قريـت آلحب في مقلةْ عيونكْ♥ وعيني فسرت قصد آنظرآتكْ - الصفحة 56

كلي فخر الامارات · 08-28-2014, 01:48 PM

السلام عليج كتابتنا
اشحالج و علومج
و شو الاجازة معاج

حبببيت اطمن و نفس الوقت اسالج
متي بتنزلين لنا بارت جديد ؟ __DEFINE_LIKE_SHARE__

мѕ.ѠяЭǝиѕԋ™ · 08-30-2014, 01:34 AM

المشاركة الأصلية كتبت بواسطة كلي فخر الامارات

السلام عليج كتابتنا
اشحالج و علومج
و شو الاجازة معاج
حبببيت اطمن و نفس الوقت اسالج
متي بتنزلين لنا بارت جديد ؟

وعليج السلام والرحممه
تمام الحمدلله ..
انا تقريباً البارت الواحد يكون عشرين صفحه او اكثر
واحين وصلت ١٩ صفحه يعني باجر او اللي بعده راح ينزل لكم البارت بإذن الله
راح اكتب اذا نزلته .. __DEFINE_LIKE_SHARE__

мѕ.ѠяЭǝиѕԋ™ · 08-30-2014, 03:00 AM

البارت الثااااااالث والعششششرررريييييين
.
.
.
.
.
عليووه..:: بس خلاص هههههه بسنا منهم تعال بنروح عن هزاع و نوفوه بعدهم ما ملجو تراهم
ميوود..:: ي الله
وراحو صوب الحديقه
..:: اااااااااه خوووز عني ي الحقيييير
…:: جب ولاكلمه عيل انا حماار هاااه
ميوود...:: انته ايييييه خووز عنها ي الجللللللب
وراح وضربه
عليووه..:: يزووي تعالي بسسسرعه
يزووي يت عند عليووه و دقت ع حرووب و عوااس
حرووب...:: الووه ها شتبين " وسمع صوت يزووي تصيح" شفيها يزووي انتو ويينكم
عليووه..:: تعال عند الحديقه
وراح حرووب صوبهم بسسسرعه
يزووي من جافت حرووب راحت وحظننته
يزووي..:: جوووفه حروووب هالحيووان كان بيعتدي عليييه
حرووب..:: بس حبيبي بس انتي شو مودنج عنده
يزووي..:: كنت امشي رايحه بيتكم ابي اييب الكام عشان اتصور وفجأه هجم عليه
حرووب وخرها
وراحله وضرربه
بكسس
ورفسسه
قام سيف وشاته وطاح حارب
ونش وتم يضربه ضرررب
حرووب..:: والله ان جفتك تتعرض لها ي الحيواان لا تلوم الا نفسك اعرف انته تلعب مع منو اعرف انته يالست تلعب ف املاك حارب بن ذيااب والله ي الجلب ان جففتتتك تتعرض لهااا اعتتببر نفسك انتهيييت
رد يضربه
ياهم حامد
وفجهم عن بعض
حامد..:: شفييكم انتو
حرووب..:: حيووان نذذذل
حامد..:: بس جب قولولي شفييكم جيه تتكافخون
حرووب..:: ما تقووول لاختك شصااارلج ما تسألها شو كان بيسوي فيها ال***********
حامد..:: شو مستوي ارمسسسي
يزووي "تشاهق"..:: كنت رايحه اييب الكام م البيت وانا اممشي هجم علي وكاان بيعتتتدي علي
حرووب..:: لااا تقولينننها بهالمعنننى لا تخلييين الشي بسييط كان بيغتصبببها تعرف شنو اغتصاااب
حامد انصدددم وعصصب حيييل وبدال ما يهدي الساالفه
نش وقام وكفففخ سسيف تكفييييخ
حامد..:: تغتصبها ي ال******* والله ما رباك خالي انا بربييك الحيين
وعطاه بكس
ورى بكس
وشااته
اللي ف البيت سمعوو صرييخ وكلهم تيمعوو
بوخلييفه ..:: اييييه بسسسكم شو مسسستوي
يزووي جاففت ام خليففه
رككضت صوبها وحظنتها
يزووي..:: خشييني عننددج خالووه الله يخلييج مابيييه يطالعععني مابيييه الله ياخذذذه
بو خليفه ..:: حرووب وينه
الكل انتبه انه حرووب محدد !!!!
بوخلييفه...:: ويييين حروووب !؟؟

وفمكان ثااني

يحس انه روحه مححد
يحس انه كل شي ف هالدنيا صار يتمنى مووته
حرووب ميييت صيااح ويصاارخ ،
حرووب..:: ليييييش انا كل هاا يصيييير فيييه ... لييش كل شي ابييييه مايصييير ...

،
،
كنت امشي وسمعت صوته
كلامه كان حيل يعور القلب
دخلت،
،
يزووي..:: حرووب ويينك خوفتتني عليييك

مششت صووبه وحظنتته
حرووب"يصيح"..:: يزووي ليش كلشي ابيييه ما يصيير ... لييش ... كنتي بتضيعين من ايديي ... مااابي غيييرج انا ... لو ما كانت علايه يت عندج ... كنتي انتهيتي ... انمحيتي من الدنيا ..." حظنها اقوى" خليج فحظني بليز لا تروحين ... محتاج احس انج لي ابي احس بهالشي محتاج والله محتاج
يزووي..:: لا تخااف حبيبي انا بكون لك لو شنو يصير ، انا لك انته بس ولا حد يقدر ياخذني منك الا الموت
حرووب عصب وخوزها
حرووب..:: خس الله ابليسج طاري الموت مابيه ع لسانج تفهمين
يزووي "ابتسمت"..:: ان شاء الله من عيوني الثنتين "واطالعته بعيون كلها حيا لنه ويهها كان قريب من ويهه" مممم احين انته بخير
حرووب "حظنها اقين "..:: اااااخخخ فدييتج انا والله مادري شو بيكون حالي لو صار بج شي "يتنهد" الحمدلله انا بخير الحين
يزووي "مستحيه"..:: ي الله بنروح لهم عشان هم يدورون عليك حالياً
حرووب.:: وييت شكلي يبين اني صحت
يزووي..:: اي ههههه خشمك احمممممر
حرووب..:: ويهج احممر بعد انتي صحتي وايد
يزووي..::،عادي اصلن من حقنا نصيح
حرووب..:: يالله روحنا
وطلعوا
يوم راحو صوب العايله الكريمه
حرووب..:: وينه ال******
عوااس..:: طيرناه المخفر
حرووب..:: والله اني ما بردت حرتي فيه
ميوود..:: بس والله اني طحت عليه طيحه هههههه كسرته ما تجوف ويهه كيف صار
حرووب..:: ويهه استوا اسكريم توت من الدم اخخ حتى اسكريم التوت ماكان بشع جيه هههههههه
عليووه"معصبه"..:: وين ميوود ؟
ميوود..:: بلاج حبيبي معصبه
عليووه..:: انته كيف ترووح وتتصرف وتضارب وياه "تمسك خده اللي كان فيه شخطه بسيطه" جوف شو سوى ف ويهك
ميوود..:: عادي صغيره هذي"ويطالعها بنظره شريره" ولا مب عايبتنج عشان ما بترومين تبوسيني هاااه
عليووه ويهها اعتفس
عليووه..:: منو يبوسك انته اصلن ويهك يلوع الجبد
ميوود..:: والله اوككيه عليووه الهبله بجوف منو بيخليج تبوسيني احين
عليووه..:: اصلن مابي
ميوود..:: اووكيه ترى لا تحسبين اني مب زعلان واتمصخر ترى صج زعلت انا
عليووه..:: لا خلاص اسفه اسفه
ميوود اقترب منها وحظنها بالقووو
مايد..:: فدديييييييتها اللي ما تروم ع زعليه انا
عليووه...:: واااااي ميوود بمووووت
مايد"خوزها"..:: ههههههههه خلي الواحد يعرف يحضن اخخر حضضن بعد باجر خلاص بتسوين عني انقطاع بس ترى بتتحاسبين عليه هاهاهاها
عوااس..:: والله وبتعرس الياهل
عليووه..:: منو قالك ياهل
عوااس.:: مادري هههههههه
.....::سلممن عليهم خوان شما
ميوود..:: طلووووول
عوااس...:: من ذا
ميوود..:: ولد خالتك يعني عموه تصير خالته هههه
طلوول..:: هيه انا طلول ابن خالتك بهيه ههههههههه وين بهيه وين اسم امايه
عوااس..:: ياخي انا انسان مستانس حالياً
عليووه..:: دووم ان شاء الله بس ليش
عوااس..:: مستانس لنه صار عندي اهل شكثرهم قبل ما كنت جيه والحين غير واهم شي اني تزوجت و مرتي بتربي
عليووه..:: هييه وانا بعرس بعد
عوااس..:: وهالمعفنه بتعرس
عليووه..:: انا معفففنه "سوت روحها زعلانه" مشكور
ونشت
ميوود..:: تباني اكسر راسك احين لاه
عوااس..:: اختي ما تزعل مني اصلن "ويصد يناديها " عليووووووووووه
عليووه..:: لبيييه
عوااس..:: انتي زعلتي
عليووه..:: "تبتسم غمازتها طلعت "ما ازعل من عواس انا
ميوود..:: ابووي انا الغمازه
عليووه"مستحيه"..:: ابتسم اكثر
ميوود..:: لا بس عشان ماااااا
عليوه بوزت
ميوود..:: هههههههههههههههههه
عليووه..:: شفييك ليش تضحك
ميوود..:: اضحك عليج ي الخوافه
عوااس..:: بعد ملعوزنها وتقول خوافه منو ما يخاف منك انته
ميوود..:: علايه تخافين مني
عليووه..:: مادري انته تخوفني لما تسوي جيه
ميوود..:: ههههههههههه
عليووه ..:: والله تسويلي فلم رعب
ميوود ..:: انزين متى بنعرس
عليووه..:: قريب ، خلاص ما باقي شي
وتطالع ساعتها
عليووه..:: بخليكم احين بروح انام
ميوود..:: اييييه ما شبعت كيف ما يصير وين وين
عليووه تضحك ع شكله يبين عليه ان بيشتاق لها حيل
ميوود..:: تبين تروحين وتحرميني منج وايد انسانه انتي
عليووه تطالع فونها وتطالع الدريشه ودانوه معصبه تأشر لها تعالي
عليووه..: انا لااازم ارووح
وراحت عنه
ميود تنتد ونش من صوب الشباب
طلوول..:: حرام احسه يحبها وايد
عوااس..:: اربع سنين مب شوي طلول

وعند البنات
عليووه..:: حرااام عليييج ما خليتيه يوددعني او اودعه ع الاقل
دانوه..:: اووص بس جب لاتممي عننده بعد
هدووي..:: ههههه حرام عليج دانوه تحرقين قلب اخويه
دانووه..:: مب عشانها عشانه ع الاقل يجوفها حلوه مب اربع وعشرين ساعه لازقه فيه بيمل منج ي الهبله
عليووه..:: حراام والله ماجفتيه كيف نش وهو مضايق وااااه قلبي
دانووه..:: جب جب ولا تتفلسفين تريا شهر من قبل ما يروم يتريا اسبوع تراج الا بتجابلينه عقب

جان يدخل ميوود فجأه
دانووه..:: انته ليش ياي
ميوود..:: يعني تبيني اتريا حظرت جنابج لين تطلعين اختج م البيت تراني بروح غرفتي
دانووه..:: عيااااار قول تبى تجوفها
ميوود راح صووب عليووه وزخها وسحبها بسسسرعه وياه
ميوود..:: يعني بتروحين وبتخليني
عليووه..:: ميوود الله يخليك لا تعور قلبي بروحي مضايقه
ميوود..:: لا تضايقين حبيبي خلاص قريب بنكون مع بعض ومحد يمنعنا عن بعض
عليووه..:: ان شاء الله انزين ميوودي انا لازم اروح تعرفها دانوه احين بتجلب علي البيت
ميوود باس راسها
عليووه..:: ي الله حبيبي تبى شي
ميوود..:: سلامتج غناتي
عليووه ..:: انزل انزل بقولك شي سري
ميوود نزل لين مستواها
عليووه بااسته ع خدده
ولما يتت بتشرد
زخخها
ميوود..:: تروحين وما تبيني اردلج البوسه
و باسها ع خدها
ميوود ..:: احين روحي عن اتهور
عليووه..:: ههه بااي
ميوود ..:: بااي

ولما راحت بيتهم

دانووه..::'هااه شرفتتي وييينج انتي ويينج
عليووه..::كنت وياه
دانووه..:: انا قلتلج لا تروحين
عليووه..:: انزين هو سحبني
دانووه يرن فونها
دانووه..:: الووه
ميوود..:: لو سمحتي لا تعصبين عليها تراني واقف عدال الباب اي كلمة زياده بدش بشلها وبطلع
دانووه..:: انزين انزي فكنا ي الله انقلع
ميوود راح
دانووه..:: باجر تنشين من فير الله لنه بنروح الصالون نسوي لج نيو لوك
عليووه ..:: اووك
دانووه..::'وميوود عطيه بلوك من الفون عشان ما يرمسج لنه كل يوم بفتش الفون وبطالع
عليووه..:: انزين
دانووه..:: حذفيه م البي بي ام عشان بعد ما يرمسج
عليووه..:: شرايج اسويله بلوك من تويتر وانستقرام بعد
دانووه..:: هييه من كلشي تعطينه بلوك ما نبيه يعرف عنج اي شي لنج اصلن من باجر ما بتباتين ف البيت
عليووه..:: ليش
دانووه..:: لنه بنتم ف دبي نحن البنات كلنا
عليووه..:: واليهال ورياييلكم
دانووه..:: الكباريه بيزخون اليهال ورياييلنا بيتزهبون مع بعض
عليووه..:: زين عيل ي الله بخليج بروح انام
دانووه..:: م الساعه سبع تنشين هاه
عليووه..:: انزين
وراحت عنهم

دخلت عليووه غرفتها
سيده طاحت عينها ع قيتاره...
راحت وشلته
شمت ريحت عطره عليها...!
يلست ،
وتمت تلعب به ..
وتذكرت الايام اللي بينهم .....،!

وف صوب ثاني
ميوود..:: ليش جيه يصير يعني
ريم ..:: بعد شحقه ما تجوف حرمتك هالوقت عشان تتعدل لك ،
مهير..:: ع الاقل انته بتيلس اسبوع مب حد خيسني نص شهر اتريا
ميوود..:: ريمووه خييبه خليتي اخوي نص ششهر
ريم..:: هههههههه عادي انزين
ميوود..:: هييه هم ما يشتاقون نحن اللي قلبنا يتقطع كل دقيقه

عذوور دشت
عذوور ..:: رييم
رييم..:: هلا عذوور بغيتي شي
عذوور..:: البنات مسوين يمعه عسب خطط هالاسبوع ولازم اتيين
رييم ..:: عاد ما لقو يطرشون الا انتي حرام عليهم هههههه
عذوور..:: قالنلي اونه عشان تربين بسرعه
ريم..:: ههههه يلا روحنا

عند البنات

دانووه..:: من باجر الساعه سبع تجمعنا هنيه هاه
عذوور ..:: مو مشكله
ريم..:: انزين دانا عادي اييب بنت خالتي ويايه
دانووه..:: هيه لنه نحن كنا ماخذين سرير زياده وتوهقنا فيه ههههههه
اسووم..::'عيل ماجوفها العروس
شمووه..:: فوق تلعب بقيتار ميوود هههههههههه
هدووي..:: هههههه فديتها مسرع ما اشتاقت
دانووه..:: ناديها الماصخه ههههه
عذوور..:: انتو اييه نسيتوا انه ملجت نوفييه باجر
نوفي..:: ترى بس بنوقع وخلاص حتى قالو ما يحتاي نيلس ويا بعض اونه انتو روحو قبلي بلحقكم عقب
دانووه ..:: انتو متى بتملجون
نوفي ..:: الساعه 11
دانوه..:: مو مشكله بنات الساعه 12 كلكن هنيه
عليووه يت
عليووه..:: شنو بيصير الساعه 12
دانووه ..:: غيرنا توقيت التجمع بيصير الساعه 12
علييوه.:: ليش
نوفيي..:: نسيتي اني بملج شنو
عليووه..:: اوووه صح خلاص
دانووه..:: عيل يالله كلكم رقاااااد
وتفرقن وكل وحده راحت بيتها
..
..
..
..
] ُهــــدُوءْ [
أحتاج إلى الهـدوء جدا ففي داخلي ضجيج مدينة من الحنين وفي قلبي أشلاء حكاية ممزقه وفي عيني ملح بكاء ألف ليله و ليله
..
..
..
..
اليوم الثاني /مدينة العين
الساعة الحادية عشر صباحاً
.
.
بو فيصل ..:: ي الله يا نووف تعالي عشان ما نتأخر
نوففي..:: ان شاء الله ابويه بس بلبس نعالي
وشلت شنطتها وراحت ورا ابوها
..
اليوم من اجمل ايام حياته
تحقق حلمه اللي كان يحلم فيه من يوم ما كان مراهق
تلاقى فيها
فمشروع تخرجهم من المدرسه
كان ياي يحضر مشروع اخته
وصدففه
اصتدم فيها
ما كان يدري انه هالانسانه في يوم من الايام هي حرمته
ما كان يعرف انه قلبه بيختار
نوف
البنت اللي ما جاف الا البراءة والخير فيها
دق قلبه لما جافها دخلت وابوها يدامها
ابتسم لها
خلصوا كل الاجراءات
واخيراً جمعوا قلبين بالحلال
هزاع..:: واخيراً بنقدر نيلس بروحنا ومحد ويانا
نوففي منزله راسها
هزاع..::ويييه نوفوو اونج مستحيه مني وامس يالسه داقه وياي سوالف
نووفي ضحكت
هزآع..:: مديمه الضحككة
نووفي..:: وياكك
هزآع..:: ما تدرين شقد كنت اتريا هاليوم
دانوه..:: ونحن ما ندري شقد بنترياك تخلص سوالفك عشان نروح
نووفي انقص ويهاا
هزاع..:: دانه يعني ارحمي حالي توي مالج عليها
دانووه..:: العرس هالايام مستوي لعب عندكم انتو امس وحده ملجت واليوم وعقب ست ايام عرس ياخي نحن
ماعندنا شغلة غير يايبين فستان وناقلين فستان ياخي والله تعبت
هزاع..:: وعاد ما حصلتي غييري
دانوه..:: محد قالك تاخذ بنت عمي

نوففي..:: خلاص دانه روحي وانا بييج على طول
دانووه..:: اشك بس ي الله ما عليه باقي نص ساعه اجوفج الساعه ١٢
وراحت عنهم
نوفي..:: توي اكتشف انه دن دن تلتزم بمواعيدها
هزاع..:: خلينا منها .. شو تبين اييبلج هديه بهالمناسبه
نوفي بحيا ..:: مادري كيفك
هزاع..::خلاص دام ع كيفي بتوصلج عقب العرس
فيصلوه..:: شنو عقب العرس
هزاع..:: انته وبنت عمك نشبه
فيصلوه ..:: نووفي نشي يدامي ي الله ابوي يقول بسكم مجابل بعض
هزاع..::خلاص مو مشكله نوفيي
ودخل ايده ف جيبه
وطلع علبه صغيره
هزاع..:: هذي مني لج بس هاه فتحيها لما توصلين البيت
نوفي..:: مشكور
قرب صوبها وباسها
وطلع
..
ترآآك ملكي// علم هالبشر تستريح..!
..
عليووه..::خلوني مابي ايي
شموه..:: علايه ي الله ما يصير عرسج بعدين كيف ما تيين
عليووه..:: ابي اناااام
شمووه..:: نامي ف السياره
نشت علايه
وتسبحت وتلبست
ونزلت تتغدى
تيمعن البنات
وركبن السياره وراحن
حرووب..:: ياااااااااهوووووو البيت مافيه بنات
مهير..:: انته ماعندك احساس اصلن
حرووب..:: ادري انه حبيبت قلبي احين بعيده بس بعد مافي حريم يعني شي حلو
ميوود..:: هذ لو يعرف معنى العذاب جان ما رمس
عوااس..:: صبروا عليه ربع ساعه وجوفو شبيصير
بعد ربع ساعه بالضبط
حروب يلس
حرووب..:: انا ملان
ميود ومهير اطالعوا بعضهم
وضحكوا
ميوود..:: توك تقول شي حلو
حرووب..:: لا خلاص ارتاح شي خايس
مهير..:: عاد جوفو حق منو مشتاق
سلطان وهو يدخل بمصخره..:: لا تلوح للمسافر .. المسافر رااااااااح
حرووب..:: جب جب
عوااس..:: ياخي خلو اخويه فحاله
ميوود..:: شرايكم اييب القيتار مالي
عوااس.:: اليوم لازم نفلها عان ما نمل ومن باجر نبدا ترتيبات
مهير..:: انا مقهور
ميوود..:: ليش
مهير..:: احين ها كله عشان ميوود وعلايه
ميوود..:: عشان تعرف انه اخوك شخصية سبشل ف العايلة
مهير..:: مو منك من عليووه
ميوود..:: كلنا واحد فهالبيت ولا نسيت
مهير ..:: عنبو بلاك كلتني بقشوري ما قلت شي
طلول..:: انتو ليش كلما تيلسون مع بعض جيه ديج وديايه
ميوود..:: اصلن انا زين اجوفه .. زين اللي ريم تتوله ع البنات وتخلينا نجوفه
*بيت بو مايد ما يتجمعون وايد كثر بيت بوخليفة يعني بينهم عداوه بسيطه *
مهير..:: ياخوي نحن لازم نسوي شي عوود ونيمع هالعايله المفترقه
ميوود..:: عرسي بعد كم يوم واذا اخواني يكرهوني ما بيوون
مهير..:: صح بس بعد لازم نسوي شي ثاني
ميوود..:: ليش ما كلنا نسافر ايطاليا مثل ما قال عمي ونعزمهم ويانا
مهير ..:: اي صح
عواس..::هيه والله فرصه اتعرف ع عيال عمي اللي ما جفتهم
ميوود..:: جوف عواس اخواني صح بينهم ضرايب لكن قلوبهم بيضا يحبون بعض حيل
عوااس..::اهاااا اصلن لازم اجوفهم لنهم عيال عمي بعد
ميوود..::اووفففف ياخي ابيها
عوااس..::لاحق ع اختي
ميوود..:: ي الله نتريا شو ورانا

هل لصابعك أن تَفرك الوجع القابع بصدري .. لتزيل البَرْد وأحجيّة الماِضي الّقديْم

اليوم الثاني
{السبت الساعه الواحدة مابعد الظهر}
عليووه..:: بنات اغير لون شعري ولا
عذوور..:: مادري بس اذا بتغيرينه اصبغيه كستنآئي
عليووه..:: يعني بيطلع حلو الكستنائي
دانوه..:: انتي فكينا وعرسي وبس جب
عليووه..:: شفيج بلاج معصبه
دانووه..:: انتي اصلن قليلة اددب
عذوور..:: شفيج دانه ما قالت شي علايه
دانووه..:: انتي بس جب لو فيج خير جان اهتميتي ف اخوي مب طايحتله بطني وبطني
عذوور..:: لو سمحتي لمي ثمج انا ماسويت لج شي عسب تغلطين علي واذا اخوج انا مب عايبتنه ويشتكي خ يطلقني ابرك
ريم..:: بنات خلاص شفيكم .. دانه شفيج اليوم وارمه ترى ما قالنلج البنات شي عنبو شوي وتاكلينهم
العنوود..:: ولا بتردين شرات قبل ماتحبين الخير لحد
دانووه..:: انتو بس جب كل وحده يايه وتتفلسف ع راسي اذا مب عايبنكم كلامي طوف الدنيا متروسه
شمووه..:: قلنا تعصبين بس مب تجرحين مرت اخوج اللي ماجفتي منها الا كل خير حرام عليج دانه
عذوور..:: اصلن ماتهمني رمسستها لني مابتم ع ذمت اخوها وانا مب عايبتنه مب مجبوره اتحمله وف الاخير اسمع هالرمسه
دانووه..:: محد يباج اصلن انقلععي
مريووم..:: بس عاد دانه تراج مصختيها كيف يهون عليج تخربين حياة اخوج وههو تم يراكض عشان يعيش ويا الانسانه اللي حبها طول عمره
دانووه..:: جب جب انتو كلكم **** وما تنعطون ويه وبالذات انتن* تأشر ع مريوم وعذوور ومتقززه * يال****
مريووم..:: انتي ايييه لين هنيه وببس ما اسمح لج تغلطين علينا
دانووه قامت وزخت مريوم من شعرها
دانووه..:: خبريني شو بتسووين يالحيواا
وقبل ما تكمل رمستها انعطت ككككف ع ويهها
وقامن يتكافخن مريوم ودانووه
" صح ماخبرتككم شي عن دانووه صح انها كبيره وعندها عيال بس مخها وايد صغير وتحب تضارب بس قلبها طيب "
دانووه من انعطت كف شدت شعر مريووم اكثر
ومريوم ترفسها وتضربها باقوي ما عندها
لين حصلت بكس ف بطنها وخلاها تهد وتطيح ع الارض تتلوى من الالم
يت مريووم بتكممل
لكن صرااخ عليووه خلاهم يلتفتون لها بخووف وهلع
عليووه..:: بببببببباااااااااس.. حرام عليكم اللي تسوونه " وتلتفت صوب دانووه" ادري انج ما تبيني لميوود بس ارتاحي انا راده العين وطالبه الطلاق بس فكككييييني
وركضت وصكت ع روحها باب الغرفه ما عشر دقايق
وظهرت بشناطها
شمووه..:: علايه استهدي بالله هذا ميوود بتفرطين به بهالسهووله
عليووه.:: ما راح تغيرين اللي فراسي
شمووه..:: منو بيوصلج
عليووه..:: انا ومريوم وعذوور بنروح مع حمدان لنه تحت
وجافت مريوم وعذور وراها
وطلعن
{ العين الساعه الرابعه عصراً}
كان يالس فالكراسي اللي كانت عدال النافوره العوده
وفجأه دخلت سيارة حمدان
نش بيجوفه اذا ياب اغراضه اللي طلبها عشان يكشخ لعرسه
ولما وقفت السياره
توجه للباب الامامي من صوب القائد
بس تفاجأ بالباب الخلفي ينفتح
وتطلع منه الانسانه اللي ما توقع يجوفها هالايام
عليووه..:: مايد
ميوود..:: هلا علايتي آمري ي نبض قلبي ؟
عليووه ..:: طلققني …
.
.
.
.
.
كثيراً ما نطلب التخلي عن آشيآء .. وندم بعد فوات الآوان ##

__DEFINE_LIKE_SHARE__

мѕ.ѠяЭǝиѕԋ™ · 08-30-2014, 03:04 AM

السلام عليكم قرائي الاعزاء..
لقد تم قطف الزهرة الثالثه والعشرون من عمر هذه الرواية
اتمنى ان يعجبكم ولدي بعض التعليقات البسيطه…

اعتذر عن سبب تأخيري عن تنزيل البارت ولكن منعتني اسباب اظن بانها مقتعه
من مثل:
- عدم وجود تفاعل ف الرواية وهذا الشي يقلل من تحفيز الكاتب على الكتابة..
- وايضاً وجود بعض الظروف العائلية القويه التي منعتني قليلاً من الدخول الى الموقع..

اما عن البارت القادم
سأبذل جهدي لكي يتم تنزيله بأسرع وقت ممكن ولكن
ان كانت هناك ردود على هذا البارت على الاقل خمس ردود..

اتمنى لكم قراءة ممتعه ..

متابعه ردودكم بصمت ……
__DEFINE_LIKE_SHARE__

forza alain · 08-30-2014, 11:51 AM

كملييي حرااام عليها
دانه تسوي جي كرهتهاا وربي حقيره

لاتخلينهم يطلقون __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥>>قصة قطرية رووعة	داعمة قطوة	قصص و روايات	73	01-21-2012 07:46 PM
♥♥♥ يَآ قَلبّ لآ تِحزَنُ عَلِيِنَآ لأ تِحزنّ♥♥♥ مِنُ قَلبّ يَنبِض غَلآّ ومِنُ رُوّحّ مِسئٌوٌلَه ♥♥♥	Esma7eli Yal'3ram	تصاميم الاعضاء	17	04-14-2010 11:18 PM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥::♥::♥رمضان ميدان التنافس♥::♥::♥ لفضيلة♥الشيخ إبراهيم بن عبدالله الدويّش♥::♥::♥	محروم.كوم	منتدى أخبار المواقع والمنتديات العربية والأجنبية	0	08-13-2009 08:00 PM