سالفة: حمود ابو نشتزه..قوافي

محروم.كوم · #1 04-13-2012, 05:20 AM

حياكم الله اخواني المشرفين
ياهلا بأخواني واخواتي المكشاتيه
ويامرحبا بزوارنا الكرام
الحكايات والذكريات وسوالف كبارنا الغاليين على قلوبنا اطال الله بأعمارهم كثيره ولا تمل حتى لوسمعناها يومياً
سالفتنا يمكن لها أكثر من 50 عام وهي تحكي عن :
لولوه شابه متوسطة الجمال :s أخلاقها عاليه على ما قالو بهاك الزمن بنت سنعه ودربه..
لها ولد عمه وأسمه حمود وحمود شاب وسيم لكن بوه عيب انه يناشق اعزكم الله ويسمى عند الشباب اللي بسنه حمود ابو نشتزه.
لولوه تسمع من اخوانه وبنات خالاته وعماته لين جو يسولفون عن حمود يقولون حمود ابو نشتزه ويضحكون عليه واللي يقول الله يحوم تسبده بس يناشتز.ماتقدر تاكل لو علك لا صرت معوه..
بيوم حمود تقدم للولوه وخطبه والاهل شافو ان مابوه عيب لكنه انهبلت وقالت انا العبد العاصي والله ما خذه ابو نشتزه وضاق صدر حمود من الرد اللي كسر خاطره من بنت خاله وهو يحبه وقرر انه يسافر مصر ويكمل الجامعه..
واللولو تقدم له واحد يشتغل بشركة الكهرب واعرست عليه وراحت الدنيا واللولو صارت ام عيال وبزارين ..بيوم تعبت لولوه تعب شديد وصارت بس تصيح.. ورجله من النوع المهين تركه يوم ويومين على فراشه وكل اللي عليه ينشده وشلونتس ؟؟
تقول تعبانه .
يرد :ما عليتس شر ما عليتس شر
لين خلاص على ما قالو استوت وجا وقت القطف المستشفى ولا الموت..
تكرم رجله عليه مع شوي من المنافخ خربت عليه جمعته هو واصدقاه عشان المستشفى ..
وصلو اسعاف مستشفى الشميسي المركزي ويعتبر بهاك الايام بمقام 5 نجوم بالصوارير (قصدي بالأسره) واول ما دخلت الاسعاف وينادون له الدكتور ويزين له الفحص وبسرعه يعطونه مسكن عشان تستريح فيمنه تطلع نتايج التحاليل.
استراحت لولوه همن قالت له الممرضه تغطي الدكتور بيجي عشان يشوف نتايج الفحوصات ويعطيتس العلاج تغطت ويوم دخل الدكتور!!!!
وتشهق لولوه هاك الشهقه
اللي يسمعه يحسبه تنازع وروحه بتطلع
يوم قالت:

هههههههيييييييهههههه
حـــــــممممممممــــووووود !!!!!!
ابـــــــو نــــــششششتــــزه!!!!!!!!
دكتور ابو نشتزه انت ياحمود
لا إله إلا الله هههههههههه
ونست لولوه مرضه وشغلت التطنز والاستغراب المخلوط بشماتته بنفسه على رفضه ابو نشتزه ..
تحياتي
اختكم
..قوافي..

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة: ولد العم..قوافي	محروم.كوم	منتدى أخبار المواقع والمنتديات العربية والأجنبية	0	03-31-2012 11:40 PM
سالفة:كلو حنينيي..قوافي	محروم.كوم	منتدى أخبار المواقع والمنتديات العربية والأجنبية	0	12-10-2011 04:10 AM
سالفة:سوق حلة القصمان.قوافي	محروم.كوم	منتدى أخبار المواقع والمنتديات العربية والأجنبية	0	10-20-2011 01:00 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM