وسارت ميثوة تزقر أمها .. ويت
أم ميثة: هلا
لطوف : أهلييين والله .. بالزين كلله
أم ميثة : هلا بالمهلي اللي ما يولي
لطوف : ههه .. شحالج خالوه ؟؟
أم ميثة : بخيير وسهاله .. ومن صوبكم .. شحالج ؟؟
لطوف : رقييص والله
أم ميثة : ههه وشحال أمج وخوانج ؟؟
لطوف : بخيير وسهاله يسرج حالهم .. يسلمون عليج
أم ميثة : ردي ردي السلام
لطوف : أنشاء الله يبلغ .. خالوه طلبتج
أم ميثة : هيييييييه أنا أقول
لطوف : ههههههه
أم ميثة : تم بنت عبدالله
لطوف : ههه تسلمين خالوه .. نبا نسير نسلم على وحده من ربيعاتنا في المستشفى مرقده .. وأمايه سايره وياي
وقردنتها لين وافقت ..
ميثوة : وااااي ونااسه
لطوف : أنجلعي سيري لبسي عندج ربع ساعه .. وبنخطف عليج يلا بسررعه
ميثوة : أوكييه باااي
وسكرن وعاد ميثوة باارده ماتخلص سرعه
. . .
عند شمووه ..
نازله من الدري بكشتها بس لابسه تنوره بيج عليه بدي أخضر هادي حلوو طويل الكم .. في أبه من فوق عند الرقبه جنه مال يهال وفوقه عباه ساده قصة إيد وسيعه .. وتدور البشكاره .. فارس كان قاعد في الصالة ويطالع تلفزيون ..
فارس لف عليها : بسسسسسسم الله
شموه : جااب .. وين هيري ؟؟
فارس : أكيه أكيييه
شموه لفت وين يأشر فارس
فارس يبا يلعوزها ويأشرر مكان ثاني : هنااك شفتها طلعت مناك
شموه وهيه سايره الصوب اللي قالها فارس
فارس يأشر صوب ثاني : هكييه هكيه هناك هناك
شموه تبا تسير المكان اللي أشر عليه فارس بس حست عمرها غبيه ههه.. فـ لفت علـي فارس ويايه عنده جنها بتضارب
فارس : هههههه لالا والله والله خلاااص هههه (وشاف هيري داشه الصالة من الباب الوراني ) هكيييييييييه هناك والله هكييه هناااااك
شموه لفت على هيري : تعالي حياتي .. وين نعال بني في سير من ورا ؟؟
هيري وهي سايره فوق :شووو ؟؟ (وسارت وياها شموه فوق)
. . .
عند ميثوة متلعوزه وماتعرف شو تلبس .. جلبت الكبت فووق تحت
ميثوة والبشكاره أتدش عليها : ميتااا ماما قوول شلي تلفون .. هااه (وتعطيها الفون)
ميثوة وهيه مستغربه : مال منو ؟؟
البشكاره : مايدري ماما أطيتني (عطتني)
ميثوة : أوكييه .. (وقعدت أجلب في الكبت .. وطالعت ساعتها ) أففف ياربييييه
البشكاره بعدها واقفه : سو يريد أنتي ؟؟
ميثوة : أبا هذا قميص بينك .. وينه ؟؟
ميثوة لبست قميص بيبي بينك طويل الكم وبنطلون جنز أسود
. . .
عند لطوف قاعدة ترتب أغراضها وتمت أدور الفون اللي يوم تطلع تعطيها أمها أياه .. كانت لابسه القميص اللي نفس ميثوة الزيتوني وعليه بنطلون أبيض وعباة فيها نقش مخمل شوي إيده وسيعه .. ويالسه أدور شيلة العباة وماسكه الفون .. طلعت الشيله وشلت شنطتها .. وسارت الصاله وتزاقر على أمها
لطوف وهيه تيلس ع الكرسي في الصالة : أمااااااااااااااااااه يلااااااااااااا
ودقت على ظبية ..

طووط طوووط طووط طوووط
..: ألوو
لطوف : ألو السلام عليكم
..: وعليكم السلام ..
لطوف : موجوده ظبية ؟؟
..: ألـ .. لطووف حيااتي
لطوف : من ؟؟ حمدووه ؟؟ هلااااااا والله
حمدة : أهلين وسهليين
لطوف : ليش كل ما أدق على فون ظبية ماترد علي هيه ؟؟ وينها عنه هيه فاره فونها ؟؟
حمده : هههه فديتج ظبية في الحمام
لطوف أستغربت : ليش هيه هب في المسشتفى ؟؟
حمده : لا هيه في المستشفى ألحينه ونحن عندها تراه !
لطوف : هيييه عبالي .. أونه أنتو هناك ؟؟ لأنه نحن يايينها بنسلم عليها
حمده : صددددددددققققققق ؟؟ (كلهم لفوا عليها)
لطوف : ههه يب
حمده : بس أنتي بتيين ؟؟
لطوف : أنا و شموه وأمها وميثوة بنت عمي وأمايه ..
حمده : أهاااااا .. حيااكم
لطوف : الله يحييج حياتي
ويوم سكرن .. لطوف سارت تجهز وسارت أدور أمها وطلعوا وخطفوا على ميثوة أول شي وعقب قوم شموه ..
. . .
عند حمده كانوا موجودين ( ظبية وبنات عمها "عزوه وعواش و حمده و هدى"وعيال عم ظبية وعيال خوالها"حمدان وسعيد وخلفان" والأمهات" أم حمدان وأم منصور وأم سعيد و حصة" والعيوز أم بو ظبية)
حمده ترمس أمها : ترا ربيعات ظبية أحين بيون ..(ولفت صوب الشباب) يعني أنتو برا بعد شوي هااه
حمدان : نعم ؟؟
سعيد : ونحن شعلينا منهم .. أيون أنزين
خلفان : الله بناااات بيوون ؟؟
عواش : عااافااان الله
سعيد : قومو قومو يلاا (بس حمدان وخلفان بعدهم يالسين وكل واحد ماسك البيبي ماله ويعابل فيه) يلاااااااا أشتلووو حووووووووو
عزووه ترمس حمده : أووونه عن يكوون اللي شفناهم في القريه العالميه ؟؟
عواش : أووووب جان بيوون والله كششخه
هدى : من هاييل ؟؟
حمده : ربيعات ظبية
حمدان يرمس سعيد اللي واقف فوق راسه وأذنه عند البنات : أففف صدعتنا يا ريال
سعيد يعابل فونه وهو واقف : يااااا حميييير يا زرييبه نشوو يلاا
خلفان : يقولك بنات يايين بلاك أنته خلنا قاعدين !
والصالة حشررره كل حد يرمس من صووب .. غير العيايز طبعاً .. وظهرت ظبيه من الحجره وهييه تعبانه وتحس بويعه براسها ..
عوااش على طووول : أوووه ظبوووي ربيعاتج بيوون بعد شوي
عزووه : أوووب أوووب منو قدج !!
ظبية بطلت عيونها : شوووه ؟؟
حمده : هههه تعالي حياتي قعدي هنيه
وسارت ظبية قعدت عدال حمده
ظبية : منو بي ؟؟
حمده : لطوف وشموه و ميثة بنت عمهم
ظبية : هااه ؟؟
عواش : بلااج مسطله أنتي ؟؟
عزووه : رقدتي أنتي زين اليوم ؟؟
هدى : بلااكم عليها
حمده ترفع جتوفها : مخخببل
ظبية سارت داخل ودقت على حنون
طوووط طوووط طوووط
..: ألوو
ظبية : ألوو .. السلام عليكم
..مستغرب من الصوت : وعليكم السلام
ظبية : حنان موجوده !؟
..: هيه .. لحظة (وسار زقرها)
حنان: ألوو ؟!
ظبية بكل لهفة وحنان : هلااا والله
حنان : أهلييين
ظبية: يايه ؟
حنان : شووه ؟؟

.
.
.

توقعاتگم . .
شو بيستوي مع الشلة يوم بيسيرون عند قوم ظبية ؟؟
هل بيستوي مع ميثة شي يوم ترد البيت ؟؟
__DEFINE_LIKE_SHARE__

بنـت داري · 05-31-2012, 03:08 AM

مآعندي توقعات
وربي يعطيج ألف عآفيه
نتريا البارت اللي بعده __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شَہڕكَةْ ا̄ﻟنَقْبيّ لإسْتضَآفةْ ۆ تَصْمِيمّ ا̄ﻟمَوآقَعّ ۆ ا̄ﻟمنْتَديآتّ	هوست النقبي	بيع و شراء و عروض التجارية	0	03-25-2012 08:32 PM
انظرۆا للقمر الليلہ ,ۈ حاۆلۆا أن تجعلُۆا من خسُۆفہ خسۆفاً لٱحزانڪُم !	نصرااووية للأبد	عدسة الاعضاء , كاميرا الاعضاء	5	06-22-2011 08:58 PM
ۆشّ ح‘ـُيلتِيےّ ﻟٱ آشّتقّت لـّہَ ۆهۆ عنّد رَپھ	porshcia	عدسة الاعضاء , كاميرا الاعضاء	8	03-03-2011 11:40 AM
ڷيٺڳ ٺڊړي غيآآبڳ ،،‘ ۆڜ ڛۆآبي !	نبض روحي	هواتف , مسجات , وسائط , برامج , ثيمات , نغمات , بلوتوث	6	08-02-2010 12:43 AM
لاۆل مره فآلمنتدىے ڪفرآآت لابتۆۆۆب نۆۆۆع خيآآالے ^^	~انفاسك دخون~	بيع و شراء و عروض التجارية	16	06-13-2010 07:12 PM