احبك قبل يتلاعب بصدري مشرط الجراح

محروم.كوم · #1 04-23-2009, 02:10 PM

ميلادها هو نفس تاريخ الـدخـول
يــوم دخلت صدري وقلبي شالها

فديـتها قد كانت عروقي ذبـول
لـين سكنـتها وأبتدا همـّالها

ماغيرها عصفورة الخافق بتول
جعل القوافي و البحور فدى لهآ

,
,
,

مرّه تـقولين لي : ماعاد تنفعني
وألقاني أشكيك لك ظلمك وألجالك

وتقولي : أمزح بضحكة حيل تفجعني
بالرغم من كل هذا أعـشق هبالك

جوالي إن دق قلت : الله سمعـني
سجلتك بـإسم { ياقلبي هنيالك }

تدرين شـ أكثر سؤال بجد يوجعني ؟
إنتي وش مـسجـّله إسمي بجوالك !!

,
,
,

تعالي تذكرين أنفاسي العجلة وأنا أحـلفلك ؟
بأني بانتظر وإنتي تقولي : هدّي أعصابك
وأحلّفك أوعديني " لو يطول البعد برجعلك !
وأقول بـ خآطري لا وش يطول البعد وش صابك ؟
دخيلك سآمحيني هالـ يطول البعد تشفعلك
تلوميني ولكن كل هالتخبيص باسبابك
فجعني طاري فراقك ولا ادري كيف اعبر لك
بربك تعذري من ادمنك و الحظ قفـابك

,
,
,

بريحك وارحل وشوفي شخص مفعم بالكمال
عساه مايطلع من اللي لاخذ الحاجه يعوف
وانا لي الله و الحزن بأصبر لو ان الصبر طال
بقول لك حاجه قبل ما ارحل و اصير من الطيوف
اهواك فعلاً بس اخاف وهذي مافيها جدال
لان المعاق ان حب مثلك مو غريبه يموت </b>

,
,
,

يا اني قبل القاك من جد محروم
ليتني عرفتك قبل ساعة فطآمي
كل الصبايا كوم بس ضحكتك كوم
فديت روحك ياهواي و غرامي
ع العموم الله يهنيك بالنوم
خلي السهر لعيون خلك و نامي
نامي جعل يومي قبل يومك بيوم
وانا بواصل لين اروح لدوآمي

,
,
,

فاهي ماغير أناظرها وأطاردها بدون
مانطق بكلمة وكن الصمت بـ / لساني ربا
قلت : نرجع ياخفوقي ؟ بس يكفينا طعون
التفت لي / قال نرجع قال ! ياشيخ تهبآ
غير سقها وانت سآكت لا تضيّع هـ الفتون

خلنا نشوف آخرتها كود ياتيـنا نبا
قال : خايف ؟ قلت : لاخايف ولاهم يحزنون
بس حظي دوم بارك وإن هداه الله حبا
قال : أجل مافيك شدّة ؟ قلت : ومافيني سكون
قال : أنا هذا مكاني و إنت سوّ إللي تبا

,
,
,

احبك قبل يتلاعب بصدري مشرط الجرّاح
على فكره .. تخفّي لا تشوفك عين جرآحي
اخاف اليا لمح زولك يجن وينقلب فلاح
و يحرث في الحشا لاجلك وتتضاعف بي جراحي
بعذره من يلومه لك هدب لو يرتخي ذباح
وعين تخلي الصاحي خبل و اللي خبل صاحي
كحيلة ناعسه فيها كسل يستنزف الارواح
عنيده شامخه ماهمها لو هبت ريآحي

رمشك لو يشوفه شيخ ذب البشت و المسباح
تراجع و انتخى { ياوالله رحت يامنآحي !

,
,
,

امشي على مشتهاها تقول صح ؟ اقول اكيد
اخاف تزعل وابلش بعمري و تعطيني قفا
لكن جفتني وابعدت عني وخلتني وحيد
من دون سبّه وقمت انادي ليه يافلانه .. افا !
ياليتها يوم انها جفتني من جفاها تستفيد
لكن تجيني علومها تبكي على طاري الجفا
لاشك ندمانه ولكن كل هذا مايفيد
لازم تعلمها المواجع عاقبة قل الوفا
عشان تعرف كيف صرت بجآمعة حزني معيد
باسبابها / يوم رحلت و الكون بعيوني طفا

,
,
,

في ليلة عيد ميلادك ..

حسدت الشمع ..

يابختة بيحضن أنفاسك ..

بيعانق دافي إحساسك ..

ويتركني أزف من أبتهاجي دمع ..

,
,
,

ان زعلتي؟... يركبك مليون جني
وان رضيتي للزعل صرتي زناد
تستلذين بخضوعي حيل لنّي
طيب ومافيه مثلي بـ { العباد
ساكت وجرحك في قلبي ممتحني
حتى مافكرت ادور له ضمآد
تلعبين بحسبتي ظلم وتجني
وان سألتك قلتي / بكيفي عنآد

,
,
,

جلست اتأملك يامقفية في عيني تذوبين
وجمعت اللي بقى مني وجا واحد يواسيني
اثاريه الشعر جاني بهيئة شيخ في الستين
وكالعاده اليا ضاق صدري مايخليني
تجاهلته وطبطب فوق كتفي قال قول امين
عسى الله ينتقم منهآ / و صد وراح يبكيني

,
,
,

لو صار مهما مني ياحياتي تكلمي
ترى العتب ياحلوتي بين الحبايب له مذاق
لو يوم زعلتك بدون شعور وش له تكمتي ؟
قولي حبيبي صار منك كيت وان الصدر ضاق
وانا اوعدك لو كنت انا الغلطان لأنثر لك دمي
وان كنتي انتي المخطيه لابد نعقد اتفآق !

,
,
,

ما ابيك تقاطعيني لو سمحتي
لو سمحتي اسكتي ودي ابوح
مهما قلتي او حكيتي او شرحتي
مايفيدك خافقي ماهو سموح
مات فيني الطيب وبغدرك ذبحتي
كل معنى للتسامح و الطموح
كنت اظنك وافيه بس انفضحتي
الخيانه في سما عينك تلوح
دمعتك هالثايره فوقي و تحتي
لو مسحتيها تشوفين بوضوح
امسحيها والا عنك مامسحتي
بس شوفي كيف اخليها واروح
:
:
:
:
:
:
:

ورد الجوري لكل من مر من هنا
مما راقــ لي ...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ببقى احبك لين قلبك لي يبوحِ(ي)وابقى احبك دوم وفي بالي طيوفك	porshcia	عدسة الاعضاء , كاميرا الاعضاء	10	06-05-2010 06:00 PM
عباس يتلقى دعم مبارك لشرط وقف الاستيطان	دلــــــــوعة الامارات	اخبار محلية و عالمية	8	12-27-2009 06:53 PM
احبك احبك احبك للوفاااء والله يعلم ( لعشاااا الاستااندر )	مغرم على الاستاندر	سيارات و دراجات	28	11-14-2009 03:00 PM
شــاص 2006 نظيــــف وع لشرط مقايضــــة	محروم.كوم	منتدى أخبار المواقع والمنتديات العربية والأجنبية	0	05-19-2009 03:50 AM
احبك ... احبك...احبك وبكل حواس الحب ...احبك	m3soolat	الشعر المنقول	8	02-02-2009 04:36 PM