منهو فينا كان يدري بنفترق ؟

محروم.كوم · #1 04-22-2009, 10:20 AM

يا جرح!!..يا ابن الجرح!!
ماهو بكافي؟!! خلاص
....متى تفكر تعتق الصدر يا جرح ؟!
معجبْك لأنه من لضى البعد دافي؟!
....معجبك لأنه مـ اثلجه يوم هالفرح؟!
تسرق سنيني وتستبيح الخوافي
.كلما جمعت بخافقي تبتدي الطرح
ليه الفرح يلقى بصدري منافي ؟!
بنيت من دمعي لهذا الحزن صرح؟!
قلي ش بقى لي داخلي؟!رد!! غافي؟!!!
عمري قضى أوجاع محتاج للشرح
مرتاح ؟!! جاوبني؟!ابي رد شافي؟!
ترضى تكون الصدر وآصير انا الجرح ؟!!

لو يسألونك
وش ورا صفعة الباب؟!
يومك تركت الحلم يبكي ومقهور
قل اي شي!!..حاول تلاقي لك اسباب
وبحاول اكذب واتقن اللعب والدور
ضحكاتهم أوااااه.. بالوجه انياب
والصدر كيف الصدر مفري ومفجور
اقسى من الخنجر اذا جا من اصحاب
وآمّر من دمعٍ خـنق حلق مغدور
لمّا انتلاقا بينهم مثل الاغراب
ضحكاتنا ثكلات وصدورنا بور

لو درينا بنفترق
ما كنا افترقنا..
لو درينا بنحترق
ما كنا عشقنا
ما خبر عاشق حط هالفرقا خيار
يعني من بيده القرار؟!
ليتنا في ساعة الفرقا عرفنا
انها الفرقا..
كان قلنا شي غير اللي حكينا
كان ما كنا بهالقسوه علينا
ولا جرحنا بعضنا ولا جفينا
ومو مهم من كان مخطي
لو علي وكنت عارف
كان اخر شي اباقوله : أحبك
ولو عليك وكنت عارف
كان اخر شي ابا اسمعها: أحبك
منهو فينا كان يحسب الفرقا طريق؟!
وان هذا الحزن بيصير الرفيق؟!
منهو فينا كان يدري بنفترق ؟!
لو درينا كان ما كنا التقينا...

كم كنت اجي وبداخل عيوني اعيون
مبحر بمركب فرح محتاج شطآن
وارجع من أول ساحلك بس مغبون
وابكي الين آحس بالدمع ضميان
كل شي تخيلته معك يمكن يكون
ومهما شطحت بفكري فـ بعض الاحيان
ما مر في بالي اباعيش من دون
صوتك يناغي مسمعي..آآآه ..كم كان
لو تسألي ضلوعي علي ايش يبكون؟!
لي غرهدت كل القوافي والاوزان!!
اعزف على صدر الورق نغمة التون
وتجاوب اسطور العمر ايه يا دان !!
يصير؟!
معقول؟!
كيف؟!ممكن ؟!
او شلون؟!
تنبت على شفّتك أنياب واسنان؟!
عضي علي حلمٍ حملته وبالهون
لا تبتري عرقً تلعثم بك إزمان

مر عام من الحنين مر حزن من الانين
ومر عمر..مر كل شي..مُر

السنين اللي تقسمنا رغيف الضحك فيها ..
ورغما هذا نشتهيها ..
كنا نغمس كسرة الشوق في ..
كاس الليالي البارده
ومرني وجهك ..مع ضحكة اصاحبي
.. او من بقى منهم

دامي كذا والا كذا مجبر آموت!!
ودّي أموت بْصمت ما تسمعيني
هو ليه لازم تسمعي صرختي صوت؟!!
كم شقّت "آهاتي" مسامع سنيني ؟!
كم كان يرجع لي صدى الـ آآه مبهوت
يدفن ملامح وحدته في يديني؟!
مخنوق/ضايق صدر/بالحيل مكبوت
واكبر اماني عاشقك..."أحتويني"
بـ اول لقا قلتي : "ابسقيك هـ التوت"
لمّيتني كلّي وجيتك...خذيني !!
جيتك فقير وجايعٍ يطلب القوت
.والجوع كافر ما قرا ... " ما تبيني
وخبز الفراق بْداخل الحلق مفتوت
والدمع يمضغ جثّة الحلم فيني
ما عا تفرق كيف؟! وشلون بآموت؟!
نفس السؤال بْداخلي ...جاوبيني !!
اليوم انا والحلم رفقه بـ تابوت
و"دمعه" تسافر بين عينه وعيني
اللي بـ يبقى لك على القبر منحوت
آخر أماني عاشقك:
اذكريني

تمنّيتك ..
تمنيت..
ونسيت ....
ان البشر...مدري؟!!
كثير تْموت امانيها ..
وتوادعنا ..
ومات الامل كله ..
واتمتم لي ..
وداعيه يا اخر ليله تجمعنا .. انا مسافر
صرخت وقلت له .. تكفّى دخيلك لا تغنّيهاوغنّاها
...وكان الدمع في لحظات متوافر
وليله ليتها ما تعود يا مقسا لياليها ..

اشوف ان الفراق اللي زرعه فـ روضتي كافر
واشوف ْمن القهر عينٍ تلّوح لي بياديها
توادعنا ...
و..
تطل من العيون /عيون..
واشوف ان الفراق
أعما..
برغم ان المطر ..
ما جف من عيني
بديت...
أضما...تودعنا ...
ويغص ..
بي الشارع ..
وذاك السور..
وتمشي بي الخطوات ..
للمكان اللي جمعنا...

حبيبي
ليه تبغاني اعيش العمر فـي حسرات؟!
.حبيبي شوف عين الجرح رمدا ..يوم خليته؟
حبيبي لي متي ساكت وعشقي ما يعرف اسكات؟!
تكلم كل عطرك في الرسايل امس شميته
تصدق؟!! مرني طيفك يداعبني وانا اشتات
تجاهلته !!..بزعم اني ابا جافي و لميته
تخيلتك تسولف لي واثاريني بليا شْفات
احاول اشرح الشـــوق الذي في الجوف كنيته
سألته عنّــك بصمتي الين الوقت كله فات
يردد هـ المكان اللي جمعنا .... كم تمنيته؟!

انا جيتك
وباقي في حنايا طعنتك محراب
تصلي لك جروحي
مْن الوجع وتصيح : يا يابه
حرام انعيش في نفس
الزمن وقلوبنا اغراب
تعال وخل يقول البعد من غيضه
لقى احبابه
ترى توي اكتشفت المسأله ..
ماهي وش الاسباب؟!
لان ما يعني الميّت ؟!!
اذا بيموت بثيابه

وش أخباري ؟!
على حطة يدك
من آخر ما سمعت اسمي من شفاتك
ولبّيتك ..
شرغت بـ "هاه"
يا لبا عروقك وضحكاتك ؟!غريبه !!
ترا توي انتبهت اني من البارح
وانا ماني معي ؟!
سارح !!
احس ان البشر حولي مجرد ناس
و "احس" هذي بليا احساس!!
اووف!!
تعال وخذ عيوني واعطني شوف
حفظت الدروب اللي نهايتها عيونك
ونسيت اضحك
نسيت افرح
ونسيت احلم
وش اللي بذكره يا بعد عمري بدونك ؟!
من ليلة أول ما تلاقينا
بلا موعد ..
رسمنا للوعد مركب
وللمركب بحر وامواج
وهاج الشوق..فينا هاج
وجدفنا بأغانينا
واخذنا برحلة هـ اللقا
حلمٍ تثرثر به امانينا رسمنا كل هالدنيا حوالينا
ونسينا نرسم المينا!!

اول اسولف
لك اذا زارني ضيق
والبارحه سولفت للضيق عنّك
صارحته بكل اللذي فـ المعاليق
وقلت له: أنك ..وأنّك...وأنّك
وحطيت راسي فوق صدره على الريق
ويومه بكا من ضيقتي قلت : كنّك!!
يقول : وشـ لك تشكي للمخاليق؟!
واقول : هذا غير!! لا تسئ ضنّك!!

ما بيك تزعل
علي ولا تواخذني

شربت مر الغياب وقهوتي نارك
كم قلت: محتاج لك؟!
..وشلون تخذلني؟!
وانا الوحيد الذي ما باح بـ اسرارك!!
انا جمعتك بصدري
وانت( ت ن ث ر ن ي)
وكل ما اعذلوني
بحبك كنت أختارك
ذبحت لك حلم عمري
لجل تسهرني
وخليت دمع القهر واقف
على اسوارك

منقول
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يدري ان اسباب ·ضعفي·نظرتـﮧ يدري اني·مـآ اقـاۈم ·ظحڪتـﮧ يدري ان الرۈح ماتغـلآ عليـﮧ ل	محروم.كوم	منتدى أخبار المواقع والمنتديات العربية والأجنبية	0	04-03-2010 04:30 PM
تدرين وادري بنفترق(خليفه)	برنسيسة طيبة	مواهب الأعضاء	3	01-10-2010 08:38 PM
آ°l\|\|lآ° يدري ان اسباب ضعف نظرته يدري اني ما اقاوم ضحكته آ°l\|\|lآ°	نبض روحي	الشيوخ و رؤساء الدول	30	12-31-2009 05:13 PM
خبــر تدرين وادري بنفترق عباديـ Vs عبدالرحمن بن مساعد خاص جدا " مميز" { Exclusive 2 MiX }	محروم.كوم	منتدى أخبار المواقع والمنتديات العربية والأجنبية	0	09-20-2009 11:50 AM
ما يجري في ايران و ما جري و يجري في البحرين	محروم.كوم	منتدى أخبار المواقع والمنتديات العربية والأجنبية	0	06-16-2009 01:30 AM