عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ - الصفحة 12

حبيبة المطيري · 09-09-2012, 04:41 PM

آلــبـــ’,ـآرت آلـخـــــــــ ’ 10 ’ ـــــــــــــآمس ..,’*,..
’*,..’ لآيغرڪِـ وآن بِدى جِسْمي سليم
وآلله آن جِسْمي سِوآرْ آلمَقْبرَه ’*,..’
.
.
أبوظبي ..
آلمستشفى ..
ع آلسآعه 11 ونص دخل فجأة آلدكتور بسرعه هو ومع آلسيسترآت وكآن صوت الآلآت اللي مركبه ع نآصر شآل القسسم كله .. وبدآ آلخوف وآلتوتر يزيد عندهم وروضة دموعها تطيح بدون لـآ تحسس .. طلع آلدكتور ووقف جدآم آلبآب وفصخ نظآرته وحك عيونه ع آلخفيف .. حسوآ ان آلوضع مب مطمن أبداً اجدموا له عشآن يسألون ..
بو محمد : خير دكتور شو مستوي .. طمنآ .. ؟!
آلدكتور " وآضح عليه آلحزن " : بأولك إييه ولـآ إييه ..؟!!
حآمد " متنرفز " : بتقول ولـآ أييك كف شرق عينك ..؟!
زآيد " بصوت خفيف لـ حآمد " : حآمد عيب حشم أخويه إذآ مآ بتحشمنيه ..
بو محمد " قآطعهم " : دكتور قول خلصنآ ..
الدكتور : بعد آلعملية حآلتو كآنت شوي صعبه وهوآ أصلـاً فآئد دم كتييير .. ونقلنآه للـ العنآية آلمركزة .. وآلحين حآلتوآ سآءت أكتر ودخل بـ غيبوبه وجسمه مو أآآدر يستجيب للدم اللي ننقله له ..
آلكـل آنصدم وروضة كآنت تسمعهم فجأة قطعت عليهم رمستهم وشهقت بصيآحها وتمت تنزل تدريجياً على اليدآر ومحطيه إيدها على حلجها ومنصصدمه لـ درجه فظيعه وتمت تقول بصوت عآلي شوي : انـآ آلسبب انـآ آلسبب .. لو مآ ودآني بيتنآ جآن ألحين هو حي وتمت تصيح حآسه بتأنيب آلضمير مع انه كله قضآء وقدر وتم يهديها عمها .. صعب انك تفتكر أن آخر شخص سمعت أحلى الكلمآت منه على حآفة آلنجآة او ألــــــــــــــــموت .. في نآس توفوآ و أنت تكلمهم قبل دقيقة او دقيقتين .. ونـآس وأنت قآعد تكلمهم أييهم ملك آلموت وفجأة ولـآ تقدر تسسوي شئ عشآن ترجعه لـأنه رآح وغآدر بأمر من رب آلعآلميـــــــــــــــن .. روضة أكثر شئ أثر فيها انه قبل لـآ يفقد وعيه كآن يرمسها عشآن تنقذه مع انه يعرف أنها تكرهـآ .. وأثر فيهآ بعد مكآلمآته كل شوي ويآهآ وموقفهم بالميلس .. مب قآدرة تستوعب صععععب هآلشئ وآيـــــد بـ مجرد آلتفكيير فيـه .. بس وآت كآن وي دو ..؟! .. ='(
.
.
في عآلم آخر ..
فــآلفندق " قصر الإمآرآت " ..
رآشد توآ وآعي ..
شآف آلسآعه وشهههق ..
رآشد " يوعي حمدة " : أوووه أتأخرنآ .. حمدة .. حمدة قومي أتأخرنا طيآرتنا 1 إلـآ ثلث ..
حمدة : أووووف .. خلني أرقد بعده وقت .. " تغطي رآسها باللحآف .. "
رآشد " يمط عنهآ اللحآف " : حمدووه قومي لين نوصل دبي وتجييكآت وغيره قومي خلصيني ..
حمده " تقوم تيلس وتتمتح " :يآربيييه أنته مسهرني لين آلفير محد قآلك ..
رآشد : يالله أول ليله محد كثركن يستحي و ثآني يوم سيدآ يطير آلمستحى ..
,’ حمدة أستحت من رمسته وقآمت شلت ثيآبها ودخلت آلحمآم تسبحت وخلصت وطلعت ودخل رآشد عقبها وتسبح وتلبس قميص بولو أخضر زيتوني مع كتآبآت بيضا ع آلطرف وبنطلون جنز أزرق ويلس ع آلشبرية ولبس بوته الأخضر آلغآمج .. قآم شآف عمره فـ منظرة آلتوآليت رد شعره ع ورآ ولبس كآبه وحط نظآرته ريبآن تدرجآتهآ بالأخضر ع كآبه .. و حمدة لـآبسه سكيني بيج و بودي بيج فوقه شرآت آلمعطف بس كآت لونه بني يوصل لين فوق ركبها ولـآبسه فلـآتهآ آلبني ويآلسه تحط الأغرآض اللي كآنوا مطلعينها فـ آلشنط .. ,’
رآشد " يطآلع حمدة " : حيآتيه ..
حمدة " تبتسم له " : آآآمر ..
رآشد " يبتسم " : شرآيج فيني ..؟!
حمدة " منزله رآسها وتعدل الأغرآض " : حلوو ..
رآشد : احم احم .. انزين انا بسير اسوي جيك آوت وبخليهم يسوولنآ ريوق بسيط وبيي آلريآل يشل الشنط لـآ تفتحين آلبآب لين أيي اوك ..؟
حمدة : على أمرك ..
,’ رآششد شل فونه وظهر عشآن يسوي جيك آوت .. وحمدة خلصت من آلشنط و ودتهن قريب آلبآب .. وردت تعدل عمرهآ رفعت قصتها ع بف خفيف ومن الجوآنب كم خصله و حطت لها فونديشن بس مآ كثرت لـأنها مآ تروم تتغشى فـ آلطيآرة لمدة 7 سآعآت واتجحلت وحطت فوق جحآلهآ جحآل بني وحطت آيلـآينر ومسسكرة وجلوس وردي فآتح وطلعت عطر من شنطتهآ آلهآند بآق .. ولبست عبآتهآ ووقآيتهآ وشلت شنطتهآ آلبنية المخططه بالبني آلغآمج وآلفآتح .. واتأكدت انهآ مآ نسست شئ .. يلسست فـ آلصآله تتريآ رآشد لين أييي ..
رآشد " يدخل ويشوف حمده " : اوه اوه آسف مغلط بآلشقة .. " ورد بيطلع "
حمده " توقف " : إييه عآد ..
رآشد " يرد لها " : هههه أسستهبل ويآج ..
حمدة : يعني هآلكثر مب وآثق أني حلوه ..؟!
رآشد : هههه طلعتي حسآسه .. أفـآ شيخة آلبنآت أنتي .. " يجرب منهآ "
حمدة "تجآول تبعده بأي طريقة " : إيه رآشد يلـآ آلطيآرة بتطير عنآ ..
رآشد : عآدي .. اصلـآ بكنسسل آلسفرة .. " يبتسم بخبث "
حمدة " أدزه "
دق دق دقققق ..
رآشد : اوف نسسسيته هذآ بععد لـآزم يقططع أوووف ..
حمدة " بمستحى بس تبآ تخفيه " : ههه يلـآ سير طلع له الشنط ..
رآشد : يلـآ عيل بنسير مرة وحده .. " يمسك إيدهآ وطلعوا "
خذ العآمل اللي يشتغل فـ آلفندق آلشنط ونزلهن لين آلبآركنآت عند سيآرة رآشد ويلس يتريآهم لين يخلصون ريوق .. تريقوآ ع آلسريع وطلعوآ ورآشد بسيآرته هو آللي بيسير المطآر يعني بروحه بيسير ويوم آلرده بروحه بيرد مآفي حد يويدهم واييبهم .. وقرروآ يسسسلمون على أهلهم بآلفون .. دق رآشد أول شئ على ابوه وسلم عليه وعلى امه ورمس يده وروضة بصعوبه كلمته لأنهم مآ يبونه يعرف عن آلسآلفه لأننه بيكنسل كل شئ وبتخترب ونآسته و فطيم وزآيد و اتصلوا لـ أم نآصر وسلموآ عليهآ و عقبها اتصصلوآ لـ حآمد وسلموا عليه و طلع لهم حآمد كم عذر عن نآصر وطرشوله سلـآم عند حآمد لكن مآ يدروبه انه حتى بنفسه مب حآس .. وصلوا دبي ع آلسآعه 1 وربع بركن رآشد سيآرته وخذآلها موقف لمدة شهر لأنهم بيسيرون اسبوع فرنسآ و اسبوع رومآ واسبوع كندآ واسبوع مآليزيآ < مآشآء الله مرتب .. ولأنه مآشآء الله مطآر دبي كبيير تموا يسوون كل شئ بسسرعه ومشي أسسرع .. خطفوآ ع آلسوق الحرة و رآشد يشتري شئ يتسلون فيه يعني أكل و هيك وحمدة سآرت تشتري لها كم مجله وهي تصفح آلمجله وقف وآحد حذآلها ..
....... : آلحلو خذي آلرقم " ومد إيده وحط آلرقم فـ صفحه من آلصفحآت وسآر "
حمده " مندمجه فالمجله ولـآ تدري بالدنيآ .. "
,’ حمده خذت لها كم مجله وتلـآقفت ويآ رآشد خذولهم كوفي وسآروآ فوق وين أنتظآر آلطيآره .. وسيدآ نآدوبهم و ركبوآ وطبعاً هم فيرست كلـآس .. ,’
حمدة : أقول رآشد يود شوي آلمجله بسير آلحمآم شوي بعدل شعريه وبيي ..
رآشد " يآخذ آلمجله " : اوكيييه بس لـآ تتأخرين ..
حمدة : إن شآء الله .. " سآرت وهو يلس يتصفح آلمجله .. "
رآشد " وبين مآهو يتصفح آلمجله فتح صفحه من آلصفحآت ولقآ كلينكس فيه رقم أستغرب هذآ شو .. بس يآه فضول أنه يتصل ويشوف منو يرد .. اتصصل ع آلرقم وكآن مشغول ويوم رد يتصل أنصدم من آلرد وآللي كآن :
....... : يـآ هلـآ وآلله .. تعبت من أتريآج .. فديتج حآسه فيني .. أنزين شحآلج غنآتي ..؟ < دفعه وحده خ خ
رآشد " بند فـ ويهه وبيموت من آلقهر ويقول فـ خآطره " : مستحييل حمده ترمس وآحد .. مستحيل حب حيآتي تخوني علـى آخر شششئ .. مستحييل اللي قآعد يستوي .. بس أتأخرت فـ آلحمآم أكيد كآنت ترمسه يوم دقيتله وعطآني مششغول .. آآآآآآآآآآآآآخ على حب الأيآم آللي مضضت .. آآآخ على ضيآع وقتي عليج يآ حمده .. " لبس نظآرته آلشمسية لـأنه رآشد من آلنوع آللي مزآجه ينبآن من عيونه وتم يطآلع آلدريشة .."
حمدة " يت ويلست جدآمه لأن آلفيرست كلـآس آلكرآسي مجآبلـآت بعض " : هههه وآلله مآشئ شمس فالطيآرة .. " ومدت إيدها عسب تشلها بس هو مسك إيدها وبعدها بمعنى لـآ تشلينها .."
حمدة " استغربت منه وتممت سآككته .. "
رآشد " صآد ويهه ع دريشة آلطيآرة بس هو اصلاً يطآلعها وهي تتحسبه يطآلع الدريشة ويقول فـ خآطره " : مب قآدر أصدق آلخيآنه .. شاللي استوآ ..؟ الله يآخذج إذآ كنتي اتخونيني الله يآخذج ويفكني مننج .. يآربي تصبرني واقدر اكتم غيضي لين نوصل هنآك .."
,’ تكلم قبطآن الطيآرة بأنهم بيطيرون ألحين ويغلقون الاجهزة الألكترونية .. وبعد دقآيق طآرت آلطيآرة من ارض بو خليفة لـ أرض آلغرب .. مآ تكلموا مع بعض وآيد فـ الطيآرة وعشآن مآ يتكلم رآشد ويآهآ رد بالكرسي ع ورآ وحط كآبه ع ويهه ع أسآس أنه بيرقد لكنه يآلس يفكر باللي يستوي .. ,’
.
.
نرد لـ أبوظبي ..
المستشفى ..
آلسآعه 1 وثلــث ..
كلهم نفس آلحـآله .. روضة هدت شوي .. وكل حد متضآيق بس مآ بإيدهم غير يدعون له ..
بو محمد : نحن لـآزم نخبرهم باللي صآر وجي ولـآ جي آخر شئ بيعرفون ..
حآمد " بضيق " : بسس عميه يعني امآيه مآ بتتحمل آلخبــر ..
بو محمد : انته سير هآتهآ ووقفها امرة جدآم بآب العنآية وبنخبرها ..
حآمد " بيأس طآلع زآيد وزآيد حرك رآسه بمعنى صح كلـآمه وسآر اييب أمه .."
بو محمد " ييلس حذآل روضة " : نآصر شو كآن رآدنه من آلعين ع آلسآعه 4 آلفير ..
روضة " توترت وطآلعت زآيد وردت رمست " : أأ .. لـأني يوم كنت فـ قآعة آلعرس تأخرت بترتيب الأغرآض وكلكم روحتوآ ومحد كآن غيره هنآك وردني ..
بو محمد : انزين إذآ ردج بيردج ع آلسآعه 12 ونص ولـآ 1 مب 4 آلفير ..
روضة " بتوتر أكثر " : أأ .. لـأنه أأ .. كآن تعبآن ورآسه يعوره وقتله مآفيك ع طريج بوظبي بعدك تعآل ريح فـ الميلس .. ويآ رقد له سآعه ورد بعدين ..
بو محمد : زين .. بس مرة ثآنية مآ تنعآد ومحد يدري ..
روضة " هزت رآسها بـ معنى أنزين .. "
بو محمد : انا بدق لـ بو سعيد بخبره واخليه يخبرهم ..
زآيد : آلله يسستر ..
بو محمد " اتصل لـ بوسعيد وخبره آلسآلفه وفزعوا من آلعين بوسعيد وحرمته وسعيد وعبدالله ونورة طبعاً ويآهم عسب تكون ويآ روضة واليد وام محمد بعد ما وصلها الخبر ومحمد .. "
بعد ربع سآعه وبعد ما اقتنعت ام نآصر يت ويآ حآمد واستغربت من وجود روضة وزآيد وبو محمد ..
أم نآصر : آلسلـآم عليكم ..
الكل : وعليج آلسلـآم وآلرحمة ..
أم نآصر : خير شسالفة اشوفكم إلـآ متيمعين هنييه ..
بو محمد : أنتي يلسي وبنخبرج آلسآلفه ..
أم نآصر " مستغربه ويلست ع آلكرسي حذآل روضة ومب مطمنه " : خير يآ بومحمد أرمس ..
بو محمد " خبرها آلسآلفة كآملة .. "
أم نآصر " وقفت وبهدوء " : أبـآ ادخل عنده ..
حآمد : امآيه هو فـ غيبـ ...
أم نآصر " تقآطعه " : كلمتيه وحده ادخل عنده يعني أدخل عنده ..
حآمد : خلـآص خلـآص بتدخلين ..
كآنـوآ بيدخلون بس آلدكتور مآ خلـآهم وشوي منا ومنا ومنا ووآسطه وغيره لين دخلوها عنده ومآ سمحولها إلـآ غير دقيقه ..
..
فـ غرفة نآصر مآل آلعنآية ..
أم نآصر " تحط إيدها ع يبهة نآصر " : نآصر بويه .. لـآ تخليني شرآت مآ خلـآني أبوك .. سآر عند ربه .. مآ بقآلي غير ربي وأنتوآ .. نآصر أختك توكلت وسآرت عند ريلها .. واللي بقولي انته وحآمد .. لـآ تسير شرآت سيرت أبوك مآعقبها ردة " تنزل دموعها " معتمدة ع ربي ثم عليك .. ودي أشوفك ع الكوشة وحرمتك حذآلك .. ومن عقبها فـ البيت وعيآلك حوآليك .. لـآ تخلي كل امنيآتي واحلـآمي فيك بس فـ آلسمآ ابآها تتحقق يآ نآصر أبآهآ تتحقق .. ربي يقومك بالسلـآمه .. " مشت دموعها وطلعت وردت وين كآنت يآلسه وتمت هآدية والكل مستغرب انها ما سوت نفس الشئ اللي سوته يوم كآن حامد فالمستشفى .. "
..
بعد سآعة إلـآ ربع وصلوآ قوم بو سعيد وآللي ويآهم ..
عبدالله يلس ويآ حآمد وزآيد عسب يعرف آلسآلفه .. ونورة ويآ روضة وآلبآقين وآقفين ويآ بو محمد عشآن يعرفون آلسآلفه ..
..
عند نورة وروضة يآلسآت بعيد عنهم ..
نورة : فهميني آلسآلفه رويض ..
روضة " منزلة رآسها وتلعب بالكلينكس اللي فـ إيدها " : هو كآن رآدني من قآعة آلعرس عقب مآ روحتوآ عني ..
نورة : انزين ...
روضة : وكان تعبآن ورقد فـ ميلسنا وسرى فـ الليل ع اساس بيرد بيتهم وصآر اللي صآر ..
نورة : يعني آلحين هو صدق مطعون ..!
روضة " تصيح وتحط إيدها ع ويهها " : لــآ تذكريني فهالشئ يآ نورة .. انا آلسبب لـو مآردني جآن الحين مآ صآر اللي صآر .. " تصيح بقوة "
نورة " تحظنهآ " : لـآ تقوليين هالرمسسة .. قدر الله ومآشآْ فعل .. هذآ مقدر ومكتوب يآ روضة مب انتي آلسبب .. ربج كآتبنه ولو مآ صآر بسببج ع قولتج بيصير بسبب غيرج .. بعدين أنتي مآ تحبينه ليش تصيحين عليه ..؟
روضة " تخوز نورة وتطآلعها " : نورة لـآ تحسسيني إني مآ فيني ذرة إحسآس .. إذآ مآ أحبه مب معنآتهآ اتمنى له آلشر .. " أتغشت وقآمت عنها وسآرت تغير نفسيتها "
نورة " فخآطرها " : هآذي أنتي يآ روضة مآ ينعرف لج بس الله يستر من آللي يآي .. " قآمت وسآرت عندهم "
..
عند روضة ..
مسوين للمستشفى شرآت حديقة ويلسة وجي عشآن تتغير النفسية ..
مآ كآن حد موجود فـ الحديقة غير روضة فـ خذت حريتها وضمت ريولها لـ صدرها وحطت رآسها على ريولها وتمت تصيح ع رآحتها ..
قرب منها شخص ويلس حذآلها حست فيه بس مآ كآنت فآضيه له وهي فـ دوآمة دموعهآ ..
**** " يطآلع جدآم " : روضة .. تصيحين على نآصر ..؟!
روضة " رفعت ويهها وشآفته وانصدمت " : حـ حـ حـآمد ..
حآمد : هي حآمد .. " يصد صوبها " تصيحين على نآصر ..؟!
روضة " وقفت وطآلعته وهي منهآرة " : هي أصيح عليه ريلي .. وبعدين شو منآسبة هالسؤآل ..!!
حآمد : مآشئ منآسبه .. بس أحسكم تكرهون بعض ..
روضة " معصبه " : حآمد لـآ تخليني احسبك شرآت العدو .. وانت اخو غآلي وعزيز .. " بقهر" مآ أكرهه أحححبه تعرف شو يعني أحححبه .. " وروحت "
حآمد " فخآطره " : ليتني أقدر أمسح هالدموع .. واحضنج واخفف عنج .. مآ قآلت انها تحبه صح ..؟! ومآ قآلت اني أخو ..! هـه ليش تقص على عمرك يآ حآمد اونك تبا تستكشف مشآعر آلنآس .. هي حرمته واكيد تحبه .. انا الغلطآن كل مرة إذا بسوي هالشئ بنجرح .. بس أنا نيتي صآفية أبآ أصلح من بينهم .. والله هذآ هدفي .. أفف الحيين بتستحقرني .. بلحق عليها وبفهمها ..
"" لحقها وكآنت توها دآخله المستشفى ""
حآمد " بصوت عآلي شوي " : روضضه .. روضضضه ..
روضة " تمسح دموعها وتهدي عمرها ووقفت ع طرف ولفت عليه"
حآمد " وقف جدآمها ويطآلع تحت " : آسف روضة إذآ غثيتج بـ كلـآمي .. " يطآلعها " والله مآ تهون عليه بنت عمي تكون فهالحآله ..
روضة " تبتسم " : عآدي كلنا عقلنا مب عدنا .. وانا آسفه بعد مآ احترمتك ..
حآمد : عآدي عآدي كم بنت عم عندي انا إلـآ وحده ..
روضة : جذآب .. فطيم ختيه بعد ..
حآمد : هههههه .. قفطتيني ..
روضة : يلـآ بسير أنآ .. " سآرت "
حآمد " فخآطره " : ربي لـآ يحرمني من هالابتسآمه .. " ورد عندهم فوق "
.
دبي ..
بيت بوهزآع ..
بعد مآ أتغدوآ اجتمعوا فـ آلصآله ..
هزآع " يرمس زآيد فـ آلفون " : ألو ..
زآيد : هلـآ هزآع ..
هزآع : اهلييين .. شحآلك ..؟!
زآيد : يسرك .. أنته شحآلك ..؟!
هزآع : بخير وسهآله .. إلـآ أقولك ..
زآيد : آمر ..
هزآع : أدق للشبيبة مآ يردون .. مآ تبآنآ نسير عوآفي آخر الأسبوع ..؟!
زآيد : هـه ليش انته مآ دريت بآلسآلفه ..؟!
هزآع " خآف " : أي سآلفه ..؟!
زآيد : نآصر فـ المستشفى ..
هزآع : شووووووووووووو ..؟! " كل اللي فالصاله طآلعوه "
زآيد : هذآ آللي صآر ..
هزآع : شو يآه ..؟!
زآيد : طعنوه آلسآعة 4 آلفير ..
هزآع " يوقف " : خييبه .. أي مستشفى ألحين انتوآ ..؟
زآيد : مستشفى النور فـ أبوظبي ..
هزآع : يلـآ يلـآ يآينكم .. " سكر آلفون عنه وركض حجرته اييب سفرته وسويجه ,’, طلع سيآرة يديدة عقب الحآدث وبعد FJ لكن كحليه ,’, "
..
فـ آلصآلة ..
هزآع مر عسب يطلع ووقفه صوت أبوه ..
بو هزآع : شسالفه هزآع ..؟!
هزآع : نآًصر مطعون وفالمستشفى ..
ام هزآع : منو نآصر ..؟
هزآع : يآ ربيي .. نآصر ريل روضة بنت أختج ..
عليا " تشهق " : هيييأ .. يآ ويلي عليج يآ رويض ..
بو هزآع : وشو قآلك اللي دآقلك ..
هزآع " مستعيل " : آللي قآلي إيآه انه مطعون ..
ام هزآع : يوم توصل وتتخبرهم طمنا ..
هزآع : إن شآء الله إن شآء الله .. " وطلع "
..
كل آللي فـ آلصآله مضآيجين ..
ام هزآع " ميوده رآسها " : يآويلي عليه .. قبل أخوه والحيين هو ..
مآيد : قضآء وقدر ..
عليآ : بدآ شريف مكه يفتي عآد ..
مآيد : والله ..! منو منهم عاد ..؟!
عليآ : اللي تبآه حطه ..
مآيد : ليش لعبه ..؟
عليا : والله مب وقت عبطك ..
مآيد : أعيل وقت سوآلفيه ..
عليآ : أسير حجرتيه أبرك ..
مآيد : والله إجآزة لـآ تسوين بريزنيشنآت يالمجتهدة .. < مأجزين شرآتنا ..
عليآ " وهي تركب آلدري" : جب عن آلتطنيز ..
خليفة : أوهو ع آليهآلة حتى عيآلي مب شرآتكم ..
مآيد : خل أنته عيآلك يأجوج ومأجوج مخلصين حلـآوة ثلـآجتيه ..
ريم : يلـآ عآد مب على عيآلي ..
بو هزآع : برآيهم حلـآل زلـآل .. كل شئ يرخص للغآليين " ويشل حمد ومحمد اعيال خليفة وييلسهم ع ريوله "
مآيد : أبويه بيكسرونك درآمآت مآي شرآت أبوهم ..
خليفة " يفر مآيد بالمخده بس مآيد يودها "
ريم : يالله عاد ريلي أرشق آلرشيقين ..
خليفة : احم أحـــــم ..
مآيد " وهو يقوم بيطلع " : الله يخلي برآمج آلرجيم وآلصآلـآت ولـآ انتوآ مآ تدخلون من آلبآب اصلـاً ..
حمد : تب لـآ تقول حق بآبآ ومآمآ جيي ..
مآيد : حتى هذآ علموه ..
ام هزآع : وين بتسير ..؟!
مآيد : بسير أتحوط ..
خليفة : عندك فلوس ..
مآيد " يطلع بوكه من مخبآه ويفتحه " : والله يآ خويه الحمدالله عندي وإذآ بتعطيني زيآده فيك آلخير ..
خليفة : توني درآم مآي ومآ أدش من آلبيت وألحين ادور فلوس ..
مآيد : انته مب درآم مآي أنته درآم فلوس يلـآ اخويه عطني ..
خليفة : انزين تعآل وجرب وغمض عينك ومد إيدك ..
مآيد " سوآ اللي قآله خليفة " : يلـآ عطني ..
خليفة " حطله درهمين فـ أيده "
مآيد " فتح عينه " : وآيد كريم أخويه .. " جرب من عيال خليفة وعطآهم درهم درهم .. "
مآيد : هآذيلـآ صدقة جآريه حق عيآلك ..
خليفة : مآ عليه يالهرم .. " وفره بالمخده لكنه طلع "
.
.
أبوظبي ..
آلسآعه 3 آلظهر ..
{ انتشر خبر طعنة نآصر عند ربعه واهله ومعآرفه وكل اللي يعرفونه فبوظبي وآلعين واللي ويآه فالجيش .. }
{ انترست المستشفى كلهم من معارف نآصر يبون يعرفون آلسآلفه }
{ والحريم طبعاً مآ بيتمن وكله ريآييل فـ سآرن ويا أم نآصر بيتها منه يريحن ومنه يهدنها }
{ كل ساعه حد يدخل ويطلع من الشرطه ولـآزم نآصر ينش عسب يحققون ويآه }
..
إن آذر بليس ..
بيت بو منصور ..
حجرة فطآمي ..
فطآمي تسبح وتلفونها يرن ..
وتدخل مهرة ..
مهرة : أف يآ فونها كيف أذية .. " ترد ع الفون " ألـو ..
عآرف " خيبه مب فطيم هآي خل انقذ الموقف " : الو حمدآن وينك يآ ريآل اتأخرت ..
مهرة : خويه ها مب تلفون حمدان النمرة غلط ..
عآرف " خخخ مشت عليها " : أوه آلسموحه اعيل ..
مهرة " تسكر آلفون " : خيبه صدق ريآل هالكثر يدق حشرنا ..
فطآمي " تطلع من الحمام ( عزكم الله وعلـآ شآنكم ) وتصآرخ " : إيييييييييه .. منو سمحلج تيودين فوني ..
مهرة : خيبه يبوج كلتيني مب تلفون هذا ذهب ..
فطآمي : هي ذهب .. مرة ثآنية مآ يخصج بـ فوني ..
مهرة : بس لـآه فوني وفوني فونوج بقب .. ميته عليه عبآلج .. إلـآ حششرني عافان الله ..
فطآمي " بتوتر " : منو المتصل ..؟!
مهرة : وآحد مغلط ..
فطآمي : اوك عطيني مقفآج ..
مهرة : إذآ تستخدمين هالاسلوب الوقح ويآ ربآيعج لـآ تستعملينه ويآيه .. واحترميني مب أصغر عيآلج ..
فطآمي " بدلع " : محآآآآظره تآآآآيم ..
مهرة " بـ استهزآء " : هـه ترآج أنتي هآي .. شرآت البهيمة اللي لو ترمسينها مآ تفهم عليج .. " طلعت "
فطآمي " تنشف شعرها " : قصصورج بعععآد تغلطين عليه ..
,,.’ يلست ع آلشبرية وشلت فونها واتصلت لـ عآرف ’.,,
فطآمي " بدلع " : آآآلو ..
عآرف : هلـآ وغلـآ فدييييييييت هالصوت ..
فطآمي : أفدآك حيآآتي ..
عآرف : تعبت من أدقلج ومآ تردين ..
فطآمي " بدلع " : سسوري حيآتو كنت آتسسبح ..
عآرف : نعيماً أعيل ..
فطآمي " بدلع " : الله ينعم علييك ..
عآرف : منو هآي اللي ردت عليه ..؟!
فطآمي " بدلع " : أختتتي .. اونه صوت آلفون سوآلها ازعآج ..
عآرف : اهـآ .. تصدقين صوتهآ حلو ..
فطآمي : حلو هآ حلو .. خلـآص زعلت .. ببآي ..
عآرف : ههههه فدييت آللي يغآر والله .. استهبل ويآج .. كل الحلـآ عندي وأدور غيرها ..
فطآمي " اونهآ مستحيه " : أحم ..
عآرف : انزين حيآتي ربعي عندي مآ أبآهم يسمعون صوتج أغآر .. بكلمج بعدين اوك ..؟!
فطآمي "بدلع " : فديتك يآ ربي .. اوكآي حيآتي ..
عآرف " فخآطره : فدآج فيل قولي آمين " : أفدآج .. يلـآ ببآي ..
فطآمي " بدلع " : ببآآي قلبي .. " سكرت عنه "
.
.
عند عآرف يالس فـ مول من المولـآت ..
عآرف " فخآطره " : مصدقة عمرها الأخت مآ تدري أنه من ورآهآ بتيني فلوس مآ شفتها فـ حيآتي ..
سآلم " ايي من ورآه واييلس حذآله " : هآ شسويت ويآهآ ..
عآرف : ههههه اسكت يبوك هآي مقصه مآ عقبها مقصه ..
سآلم : ههههه شكلك مضبط كل شئ .. سجلت ..؟!
عآرف : طبعا ها فالمرتبة الأولى ..
سآلم : وآلصور ..؟
عآرف : تريآ مب كل شئ مرة وحده بستدرجها شوي شوي لين توثق وذيج الساعه كل اللي تباه غصبن عنها بتسويه ..
سآلم " مستانس " : كفو يا العريفي .. وامره اطلب اللي تبآه ..
عآرف " مبتسم " : وآحد كبشتينو لو سمحت ..
سآلم : هههه يعني كبشتينو مب كآبتشينو ..؟!
عآرف : لـآ خلـآص الثآنية آلثآنيه ..
سآلم : ههههه أعرف انك مآ تعرف تنطقها ..
عآرف : مب من صعووبتها ..
سآلم : هههه يلـآ أعيل انطقها ..
عآرف " يرفع إيده " : تعآلو شبآب نحن هنييه ..
*,.. يو ربعهم ويلسوآ يسولفون وربعهم نفس طينتهم بس مب شقق وجيي ..,*
..’
مر هاليوم على كل حد مشغول بـ عمرره وفكره وحآله ومستقبله ووضعـه ..
.
.
.
End Of The Part
__DEFINE_LIKE_SHARE__

حبيبة المطيري · 09-09-2012, 04:44 PM

{ ,’ آلــبـــ’,ـآرت آلـســـــــــ ’ 10 ’ ـــــــــــــآدس .. [
؛,
حْححَسَآفَه '
فِيْك وَقْت قُد ’قَضَيْتَـــه
آعُدّل فـ آَلِبَنَّآ و الِسِآآس مَآْيِل *,’
,؛
.
.
آلسآعة 7 آلمغرب بتوقيت الـإمآرآت ..
4 آلعصصر بتوقيت فرنسآ ..
وصلــوآ آلمتوجهين لـ فرنسآ مطآر شارل ديغول ..
خلصوآ رآشد وحمده أجرآءآت آلمطآر وأتوجهوآ للفندق خلصوآ بعد الإجرآءآت ودخلوآ جنآحهم آللي كآن عبآرة عن صآلة كبيرة شوي واطل على برج إيفل .. ومطبخ مفتوح ع آلصآلة يعني المطبخ جزء من آلصآله و حجرة ديكورها ملكي فرنسي ..
,’ دخلت حمدة آلحجرة وعقت عبآتها .. توضت وصلت اللي فآيتنها .. ورآشد بعد نفس آلشئ صلى ويلس يتريآهآ فـ آلصآله .. بعد مآ خلصت صلـآتها عدلت شكلها وشعرها وطلعت عنده فـ آلصآلة .. وأول مآ شآفهآ وقف ,’
رآشد " بحدة ووآقف فـ ويهها " : حمدة .. " يطلع آلكلينكس من مخبآه ويرفعه فـ ويهها " هذآ شو ..؟!
حمدة : بسم الله رآشد شو فيك ..؟! كلينكس هذآ بعد شو ..!!
رآشد " يزآعج " : حمآرة انتي ..؟! أدري أنه كلينكس ..
حمدة " عآقده حيآتهآ " : أنته ليش جي ترمسني مسآعه مآ فيك شئ ..!!
رآشد " يغمض عيونه بهدوء ويعطيها آلكلينكس " : حمدة مآ دآم آلنفس عليج رآضيه .. أتكلمي هآ آلرقم من وين تعرفينه ..
حمدة " تفتح الكلينكس وبصدمه ودموعها فـ عيونها " : رآشـ..شـ..شـد .. انته تششك فيني ..؟!
رآشد " يطآلعها " : حمدة مب وقت أشك فيج ولـآ لـآ .. " بصوت عآلي " من ويين أتعرفين هالرقم ..؟! توصل فيج آلموآصيل يآ بنت الأيآويد ترمسين ..!
حمدة " دموعها تنزل ومنصدمه " : أنآ مآ أسمح لـ أي حد كآن يتهمني بـ شرفيه .. حتى انته ولو منو كنت مآ يخصصـ ..
رآشد " قآطعها بكف ع ويهها "
حمدة " وآقفه مكآنها وصآده ع ينب ومحطيه إيدها ع خدها " : مشكور مآ تقصر أيي منك أكثر .. " تطآلعه وبهدوء " مآ هقيتك جي شكآك وقآسي .. بعدنآ ثآني يوم فـ حيآتنا لكن مآ أقول غير حسآفة وقت قضيته فـ حيآتي وأنآ أحبك وأتمنى شوفك .. حسسآفه فيك وقت قد قضيته اعدل فـ البنا والسآس مآيل .. " تصيح وتعلي صوتها " تشك فيني آخر عمري ..! " تشهق " تششك فيني ..!! " تسير فـ آلحجرة وتيب فونهآ وتحطه فـ رآحة إيده " هآ شوف مكآلمآتي ويآ منو وإذآ مآ بتصدق بالأسم أتصل لهم وآحد وآحد يآ زوجي آلحنون ..
,’ دخلت آلحجرة وصكت البآب وأتسآندت عليه وتمت تنزل تدريجياً ويلست تحت وهي تصيح بقوة وتشآهق ع شك رآشد لهـآ ,’
’,’ رآشد حس انه ظآلمنهآ بس مآ عنده دليل على ظلمهآ .. يبآ يعرف من وين يآ هآلكلينكس وحقيقة صوت آللي رد .. رد ع ورآ وطآح ع آلغنفه مغمض عيونه بشدة ويعوره قلبه كل مآ يسمع شهقآتهآ بس مآ بيده شئ .. حآول يغمض عيونه عشآن يرقد بعد آلتعب بس مآ قدر .. قلبه مآ طآوعه يرقد وهي تصييح .. قآم بيسير لها وكل مرة يقوم بس يمنعه شئ ويرد أييلس .. لين قرر أنه يسيرلها ’,’
دق دق دق
حمدة " تقوم وتمسح دموعها وتفج آلبآب .. طآلعته بنظرآت عتب "
رآشد " بضيق " : وآلله حمدة مب بإيدي " يحظنها بقوة " أغآر والله أغآر .. أنتي لي .. أنتي ملكي .. أنتي بس مآل رآشد .. مب مآل حد ثآني صح ..؟!
حمدة " تصيح ومحطيه يبهتها ع جتفه وتهز رآسهآ بمعنى هيه "
.
.
آليوم آلثآنــي ..
يـــــــوم الأحد ..
أبوظبـي ..
آلسآعه 9 ..
بيت بو نآصر ..
رقدن نورة وروضة عند أم نآصر لـأنه مآ عندهآ حد وحآمد بآيت فالمستشفى .. { رآقدآت فـ حجرة حمدة طبعاً }
قآمن من آلصبح ولبسن عبيهن وسآرن ويآ أم نآصر آلمستشفى ..
.
.
آلمستشفى ..
بو محمد , حآمد , عبدالله , ام نآصر , روضة ونورة الموجودين جدآم حجرة نآصر فـ قسم آلعنآية ..
أم نآصر : انزين مآ له علـآج برع ..؟!
حآمد " ييلس حذآل أمه " : أمآيه لو له علـآج برع مآ بنخليه .. وبعدين عملية سووله هنييه وهو فآقد دم وآيد وعقبها دخل فـ غيبوبه ولو قدر جسمه يستجيب بيرد مثل قبل ...
أم نآصر : يآربي تعينّآ أمسآت فرحآنين بعيآلنآ غدو كبآر وعرسوآ .. وآليوم خآيفين نفقدلنا وآحد ..
حآمد : أمآيه شهالرمسه الله يهديج أدعيله ان آلله يقومه بالسلامه ..
بو محمد : ربج اذا ذكر غيرج مآ بينسآج أدعيله الله يشفيه ويقومه بآلسلـآمه ..
أم نآصر : آلله يشفيه ويقومه بآلسلـآمه ..
آلكــــل : آميييييين ..
.
.
بعد يومييين ..
فرنســـــآ ..
بـــآريس ..
آلسـآعه 1 آلظهر ..
آلجــــو مغيـم وبآآآرد ..
شقة رآشد وحمدة ..
الأوضآع مثل مآهي شكوك وصرآخ وضرآبه وألم وحسرة ودموع ..
دق دق دق ..
حمدة " بطلت آلبآب بس بدون ما أطآلعه " : آمر ..
رآشد : تلبسي بنسير نتغدى ونتمشى عند برج إيفل ..
حمدة : على امرك ..
' تلبست بنطلون جنز سكيني نيلي وبودي أبيض مع كتآبآت بـ لون دم آلغزآل .. وفلـآت أحمر ولبست عبآتهآ آلمفتوحه من تحت آلركب .. حطت جلوس مشمشي واتجحلت واتعطرت .. وشلت شنطتهآ آلنيلية وكآمها عشآن تصور .. وطلعت ..'
" هو كآن متلبس أوردي جنز وبودي وجآكيت وجوتي وكآب "
’ يوم شآفهآ تخبل عليها بطبعها جميله وكيوت .. يود إيدهآ وطلعوآ .. تغدوآ فالفندق ومآ كآن بينهم أي كلمه .. طلعوآ من آلفندق وتموآ يمشون لين حديقة برج إيفل مع أنها مب بعيدة .. وهم يتمشون ع آلعشب الأخضر آللي نصه مغطا بالثلوج .. لـآحظ رآشد وآحد من شكله إمآرآتي يطآلع حمدة ويبتسم بس هي مشغوله تطآلع آلعشب وعآيبنها لون فلـآتها آلـأحمر ويآ العشب الأخضر الفآقع ولون آلثلج نآصع آلبيآض .. بدت شكوكه وأوهآمه وكل سآعه يطآلع حمده عشآن يشوفها شو تسوي .. دخلوآ برج إيفل ويلسوآ ع طآوله وطلبولهم شئ يشربونه يدفون بطنهم فيه وطبعاً الأجوآء مهيأة حق آلكريسمس وجي .. يلسوآ يشربون الكوفي .. وحمدة تصور آلمنآظر .. وآلريآل كل سآعه يخطف حذآلهم ويوزع إبتسآمآت .. رآشد خآطره يجب آلكوفي عليه .. ’
رآشد : مآ شبعتي من آلتصوير ..؟! صوريني انآ ..
حمده " تحآول تتنآسى " : هههه يلـآ أنزين سو حبتين ..
رآشد : سو حبتين اونه أطبخ انآ اطبخ لـآه اطبخ ..!! < مزآجي بشكل فظيع ..
حمده : هههههه خلـآص سو اي حركه .. " وصورته وهو يشرب آلكوفي "
’ بعد فتره .. ’
حمدة : رآشششد ..
رآشد " يطآلع برع " : هآه ..؟!
حمدة " تفرك إيآديها مع بعض " : بررررررد ..
رآشد : يالله حررر ..
حمدة " فآجه عيونها ع وسعهن " : يالله فرو دب قطبي عليك ..!!
رآشد : أنتي دمج بآرد .. " قآم وقف حذآلها فصخ جآكيته وحطه عليها يود إيدها وقآموآ "
’ خلصوآ ويلسوآ يتمشون فـ برج إيفل ومن طآبق لـ طآبق .. وع آلسآعه 2 فـ طريجهم بيردون آلفندق لأنه برد .. آلريآل نفسه يلحقهم ورآشد بيذبحه بس يشوفه شو بيسوي .. وصلوآ آلفندق وبعده ورآهم .. وركبوآ المصعد وهو ويآهم .. ونزلوآ فـ الطآبق اللي فيه شقتهم وهو ورآهم ورآشد مغتآض .. وبعده يلحقهم لين وقف رآشد جدآم شقتهم ولف عليه .. ’
رآشد : نعم اخوي آمر بغيت شئ ..؟!
آلريآل " يبتسم " : زين أنك فهمتني أبآ البنت آللي ورآك ..
رآشد " عصب " : أنته مآ تستحي ع ويهك ترآكض ورآ بنآت آلنآس .. صدق آللي مثلـ ...
آلريآل " يقآطعه ويبتسم " : هد يآ اخوي بلـآك معصب انا مرقمنها فـ المطآر واتصلت مرة وسكرت .. < قوآت عين ..
رآشد " عطآه بوكس قوي ع ويهه "
’ ويلسون يضآربون لين طلعوآ موآطنين اثنينه من نفس آلطآبق وفججوآ الضرآبه ولـآ لو فرنسيين سيدآ بيزقرون الشرطه .. وحمده اتغشت يوم عرفت انهم موآطنين وتمت خآيفه ووآقفه ع طرف .. لين خلص رآشد وطلع حرته ودخلوآ دآخل يلس ع الغنفه وهو يتنفس بسرعه .. وكله دم من خشمه وشفآيفه .. يآبتله حمده ثلج ومآي وكلينكس ويوم قربت منه .. ’
رآشد " بعصبيه " : قومي عني ..
حمدة : خلني احطلك ثلج بيخف شوف شفآيفك أنتفخن ..
رآشد : مآ يعور فكيني منج ..
حمدة : أدريبه يعورك بمسح الدم وبحط ثلج عشآن يخف عنك ..
رآشد " يقوم " : أوووووووووووووه .. ترآ هآ كله إلـآ من ورآج .. " يسير دآخل آلحجره "
حمدة " تيلس ع آلغنفه وتقول بصوت خفيف " : الله يسآمحك يآ رآشد آلله يسآمحك ..
..
فـآلحجرة ..
طآيح ع آلشبريه ويطآلع فوق ..
رآشد " فخآطره " : شو آلرمسه آللي قآلهآ معقوله من صدقه ..! وأني ظلمت حمدة .. قآل انه عطآهآ آلرقم وفالمطآر بعد وآللي اتصل وسكر انآ هذآ انآ .. " يسكر عينه بقو " يآ ربيييي ظلمتهآ ومآ كملنآ حتى أسبوع .. مآلت ع حظج يآ حمده مدآم أنآ ريلج .. إذآ فـي آلبدآية جي شو بعديين شو .. آآآخ والله اني متلوم فيها أضربها وأنآزعها وهي ولـآ يخصها .. هآي حب حيآتك يآ رآشد وأستوت حرمتك جي تعآملها .. آخ يآلغيره شو تسوي فـ بن آدم ..
..
ع آلسآعه 4 بتوقيت فرنسـآ ..
يتجلب ويتجلب ويتجلب مآ رآم يرقد أو ينسى ظلمه لهـآ .. قآم وغسل ويهه وطلع فـآلصآله .. شآفها فآتحة آلدريشة ووآقفه ع طرف وتطآلع برع .. غمضته وحرقه قلبه عليهآ ..
رآشد " يحظنها من ورآ "
حمدة " فزت لأنهآ كآنت تتأمل بس تمت ع وقفتهآ "
رآشد : حمممده ..
حمده : همم ..؟!
رآشد : آسف ع ظلمي لج ..
حمده " تلف عليه وتطآلعه ودموعها فـ عيونها " : رآشد أنته مآ تثبت ع شئ وآحد .. 3 أيآم بس وتعبت كيف تبآني أعيش آلدهر كله جيي ..؟! " تنزل دموعهآ "
رآشد " يمسح دموعهآ " : وآلله آسف وآلله .. أنآ ظلمتج ومتلوم فيج .. وآلله آلشيطآن لعب فـ رآسي .. وطلع هآلـ ..
حمدة " تقآطعه وتحط صبعها آلسبآبه ع شفآته بمعنى إشش " : لـآ تسبه وتآخذ سيئآت أنته مآ تظمن عمرك .. وبرآيه الدنيآ دوآره ومثل آللي سوآه فينآ بيسويه ربك فيه ..
رآشد " يبتسم "
حمدة " تطآلعه " : توعدني مآ تعيدها ..؟
رآشد : مآ أعيدها ..
حمدة : مآ تشك فيني ..
رآشد : مآ أشك فيج ..
حمدة : تثق فيني وتحبني ومآ تننسآني ولـآ تهجرني ..
رآشد " يبتسم " : أثق فيج وأحبج ومآ انسآج وإذآ هآجرت بشلج ويآيه ..
حمدة " تنخش فـ حظنه " : هههه حمآر وآحد ..
رآشد " يلمها بإيده " : إذآ أنآ حمآر أنتي حرمة آلحمآر ..
حمدة : أششششش بررقد من متى مآ رقدت بسببك ..
رآشد : حد يرقد وآقف ..
حمدة : مدآم حظنك موجود انآ برقد فيه حتى لو أطير فـ آلسمآ ..
رآشد " يغمض عينه بهدوء ويبتسم " : أرقدي أعيل يآ دلوعتيه ..
’,’ أنخليهم أشوي ونسير آنذر بليس ,’,
.
.
الـإمآرآت ..
أبوظبي ..
آلسآعه 8:40 ..
بيت بو منصور ..
حجرة فطآمي ..
كآلعآده ترمس عآرف ..
عآرف : انزين حيآتي صورة بس صورة ..
فطآمي : اممم احآول مآ اوعدك ..
عآرف : أفـآ ترديني بس شكلج شعرج مآ أبآ شئ ثآني يلـآ غنآتي ..
فطآمي : حيآتي وآلله تهمني لـآ تزعل عآد ..
عآرف : خلـآص زعلت زعلت .. ببآي .. " سكر آلفون "
فطآمي : أففف زعل ألحين مآ بيرضى إلـآ بصورة .. شو فيها بطرشله إلـآ ويهي وشعري مآ بيصير شئ ..
" قآمت وتعدلت وفتحت شعرها وخلته سآيح عليها ومكيآج وغيره .. وأتصورت بـ كآمهآ بس ويهها وشعرها وطآلع شوي من آلبودي الأصفر مآلهآ .. ونقلت آلصورة للآب توب وعدلتها ونزلته ع فونهآ وطرشته له .."
.
.
فـ شقة من آلشقق ..
طآيح ع آلغنفه وأغآني وآللي حذآله يرقصون وحآله ..
عآرف : هآهآهآهآهآهآهآهآي .. وآلله مصصصصصخره قلتلها بزعل طرشت صورتهآ .. طآع مقصصصصصصصه ممن آلخآطر ..
سآلم " يتمآيل حذآله و يلس ع آلغنفه ’ سكرآن ’ " : أشششوف .. " يسحب آلفون " هآهآ ههههه آي كآنت أطآلع هآي ششـ..ششيفه مصصصصدقه عمرهآ .. " يفر آلفون "
عآرف : هههه مآ عليه يوم يومين اسبوع اسبوعين شهر شهرين بتلقآهآ أهنآ عندك ..
سآلم : وأنته يوم يومين اسبوع اسبوعين شهر شهرين وبتلقآ آلفلوس فـ إيدك هههههههآي ..
.
.
بعععععععد مرور أسبوعين ..
الأوضآع نفس آلشئ ..
*’ نآصر بعده بغيبوبه بس هالأيآم قآم يتحسن شوي ويستجيب للدم بس بشوي ..
*’ وأهله ومعآرفه وربعه سآيرين رآدين عليه ..
*’ فطآمي بعدها ترمس عآرف وآلله يعين وين بيوصلون ..
*’ رآشد وحمده سآروآ اسبوع فرنسآ وكم يوم رومآ لأنه آلبلدآن آللي بسيرون لهن كله ثلج وآلجو وآيد بآرد .. و ردوآ ع آلصبح آلسآعه 8 وسيدآ ع آلعين ..
.
.
يوم الأثنين ..
آلعيــــــــــن ..
بيت بو محمد ..
آليد وام محمد وروضة ورآشد وحمدة يتغدون ويوم خلصوآ غدآء يلسوآ فـ آلصآله يرمسون ويشربون جآهي آلظهر ..
أم محمد : اححححم .. رآشد وحمدة بخبركم شئ ترآه أستوآ ثآني يوم من عرسكم ..
رآشد " عآقد حيآته " : خير أمآيه شو أستوى ..
أم محمد : نآصر انطعن فـ طريج بوظبي آلعين ع آلفير ..
رآشد " بانفعال ووقف " : شوووووووووو ..؟! وليش مآ خبرتوني ..!!!
ام محمد : مآ نبآ نخرب عليكم .. انزين وودوه المستشفى وسووله عملية وهو اصلـآ فآقد دم وآيد .. ودخل فـ غيبوبه من اسبوعين و الحين والحمدالله بدآ شوي يستجيب ..
حمدة ورآشد " مصدومين من آللي يسمعونه ومب قآدرين يستوعبون "
حمدة " تصيح وتغطي ويهها بإيدها "
اليد : يتصآيحن بعدهن .. قولن الحمدالله ع كل حآل ..
روضة " قآمت ويلست حذآل حمده " : حمده الحيين استوى احسسن والحمدالله .. وإذآ مآ تصدقينيه قومي سيري آلمستشفى ..
رآشد : أي مستشفى ..؟؟
روضة : آلنور فـ أبوظبي ..
رآشد : قوموآ يلـآ تلبسوآ ..
آليد : انآ مآ فيه حيل أفزع ليين بوظبي ..
ام محمد : ولـآ انآ يآ بويه .. شل حرمتك واختك وتوكلوآ ..
رآشد : يلـآ قومن ..
’ قآمن روضة وحمده ولبسن عبيهن ولبس رآشد كندورته .. وخطفوآ على نورة وسآروآ للمستشفى .. ’
.
.
أبوظبي ..
آلمستشفى ..
بعد مآ وصلوآ قوم رآشد ..
والموجودين : ام نآصر وام سعيد وبو محمد وبو سعيد وعبدالله وسعيد وحرمته ومحمد وحآمد وهزآع ومنصور وزآيد و رآشد وروضة ونورة وحمدة ..
’, سيدآ وصلوآ قسم آلعنآية ولقوهم كلهم هنآك وسلموآ ويلسوآ يتخبرون عن حآلته وطلع الدكتور وهو شآق آلويه .. ,’
آلدكتور " وآقف جدآمهم كلهم " : عندي خبرين ليكو وآحد حزين ووآحد بيفرح ..
حآمد " بصوت خفيف سمعه عبدالله وضحك " : هذآ اللي بذبحه .. " يرمس آلدكتور " يآ من شيبتله رآسه خلصنآ قول ..!!
آلدكتور : هدي أعصآبك .. انته ليه كدآ مآ بتحبنيش ..؟!
حآمد " بصوت خفيف " : حبك آلجرآده قول آمين ..
بو محمد : أرمس يآ دكتور ..
آلدكتور " يطآلع حامد بنص عين " : الخبر اللي يفرح هو أنو صحى من آلغيبوبه وبدآ يستجيب للدم ..
" آلكل استآنس واللي يحظنون بعض واللي يحمد ربه واللي يسجد سجدة شكر وآللي يبآرك وآللي يضحك و شآلين آلدنيآ فوق رآسهم .. "
آلدكتور : وآلخبر آللي يحزن انو .. أأ أنو ..
حآمد : أففف مرتكب جريمة أنته ..!!!
آلدكتور : بوسي حآدرتك انته جآلس تتهمني ..!
بو محمد : أنتوآ مآ تستحون ع ويهوكم ..؟!
آلدكتور : هوآ آللي مآ بيستحيش ع وشوه ..
بو سعيد : إنا لله و إنآ إليه رآجعون .. بتخلص يآ دكتور وبتقول ولـآ لـآ ..؟!
آلدكتور : آلطعنه أثرت كتير ع حركته .. وهو مآ رآح يأدر يمشي ..
آلكل " منصدم .. ومب قآدر يصدق .. "
حآمد " قآم ومسكه من رقبته ولصقه باليدآر ومعصب " : ع كيفك هو هآ ..؟! " يصآرخ " ع كييفك ..؟! ألحيين تسير تقوله يمشي تفهمني ..!
" يو آلشبآب ويلسوآ يفججون آلضرآبه و الحريم منصدمآت وخآصة أم نآصر بس هذآ قضآء وقدر .. "
.
.
آليوم آلثآني ..
آلسآعه 7 ..
بعد مآ مرت 24 سآعه ونآصر تحت آلملـآحظه فـ آلعنآية نقلوه لـ غرفه عآديه .. بس بو محمد طلب له غرفه خآصه شرآت آلجنآح ..
آللي كآنوآ بالبدآيه عنده مب وآيد بو محمد وروضة وام نآصر وحآمد و رآشد وحمدة .. يلسوآ يتريونه يوعى بس وآيد متأثرين أنه إذآ وعى وعرف شو بيسوي ..
,’. سآعه سآعتين ثلـآث وبطل عينه .. .’,
نآصر < من زمآن مآ تكلمت عنه ..
نآصر " يفتح عينه بهدوء ويرد يسكرها ويكرر هالحركه وهم يطآلعونه لين تم فآتح عينه بالنهآية .. "
نآصر " يطآلع فوق " : وين انآ ..؟!
حآمد : آللي كآن يآلس حذآله " : فالمستشفى ..
نآصر : ليش ..؟!
حآمد : كنت مطعون ..
نآصر " يتذكر شوي ويحط إيده مكآن آلطعنه " : آآخ ..
أم نآصر : لـآ تحط إيدك مكآن الطعنه ..
نآصر " هز رآسه بمعني أنزين "
بو محمد " يتقرب صوبه " : شحآلك نآصر ..؟!
نآصر : عميي ..؟!
رآشد " ييلس حذآله ع آلشبريه " : وأنآ خآلك ..
نآصر " بانفعال " : جب ..
رآشد " احترق ويهه والكل ضحك عليه "
رآشد " يمسح ع ذقنه " : مآ عليه مآ عليه أيآم وبتطلع من المستشفى مآ بحوط ويآك ..
نآصر : يصير خير ..
حمدة " توقف معآلي رآسه " : اخي آلعزييييييييز ..
نآصر : خيبه من وين ميوبه هآي آلفلبينيه ..؟! < مآ يحس بعمره يوم يرمس
آلكل : هههههههههه ..
حمدة : خلـآص زعلت مآ بييك مول ..
رآشد : إيييه مآ يخصك فـ حرمتيه ..
نآصر " يهز رآسه بمعنى أوكيه "
رآشد : مب طبيعي أنته ..
نآصر " يهز رآسه بمعنى أنزيين "
رآشد : هههههه ..
نآصر : فكني شوي من صوتك .. " يحآول يرفع عمره بس مآ يقدر "
نآصر : أفف مآ رمت أقوم ..
آلكل " طآلع بعض وتغيرت ملـآمحهم "
نآصر : شو فيكم ..؟! اووف اصلا ريولي مآ أحسبها .. " يرفع عمره عشآن أييلس " يآ ربييييه ليش ريولي جي حتى مآ أحس ان عندي ريول ..
الكل " سآكتين "
نآصر " يطآلعهم " : ريولي فيها شئ ..؟! قولوآ لي ليش مب قآدر أحركها ..؟!
حآمد " يصرط " : أأ .. بقولك شئ بس لـآ تعصب ولـآ تصآرخ ولـآ شئ ..
نآصر : قوول ..
حآمد : أأ .. يعني أأ .. الطعنه آللي يتك .. أأ أثرت فييك ..
نآصر " عآقد حيآته ويطآلعه " : كيف يعني أثرت فيني ..؟!
حآمد : أأ يعني مآ بتروم .. أأ .. " يمسح يبهته " مآ بتروم تمشي ..
نآصر " منصدم " : كيف يعني مآ بروم امشي ..؟! " يبتسم " انته اكيد اتنكت اكيد انا اعرفك تحب هالسوآلف ..
بو محمد : هذآ قضآء وقدر يآ نآصر وأنته مآ تروم تسسوي شئ ..
نآصر : مآ اروم امشي .. " يهز رآسه بمعنى هي " هي خلـآص استويت مآ اروم امشي .. انا عآجز مآ بعيش حيآتي حآلي حآل أي أنسسآن .. " يصآرخ " طلعوآ برع طلعوآ مآ ابآ اسمع شئ منكم .. " يحط إيده الـ 2 على أذنيه " مآ اسمع شئ .. طلعوآ .. اقولكم طلعوآ .. مآ أبآ أي نظرة شفقة منكم طلعوآ .. " يصآرخ اقوى " طلعوآ عني طلعوآ طلعوآ .. " يمد إيده للطآوله آللي حذآله ويكسر جيك آلمآي والأكوآب " طلعوووووووآ ..
" تيمعوآ عليه الدكآترآ وآلنيرسآت وطلعوآ أهله وهم مكسورين وحزينين ع حآله .. عطوه آلدكآتره أبره مهدئة ورقد .. "
.
.
ع آلسآعه 2 آلظهر ..
يو بآقي الأهل " بو وام هزآع وهزآع و ام وبو منصور ومننصور وهل العين " وعرفوآ حآلته وموقفه من بومحمد وتموآ زعلـآنين عليه ..
زآيد : أنزين ليش مآ نسفره برع ..؟؟!
عبدالله : صصدقه .. بنسفره ألمآنيآ ولـآ هولندآ زينه دخآترهم وبيتعآلج علـآج طبيعي ..
هزآع : آلمشكله أنه لين ألحين مآ أتقبل ولـآ بنوديه ..
منصور : يتقبل ولـآ مآ يتقبل لـآزم يتعآلج ..
رآشد : صدقونني بيتعآلج إذآ يبآ عرس وعيآل ومستقبل ..
بو منصور : انزين صعبه علييه ..
بو محمد : لـآزم صعبه .. مآ شفته شو سوآ يوم عرف ..
بو هزآع : انآ بسأل ريآل أعرفه عن المستشفى آلزين قبل معآلج ولد أخته علـآج طبيعي ويركض آلحين مآ شآء الله ..
بو سعيد : مآ تقصصر و فييييك آلخيير ..
..
عند آلحريم ام نآصر مصدومه لدرجه فظييعه ..
وتصيح وتدعي وآلحريم يهدنها ..
وحمده نفس آلحآله وروضة مكسور خآطرها عليه ..
و نورة بين آلثنتين ..
.
.
بعععد كم يوم ..
*, نآصر استوآ شخصيه هآدية ومكتأبه وسآكته ولـآ لهآ خص بشئ .. ولـآ حتى يرمس بس يهز رآسه بـ هي او لـآ ..
*, الشرطه حققوآ ويآه عشآن يعرفون هوية اللي طآعنينه بس مآ كآن يجآوبهم ع كل الأسئلة وقدروآ ظروفه .. وقآلوآ بيتريونه لـ عقب آلسفر عشآن تكون نفسيته هدت وبيجآوب ع أسئلتهم ..
*, قرروآ يسفرونه ألمآنيآ للعلآج وآللي بيسير ويآه زآيد ..
*, فطآمي بعدهآ ويآ عآرف وكل مرة إذآ يبآ صورة يزعل منها وهي طبعا سيدآ ورآه ,, الله يعلم بنهآيتج ..
*, هزآع متحرقص من آلخآطر يبآ يخطب نورة قبل لـآ حد يآخذها .. وأبوه قآيلله عقب عرس رآشد لكن من عقب عرس رآشد طآح نآصر وفهالوقت قآل بيسير يخطبها ..
*, منصور ضآربنه فضول عسب عليآ يبآ يعرف عنهآ أكثر ..
*, رآشد وحمده والحب المستمر بس شوي مأثر عليهم نآصر لأنه غآلي على قلوبهم ..
*, روضة مأثر فيهآ نآصر بدرجه فظيعه وتحس انها هي سبب كل هآ ..
*, نورة حآشرنهآ هزآع باتصآلته ع قولته يحبها بس هي تنآزعه وتعطيه محآضرآت والكلمه اللي ع لسآنها دوم : مآ اخون ثقة آللي مربينيه عسب ريآل .. ’وهزآع بيموت منها بس هالشئ وآيد يخليه يتعلق فيها ..
*, عبدالله حآشرتنه امه عرس وعرس وهو حآلف مآ يعرس إلـآ عقب حآمد ..
*, حآمد يحآول ينسى حبه .. ويفكر بـ أمه واخوه .. وتطري البنت آللي شآفها مرآت ع بآله " مهرة مثل مآ قلتوآ .. "
*, مآيد وذيآب عآدي بس تقوى صدآقتهم ..
*, فطيم آلشهر آلرآبع .. ومهرة كمل حملها شهرين ونص ..
*, زآيد يحآول ينسآهآ ويحآول قد مآ يقدر يكون طبيعي ..
__DEFINE_LIKE_SHARE__

حبيبة المطيري · 09-09-2012, 04:58 PM

*, آلـــبآ آ آ رت آلســـــــــــ { 10 } ــــــــــــآ آ آ بـع ,*

ياخلي دمعي 'هل' مع كل تذكار يزيد جرحــ*ـي وجــ’ـرح الامس يكفــي ='(
منـك الجفا جاني وحكم الزمن جار صابـ’ـر وانادي ياهـــوى ليش تجـــفي !

.
.
.

يوم الأثنين ..
ألمــــآنيـآ ..
آلفندق ..
شقة زآيد ونآصر ..
9 آلصبح بتوقيتهم 1 الظهر بتوقيتنا ..

نآصر لـآبس بنطلون بني و جوتي احمر وبودي بولو احمر وجآكيت كت بني وعليه رسومات بالاحمر ومخلي شعره عآدي ..
وزآيد بودي بولو ازرق سمآوي إيده طوآل وجوتي سماوي وبنطلون كحلي وجآكيت كت كحلي ..

زآيد : نآصر تريق بلاك ؟ .. وراك مراجعه وتمارين وحآله ..

نآصر " يطآلع من الدريشه وسآكت "

زآيد : لـآ إله إلـآ الله محمد رسول الله .. يعني مب نآوي تتريق ..؟!

نآصر " يلتفت له " : ليش ما تتفهمون وضعي !! " يصآرخ " ليش ..؟! انته تدري اني أتألم بمجرد اني افكر مآ بعرس ولـآ بقدر اييب اعيآل !! وانا عآجز " دموعه تمتلي فـ عيونه " تدري اني احتقر واكره عمري يوم انزل عيوني و أشوف اني يآلس ع هالكرسي .. ليش مآ تحسسسون ليش ..! لـأنكم مآ جربتوآ آللي أنآ فييه !! مآ أبآ شفقتكم ولـآ حنانكم عليه .. أنآ مآ أبأ شئ مآ أبـ ..

زآيد " يقآطعه ويقوم ويربت ع جتفه " : انته ليش متشاءم .. نحن يآيين من هنآك لين هنيي عششآن أنته تتعآلج وان شاء بتتعآلج وبتطيب وبترد تركض بعد مب بس تمشششي .. يلـآ انسير المستشفى أخآف نتأخر ع آلموعد ..

نآصر : أنسير .. " باستهزآء " هـه انته ما تدري انكم ترومون تتحكمون فيني وانا ما اروم اسوي شئ ..!!

زآيد " بصوت خفيف وهو يحرك نآصر " : إنآ لله وإنآ إليه رآجعون ..

’, تحركوآ و مشوآ للمستشفى مع أنها مب بعيده .. وصلوا وسوا ملف لـ نآصر واورآق وعفسه وحآله وتقآرير طبيه .. وبعدها دخل للـدكتورة المختصه يلست ترمسه هو وزآيد وتتخبر عن السبب الرئيسي .. وعطته موآعيد كل أسبوع بس غيروهن لـ مرتين إلى 3 فاليوم " علاج طبيعي " وفهمت من السالفه وفحوصآت واشعه وغيره عسب يدرسون حآلته وعننده موعد كل يوم الصبح والفليل و اليوم رآحه اونه نفسيه ومن بآجر بيبدون بالعلاج .. ,’

.
.

في العيييين ..
بيت بو محمد ..
الساعه 2 الظهر ..
حجرة روضة ..

’ نورة وروضة يآلسآت ع الشبريه وسلطان ولطيفه يضآرربون عند ثلـآجة رويض ع الحلـآوه وروضة ونورة يشوفونهم ’

نورة : رويض تهقين هذيلـآ يوم يكبرون وإذآ خذوآ بعض بيستوون مثلج انتي ونآصر ..؟!

روضة : اول شئ فآل الله ولـآ فآلج .. ثآني شئ لـآ تغرج ضرآبتهم يمكن يوم يكبرون يحبون بعض شرآت رآشد وحمده ومآشئ محبه إلـآ قبلها عدآوه ..

نورة " تصفق وتصآرخ " : ظهر الحق ظهر الحق .. " سلطان و لطيفه شدتهم حركة نورة وسووا شرآتهآ "

نورة : بروحج قلتي مآ في محبه إلـآ قبلها عدآوه يعني بتحبين نآصر ..

روضة " تشل المخده وتظربها فيها " : تستعبطين انتي ولـآ تحآولين ! .. ولـآ قآصه ع آليهآل وميمعتنهم بعد ..!

نورة : ههههه حمآرة وحده تضربين شيختج !

روضة : شآخت ركبج قولي آمييين ..

نورة " تغير السالفه " : الله حلوه جلابيتج اليوم ..

روضة : حلت ركبج ..

نورة " تيود ركبها " : خييييبه بلـآج انتي ع ركبيه اليوم مآ فيني أعيز ..

روضة " تطآلعها بنص عين " : لـآزم هززآع يتريآ ..

نورة " تضربها بالمخده " : جب جب .. مب منج مني انا مسوتلج سآلفه ويآيتنج لين اهنييه اظهر احسسن ..
" وظهرت وربعوا ورآهآ ولد اخوها وبنت اختها "

روضة " نطت من الشبريه ولبست لها شيله وركضت ورآهآ ولقتها عند الدري ونآقعه من الضحك ع شكلها الأحمر اونه من المستحى ونورة بروحها فيها ضحكه .. ونزلن تحت فالصاله عندهم "

فـالصآله ..
الموجودين : اليد وام محمد ..

اليد : بلـآكن تتكعكعن ..!
نورة : سلـآمة عمرك يديه ..
اليد : انزين عن هالهذرة وتعالي رجبيليه ع الركض ..
نورة : يدي انا ما اعرف رقم القناة روضة تعرف ..
اليد : اس يلـآ اسكتي مآ تعرفين عنجريزي ..؟! شخآنة الدرآسه يالهرمة بس لعب إلـآ هو ..!
نورة " تيود الريموت وتغير القناة " : آسفه آسفه يدي سآمحني .. " تحط ع القناه " ها طآلع ..
اليد : طولي بلـآج مستخسره انتي ..؟!
نورة " بصوت وآطي " : يآ من شيبتله رآسه .. " اطول لين اخر شئ "
اليد " اندمج فالركض " سبآق الهجن < اوني " ويقصد ويرمس عمره وهيك "

..
روحت ام محمد ترقد ويو رآشد وحمده ..

نورة : جآن مآ ييتوآ بعد ..
رآشد : بلـآج انتي نحن مب شرآتكن عزآبيه لنا مسؤوليآت ..
نورة : شـ مسؤوليآته بعد لـآ يكون بيت ويهآل وغيره ..
رآشد : إيييها هاي اللي بتحسدنآ ..
" وتموآ نورة ورآشد يتيآحدون و روضة حمده يسولفن "

.
.

فـ دبي ..
بيت بو هزآع ..
حجرة بو هزآع ..
' دخل هزآع ويلس ويآه '

هزآع : أأ .. أبويه ..
بو هزآع " يآلس ع الغنفه ويقرا جريده " : آمر ..
هزآع " يآلس حذآله ويحك رآسه " : ابويه متى الخطبه ..
بو هزآع " يبآ يغصصبه " : أي خطبه ..؟!
هزآع " يفتح عينه ع وسعهن " : ابويه شو اي خطبه لـآ تستـ .. " كان بيقوله لـآ تستعبط بس سكت "
بو هزآع " فيه ضحكه " : متى قتلك بخطبلك ..؟!
هزآع : أبوووووووووووويه ..!!!
بو هزآع " نآقع من الضحك " : هههههه أستهبل ويآآك .. بلــآك ..؟! بتموت ع الحرمه !
هزآع " يبتسم " : لـآ بس متى بسير تخطبها ليه رسمي ..؟!
بو هزآع : ترا عربهم مسآفرين كيف انسير نخطب ..!!
هزآع : يالله يا بويه إلـآ اثنينه هم مسآفرين وعادي بنسير نخطب نحن ما بنملج ..
بو هزآع : انزين بنتريا لين يردون عقب شهر ..
هزآع : ابويه شو عقب شهر الله يهدييك ! إلـآ خطبه ترآهآ ..
بو هزآع : يصير خير ..
هزآع : ابويه والله رمسهم موعد بضمن البنت بس يوم الخميس بنسير ..
بو هزآع : خلـآص ترآ امك مرمسه امها وعقب الخطبه الرسميه بتقول رآيها البنت ..
هزآع : أبويه عآآآآآد ..
بو هزآع : يآ من شيبتله رآسه .. بعدين برمسه طس عني ..
هزآع : ابويه الحين دقله قوله يوم الخميس بنيهم ..
بو هزآع : الحين القايله الناس رآقدين شو اتصل لهم ..؟!
هزآع : اففف خلـآص عقب صلـآة العصر رمسه .. والملجة والعرس ف نفس اليوم ..
بو هزآع " يطآلعه بنص عين " : نحن خطبة رسمية ما خطبنا تفكر فالملجة والعرس !!
هزآع : آسف آسف بو خليفة مب قصدي .. بس يعني انا مستعيل عمري 24 خلـآص بشيب بعدين ..
بو هزآع : عطني مقفآك برقد انا ..
هزآع : انزين بس لـآ تنسى ترمس عمي بو سعيد ..
بو هزآع : من الحين عمي شو خليت حق بعدين اعيل ..؟!
هزآع " يبتسم " : بسميه ابويه ..
بو هزآع : انا بس ابوك ..
هزآع : هههه يغآر بعد ..
بو هزآع " طاح ع الشبريه واتلحف وسوآله طآف .. "
هزآع : افففففف .. " طلع "

.
.

أبوظبي ..
الساعه 4 العصصر ..
بيت بو منصور ..
حجرة منصور " طآيح ع الشبريه يلعب بالبي بي "
,’ دخلت عليه امه ,’

منصور : حيا الله ام منصور حيآج تعآلي ايلسي ..
ام منصور " يلسست ع الشبريه " : ها شو الدوام اليوم !
منصور : زوييين ..
ام منصور : كم عمرك انته الحييين ..؟!
منصور " يطالعها " : اممم يمكن 40 ولا 50 ..
ام منصور " تقوم " : مب منك يالهرم مني انا يايتنك لين اهنيييه !
منصور " يضحك وينط حذآلها " : ههههه حلفت عليج امايه تيلسسسسين ..
ام منصور " يلست " : قولي كم عمرك ..؟!
منصور : اممم 23 ..
ام منصور : شييييبه ثرك !
منصور " فيه ضحكه يعرف امه شو تبا تقوله " : قولي انج تبيني اعرس ..
ام منصور : هي والله كل حد يعرس وحاضرك لين الحين لـآ حرمه ولـآ عيال ..
منصور : انزين بعدني يآهل ..
ام منصور " تقوم وهي معصبه " : كييفك لـآه ..
منصور : ههههههه والله تيلسين .. " ايودها من إيدها وأيلسها "
ام منصور : ارمسك عدل رمسني عدل ..
منصور : عدل ولـآ قضآء ..
ام منصور : والله اسير الحيين ما اييك .. " طلعت "
منصور : هههههههههههه .. " وركض يلحقها "
..
فـالصاله ..

منصور " اييلس حذآل امه ويحب رآسها " : هههه اماية بلـآج عصصبتي استهبل ويآج انا !
ام منصور : قم قم عني مآ تسمع رمستيه انته ..
منصور : انتي قلتي شئ عشان اسمع رمستج ! ههههه ..
ام منصور " تيود رآسها " : قذى انته قذى ..
مهرة : إييه لـآ تغصص بـ اماية ..!!
منصور : اسف ها اماية تبيني اعرس ..؟!
مهرة : هي عاد اماية لـآ قتلك وحده ولآ كل آلبنآت ..
منصور : ها اماية منو ..؟!
ام منصور : نورة بنت خالك ..
منصور : لاء لاء لاء ..
ام منصور " تعقد حواجبها " : ليش زينه يحليلها ..
منصور : انا ما أبآها ..
ام منصور :عطني سبب انزين ..؟!!
منصور : انا محطي وحده فـ بآلي ..
ام منصور : والله لو كانت من هالخيآس يآ ويلك ..
منصور : لـآ انتوآ اتعرفونها بعععاد ..
مهرة : انعرفها ! منو ..؟!
منصور : اممم تعرفون فطيم حرمة سعيد ولد خآلي ..
ام منصور : هي بلـآها ..؟
منصور : هاي البنت شئ تقربلها من اهلهم من دبي ..
ام منصور " تطالع مهرة " : عرفتيها ..!
مهرة : هيييي عليوه .. بنت اخت حرمة عم نورة ..
منصور : خيبه دآر رآسي !
مهرة : شعليك يالمعرررس .. بعدين بتحفظ عدل ..
منصور : هههه مب هينه انتي بعدنا حتى خطبه ما خطبنا ..
ام منصور : انا البنت ما عرفتها صرآحه !
منصور : قومي انسيرلهم ..
ام منصور " تطآلعه بنص عين " : وآبوي عليك أنآ شهالرمسه ! أمره اقطعها ..
منصور : ليش ورقه ..!
ام منصور " تقوم " : اسير اتحوط عند زراعتيه أبرك منكمم .. " سآرت "
..
منصور يقوم وييلس حذآل مهرة ..

منصور : مهروه حيآتي !
مهرة " تلعب بالبي بي " : هآ !
منصور " يحيس بوزه " : ع الأقل قولي عيونها ..
مهرة : ولـآ تزعل عيونهآ آمر شبغيت ..؟
منصور : كح كح هذآ هآ يعني .. شو سمه هذا افف ..
مهرة " تطالعه بنص عين " : قول بتسأل عن البنيه واسكت ..
منصور : ههههه فديت اختي اللي فاهمتنني يلـآ ارمسي عنها ..
مهرة : طيوبه وما يخصها ف الناس .. ومآ تحط بخآطرها .. وسوآلفجيه وحبوبه ..
منصور : هآذي الصفآت الدآخلية ع قولة استآذنا مال الاعدادية انا ابا الصفات الخآرجيه ..
مهرة : مآ بقولك ..
منصور : عن العبط مهروه حيآتي والله بوديج بآسكن روبنز ..
مهرة : امم حلوه بس عيب اوصفلك اشيآء ثآنيه ..
منصور : وين تدرس وكم عمرها ..؟!
مهرة " بصوت خفيف " : أففف .. " تعلي صوتها " كبري 21 سنة وتدرس ف الجامعه الأمريكيه وهي بس بنت وحده بين 3 اولاد ..
منصور : شو تخصصها ..؟
مهرة : يآ ربيييييييييييييييييييييييييه اموت ولـآ اموت !!
منصور : اخر سؤال بس جآوبي واركضي لبسي عبآتج وبوديج باسكن روبنز فالشيشه ..
مهرة " تبتسم " : هذا اخويه .. تخصص آي تي .. " وتركض فوق عسسب تلبس عبآتهآ "
..
منصور " ينسدح ع الغنفه " : الله ! اسميني حبيتهآ ..
فطآمي " توقف حذآله وتقلده " : اسميني حبيتها .. " ترد ع صوتها " منو هآي ..؟!
منصور " يقوم ويوقف " : جب انتي آخر وحده ترمسيني فهالبيت .. " وطلع "
فطآمي " احترق ويهها " : هـه مآلت عليك ما اقول إلـآ مآلت انته اخو انته ! دفعة مردي والهوا شرجي .. " يلست ع الغنفه "
مهرة " نآزله من الدري " : بلـآج ترمسين عمرج لـآ يكون استخفيتي ..
فطآمي : جي انتي .. " تنتبه ع العباه وتشهق " هيييأ تخونين فيني واتسيرين بروحج !
مهرة : اصلا متى سرتي ويآيه انتي ..؟!
فطآمي : بلـآ فلسفة وين سآيره ..؟!
مهرة : بسير ويآ منصور الشيشه بنشتري بآسكن ..
فطآمي " توقف وتبتسم باستهزآء " : هـه ححدج أنتي واخوج ! " سآرت فوق "
مهرة : الله يعينج في مآ بلـآج ..! " طلعت "
..
فـ السيآرة ..

منصور : مآ بغيتي الشيخه ..!!
مهرة : اختك يآلسه تسويلي استجوآب ..
منصور " يحرك السيآرة " : سوييلها طآآف لـآه ..
مهرة : إييه برد و فـ عز الشتا ومشغل مكيف ..
منصور : انتي دمج بآرد .. تعآلي منو سمحلج تيلسين هالمكآن !
مهرة : ليش ان شاء الله حد كآن يآلس هنيه وانا عفصته ..
منصور : هه .. هه ..هه قرقطيني عشآن اضحك بلييز .. مآ تدرين انه مكان زوجة المستقبل !
مهرة : لـآ تخليني ادعي انها مآ توآفق ..
منصور : لـآ الله يخليج دخييلج بلييييز مآ ابآ ..
مهرة : وييييع يآ دلعك مول مآ يليق ..
منصور " يغلظ صوته اكثر منما انه غليظ ويضرب صدره " : أسد ولد أسد انا انتي شو تقولين ..
مهرة : هي انزيين سوق .. خلنا نوصل بالسلامه ..
..
نرد لـ دبي ..
بيت بو هزآع ..
فـ الصاله الكل يآلس مآ عدآ مآيد اللي فـ الكليه ..

هزآع " وآقف بيطلع " : هآ بويه رمسته ..؟
بو هزآع : هاللي بيحشرني ..
هزآع : ابويه عآآد ..
بو هزآع : الحين برمسسه طسس عني ..
هزآع : اطس وين اسير .. لـآ حرمه أجآبلها ولـآ شئ ..
بوهزآع : امك رمست امها فكنا ..

هزآع : انزين انت رمس ابوها بععد ..
بو هزآع " يوقف " : برمسه برمسسه ..
هزآع : انزين متى ..؟!
بو هزآع " يطلع ويلحقه ولده ورآه "
هزآع : ابويه يلـآ دقله ..
بو هزآع " يركب سيآرته " : شيبت لي رآسي قبل لـآ شيب ..
هزآع : ابويه فـ ذمتك انته الحين مب شيبه !
بو هزآع : مآعلييه الهرم اللي بيدقلك ..
هزآع : آسف ابويه اسف يالله دقله ..
بو هزآع " عصب " : والله بدقله والله " يصك الباب ويروح "
هزآع : اف ع المذله .. اسستغفر الله استغفر الله .. " ويركب سيآرته ويشخطه بععاد "

.
.

العيين ..
بيت بو سعيد ..

ف الصاله ..
ام سعيد يآلسه ويآ فطيم ..
وتدخل نورة البيت ..

ام سعيد : وين تهآومين انتي يالله مآ اششوفج حتى ..!
نورة " تيلس حذآل أمهآ " : امايه اجازة وانتوا ما اطلعونا خليني ارفه عن نفسي ..
ام سعيد : انزين ترا العرب بيون يوم الخميس ..
نورة " بمزح " : خيبه بتيمعين الوطن العربي كله فـ بيتنا ..!
فطيم : ههه والله انج فآيجه ..
ام سعيد : اقلعيها هاي المصاخه واسمعيني ..
نورة : بقلعها وبسمعج رمسي ..
ام سعيد : بيونا العرب يوم الخميس .. اتعدلي وجهزي عمرج من الحين وفكري واستخيري ربج ..
نورة " منزله راسها وتلعب بطرف شيلتها " : .............
ام سعيد : واخوانج وابوج يقولون الريال ماشئ اخير عنه وزين وريال نشمي وهو مب اكبر عنج بوآيد ومآ يهم العمر وشغلته زينه .. هآ شقولج ..؟!
فطيم : عآد ولد خآلتيه ولـآ كل الرياييل مآ عدآ سعيد طبعاً ..
نورة : ههه غنآتج لـآزم ..
ام سعيد : فكري زين و استخيري ..
نورة " بصوت خفيف " : ان شاء الله ..
فطيم : عمتيه مآ بتسيرين ويآيه بيت أمآيه ..؟!
ام سعيد : زين يلـآ .. " توقف "
فطيم : مآ بتسيرين ويآنا نوير ..؟!
ام سعيد : وين بعد تسير خل تصك الدعنه هنا بسها من الحوآطه ..
نوره : هآ وصلج الجوآب ..
فطيم : ههه يلـآ مع آلسلـآمه ..
نورة : مع آلسلـآمه ..
,’ هن طلعن و نورة سآرت فوق ,’

.
.

نرد لـ ألمانيا ..
الساعه 7 المسا بتوقيتهم 10 بتوقيتنا ..
زآيد ونآصر فـ طريجهم للمستشفى ..

زآيد " وقف فجأة وتم مستغرب من البنت اللي جدآمه "
نآصر " ما انتبه لأنه غآرق بتفكيره "
زآيد " يقول فـ خآطره " : هآذي ملـآمحها عربية وخليجية وبالأخص امارآتية بععد .. يآخي هالشكل مب غريب عليه لـآ يكون ! " يبلع ريجه " حصه هآي ؟ مستحيل تكون هي .. يعني هي مآ مآتت .. " كآن بيجدم صوبها ويسألها بس قطع عليه نآصر "
نآصر : زآيد شو فيك ..؟!
زآيد : هآ .. أأ .. لـآ لـآ مآشئ .. يلـآ نكمل ..
نآصر : إذآ مآ تروم تدزني بروحي بدز عمري ..
زآيد : لـآ لـآ يلـآ عن نتأخر ..
" كملوآ طريجهم ووصلوآ للمستشفى دخلوا ع غرفة العلاج الطبيعي .. وكآنت الدكتورة تحرك اصآبع ريوله شوي شوي وتمآرين بسيطه فالبدآيه وشوي شوي بتبدا تحرك ريوله لين ان شاء الله الله يعافيه .. وزآيد والدكتورة يشجعونه بس وآيد يعآني لـأنه ريوله تعوره ويعرق ويتعب وجيي "

زآيد : بسير برع برمس بالفون وبيي ها خط من البلاد ..
نآصر " بتعب " : انزــين ..
..
طلع برع ويلس ع الكرآسي ويرمس بالفون
زآيد : ألو ..
روضة : هلـآ آلعم ..
زآيد " بابتسامه " : اهلين بالروض ..
روضة : شحآلك ..؟ لـآ تدق ولـآ تتصل ..
زآيد : بخير الحمدالله .. انتي شحآلج ..؟!
روضة : حآلي من حآلك ..
زآيد : شحآل شيبتيه اشتقت له والله .. مآ يتخبر عني .؟!
روضة : يشقح وينطح .. لـآ بس اذا ما سويناله شئ يقول ايييها يا زآيد ولى زمآنك ..
زآيد " ناقع من الضحك " : ههههههه .. يبآ يجتلني يدج ششكله ..
روضة : انزين اخبآرك بععآد ..؟!
زآيد : لـآ تلفين وادورين قولي اخبآر ريلي ..
روضة : يآ ربيه مآ بغيت افتك من نوير ييتني انته ..؟!
زآيد : حرآم عليج والله كآسر خآطري ..
روضة : ...................
زآيد : مآ سألتيني شو سويت اليوم ..؟!
روضة : شو سويت ..؟!
زآيد : سرنآ المستشفى الصبح ورتبنا المواعيد وردينا سرنا نتحوط وندورلنا كم شقرا انا وريللج ..
روضة : هاللي فآلح فيه ..
زآيد : مآ تبيني اخرب ريلج هآه ..؟!
روضة : اقول شرآيك اسسكر ..؟!
زآيد : ههههههه لـآ حلفت ..
روضة : بسكر اخافه يخسرك ..
زآيد : انزين طرشي سلـآم له من عندي ..
روضة : انزين سلم عليه ..
زآيد : يوصل .. وانتي بعد سلمي عليهم ..
روضة : يوصل .. يلـآ الله يحفظك ..
زآيد : مع السلامه .. " سكر "
" رد دخل عند نآصر وخلصوا تموا بس نص سآعه لأنه اول موعد وردوآ الفندق وتعشوآ ورقد نآًصر مآ عدآ زآيد اللي مآ رآم يرقد يفكر بالبنت اللي شافها .. "

.
.
__DEFINE_LIKE_SHARE__

حبيبة المطيري · 09-09-2012, 05:15 PM

آلبــآرت آ آ لثــــــــــــ{ 10 }ـــــــــــــــآمن .. .,’"

"* مآكل انسـآن يقدر يسكن أعمـآقي..
الا انتـﮧ من يووم شفتك تسكني .. *"
.
.
.

يوم الخميس ..
بيت بو سعيد ..
ميلس الحريم ..
الفليل الساعه 8 وربع ..
المتوآجدين " ام سعيد , ام محمد , ام هزاع , ام منصور < عسب انها عمة نورة ولـآزم تكون موجوده .. ,, روضة , حمدة , فطيم , مهرة , مهروه , عليا .. و ام حمد < بو حمد طلب منها هالشئ وهي رآضيه "

ام هزاع : يلـآ نبا نشوف عروستنآ عآد ..
ام سعيد : إن شآء الله .. " تطالع مهرة " أمآية مهرة قومي سيري ازقريها ..
روضة " توقف " : لـآ خلها انا بسيرلها وين تروم تسحب كرشتها ويآها !
حمدة " توقف " : انا بسير وياج ..
روضة : يلـآ .. " طلعن "
..
حجرة نورة ..
دق دق دق
" انفتح الباب "
روضة : يآآي نوير اول مرة اشوفج حلوه جيي ..
نورة " واقفه جدام المستواليت تعدل عمرها " : يعني كنت خسسفه ..
حمدة : لـآ لـآ من قآل اقطع لسانه وافره للجلـآب انتي قمر من عرفتج .. " اطلع السانها ع طرف بمعنى جذب "
نورة : عآد من زين القمر إلـآ محففر ..
روضة : هههههه .. يلـآ خلصينا ام " تشد ع الكلمه " المعرس تبآ اتشوفج ..
نورة " بانفعال " : لــــآء !!
روضة : اتخبلتي ولــآ اتخبلتي قلت خآلتيه ما قلت هزآع ..
حمدة : هههههه ..
نورة " تطآلعهن من جامة المستواليت " : انزين شكلي اوكييه ..
روضة : هي تخبلييين يلـآآ ..
نورة : بسم الله .. يلـآ ..
" طلعن ونزلن تحت دخلن روضة وحمدة قبلها ودخلت ورآهن نورة , سلمت ع ام هزاع و ام حمد وام منصور ويلستها ام هزآع حذآلهآ تسولف ويآهآ وتتنشدها .. "
..
نفس المكآن ..
ميلس الرياييل ..
" المتواجدين : بوسعيد وبوهزاع وبو محمد , وسعيد ومحمد وهزاع وعبدالله ورآشد وخليفة ومنصور < لأنه يايب امه "

بوسعيد : والله ما بنلقى احسن عن هزاع ريال والنعم فيه لكن الشور اخر شئ شور البنت وانا ما بغصبها ع شئ هي ما تباه ..
هزآع " فخاطره " : ع كيفها هي مآ تبآني .. بشرحها تشريح ..
بوهزآع : عندك الحق ياخويه ونحن مب مستعيلييين ..
هزآع " بانفعال " : لـآ مستعيلين نحن ..
الكل " ما عدا هزآع " : هههههههههه ..
اليد : مب تستعيل ع بنيتيه ولـآ ترآني مآ بعآطيك أيآهآ ..
عبدالله "بهمس": مآ عرفها الا الحييين ..
الكل " ما عدا اليد اللي ما يدري بشئ " : ههههههههههه ..

.
.

الساعه 9 ..
" بععد مآ روح الكل "
غرفة نورة يالسة ع الشبرية وسرحآن

دق دق دق

" دخل عبدالله ويلس حذآلها "

عبدالله " يبتسم " : نوييييييير ..
نورة : ...........
عبدالله " بينقع من الضحك ع شكلها " : نوووووروه ..
نورة : ...........
عبدالله " ع وضعه " : حررم هزاع ..
نورة " التفتت له بسسسرعه "
عبدالله " فطس من الضحك " : هههه هههه ههههههه ههههه ما اروم اتحمل .. هههههههه .. يوم طريت الأخ زوج المستقبل ألتفتي ..
نورة " تضربه بالخفيف ع ريله " : جببب أنزيين ..

عبدالله : شو فيج جي جنج حزيينه ..
نورة " تطالعه بعيون جي كيف اقولكم خخ يعني مثل الكيوت " : ما اتخيل اروح عن هالبييت ..
عبدالله " يبتسم " : أهآآآآآ .. قولي جيييي يعني حظرج موآفقه .. الحييينن بدق ببشر هزآع ..
نورة : إيييييه لـــــــــــــــــــآء ..
عبدالله " يطلع الفون " : لـآء لـآء بدق ..
نورة " تمط الفون عنه "
عبدالله " رد شل الفون ويودها بقو وهي سآمته ما تروم تتحرك بس تصآرخ بطبعه الريال اقوى عن البنت "
..
هزآع : ألو .. " يوم سمعته نورة صخت "
عبدالله " يضحك ومحطي سبيكر "
هزآع " يطآلع الشاشه ويرد يرمس " : ألووو .. عبدالله الخبيل شيآك ؟
عبدالله : ههههههه الحق ع الخطيبه ..
نورة " تقآطعه وتحط ايدها ع حلجه وتقول لـ هزآع " : سسكر سسكر بعدين بيرمسسك .. " سكرت الفون "
’ هزآع بيموت لأنه سمع صوتها ’
عبدالله " نآقع من الضحك ومب رايم يسكت "
نورة : يالججججججججججججججلب يالحيوآآآن .. يوييلك ان عدتها ..
عبدالله " عيونه متروسة دموع من الضحك ومبتسم " : هههه عآدي فدييتج يبا الملجة والعرس بنفس اليوم وعقب ثلاث ايام بعد وكلنا موافقين ..
نورة " فآجه عيونها ع وسعهن وتقوم توقف " : أتخخخخخسي انته وهو .. قوم قوم اظهر برع لـآ امطك منن شعرك الحيين وانتفه .. < نقطة ضعف الاولـآد استخدموها يوم اتعصبون منهم < مجربه انا خ خ ..
عبدالله " يقوم يوقف " : خلـآص خلـآص آسف " يرد ينطر من الضحك " هههههههههههههههههههه ..
نورة " دموعها فـ عيونها وتصآرخ " : جللب حيييوآن حققير اكرهك اطلع بررررررررررع سرعه ..
عبدالله : خيبه يبوج ما يسوى علييينا .. بظهر بظهر .. " وطلع "
نورة " طآحت ع الشبريه وتمت تصيييح وتتحرطم " < حسآآآسسسه ..

..
عبدالله " دخل حجرته ودق لهزآع "
هزآع " رد بانفعال " : آلووو .. يآ كلب شو سويتلها ..؟!
عبدالله : هههههه والله حساسه طلعت الاخت قلتلها عرسج عقب ثلـآث ايام وتمت تصصيح ..
هزآع : حرررآم علييك جلب حيوآن وآآآآحد ..
عبدالله : هذآ ومآ استوت حرمتك ببعد وجي تسسوي لو استوت حرمتك اعيل شو ..؟!
هزآع : كييفي ..
عبدالله : انزين يالله اجلب ويههههك .. انسان مشغول انا ..
هزآع : الله و الشغل عآآد !
عبدالله : بآي .. " سكر الفون "

.
.

ألمآنيــــآ
السآعه 6 آلمسسآ بتوقيتهم ..

زآيد " يوقف " : أنآ بسسير أيييب العشا .. طآلع التلفزيون وانا ما بتأخر ان شاء الله ..
نآصر : انزيين بعععده وقت عن العششآ ..!!
زآيد : ترآنا نوعى من وقت ونسير ونرد وانته تعبان وجيي ..
نآصر : اوك ..
زآيد : مآ تبآ شئ قبل لـآ اطلع ..؟!
نآصر " بابتسامه " : لـآ ترآني اروم احرك اصآبع ريولي ..
زآيد " بدون مايحس " : تروم تحرك اصابع ريولك بس ما تروم تحرك ريولك ..
نآصر " نزل رآسه وتلـآشت ابتسامته "
زآيد " متلوم " : أأ .. آسف نآصر بالغلط طلعت ..
نآصر : لـآ عآدي اصلـآ انته ما قلت شئ غلط ..
زآيد " فخآطره " : أفف مني أفف ... " طلع "
..
طلع من الفندق وتم يمشي والمطعم مب وآيد بعيييد عن الفندق " شئ مطآعم وآيد بس هو عايبنه مطعم من المطاعم " وسرحآن بفكره .. وفجأة مآ شآف إلـآ أكيآس تطيح ويوم رفع رآسه شآف بنت ومب أي بنت بععد شآف حبيبة قلبه وروحه ..

زآآيد " منصدم " : أأنتتي .. حححـ ـصصه صصصـح !!
|
\
{{ اللي نسى حصه او سالفة زآيد وحصة ارد اعيد لكم هالمقطع من البارت التآسع }}

زايد : انا لو عشت يوم زياده فهالبيت بنتحرر ..
ام محمد : يالله اتيمل فيه ابوك هذا ..
زايد : يالله يا شويخ كم بتيمل أنا .. باجر بعرس وبسير بعد ..
اليد " استانس " : تبا تعرس باجر ..؟ .. " يلتفت صوب ام محمد " .. شويخ قومي سيري دوريله حرمه ..
زآيد : يا ابويه انته تسمع بالجلب شو ..؟ .. " بدون لايحس " .. انا عقب حصه ما ابا حد .. " شاف كل العيون عليه قام بهدوء ورد حجرته .. "
روضة ~ كل حد يعآني .. حتى عمي ..! .. الله يرحمها كان وايد يحبها .. بس الموت ما يعرف لا صغير ولا كبير .. فـ نفس يوم ملجتهم سوت حادث وأتوفت .. مآ صدق بالبدايه و يلس يصارخ ويهآزب يته حاله كان شكله يغمض .. ما كان يعرف كيف يعيش بدونها .. كان عمره 22 سنة .. كانت تقرب له من اهل امه اللي هي يدتيه .. كلهم حاولوا وياه ينسى لكنه ما قدر .. أسير اشوفه و لا لاء ..؟ .. لا احسن جي بيهدي عمره وبيرد ينسى .. الله يكون بعونك .. ~ }}
\
|
حصه : أأ .. زززآآ يـــ ـدد ..
زآآيد " متفآجأ " : حصصه ولـآ أنآ اتوهم ..!!
حصصه " تمت تركض بسرعه وزآيد يلحقها لين دخلت فـ سكة من السكك اللي بين المبآني وطلعت مسكره ويوم صدت ورآ شآفت زآيد .. "
زآيد " مغمض عينه بقو ومحطي إيده ع صدره من كثر الركض "
حصه " خآيفه لدرجه فظيعه "
زآيد " يرفع رآسه ويقرب منها " : قولي انج حصه وانج كنتي حب حيآتي ومن عقبها حرمتيه قولي ..
حصه " منزله راسها " : .............
زآيد " يصآرخ " : قوووووووووووولي ..
حصصه " بخوف ودموعها فـ عيونها " : هههيه أنآ هيي .. " دموعها تنزل " اناا ..
زآيد " بنظرة ألم وحسرة ويتقرب منها اكثر " : ليش سويتي فيني جيي ؟ ليش قآلولي انج متي ؟ ليش مآ حسيتوا بـ مشآعري ؟! ليش مآ حسيتوآ بالعذآب اللي أنآ بعيشه أو عشته أو بالأصح أعييشه ألحييين !

حصصه " تصييح " : حرآم عليك أفهمني والله احبك وبظل أحبك بس انا عندي ظروف ..

زآيد : إذآ ظروف ليش قالولي انج متي ..؟! " يصآرخ " لييييش !! ع بآلج إذآ عندج ظروف أنآ بتخلى عنج .. أي ظروف هآي اللي تخلي كل اثنينه يفترقون .. أي ظروف ترمسسسين عنها أي ظرووووف !!! انتي خليتيني اتعذب ثلـآث سنييين .. " بهدوء " ثلـآث سنين ضآعت من عمري بـ ولـآ شئ يآ حصه بـ ولـآ شئ وانتي السسبب .. مآ اقول غير الله يسسآمحج .. " ولف بيروح بس بحركه سريعه من حصه يودت بلوزته من ورا "

حصصه " تصيح " : انا اللي خليتهم يقولون لك اني مت .. عسب مآ تتعذب ويآيه .. زآيد افهمني .. انا اموت فيك .. بس انا مريضه .. أنا فيني " بصعوبه " الخبيث .. مآ كنت أبآك تتعذب ويآيه عسب جي قلتلهم يقولون لك ولـ أهلك اني سويت حآدث بنفس يوم الملجه .. والله يآ زآيد اححبك .. دآيم أفكر فييك .. انا ممن يوم قآلولك كنت مسآفره .. انا من 3 سنين هنييه للعلـآج .. وحمدالله بدآ يخوز عني المرض وباقلي اسبوعين وبرد ..

زآيد " لف عليها وهو منصدم وفآج عينه على وسعهن " : حصصه أأ .. أنتي من صصدقج !!
حصه " منزله رآسهآ وتهزه بمعنى هي "
زآيد " يقرب منهآ " : آآآآآخ ع الززمن بسس .. بس بعدني شآل بقلبي علييج ..
حصه " تمسح دموعها " : الله يسآمح الجميع .. انا بسسير الحييين اتأخرت .. " وتمشي بتسير "
زآيد : حصه .. آخر سؤآل ..
حصه " توقف بس عآطتنه ظهرها " : آمر ..
زآيد : أنتي يآيه ويآ سيف أخوج لـآه ..!
حصصه : هييييي ..
زآيد : أهآ .. أنزيين بردج اخاف عليج ترآني ..
حصه " تبتسم " : لـآ مآله دآعي .. يلـآ بسير ..
زآيد : برآيج أعيل الله يحفظج ..
..
زآآيد " يطآلع وين كآنت وآقفه " : آآآآآآخ يآ حصصه آخ .. ثلـآُث سنين عآيش مثل المتلته وانتي اصلاً عآيشه بس فييييج الخبييث الله يشآفيج ويعآفيج يآ رب .. " يبتسم " آآآآه يَ قلبي رد وعيش الحيآآه .. لقيتها حبيبتك .. " يضرب رآسه " أووف كيف نسيت نصور والعششآ .. خل أستعيل .. "

" نروح لـ بعد كم اسبوع او بالأحرى شهر تقريباً وروضة بتقولكم كل شئ .. "

روضة ~ أمممم بششو أبدأ .. امم خ اتكلم عن نفسي .. كنت فآضيه وآيد بأيآم سفر زآيد ونآصر .. ويوم عطونا خبر أنَّ نآصر قآم يحرك ريوله شوي شوي .. اشتغلت نوير .. وعآد قومي كل يوم مكان وكل يوم منطقة وكل يوم سوق وكل يوم سآلفه وأنآ لـآيعه جبدي .. بس الصرآحه استآنست للخبر مب لـ شئ بس لأني كنت احط اللوم عليه .. والحمدالله وعآد اكيد بيردون يقررون متى العرس .. وآآآيد خآيفه انا من مستقبليه بس مآ باليد حيله .. ونوروه وهزآع اللقآءآت عآد ولـآ أحلى وكل يوم والثآني هزآع رآز فيسه عدنا مب عسب شئ بس عسب الهانم .. ويتريون متى عرسي وعقبه بأسبوع او اسبوعين ملجتهم وعرسهم وعآد هي مششتطه وبتموت عسب ما عندها وقت تجهز .. بس كل ما نطلع مكان تشتري اغراض وجيي .. وهييي علـآيه حيآتي هالانسانه خطبها منصور ولد عمة نوير بس بعده ما شئ شيء رسمي .. يحليله مب ملغوث شرآت المهبل اللي عدنا رآشد وهزآع .. طبعا ها كل استوآ ف اسبوع او اسبوعين .. وبعدين ردوآ عمي زآيد ونآصر .. ورد يمشي بس العكاز يسآعده شوي .. وحددوا موعد العرس عقب اسبوع وكم يوم لأنه الحييين عنده اخر المواعيد فالمستشفى وانا بموت من الخوف وكله قمت اصصيح .. " حطوا نفسكم بمكانها " المهم وزآيد يوم خبرني عن حصصصه تفآجأت لدرجه فظييعه .. ويبت رقمها من عند وحده من البنات واتحسنت علـآقتيه ويآهآ .. وعمي وآيد قآم يفكر وحسيته تغير شوي .. وحمدوه ورآشد عآد هآذيل بصوب رومآنسيين بدرجه فظييعه جدآم امايه وابويه ويدي محترمين وجدآمنا نحن سوآيآ .. ما ابا احسسدهم خخخ الله يسعدهم ويهنيهم ويخليهم لـ بعض .. ويدي مستآنس فديته عسسب عمي رد وعمي مستغل هالشئ ودوم يحوطه ويآه بس طبعا صوب العزب والضوآحي يعني بيسير المول مثلاً .. أتخيل بس لو لقآ من هالبنات المترصرصآت ليضربهن بعصآه .. المممممممهم بس هآّي هي الأحدآث اللي استوت والكل مرتبش عسب اللي اسسمه " عرسي" بس هاليوم مآ أيي إلـآ فالعمر مرة عشآن جي بحآول قدر ما اقدر افرررح .. وبعدين بصصيح ع كيييفي .. ~

.
.
.

أنتههههههههى البآرت ..
سآمحوني ع القصور ..
بس تعبآنه ححدي ..
والبآرت الياي بيكوون عن عرس ابطآلنآ تحمسوا عدل عاد هههههه ..
وبحآول يكون البارت روعه ..
فدآعة الله .. __DEFINE_LIKE_SHARE__

حبيبة المطيري · 09-09-2012, 05:16 PM

اتريا ردودكم الحلوة

بنزل البارت يوم الخميس انشاءالله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آشڪٍـٍـٍرڪ . . { قڵبـٍـٍڪ ڪبير ّ ّمرھـٍـٍـٍف إح ـسآاسـٍـٍٍـٍڪ ڪثير ♥ иёω рiс'z	روحيے فداڪ}• ~	المسنجر وملحقاته , توبيكات , ماسنجر بلس , msn	45	08-11-2012 10:11 AM
عّششَقتڪ بمَسسَتوَى عآلـي ., وَ حبيْتڪ عڪس حبهَم ..~	! ĐįƠЯ ƒάṦђịǑη !	قصص و روايات	19	12-18-2011 07:20 PM
عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ الكاتبه:نبض الامارات	اسوم 2014	قصص و روايات	3	12-17-2011 10:39 AM
آزٍعلِ وإن ڪِآن رٍضآڪ فيّ حبـہۧ آلڪوٍع كسَرٍت لڪ يْدي و حبيِت ڪَوعي bb pic	همس العشق	برامج وصور وثيمات والعاب بلاك بيري و IPhone	10	04-12-2011 06:17 PM
جديدي اڪسسوآرآت iphone 4 [ڪفرآت،استڪرآت]دلعو فونڪم ويآا ام هزآع والڪميه جداً محدوده *	محروم.كوم	منتدى أخبار المواقع والمنتديات العربية والأجنبية	0	09-28-2010 02:20 PM