مقاابلة مع العلمااء ههههههههه

راقيه باسلوبيْ}~ · #1 03-31-2012, 11:53 PM

ان العلماء

تم استضافتهم في برنامج على الهوا .

المهم جا إتصال من الطالب الكريم

تابعوا معنا ماذا قال الطالب الكريم

طبعاً العلماء الموجودين هم علماء

الرياضيات

الفيزياء

الكيمياء

النحو

شوفوا شنو صار

::

::

مقدم البرنامج : معنا إتصال من الطالب الكريم .. السلام عليكم ياطالب
الطالب : وعليكم السلام الحين انتم جالسين تبربرون هنيا

ولاتدرون وش القصة

عطني عطني عالم الفيزياء الي جمبك بالله
عالم فيزياء : هلا والله طال عمرك

الطالب : انت تعال تعال الحين الي معي نيوتن وإلا انا غلطان ؟

عالم فيزياء ( نيوتن ) : اييه نعم ياطويل العمر معك نيوتن ملك الجاذبية

الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ورى ماتاكلها وتحمد ربك وتسكت وتريح العالم .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص طلع قانون واحد وريحنا مسوي قلق لنا ياخي ومطلع كتاب كامل الحين لعنبو بليسك انت ماعندك عيال ماتفكر بالأجيال القادمة الأجيال القادمةتعقدت منك ..!

نيوتن : ........................ ( يعني ساكت هع )

الطالب : عطني عطني عالم الرياضيات الي جمبك عطنياهـ .

عالم الرياضيات : مساك الله بالخير ياطويل العمر

الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم والله عيب عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس عطنياهـ .

فيثاغورس : هلا والله ياطويل العمر

الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه لييه قامت عليك القيامه بلا هاهـ ليه ؟ جاوبني ليه ؟

فيثاغورس : هذا العلم طال عمرك العلم ..!

الطالب : قل قسم .. هذا علم ..! والله احسبه بوفيه تبيع كبدهـ .. ادري انه علم
انا اقول وراك مسوي فيها ذيب وجالس لي تكتشف لييه هااهـ لييه

فيثاغورس : عشان طال عمرك نشغل مخنا

الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس والله العظيم جالس لي تبربر هنيه ولا تدري وش السالفة عطني عالم الكيمياء الي جمبك عطنياهـ .

عالم الكيمياء : هلا والله طال عمرك

الطالب : لاهلا ولا مسهلا ابسألك سؤال لو سمحت .. انت حمـار.. ؟

عالم الكيمياء : لا وش دعوى طال عمرك

الطالب : الا حمـار.. الحين انت وش هاللقافة الي فيك مخليتك تشوف الذرة وش مكوناتها ومدري ويش .. احد شاكي لك ولا شي ياخي خل كل شي مكانه ياخي .. عطني عالمكم رذرفورد عطنياهـ

رذرفورد : هلا والله

الطالب : ياخي انت مريض ياخي خل الناس في حالها جالس تفتش الذرهـ وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك .

رذرفورد : بس ياطويل العمر ...

الطالب : لاطويل عمر ولا قصير عمر لايكثروعطني عالم النحو الي عندك سيبويه عطنيه

سيبويه : أهلاً وسهلاً بك ياطالب

الطالب : ويحك ياكلـ.. ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى؟

سيبويه : لا طبعاً ياطالب

الطالب : اجل مرهـ ثانيه تلايط ولا تسوي فيهاذيب .

مقدم البرنامج : بس ياطويل العمر انت يعني

الطالب : اقول انتم الظاهر ماتربيتم تبينا نربيكم بنربيكم جالسين لي هنا تبربرون ..

عالم ( عندهـ واسطه ) : لاياطويل العمر حنا متربين

الطالب : لاماتربيتو لو انكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاهـ ابوفلان نكتشف شي جديد يالله قدام .. وحنا الي ناكلها يا...... .

مقدم البرنامج : ياطويل العمر انت فاهم الموضوع غلط حنا راح نوضح لك ..

الطالب : طوط طوووط طوووط <<< سكرالسماعه

هههههههههههههههه وش رايكم

ههههههههه موو صدق وربي مت من الضححك

كبير ي طالب وينك ماناديتني افزع معاك

ياربي لوووووووووووووول اهم شي منه يكلم عالم النحوو مو صج

ابي ردودكم لا هنتوا

__DEFINE_LIKE_SHARE__

^ بنت العين ~ · 04-01-2012, 12:12 AM

ههههههههههه
كلهم مااخذينهم يسوون مال النحوو
وياااا مس العربي خخخخخ ههههههه
ثانكس ع الطرح
تقبلي مروري __DEFINE_LIKE_SHARE__

【الهامورة】 · 04-01-2012, 12:29 AM

الحين انت يامال الغنيمة رجال جالس تحت شجرة طاحت عليك تفاحه ورى ماتاكلها وتحمد ربك وتسكت وتريح العالم

ضحكني هالمقطع أكثر..

يحليلهم العلماء...

أتخيل لو كانوا هم فعلا ً موجودين وايخاطبهم بهالطريقة سو بيقولون ..!

ثانكس ألوت.. __DEFINE_LIKE_SHARE__

آلפبﯾب آلړُآقـ̃ﯾ ..]*~ · 04-02-2012, 05:25 PM

هههههههههههههههههه هيه و الله صادق هالطالب .. طول عمرنا و نحن ننتقل من مرحلة لمرحلة لااااااااااازم ندرس قوانين نيوتن ... لازم ندرس قوانين الرياضيات و خرابيطه ...

يسلموووو ع الموضوع الجميل __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عمو ابراهيم والقناعه ههههههههه	محروم.كوم	منتدى أخبار المواقع والمنتديات العربية والأجنبية	0	09-06-2009 10:30 PM
عمو ابراهيم والقناعه ههههههههه	محروم.كوم	منتدى أخبار المواقع والمنتديات العربية والأجنبية	0	09-06-2009 10:20 PM
حلوة ههههههههه	محروم.كوم	منتدى أخبار المواقع والمنتديات العربية والأجنبية	0	08-16-2009 03:30 PM
ههههههههه	غلاك في خاطري	نكت , سوالف للشباب والبنات	0	05-07-2009 10:42 AM
نـــــــــكتــــــــــــه & ذبيـــــــــــــحة ههههههههه	عيناويkkk	نكت , سوالف للشباب والبنات	5	12-09-2008 07:01 PM