السلام عليكم ورحمة الله وبركاته
كيف الحال كلا باسمه
ترددة كثيرا في كتابة هذا الموضوع ولكن لا بد ان ابين الواقع لكي تنعاون علي نبذ هذا الفكر المتخلف الذي اصبح دخيل علي هواية الصيد بالصقور
شتان بين الجيل الاول والجيل التالي في كل شي الا مارحم ربي
اول تعامل راقي بكل ماتعنيه الكلمه من معني
الصقارين قديما عندما يسهل الله اللتقائهم بموعد او غير موعد كانه شاف اخوه اللي منقطع عنه سنين تلقاه يتمسك فيه وده انه مايحرمه شوفته الله اكبر ويقدرك افضل تقدير ويقدم لك الخدمات بدون طلب منك ويقدمه بالهداد ويحلف عليه تقول انه مغرقه جمايل وهو لاول مره يشوفه
لله درك من جيل عز الله جيل ودك الله يطول عمارهم سنين لكي نخالطهم ونتعلم من كريم اخلاقهم الله يغفر للحي والميت
ولا انكر واقول انه لا يوجد
والله اني اللتقيت باناس ياخوك لو ماني في الدنيا اقول هؤلاء من اهل الجنه ياخوك اخلاق تباري السحاب
ادب واخلاق وشهامه وشقرديه
والله لو المقناص ماتشوف الا هؤلاء الناس يكفي والله يكفي
ياخوك ونا جالس معهم اقول اللهم لك الحمد انك شرفتني اني اجلس مع اناس مثلهم
لا غيبه ولا نميمه ولا غش ولا تواكل
مهما قلت ما اوفيهم حقهم لله درهم واسال الله ان يوفيهم افضل الجزاء
لكن يوجد ناس علي النقيض يقصرون العمر المعنوي
قالي اخو شرواكم
مره هدو علي حباره وشوي ولا طيرهم يترك الحباره ويلحق الحمامه وهم يشوفون طير ثاني لحق الحباره والله ويروحون حتي وصلوا الي مكان الطير اللي صاد الحباره ولا هم ناس من الكويت وهذا الكلام في النفود لكن من حسن الحظ ان هؤلاء الشرذمه غلطو علي ناس من الجيل الاول قالهم ليه تسوون كذا قالو احنا شفناها قبلكم قالهم عندي استطاعه ان اذبح طيركم ولكنها ليست من علوم الرجال قالهم خذو الحباره بس لا عاد تعيدونها
الله اكبر شوف سعت الصدر لله درهم
طيب لو سار هذا الموقف لاي احد عصبي كان يذبح الطير والطير ما له ذنب
ون زودها صاحب الطير يلحقه طيره طيب وبعدين هل هذا تصرف من الصقارين المتخلفين
وصراحه سمعة الصقارين المتخلفين من الكويت كثرة حركاتهم ذي وشوهوا سمة الطيبين منهم خاصه في الحفر
والقصه الثانيه
سارت في الساحل الغربي
كانوا الشباب ايام شبك الطيور علي القناه العامه ولا شخص قطري الله يعز اهل قطر عنه
يسمعونه يوجه ناس علي القناه وكثير الكلام علي القناه وطلعوا علي الجهاز وقالوله يابن الحلال ازعجتنا اخرج بقناه لحال انت ومن معك
تدرون ايش قال لهم
قال
انا اشغلهم بخشم الريال ما هو بلاش
بالله احد يرضي هذا الكلام والله انه عار ان يصدر من شخص عربي وين الاخلاق وين حق الجيره طيب هؤلاء ضعوف محتاجين لقمت العيش تهينهم كذا
لكن هذا الشخص خله يجي الساحل ان لا اكرهه الريال والصقاره
والقصه الثالثه سارت معي
وللاسف انه قطري
كنا نقص جرة حباره وهم يبارونا من غرب ٢كم تقريبا وعندما شاهدو ان شخص نزل علي رجله والسيارات قربت من بعض قربو مننا وذهبت لاحدهم وكنت اعرفه وقالي العلوم قلتله عندنا جره وجيت استرفعك ولكني بعد ان عرفتك الله يحييك قال لي تسلم انا معي اخوه لكن لا تقول للقطري اني اعرفك حتي لا يحرجني ويقلي كلمهم وطلب منهم الحباره قلتله اطيب انا ارحله واسترفعه قالي لا انا اكلمه بالجهاز قلتله زين توصي قال مشكور وتفارقنا والرجال هذا ابعد عننا وترك المكان كله
الا والقطري قام يتقصص ويقطع علي الجره كلمني خويي قال انت ما كلمتهم قلتله الا قال عودله قلتله ما اقدر خلاص كلمت الرجال وقالي بيكلمه خويي ما استحمل الوضع راح يمه وقله يارجال انت ما تشوفنا نقص وتجي تقطع من قدامنا و كلمك خويك قال الا بس ابساعدكم قاله مشكور ماحنا محتاجين مساعده
يعني صراحه عيب الواحد يشوف ناس تقص ويباريهم ويقطع من قدامهم
والقصه الثالثه
كنت قانص وبايت عند عزبة ابل والصبح اصحي واصلي الفجر ومع طلوع النهار توكلت علي الله وتقصص ولا هذيك الجره حمرا جديده وانزل ومعي الطير وفرع عنه واتقصص ولا الطير يشخص وعرفت انه شايف شي بس ما طلب هداد وشوي ولا الغربان اشوفها بعيده عني شوي تنش شي بالارض وبس واقطع الجره بالسياره مره تبين ومره تحتفي الجره وكل ما اقرب حس انها ابعدت عني قلت مافيه الا اكلم الشباب يجون يفزعون معي
وكلمتهم لكن كان عندهم جرتين ولا يقدرون يجون الا واحد منهم قال انا عندي عمل واخرج الساعه ٣ العصر اجيك قالي انتبه لا تضيعها ولا تقص حتي لا تطير وانت ما شفتها قلت طيب
وقلت خلني اشلوي للطير حتي اذا شافته الحباره ترص نفسهاولا تتحرك واشلوي للطير الاول وبعدين قلت الوقت بدري خلني اشلوي للطير الثاني وهذا فيه وحاشيه لسع وبس اخذله كم لفه فوقي وقام يرتفع تقول يبي يحوم والله واللحقه وروح خلف مكان الجره وامسك الطير ويقابلني واحد يعود فايدي جهني

قال سلام قلتله وعليكم السلام
الحين الساعه ١٠ تقريبا الصبح قال عندي جره قلتله حتي انا عندي جره قال اجل كل واحد يتبع جرته قلتله انت متي لقيتها لانه لا توجد مسافه بين مالقيت الجره ومكان مالقيت الشخص قال لي انا قنصت الحويان في الساحل حول الوجه ولقيتها صبا هواء وسافي وقلت اجي هنا ولقيت الجره
والله واتصل علي خويي قلتله هذا العلم قال اساله من انت وسالته قالي انا فلان بن فلان
واقل لخويي قال ياولد تراه كذاب ولا هي اول مره يسويها يدربل يشوف اللي يقص ويقطع من بعيد ويقول انا لقيتها
واكلم الشخص قلتله الجره عندي قال ابد ماهي عندك انا عازم عليها قلتله ونا كذلك عازم عليها واتمني انك ماتسوي مشكله الا شوي واخوياه حضرو رحت لواحد منهم قلتله وين اميركم قال ما عندنا امير قلتله عشر سيارات ولا لكم امير كيف هذا قال روح كلم الشخص هذا وكلمته وجاي معهم اللي مسوي المشكله وقل لهم انا السوداني راعي الغنم اتصلبي وقال لي عندي جره قلتله علي مشهد الرجال اذا اتصلبك قبل ٧ صبحا الحباره لك ونا مغادر واذا بعد تراها لي قال متصلبي ولا عشرين اتصال قلتله اثبت لهم باي اتصال وانا موافق وقال انت ما عندك حباره بالدليل انك تشلوي للطير وقلتله السبب لك ما اقتنع

راح وقال والله ما اخليها لك ونا عازم عليها وبعدين سبحان الله غفلت عن كلامه انه قال رحت للمكان الفلاني ولقيته هواء وسافي هل لو انه قايله عندي جره يروح مكان ثاني لاجل يدور عن جره
والشي الثاني ان السوداني راعي الغنم مسافر له ٤ ايام
شوفو الكذب كيف
المهم واكلم اخوه قلتله
انت ويش علمك قال الحباره عندنا وانت ما لك جره سياره وانت تكذب
قلتله امش معي اوريك مبيتي وجرة الحباره اول ماشفتها قال الكذاب الثاني انا جيت من نفس الموقع الصبح ولا شفتك قلتله والله انت انا اللي ماشفتك لو تعديت شفتك وشفتني
لكن قلتله الحباره لكم والله يعوضني وقام يحدني بسيارته وشفت ان الوضع يتجه لمشكله
ونا اعرف ابوه قلت ياولد انا ماشي
وادعي ربي انه مايوفقهم فيها واسمع بعدين انهم ضيعوها وضيعوا طيرهم معها قلت الله اكبر نهاية الظلم
والحمد لله الله عوضني بحباره حولتبها بطيري حيزوم
وهذي القصص اتمني ان تكون عبره للي مايخافون الله والصدق منجاه
المقناص وناسه وتوسيع صدر ومعرفة الرجال
لكن السنه الجايه اذا الله احياني
لي تصرف ثاني مع اي احد يغلط