ابو نيه يغلب ابو نيتين

محروم.كوم · #1 04-02-2012, 04:40 AM

( بسم الله الرحمن الرحيم )

مشرفين ـ اعضاء ـ زوار
تحيه طيبه وبعد ...

فيه ثلاثة اشخاص ذهبوا في طلب الرزق ويوم الله اغناهم بالمال وجوا راجعين في الطريق لعب الشيطان بعقل واحد منهم وهمس في اذن خويه الثاني قال ايش رايك في صاحبنا قال من فلان قال ما غيره ... قال والله مدري ايش رايك انت قال أشوف ندبر له خطه وناخذ الفلوس اللي معه ماحد يبسأل عنه رجال نحيف فقير تعبان حالته حاله .... المهم اتفقوا الله اكبر عليهم على الضعيف وهو ما يدري ويش السالفه .... ويوم قربوا على بير في الطريق وكان الوقت قبل المغرب قالوا ياشيخ حنا هلكنا من الضما ونبغي ماء نشرب ونت رجال خفيف ونبغي نربطك باذ الحبل بس انتبه قبل ما تنزل خل كل شي عندنا فلوسك اغراضك علشان ما تسقط اغراض عليك في البير ...
الرجال مسكين على نيه صادقه وضع كل شي عندهم ولا يلام اخوياه ورفقا دربه المهم ماهو مصدق فيهم ..........
تمسك بالحبل ونزل في البير ...ويوم وصل الى قاع البئر وملئ الدلو لهم بالماء فلتوا الحبل عليه وتركوه واخذو حصيلة ماجاب من شقى عمره ....بحجه انهم اذا رجعوا الى الديار انه سقط في البير ... يعني ان الرجال طاح عليهم في البير ومات ...
جلس صاحبهم في البير ... عرف انهم ضحكو عليه ... وبعد قليل الا بصوت عنده في البير اثنين يتكلمون واحد يقول للثاني شفت الجبل اللي فيه الصخره المكتوب فيها نقش كذا في الديره الفلانيه قريبه في ديرة الرجال .. هذى فيها كنز كثير كثير واللي يبغي ياخذه يذبح عنده شاه.... الرجال سمع الكلام جملة وتفصيلاً ..... المهم يوم الله اراد له السلامه جاء ناس يستقون من البير وشافوا الرجال وطلعوه منها ....
على طول الرجال هواء جاب له شاه اظنه سرقها ... المهم عند الصخره سدحها واخذا الكنز ..... وتغيرة حياته بالكامل .... من والى ....
وصار مع الايام يكرم ويضيف وعنده خدم والناس رايحين جاين عنده .....؟؟؟
( حياك من لم يكن يحييك .... لو لا الدراهم ما حياك انسانا )))..
المهم راحت الايام وجات وصار الرجال معروف من كثر ما يكرم ويضيف وفي يوم من الايام جوه اصحابه اللي غدروا فيه .... هو عرفهم وهم ما عرفوه فقال لهم الا ابسألكم عن فلان هو حي ولا مات .... قالوا ياشيخ اذكر الله فلان الفقير التعبان النحيف هذا مات من زمان وشبع موت . قال سبحان الله ( ابو نيـــه يغلـــب ابو نيتيــــــن ) وين الخدم طلعوهم برا برا ...
تقبلوا تحياتي ...
ودمتم بالف خير ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نسيج \| #bahrain - الدير : صورة من المواجهات العنيفة ، ويبين الإطلاق ال	محروم.كوم	منتدى أخبار المواقع والمنتديات العربية والأجنبية	0	03-11-2012 10:10 PM
#bahrainنسيج\| المرتزقة تقتحم السنابس الآن ويبدو أنه اعتقالات ونرجو مرا	محروم.كوم	منتدى أخبار المواقع والمنتديات العربية والأجنبية	0	02-09-2012 04:51 AM
كلها أسبوعين بحول الله ويبين اسهيل	محروم.كوم	منتدى أخبار المواقع والمنتديات العربية والأجنبية	0	08-10-2011 12:30 PM
ابو نيه وابو نيتين _ السالفه (2)	محروم.كوم	منتدى أخبار المواقع والمنتديات العربية والأجنبية	0	12-25-2009 05:50 PM
لخبراء ورد برس مشكلة بعد تنصيب ورد برس ويبدو الخلل في الكونفق	محروم.كوم	منتدى أخبار المواقع والمنتديات العربية والأجنبية	0	06-28-2009 07:40 PM