عملية استغفال من الورش

محروم.كوم · #1 04-08-2012, 12:10 AM

هذا موقف حصلي مع أحد الورش فأبي شوركم و ما هو التصرف السليم

حصل لموتري حادث بسيط يحتاج سمكرة وبوية رحت لصناعية العروبة أنا وأخوي سعرت 3 ورش الي قال بألف والي قال بألف وشوي وآخر ورشة (أ) مذكور شغله نظيف لبناني أول مارحت له قال بألفين قاله أخوي بألف وخمس وإنا وإياه قال بألف وسبع طبعا الاتفاق شفوي ومع (عمرو) دخلته الموتر (s) يوم الأحد العصر عنده

جيته يوم الخميس أعطيته بعض القطع أدور موتري في الورشة (أ) ما لقيته سألت العمال في موتر (s) قال ماعندنا موتر بهذا الاسم جاء (عمرو) قلت وين موتري راح وداني ورشة ثانية (ب) وتفاجأت إن موتري عند ورشة ثانية (ب) وقال هذا الورشة تبعنا وقد اشتغل في الموتر ما بقي إلا الفرن وأشار بيده إلى الفرن الي في ورشته (أ) وقال تعال استلمها السبت عقب العشاء طبعا رحت وكلمت أخوي قال إيه خير

راح للصناعية يوم السبت الصبح مبكر توهم فاتحين وإلا الموتر في محله أي عند الورشة الثانية (ب) وقد دخله فرن الي عنده وخلص نزل أخوي وكلم العامل على أساس إنه زبون بيشوف شغله قال هذا شغلك قال إيه قال بوية الفرن أنت مسويها قال كم تكلفت الشغل قال ألف وثمان قال طيب تعرف وين ورشة (أ) قال لا ما أعرف ورشة بهذا الاسم

راح أخوي للورشة (أ) ولقى (زيد) أخو (عمرو) قاله أخوي أبيك بأكلمك قاله أنتم ورشتكم زينة وتزيد عن السوق شوي عشان شغلكم مضبوط قال(زيد) إيه قاله أخوي فيه ورشة تبعكم هنا قال(زيد) ما فيه إلا ورشة (ج) قال أخوي فيه ورشة (ب) مب تبعكم قال لا قال طيب عندكم موتر تشتغلون فيه اسمه (s) قال ما عندنا موتر بهذا الاسم قال أخوي وشلون أنا مدخله عند (عمرو) وحطه في ورشة ثانية قال (زيد) طيب دق عليه وتفاهم معه قاله أخوي أنا منيب داق عليه تفاهم معه أنت قال (زيد) خلاص أنا غلطانين ومن هالكلام تعال العصر وما يصير خاطرك إلا طيب مشى أخوي من عنده وعاد بآخذ منه الموتر بكرة الأحد العصر طبعا أنا ما عطيته ولا ريال حتى الآن __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هام جداً بخصوص تقرير بسيوني .. احذروا استغفال النظام لكم	محروم.كوم	منتدى أخبار المواقع والمنتديات العربية والأجنبية	0	11-23-2011 10:20 PM
استغفال جديد:وزير العدل:الهدف من المراكز العامة، التيسير على الناخبين	محروم.كوم	منتدى أخبار المواقع والمنتديات العربية والأجنبية	0	04-04-2010 05:14 PM
استغفال يثير ممثل الشعب	محروم.كوم	منتدى أخبار المواقع والمنتديات العربية والأجنبية	0	06-14-2009 11:10 PM
أحد يقدر يجاوب بدون استغفال ولا لف ولادوران؟	محروم.كوم	منتدى أخبار المواقع والمنتديات العربية والأجنبية	0	06-10-2009 03:20 PM
خطير للغايه وهام بخصوص احدث استغفال من اعدائنا لنا	محروم.كوم	منتدى أخبار المواقع والمنتديات العربية والأجنبية	0	04-29-2009 08:50 PM