تدري وش هو أحلى شيء بها الكون أنكـ تحب أنسآآن و تحس أنههـ يحبكـ !!! - الصفحة 2

وليهـ العهد !!؟ · 04-21-2012, 04:33 PM

البارت ((4))
حمود مستانس لان رمسني و داخل البيت و هو يغني ...
مريوم :- شفيكــ
حمود :- ماشي بس شوي مستانس
مريوم :- لا يكون شفت زوجة المستقبل
حمود:- تقريبا
مريوم :- منو هي ؟؟؟
حمود:- ما يخصج زوجتي و لا زوجتج؟؟((من متى الحرمة صارت لها زوجة ))
__________________________

طبعا و انا داخلة بيت خالوتي دخلت غرفت هديل و شفتها قاعدة تصييييييح ... و فطوم تهديها ..
أنا :- هديل ما عليج منه سويله مثل ما يسوي فيج ..
هديل :- و شلون تبوني اسوي فيه جي ...و انا اموت فيه و اموت على التراب اللي يمشي عليهــ.
أنا :- ما عليج صدقيني بحس بقيمتج و انا ابصم بالمية انه يحبج حتى و لو شوي ..بس ما يقدر ييوز عن هالبنات اللي يلعب عليهن ..
هديل :- الله يغربلة هو و هالبنات

انا :- هب زين تدعين عليه جي ...ترى صدقيني بيي يوم و بحبج اكثر
هديل هدت :- ان شاء الله .. الله يسمع منج ,,,, و حضنتني
هديل :- ترى اذا حبني و تزوجنا ...راح اسمي بنتي نورة
أنا :- يلا عاد عن المصاخة سكتي
هديل و فطوم :-ههههههههههههههههههههههههه
و قعدنا نسولف شويي و بعدين فطوم تسالني :- نورة انتي وين كنتي قبل شويي ..وينج تاخرتي ؟؟
أنا (ارتبكت ):- ها لا بس كنت في المطبخ
فطوم:- اهااااااا
و بعدين كل وحدة منا نامت في سابع نومه
العصر أنا نشيت أول وحدة فيهم و رحت المطبخ ادور خالوتي بس ما حصلتها و قعدت على كراسي الحديقة و كنت قاعدة اشرب بيبسي و هب كنت لابسة شيلة لان ريل خالوتي في الشغل و خالوتي ما عندها اولاد ..
شوي و يدخل حمود و عنده صحن و ينادي و انا اول ما سمعت الصوت تخرعت و ياية ادحخل بس حمود يا ناحيتي و قال :- فطوم تعالي شلي هالصحن مريوم مطرشته لكم .(طبعا عباله فطوم )
بعدين انا دخلت و قلت ...لبست الشيلة و طلعت :- حمود
حمود:- او نورو ليج طالعه بدون شيله ان شاالله
انا:- و الله بيت خالوتي و بعدين انت اللي داش لا احم و لا دستور ...انزين شو تبي
حمود:- شو كنتي تقولي لي بعدين شردت
انا :- سلا متك ما كنت بقول شيء
حمود:- اوكــ كيفج
أنا :- انزين شوتبي ...قصد ليج ياي ؟؟
حمود:- اولا انا ياي بيت اخوي يعني على راحتي اذا كنت ابي شيء ...ثانيا مسكي ها الصحن مريوم مطرشته لاهل البيت هب لج .
أنا افتح الصحن حذاله عسب اغيضه .و أكل منه كان فيه كيك حلوو ...حمود يقرب و اييب اكبر كيكة و يدخلها بحلجي و راح و قبل ما يطلع لف و قال :- بالعافية ههههههههههههه
أنا ما كنت اقدر ابلع الكيكة لاتها كبيرة ((الله يغربلك يا حمود بس اتقبل منك اي شيء لاني احبكـــــ))

انتهى البارت ...

توقعاتكم __DEFINE_LIKE_SHARE__

وليهـ العهد !!؟ · 04-21-2012, 04:34 PM

البارت((5))
حمود في البيت و قاعد مع مريوم
مريوم:- حمود شفيكــ هالايام ..وايد تسرح ؟؟
حمود:- لا ما فيني شيء .
مريوم:- علينا كذاب ...أكيد واقع بالحب ؟؟
حمود:- ما ادري ما ادري و الله
مريوم:- يا ويلي
حمود:- احس اني احب اضاربها و اغيضها بس ما ادري احب اشوفها يوم اشوفها استانس .
مريوم:- كل هذا بحمود اخوي وة انا ما اعرف ؟؟
حمود يضحك:- شفتي عاد الحب و مذا يفعل
مريوم :- انزين منو هاي ؟؟
حمود :- بقولج بس لاتخبري حد اوك
مريوم:- اوكيـ
حمود:- نوروو
مريوم :-0 صدق هاي الساعة المباركة ..نورة بنية حلوه و كل حد يتمناها ..و هي حبوبة و طيبة ...
حمود:- صدق ..كل هذا فيها انا اللي اعرفه انها ملاكـ تذبح العالم
مريوم :- يا ويلي ...هذا هب حب هذا عشق هههههههههههههما يغركــ عصبييتها تراها وايد طيوبة
حمود:- ادريبها حرمتي
مريوم:- لا من يلحين سميتها حرمتي
حمود:- ههههههههههههههههههههه هي بخلي امي تحييرها لي بس بعد ما اتعرف عليها اكثر
مريوم:- اوك
شوي و يدش أحمد (حبيب هديل )ترا عادي يعتبر مريوم اختهــ ترا مريوم عمرها 27 بس هب معرسة
أحمد:- السلام عليكم
حمود و مريوم:- و عليكم السلام
و قعد و قال :- اشحالج مريوم ؟؟؟؟؟
مريوم :- الحمد الله تمااام و من صوبكــ؟؟
أحمد :- بخير الحمد الله
و شوي ندش نحنا أنا و هديل و فطوم و قلنا : السلام عليكم
الكل :- عليكم السلام
و قعدنا نحن البنات بصوب و حمود و احمد بصوب
حمود يساسر احمد باذنه:- احمدوو راض هديل
أحمد:- ليج؟؟
حمود:- أنت ما شفت الصياح اللي صاحته
أحمد:- و الله

حمود:- هي و الله
أحمد :- بشوف
حمود:- اوكي على راحتكـ
شوي هديل تقوم :- مريوم هب مسويين شاي او ما عندكم عصير او بارد ؟؟
مريوم:- امبلا في المطبخ
هديل :- اوك بروح بيييب حقي
مريوم :- اوكيـ
طلعت هديل و راحت المطبخ .... و شوي أحمد يقوم :- أنا بطلع اكلم مكالمة و برجع اوكــ
حمود:- اوكيــ
طلعوا أحمد ....و شوي
مريوم :- فطوم تعالي بروييج الكفر اليديد اللي شاريته؟؟
فطوم:- اوكيــ
نورة :- عي لانا بتخلوني بروحي ؟؟
مريوم :- ترا حمود وياج ؟؟
نورة سكتت
***
هديل في المطبخ قاعدة تصب لها عصير في الكلاس و شوي و يدش أحمد :- أحم أحم
هديل ميزت الصوت و قالت :- نعم ياي تغثني بعد
أحمد قرب منها :- لا بس ابي عصير من ايدج
هديل :- و منو قال اني بصب لكــ؟؟
أحمد :- افااا هذا و انا ياي اراضيج
هديل :- مابي رضاكـ خل لكـ
و تروح عنه و يمسكها قبل لا تروح ...و يطيح عنها الكلاس و ايي على ريل أحمد
أحمد :- آآآآخخخ الله يغربل بليسج ؟
هديل :- أحمد عوركــ و بدت تصيح و نزلت لريلة تشوف الجرح و تلمسه
أحمد قعد على الارض و هي قاعدة تعقم جرحه و تصيح ...
أحمد :- هديل و الله ما كان قصدي اني اغثج .. بس كنت امزح وياج ذاكــ اليوم ......سامحيني ..........أنا ما اقدر على زعلج .
هديل :- بس انت كله تجرحني .
أحمد لمس ويييها بأيدينه و قال :- و ربي كنت امزح ما توقعتج تزعلين ؟
هديل زاد صياحها و عقب عقت عمرها بحظنه ...و هو منصدم منها بس استانس و حظنها بقوة و قال :- خلاص هدي
هديل و خرت عنهــ و قالت :- أنا آسفة ما كان قصدي
أحمد:- لا عادي المهم انج رضيتي
هديل :- و شلون ما تبيني ارضى عليكــ ...و انت تقلب حالكــ يمين و يسار يوم تزعل حد ...خلاص رضيت

انتظروا البارت الياي

توقعاتكم؟؟
أحمد بحب هديل ؟؟
شو راح يصير بين حمود و نوروو؟؟ __DEFINE_LIKE_SHARE__

وليهـ العهد !!؟ · 04-21-2012, 04:34 PM

البارت ((6))

حمود و نورة لوحدهم بالصالة ...حمود اول ما راحت مريوم انسدح على الغنفة ....
نورة ملت من القعدة ..و قامت
حمود :- على وين ما علي جان ما راح انام بس راح انسدح شوي
نورة :- انزين انا شو قعدني عندكم ...بروح عندهم
حمود:- لا و الله ما تروحي ...تعالي نروح الحديقة ...نقعد
نورة :- اوكيــ
حمود:- يلا .... و نشوا هم الاثنين و راحوا الحديقة بس شافوا هديل و احمد قاعدين في الحديقة و يشسولفون مع بعض ..
حمود:- نغير المكان نروح مكان ثاني ...ما فيني اخرب عليهم توهم متراضيين .
نورة :- صدق و شو دراك.؟؟
حمود:- تراني انا اللي قايل حق احمدوا يراضيها .
نورة :- اونة ...تراك يوم قلتلك عصبت
حمود:- بس يلحين اسوتعبت معنى الحب
نورة :- أهااااااااااااااا........ززانزين و ين تبينا نروح ...
حمود:- نروح نتمشى ورا البيت .
نورة :- شوووووو ؟
حمود:- هي عادي شفيها ...............يلا يلا
نورة :- اوكيـــ
و راحوا و قعدوا على الكرسي اللي ورا البيت ....طبعا هو كرسي واحد بس لشخصين ......و حمود اصر اني اقعد حذاله بنفس الكرسي ...
حمود:- شوشكلج خيفانة ؟؟
انا :- يعني اخاف حد يشوفنا ..و يفهمونا غلط
حمود:- عادي بقولهم حرمتي هههههههههههههههههههههههههههههههه
انا ( الله يغربل الجراء ):- يعني عيال الفريج يعرفون انك هب معرس ؟
حمود:- ههههههههههههههه اكيد بس استهبل
و تموا ساكتين و شوي تيي مريوم و فطوم :- ها ليج قاعدين اهنا ؟
أنا اول ما شفتهم قمت و تميت واقفة ....
حمود:- لابس ...شفنا العشاق قاعدين لوحدهم بالحديقة و قلنا نيي نقعد هني ...خليتو الضيفة لوحدها و قلت بيييبها وياي .
مريوم:- أهاااااااااااااااا ( و تغمز لحمود)
و بعدين قلنا بنروح بنروح بيت خالوتي ....و طبعا حمود وصلنا ...و كان منبه على فطوم تشل هديل و تروح و تخلينا انا و هو لوحدنا ....عسب يبغي يرمسني ....
فطوم شلت هديل و راحوا يركضوا ..
أنا :- شفيهم هاذيل ...عافان الله
حمود:- انا قابل لهم ..
انا :- لسج ان شاء الله

حمود:- ابغي اقولج شيء
انا :- شو ؟؟
حمود:- تعالي نرجع بيتناو بقولج .
انا :- لا حمود مابي ارجع بروح البيت
حمود:- ما يخصج بتيين غصبا عنج .
انا :- لا حمود ..و الله ما بي ارجع
حمود(عصب):- قلت لج عصبا عنج
أنا :- بس برجع بسرعة
حمود:- بنشوف
انا :- لاتشوف و لا شيء ..أنا رايحة و ركضت
حمود يركض و راي و يمسكني من ايدي و يرص علي بقوة
حمود:- نوروو لا تعذبيني دخبلج بس بقولج شيء و بروح
أنا :- اوكي بس ما بي ارجع بيتكم
حمود:- اوكي بنروح بسكة
أنا :- لا حمود اهني رمسني اذا تبي
حمود سحبني ووصلني السكة ......و طبعا السكوت هو سيد الحضور
أنا :- تكلم
حموود:- أحــــــــــــــــــــــــبــــــــــــج
أنا (الله يغربل الجراء)
حمود:- و الله نورة انا من يوم ما شفتج و انا اكم لج مشاعر و.....أحبج و الله أحبج ...صح ساعات اضاربج و اغيضج ...بس ها كله من حبي لج ..
أنا طبعا استانست يوم سمعت لاني انا بعد احبه ....و اموت فيه بس ما بينت له و تمييت ساكته
حمود قرب مني ومسك ايدي :- ها شو ما تبي تقولي شيء
أنا منزلة راسي مسك ذقني و رفع راسي و فاللحظة ناظرت عيوني عيونه و نزلت دمعة مني و لمس و ييهي و مسح الدمعة ...و بدا يقول اشعار ...عزل و حب ..و بعين ....
قال :/- نورة بقولج شيء
نورة :- شووو ؟؟
حمود:- تدري وش هو أحلى شيء بهالكون ؟؟
أنا:- شوووووووو؟؟؟ و بدا الدمع ينزل من عيني و انا هب حاسة .....

كـــــــــــــــــــــــــــت ...إنتهى البارت ........
توقعاتكم ....
حمود شو بيقول حق نوروووو ؟؟
اتريا ردودكم اذا ما شفت تفاعل ما راح اكمل الرواية و اتعب علبيها .... __DEFINE_LIKE_SHARE__

وليهـ العهد !!؟ · 04-21-2012, 04:35 PM

البارت ((7))

قال :- انك تحب انسان و تحس انه يحبك

أنا (نورة)بديت بصياح :- و انت تفكر اني ...(و سكتت )
حمود:- شووو افكر
نورة :- انت تفكر اني ما حبك .......(بعد صمت قليل ) حمود .
حمود:- عيونه
نورة :- أحبك و اموت فيك ....
و فتح ايديه له و طاحت بحظنه و بدت بالصياح ..
حمود:- خلاص حبيبي لا تصيحي ..
نورة :- حمود انا ما كنت اتوقع انك تحبني ..كنت عبالي تكرهني و تكره شوفتي و كنت عبالي حبي من طرف واحد ..
حمود:- و شلون ما اغليج و انت الذي علمتيني حبج .
نورة بصوت خفيف :- فديتك
حمود:- شوووووووو عيديها تراني سمعت
نورة :- ما شي يعني ما يصير اتفدا حبيبي
حمود يمسك ويهي :- تفدي فديتج ....تفداج روح حبيبج ..
نورة :- تسلم
حمود يمسح دموعي و يقول :- يلا ما تبي تروحي ..تراج مساعة هب طايعة تيي و ياي .
نورة:-هههههههههههه يلا نروح
حمود:- يلا
و رحت البيت
حذال الباب البيت
حمود:- نورة
نورة :- عيونها
حمود:- تسلم عيونج حبيبي
نورة :- امر
حمود:- نورة بغيت .....رقمج
نورة طالعته بنص عين و رافعة حاجبها .....:- أسفة حمود ما اقدر اعطيك
حمود:- ليج يعني بس بتطمن عليج .
نورة :- اسفة و الله ما اقدر اغدر ثقة اهلي فيني
حمود زعل بس ما حب يبيين :- خلاص على راحتج ...بس لا تلوميني اذا يبته
نورة :- ييبه انزين ما برد عليك خخخخ
حمود:- بنشوف اصلا يوم بتشوفين رقمي ...بتردين بسرعة و ما بتصدقين ان حمود متصل .هههههههه
نورة :- لا صدق منو قال .؟؟
حمود:- لا بعد ازيدج من الشعر بيت ...بتسمي رقمي الحب او حبيبي حمود او شي من هذيلا
نورة:- حممود لا تخليني ادوس على هالحب
حمود:- اصلا ما تقدرين خلاص تحبيني و (يقلدني ) أحبك و اموت فيك
نورة :- هههههههههههه خلاص يلا بدخل
حمود:- اوكيــ حبيبتي .
نورة دخلت داخل و قعدت مع خالتها لان بنات خالتها دائما راقدين ......و شوي و تتصل امها ..
ام نورة (عائشة ):- هلا بنتي
نورة :- أهلين
ام نورة :- شحالج بنتي ؟؟
نورة :- تتماااام الحمد الله و من صوبكم ؟؟
ام نورة :- الحمد الله ...يلا بنتي ما بتردي البيت ,,بسج من الحواطه في بيت خالتج
نورة :- لا اماية انا مستانسة هني ..
ام نورة :- اوكي بس بنيي بناخذج بعد اسبوع
نورة :- ماما فديتج خلوني لين ما تخلص الاجازة
امها :- لا ابوج يقول لازم تردييين
نورة:- اوكي بشوف بس هب بعد اسبوع
امها :- اوكي بحاول اكلم ابوج ..
نورة :- اوكي امايا يلا مع السلامة
امها :- مع السلامة و سلمي على خالوتج
نورة :- الله يسلمج يوصل ان شاء الله و سلمي على اخواني و ابوي ..
امها :- الله يسلمج
-------------------------
في اليوم اللي عقبه هو يوم الجمعة و قوم خالوتي بيروحوا يتغدوا في بيت يدتهم ......
و كانت خالوتي رايحة قبل صلاة الظهر عسب تساعدهم شويي
ونحنا اذن الظهر و صلينا و بعد شويي بنروح بيت يدتهم
أنا :- هديل وين البودرة مالج بودرتي ما ادري وينها ؟؟
هديل :- فالشنطة السودة
انا :- اوكي
يت فطام :- يالله شو هالتعديل انتن ,,,رايحات مع قوم يدوو يعني منو بيشوفكم
هديل :- يعني انتي هب متعدله مثلا
فطام :- لا انا متعدلة بس هب كثركن
أنا :- يالله يا فطام خلينا نتعدل يمكن حد يعجب فينا خخخخ
فطام :- تراج خلاص ناس و ناس معجبين فيج
انا :- شووو قصدج؟؟
فطام :- اللي ببالي بالج خخ
انا :- فطوم انتي شدراج يالحيوانه
فطام :- ناس خبروني خهههههههههه
انا :- ما علي منهم هالناس جان ما ادبتهم و ما راح اروح وياكم بتم اهني في البيت
فطوم:- هي تبي حمود عمي يجتلني ... يلا طوفي جدامي
أنا :- ما بروح ...
فطوم:- يلا و الا و الله تراني بزعل
أنا :- اوكي بروح بس يا ويله مني هالحمود
فطوم :- بس يا ويلج من هزبني
أنا (اتمسخر):- عي لانا بقوله عسب يهزبج
فطوم:- لا و الله
انا :- اتمسخر حبيبتي ...يلا نروح
و رحنا انا و هديل و فطوم و نحنا نمشي في الفريج مرت سيارة احمد ...هديل نطت بسرعة ومستانسة بس هو ما وقف شكله كان يكلم حد بالتيلفون و ما انته علينا
هديل :- فديته شكله قلبي كان حاس انه معزوم على الغدا
انا :- هديلوو جب يعني هب معزوم عسب يقعد حذالج و لا عسب تشوفين شيفته ...هو بيقعد مع الرياييل
هديل :- حبيبتي في بيت يدوو الرياييل و الحريم يتغدون مع بعض بس الرياييل بصوب و الحريم بصوب
أنا :- شوووووووو؟؟عيل انا استحي برجع البيت
فطوم :- لا ليج تستحي عادي ..يعني نحنا و يدوو و يدي و ابوي و عمي حمود و عموه مريم و احمد بس
انا :- بس انا استحي
فطوم:- لا عادي يلا امشي
انا :- اوكي امر لله .

كــــــــــــــــــــــــــــــــــــــــت
انتهى البارت ....
توقعاتكم
شو راح يصييير ؟؟؟ __DEFINE_LIKE_SHARE__

وليهـ العهد !!؟ · 04-21-2012, 04:36 PM

البارت ((8))

دخلنا بيت يدوتهم و الكل كان موجود ..
حمود اول ما شافنا ابتسم لي بس انا سويتله طاااف عسب يتادب و يخبر كل حد عن سالفتنا ,,,و طبعا شكله عسب
و بعدين حطواا الغدا ....
و بعد الغدا يدوتهم و يدهم راحوا العزبة ...و خالوتي و ريلها راحوا البيت ...
و نحنا تميينا في بيت يدوتهم ...

مريوم :- هديل قومي روحي هاتي الشاي اللي بالمطبخ
هديل :- روحي لوحدج انا ما ارووم
مريم :- مالت عليج و قامت
أنا :- خلج مريوم أنا بروح
مريم :- لا و الله تم
انا :- لاخلاص ما برد بكلمتي
مريم :- اوك

سرت المطبخ (مطبخهم كان بالحووش)
شفت دله الشاي بس ما شفت الكلاسات
طبعا حمود من شافني سرت المطبخ ...تحجج و طلع يايي للمطبخ

أنا كنت قاعدة ادور الكلاسات مال الشاي ....حمود دخل و قال :- فديت اللي قال بروح بييب الشاي شنه حاس اني ابغي شايي
أنا ساكته و ما رديت عليه
حمود:- نورة شفيج ؟؟
انا :- وين كلاسات الشاي
حمود:- شدراني تشوفيني حرمة عشان اعرف لج وين الكلاسات
انا سويتله طااف و رحت اسال الخدامه ....و طلعتهم و مسكت الصينية بروح
حمو:- نورة حبيبي شفييج ؟؟
أنا سويتله طاف و مشيت ....
حمود يمسك عني الصينية و يعطيها لين الخدامة وقالها تسير توديها داخل .
حمو:- تكلمي ...شو فيج ؟؟
نورة :- حمود انت تعرف شوو مسوي
حمود:- شوووو؟؟
انا :- و الله صدق ما تعرف يعني ..
حمود:- نورة لا تخليني اعصب الله يخللييج ..
أنا :- اونه ...اوكي بتكلم ,,,ليج مخبر كل حد عن سالفتنا
حمود:- هههههههههههههههههههههه شفيج نوررو انا ما خبرت حد ههههههههههههه
انا :- يعني بنات خالتي كيف عرفواااا
حمود:- ما ادري بس انا كنت مخبر مريووم ...بس مخبرنها قبل لا اعترف لج
نورة:- لا يعني انت كنت تحبني من قبل
حمود:- تقريبا
أنا ضربته على ايده و قلت |:- عصبا عنك بتحبني .....على العموووم انا ما كنت زعلانه بس حبيت اادبك ..
حمود:- لا و الله ....انا تادبيني ...الله يسامحج ...و بوز
نورة :- حمود خلاص لا تزعل والله ما اقدر على زعلك
حمود:- و لا انا حبيبي ما اقدر على زعلج
انا :-حممود ....بقولك شيء
حمود:- قولي ؟؟
انا :- بعد اسبوع بروووح او بعد اسبوعين
حمود:- ليج يعني ما اتمييين على طول الاجازة .
أنا :- ما ادري والله ابوي يبغيني ارووح
حمود:- اوكي ان شاء الله قريب بتكوني عندي
أنا (فهمت عليه):- جب جب يلا انا بروح الصالة ....

كـــــــــــــــــــــــــــــــــــــــــــــــــ ــــــــــــت

انتهي البارت ....................

توقعاتكم .......................
نوروو بترووح ؟؟
شو راح يصيير بين نوروو و حمود ؟؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وثائقي رائع لفهم الكون ( رحلة إلى حافة الكون )	محروم.كوم	منتدى أخبار المواقع والمنتديات العربية والأجنبية	0	04-14-2012 08:30 PM
حمدان بن زايد وسرور بن محمد يشهدان حفل تخرج محمد بن سرور في كلية ساند هيرست	دلــــــــوعة الامارات	اخبار محلية و عالمية	4	12-20-2010 11:19 AM
أحلى مكان في الدنيا..بل أحلى مكان في الكون	♕ وليد الجسمي ♕	المواضيع المكرره	11	10-23-2008 10:36 PM
جيتكـ انا بليلة ألمـ	بوالجازي	المسنجر وملحقاته , توبيكات , ماسنجر بلس , msn	22	04-25-2008 12:12 AM
أحلى قصيدة في الكون .........بس منو يفهمها	السد الحتاوي	الشعر المنقول	2	01-22-2008 05:32 AM