حسافه ما عرفت قدر المحبه .. حسافه

راقيه باسلوبيْ}~ · 04-01-2012, 07:00 PM

البارت الرابع.
.
.
مدخل ..
" أتالم .. وقلبي يعاتبني .. وعقلييصارع كومة الافكار التي تنهشه .. كانك طغيت على نقطة ضعفي .. فيالك من انسان متحجرالقلب "
.
.
.
مس عسل: اخوي لو سمحت اذا كنتتضن اني برمسك .. فانا مب مال هالسوالف .. فبليز بعد عني لا اخبر عليك اخوي يتصرفمعاك تصرف ثاني ..
احبك وبضل اردد اسمك بقلبي..: اوب اوب .. يا بنيه انا ما طلبتمنج ارمسج عالفون .. بس ع المسن .. يعني لا بسمع صوتج ولا بشوفج .. ما فيها شي
مس عسل .. تراك وايد تقهر .. كله واحد الخلاصه رمست ولد
احبك وبضل اردداسمك بقلبي..: دخيلج فكري .. انا وايد احبج ومتعلق بج .. دخيلج لا ترديني خايب

حمده .. اففففف شو يبا هذا .. بس شكله يحبني .. ايه انتي شتقولين هذا يلعب عليج .. انزين الا مسن ما بياثر .. افففف
احبك وبضل اردد اسمك بقلبي..: هاه شو قلتي ..؟!
مس عسل ..: اوكيه .. بس لا تتعدى حدودك
احبك وبضل اردد اسمك بقلبي..: ^^" افا عليج بس .. حدودي ما بتعداهن..
مس عسل ..: انا بخليك الحينه .. تاخر الوقت وصار لازم ارقد ..
احبك وبضل اردد اسمك بقلبي..:اوك حياتي .. تصبحينع خير ,, واحلام سعيده انشالله ..
حمده ما عطته ذيج الاهميه لكلمة حياتي .. سكرت اللاب مالها وانسدحت ع السرير .. وهي تفكر باللي تسويه ..بس اقتنعت بالاخيرانها ما سوت شي غلط .. هو لا شافها ولا سمع صوتها ..
.
.
.
.
.
,,يوم الثلاثاء .. بيت بو حمدان .. الساعه 8 ,,

عواش كانت ناشه هالوقت .. نشت من رقادها ع الساعه 6 صلت وما قدرت تردترقد .. فقررت تنزل الصاله وتتريق ..
وهي نازله من الدري اتلاقت مع محمد ياي منبرا ..تجاهلته وكملت طريجها .. بس وقفها صوته ..
محمد : انتي شو موعنج .. غريبه ..؟!
عواش .. بتوتر ..اختبصت وما عرفت شو تقوله : هااا .. قصدي نعععم ..
محمد ..: شو موعنج هـ الوقت .. مب من عوايدج ...؟!
عواش : انا نشيت منرااقدي وما قدرت انام بعدها .. فـ قلت بنزل تحت بتريق ..
محمد ما عطاها اهميهومشى عنها .. فخاطره ( اووووف يخوفي شافتني .. بس ما اضن شافتني .. وبعدين انا ليشاهتم .. روووح لااه )
عواش .. راحت المطبخ وقالت للخدامه تحط الريوق ف صالةالطعام .. ردت ولقت سيف قاعد ع الكنبه وعيونه عالاي باد ..
يت صوبه وقعدت عداله .. : سيفاان .. صباح الخير ..^^"
رفع عينه وشافها وابتسم : صباح النور .. شوموعنج .. غريبه .. دوم انش وما القى حد ناش غير محمد ..
عواش ..: ما اعرف .. قمت من رقادي وما قدرت ارقد بعدها .. قلت بنزل اتريق هالمره .. دومني ما اتريق ..
سيف رد عينه عالاي باد : اهاااا .. اوكيه تريقي ..
عواش : خل ها من ايدكوتعال نتريق مع بعض .. انت امس ما تعشيت
سيف : اوكيه بس ويت ..
عواش راحتعنه وشافت الريوق محطوط ونادت عليه .. قعدو ع الطاوله .. ويا محمد من فوق وقعدفالكرسي اللي عدال سيف ..
سيف ع طول نش من مكانه : عواااش .. شبعت .. انا بروحغرفتي ..
وياي بيروح .. محمد : شوو .. لا يت الشياطين شردت الملائكه ..
عواش : بس انت ما كلت شي .. اقعد وكل ..
سيف : مابا انسدت نفسي ..
محمد : هه .. انسدت نفسك ولا ما تبا تقعد ويايه ع نفس الطاوله ..
سيف : انت ما يخصك فيه .. اسوي اللي اباه .. لا تدخل فيني .. وبعدين انا ما رمستك رمست عواش ..
محمدبعصبيه : نعم نعم .. اقول اذلف عن ويهي لا اهفك بكف يعدل راسك ..
عواش : دخيلكمحمد .. لا تيلس تهازبه كل ساعه والحين ..
محمد : انتي جب .. ويوم اتكلم انتيتسكتين ..
سيف ع طول راح لغرفته وقعد ع سريره .. لحقته عواش
عواش : سيف لاتهتم لكلامه .. هذا واحد مينون ويحب المشاكل .. سو له طاااف ..
سيف تم ساكت ومنشكله بتبدا العصبيه فيه مره ثانيه
عواش ..: اييبلك ريوق ..؟!
سيف : لا ماابا .. انسدت نفسي
عواش ..: سيفان حبيبي انت ما كلت شي من امس .. بييب الريوقهني وباكل وياك اوكيه
سيف ..: ع راحتج .. ( ابتسم )
عواش استغربت انه ابتسمبهالسهوله .. هو فالعاده يعصب وييلس بروحه وما يبا يتكلم ويا حد .. بس حمدت ربها
.
.
.
.
.
بيت بو خليفه ,,

الكل كان قاعد ع طاولة الطعام .. يتريق ..
خليفه ..: اليوم شو ..؟!
مها : اليوم الثلاثاء .. ليش تسأل ..؟!
خليفه: اهاااا .. عيل ابويه .. خلنا باجر نطلع البر .. يومين ونرد ..
مها : اللللللللللللله البر .. والله من زمان ما رحنا .. بيكون وناساااااه ..
عبود : انتي لمي لغبج ولا ترمسين .. منو عطاج الليت الاخضر .. عسب تعبرين عن رايج .. وبعدين بس شباب العيله اللي بيسيرون .. ما عندنا بنات يخيمون فالبر ..
مها : والله مب ع كيفك .. راكبه السياره قبلكم .. ما يهمني شباب ولا بنات .. المهماروح..
عبود ..: هي تراه ما يفرق عندج .. يوم انج دفشه شرات الاولاد..
مها : جب جب ..
الابو : ايييه عيال .. شو هالادب اللي فيكم .. ع الاقل احترموني .. انا جدامكم ..( يلف ع سلامه اللي قاعده ع الاي فون وترسل مسجات ) .. وانتي سلامووه .. بتودرين هاللي فايدج ولا اهفج بكف يطير عقلج ..
الام : انت شفيك على سلامه .. خلها براحتها
خالد بصوت خفيف: والله ما يضيعها الا دلعج وثقتج الزايدهفيها..
عبود بنفس صوته : اقولك اسكت لا ايينا الكف نحن ..
خليفه : ها شرايكابويه ..؟!
الابو ..: اللي تبونه ..
خالد : عاد هالمره خلوها عائليه .. حليلهن البنات بدن اجازه ولا طلعناهن .. بنونسهن شوي ..
مها تقوم وتحضن اخوها ..: فديييييييييييت اخويه انا الحنون اللي يفكر باخته ..
عبود : اووووفيالمصلحه .. قري مكانج .. انتي بالذات ما بتروحين ..
مها : يا ربي انت شدخلك فيه .. بروح وريلك ع راسك ..
الابو يصارخ عليهم مره ثانيه : عبوووود مهاااا
عبودومها فزو من مكانهم وقعدوا : سووري
خالد : ههههههه ما اييبهم الا زقرة ابويه ..
سلامه : ماممااا .. انا ما احب اسير البر .. ياخي والله لوعه .. انا ما بسير
مها : ياله ياله .. بموت انا من دلعج .. شو ما تبين تسيرين البر .. احلى مكاناصلن ..
سلامه برقه : والله بالنسبه لج يالدفشه .. الناس اطورو ويروحين اماكنراقيه مو البر ..
خالد : حسستيني يام الرقه انتي ..
خليفه ..: خلاص عيل بنخبرالكل وبنروح باجر الصبح ..
مها بحماس وهي تقوم من مكانها ..: يسسسسسسسسس
ركضتسيده لغرفتها بدق حق حمدوووه ..
عبود يزقرها : ايه يالخبله .. تعالي كملي ريوقج .. والله من سمعتي كلمة بر راحت الانوثه عنج امرره ..
الكل : هههههههههههه
.
.
.
.
.
بيت بو حمدان .. الساعه 10
ترررنترررن .. تررن تررن
فوق الثلاث مرات الفون يرن وهيه ما ترد ..
( اوووووووووووووف منو المتفيج يدق الحينه .. ابا ارقد )
فالمره الرابعه شلتالفون وردت
وبصوووت فيه رقاااد ..: الوووووووه
مها ..: هيييييييييأ .. انتيبعدج راقده .. يلا قومي بسج رقاد .. خستي يالبقره ..
حمده ..: ايه انتي رمسيبصوت شوي شوي .. طريتي طبلة اذني ..
مها ..: قومي عندي لج خبر .. قومي يلاهبسسرعاااه .. صحصحي ويايه ..
حمده ..: اوووه مها والله انه فيني رقاد وهب قادرهانش .. عقب عقب قولي اللي تبينه
حمده يايه بتسكر .. مها : والله يا حمدوه انسكرتي يويلج .. بسج رقادد .. امس يوم اقولج رقدي وبسج سهر وانتي تقولين لا بنش منوقت ..
حمده وهي مغمضه عين ومفتحه عين : اووووف والله انج بليه ..
مها : ماعليييييييييه حمدوه .. وهاي يزاتي اني داقتلج ابا اقولج ان باجر بنروح البر ...
حمده نشت مره وحده : حلفيييي
مها: سبحان الله .. الحين كلمة بر بتنشطججذا .. لو قلتها عيل من البدايه جان زين من اذيتج ..
حمده وهي متفاعله ..: متىوليش وشحقه ومنو طلع هالفكره .. وكيف
مها : شوي شوي .. هب دفعه وحده .. اولاباجر بنروح الصبح وخليفه مطلع هالفكره العجيبه .. لانه يبا يطلعنا يحليله قلبه طيب ..
حمده .. اوكيه انا بروح اقول لامايه وابويه
طوووط طوووط طووط ..
مهاوهي تشوف فونها : الحقيراااااااا .. سكرت فويهي .. والله لادبج يالخايسه
.
.
.
.
.
وصل الخبر للكل .. والكل وافق .. وبيطلعون ع الساعه 10 الصبح .. دقو لاحمد وقاللهم انه هو اروحه فالبر .. الكل عصب عليه كيف يروح ومايقول لحد .. خبرهم انه بيرد اليوم ع العصر وبيروح وياهم اذا يبون ..
.
.
.
.
.
بيت بو حمدان .. الساعه 3 الظهر بعد الغدا .. فـالصاله الكل معدا محمد اللي طالع عند ربعه ..

سيف ..: ابويا .. نبا نسافرهالاجازه
الاب ..: والله زين يا ولدي .. غالي والطلب رخيص .. من عيوني .. اصلنانا كنت مخطط انه نسافر .. وين ما تبوون انا حاضر من عيوني ..
عواش: ابا اروحباريس .. من زمان ما رحنا .. خلنا نروح هالمره .. وبعدين انت قلت بتشلنا هاك الصيفوما رحنا .. وهالمره لا تطلعلك شغله وتأجل ..
الاب : اسف والله .. بس ما عليههالمره بعوضكم وبنروح اسبوعين لعيونكم
حمدان : انتو متى تخلص اجازتكم .. ؟!
سيف .: امممممم يمكن بقالنا 3 اسابيع دام انه طوفنا اسبوع من الاجازه للحين ..
حمدان .. : اهاا زين زين .. باجر انروح البر يومين وليلة .. وعقب يومين نحلق ..
عواش باستخفاف دم : فـ أي حلاق ..؟!
سيف : هه هه .. الاخت صايره سخيفهاليوم ..
حمدان : والله محد مخرب عقلها الا مريوم .. ع طاري مريوم .. ما شفتهامن اسبوعين ..؟!
بو حمدان قام عنهم ودخل مكتبه يخلص شغله اللي عليه ..
عواش : يت امس وانت ما كنت موجود .. وكل ما تيي انت طالع ويا ربعك تغزلون.. ابا افهم بس .. شو الحلو فالمغازل ..؟!
حمدان: هههههه طال عمرج ما تعرفين شعورنا يوم نغازل .. يا سلااااام ..
عواش ..: ولين ما اموت ما بفهم شعوركم ..
حمدان : هههههه .. اقول .. ترا اليوم بنروح بيت عمي .. يقولون بيسوون لم شمل العائلة..
سيف : والله انهم متفيجين .. يعني نحن نتيمع يوم اليمعه .. لشو يوم الثلاثاء بعد ..
عواش تذكرت كلام احمد : امممم انا ما بروح انتو روحوا
حمدان : ليش عوشااان .. مااحيدج تفوتين روحتج لمريوم ..
عواش وهي ادور عذر : عندي شغله لازم اخلصها .. انتو روحو وانا بتم هنيه ..
حمدان : يلا مناااك .. واخليج فالبيت اروحج .. فـ احلامج .. بتروحين ويانا ..
سيف : ما احيدج رجلة اعمال
حمدان وعواش ..: ههههههههههههههههههه
حمدان : من وين يبتها هاي بعد رجلة اعمال .. يديدهفالقاموس ..
عواش .: تناقض ما شالله .. شياب اللي ياب
سيف : ما قالولكم انفي قاموس يديد نازل .. اسمه قاموس سيفان
حمدان : ههههه والله انك ..حركاااااات ( لف ع عواش ) جهزي عمرج الحين الساعه 4 ونص .. الساعه 5 بنروح هناك
عواش ..: قلتلك ما بروح .. بتم ويا الخدامه هنيه ما عليه شر
حمدان ..: وانا ما عليه منج ..
.
.
.
.
.
عند احمد .. كانو ع الدراجات يلعبون .. اللي يستعرضمهاراته واللي يغني ومرتبش .. واللي يطالع ويظحك ..

سعود ربيع احمد يزقره منبعيد بصوت عالي ..: احماااااااااااااااد .. تعالي هني شوي ..
احمد يصارخ من نفسمستوى سعود : يااااااي ياااااااااااااااااااااااي ..
فجأه انجلبت الدراجه عليهوهو راقي العرقوب ..
حميد : احمد .. الحقو احمد انجلب بالدراجه..
راحو لهلقوه طايح وهو يون والدراجه منجلبه فوق ريله ..
حميد راح ووخر الدراجه عن ريله ..: احمد .. احمد شياااااك ..
احمد وهو يتويع : ااااي .. ريلي .. ريلي تعورني
حميد شاف ريله كلها دم .. شلوه سيده وحطوه داخل السياره .. ويابو الاسعافاتالاوليه وعقموا اليرح وكان يباله خياطه لان اليرح عميق .. حميد شغل السياره ووداه عاقرب عياده عشان يخيطوله اليرح ..
دخل العياده ويابوله كرسي متحرك لانه مب قادريدوس ع ريله .. خاطوله اليرح وطلعو من عند الدكتور ..
حميد ..: ها شو ريلك
احمد : اسكت عني والله انها تعورني .. يهالدراجه حرقتلي ريلي .. ااااااااااااااااااااااخ
حميد : دواك .. حد قالك تستعرض مهاراتك علينا ..
احمد : قم قم .. خلنا انروح اروحي ما احب المستشفيات ..
حميد يتمثيل : لالا ارجووووك .. لا تستطيع الذهاب الا أي مكان ,, فانني اخاف عليك من ان تصاببمكرووه ..ارجوك اقعد هنا لاطمن عليك اكثر ..
احمد يمسك راسه بتمثيل ..: لاااااااااا .. اللغه العربيه على وشك الانتحار
حميد ..: هههههههههه الود ودهااللغه العربيه دامني انا ارمس ابها ..
احمد يوقف ويساند ايده ع جتف حميد عسبيروم يمشي : يلا مشينا..
حميد ..: هههههه يلا يا ساندرلا ..
احمد شاف ريلهوظحك : هههههه يعني ما رمت اتلبسني الفرده الثانيه ..
حميد : هههههه يا سلام .. بنسوي فلم ساندرلا يديد .. الجزء الثاني ..
احمد ..: يالفضيحه .. كيف امشي جيهريل حافيه وريل لا .
حميد : مثل ما ييت ارجع هههههه
وصلو السياره وركبووسيده حميد حرك ..
احمد : ردني البيت الحين المغرب .. ما فيني ع البر
حميد : والربع
احمد : خلهم يردون بسهم ..
حميد : ع راحتك ..
.
.
.
.
.
بيت بو منصور .. كل الشباب والبنات كانو متواجدين .. ( منصور سالم مريوم حمدة .. حمدان عواش سيف .. خالد عبود مها )

عواش غصبهاحمدان ان تروح .. ما يحب يخلي اخته فالبيت اروحها .. ولو ويا خدامه .. ام منصوركانت رايحه ويا وحده من معارفها .. فالبيت فاضي للشله ..
ومنصور كان عنده ربيعه .. فكانو فالميلس .. اما الباقي قعدو تحت عالارض وسوو دائره كبيره اونهم بيلعبونجرأه وصراحه ..
يت على مها وسالم ..
مها : جرأه ولا صراحه
سالم .. : جرأه .. من يوم يومي ما احب الصراحه ..
مها واونها تفكر : امممممم .. تعال بوس راسيلاني شيختك وتاج راسك ..
سالم ..: نعم نعم نعم نعم .. انتي شيختيه .. تخسي لاهابوس راسج اقصوري الا
مها : عيل اطلع براااا اللعبه
سالم : امري لله هاتيراسج
قربت مها منه .. مسك راسها وبدال لا يبوس راسها تفل عليه و الشرده نصالمريله ..
مها: .. ياااااااااااااااااااااااااع يالطفس .. يعل جبدك تنقع مناللوعه .. ياااااع
الكل : ههههههههههههههه
مها نشت اونها بتلحقه ..:واللهلراويك ... بردها يالوصخ ..وين بتروح عني
وتربع وراه ..
عبود : ايييييه انتي .. هههههه .. تعالي قري مكانج .. بيزيغ الريال منج ومن كراعينج ..
حمدة : هههههه عاد مها ما ترتاح الا يوم تردها
عواش : هههههه يويله منها .. الله يعينجان ما يردلنا مكسر
حمدان ,,: هههههه حرام عليكم مصخرتوها
برا فالحوي .. مها تربع وراه وما رامتله لانه اسرع منها
مها تصارخ : سلووووووووم .. تعال هنيبرضاك احسن لك
سالم من بعيد ..: مينون انا اعق عمري في التهلكه
مها : ماعليه والله يأدبك .. ( ووقفت مكانها تاخذ نفس )
سالم حدر الفله وهو يظحك : هههههه .. عبود والله ان اختك نكتااااااه ..
سيف : وينها هي الحين ..؟!
سالموهو يرد مكانه : برا .. تعبت ووقفت .. ما رامتلي العيوز .. ههههه
مها ردتواونها معصبه وقعدت مكانها .: انت براااااااااا
سالم: ههههههه خلاص اسفين ( مسكراسها وباسه ) وهاي بوسه لاحلى بنت عمه فالدنيا
الكل : هههههههه
كملو لعبوهالمره على مريوم وعبود
عبود: جرأه ولا صراحه
مريوم: اممممممم .. شو الاسهل ..؟!
عبود : لا والله .. يلا اختاري بسرعاااه
مريوم : انزين لا تاكلني .. اممم صراحه .. بس يويلك ان ادخلت فخصوصياتي..
عبود : اممممم .. منو ساكن قلبج ..؟!
مريوم : ايه .. قلتلك لا تدخل فخصوصياتي
عبود : عاد هذا سؤالي ..
مريوم ..: وانا ما بجاوب
سالم : عيل برااا
مريوم ..: ما ابا اطلع غيرسؤالك ..
عبود : اممممم ... بس بشرط
مريوم .. وشو هالشرط ..
عبود ..: تخدميني لمدة شهر
مريوم تخصرت : لا والله
عبود ( والله انج عذاااااب ) : كيفج .. برا اللعبه ..
مريوم بوزت ..: انزين خلاص .. بس لا اتم تطلب مني كل ساعهشي .. ولا باستقيل
عواش بصدمه: مريوووووم .. بتصيرين خدامه ..؟!
مريوم : خدامه فعينج .. الا البي طلبات هب خدامه مره وحده .
حمدان : كله واحد .. ههههههوالله وبتصيرين خدامه
عبود : ايه بس عاااد .. تراني ما قلتلها صيري خدامه ..بستخدمني وتلبي طلباتي
حمده ومها : نفس الشي تراااه ..
مريوم .: يلا يلا كملولعب ..
كملوا للعبه .. وكل مره حد يطلب شي .. ويسأل سؤال غير شكل .. عالساعه 8ملو من اللعبه وقعدو يسولفون عن ترتيبات الرحله باجر ..
حمدان يمسك بطنه : واللهاني يوعان يووووع
سالم ..: هي والله .. من الغدا ما هبط شي بطني ..
خالد : يلا بنات .. ( يصفق بايده ) فزن طولكن وسولنا شي ناكله ..
حمده : والله نحن مبخدم عندكم ..
عبود : احم احم .. خادمتي العزيزه ( لفت له مريوم ) قومي سويلناشي ناكله
مريوم : نعم نعم .. يلا مناك .. هـ اللي ناقص ادش المطابخ بعد
عبود : والله عاد انتي وافقتي ع شرطي ..( يحط ايده ع بطنه وببرائه ) وانا يوعانالصراحه
مريوم : افففف.. عاد بدينا بالذل
عبود ..: انا ما ذليتج .. انتيوافقتي عالذل .. يعني الغلط مب مني .. كل شي راجع لج انتي وقراراتج ..
مريوم : انزين خلاص حشى بقووووم ( ترمس البنات .. وتغمز الهن ) بنااااات يلا .. ع المطبخساعدني ..
البنات فهمن لها وفزن ع طول .. وكل وحده ورا الثانيه ويتضاحكن .. يعرفن شو يدور فراس مريوم كل مره ..
حمدان : هاذيلا البنات ولا بلاااش..
سالم : هههههه استغرب كيف قامن مره وحده .. وقبل شوي وكل وحده عارضت
عبود : المهم نترس بطونا ..
خالد : وانت شي همك غير بطنك اصلن
حمدان وسالم : هههههههه
احمد دش عليهم الصاله وفايده العكاز .. ويعري .. الكل التفت له وفاجينعينهم ..
احمد : السلام عليكم
الكل : وعليكم السلام ..
خالد : سلاماتاحمد .. اشوفك متعور ..
احمد .. تخاشم وياهم : والله انجلبت عليه الدراجه منحوبتكم عليه ..
حمدان : حليلنا ظلمتنا ..
سالم : كيف انجلبت انشالله ..
احمد قالهم السالفه ..
عبود : والله محد قالك تستعرض مهاراتك ..
حمدان: والله حاله .. عسب اتوب ..
سالم : يعني باجر ما بتروح ويانا ..
احمد : وليشما اروح .. بروح اكيد ..
خالد : يالظالم .. تراك توك راد من البر .. بتروح مرهثانيه بعد
احمد : شسوي .. ادريبكم ما تقدرون تستغنون عني وعن مغامراتي ..
خالد : ما اعرف منو .. الشيخ وانا ما ادري ..
.
.
.
عند البنات .. كانن مسويات خطه .. قالن بيسون باستا .. وبيحطولها خل وملح وسكر ..
كل هذا افكارمريوم بس عشان تنتقم من عبود .. والبنات وافقن
مريوم : يلا هاتو المقاديروخلونا نسويها سرعه ..
عواش : اخافهم يسوولنا شي .. انا ما بسوي وياكم
مها : يالجبانه .. خلهم يتأدبون .. انا فخاطري ارد حركة سويلم الطفس..
عواش ..: لامالي خص .. انتو سوو وانا بيلس اشوفكم بس .. مالي دخل فيكم .. تراني ما صكيت شي ..
مريوم طاااف ..: يلا بنات نبدا
اول شي سون الباستا عادي .. وعقب مريوم يابتخل وجبت نص الغرشه فـ الباستا .. وعقب يت مها وحطت ملح وااااايد .. وبالمثل حمده .. حطت سكر ..
خلطنه فبعض وجهزو كل شي وخلو الخدامه تييبه الصاله ..
رجعو منالمطبخ وهم يظحكون بصوت عالي ع اللي سووه .. شافو احمد قاعد وراحو سلمو وقعدو ( مهاويا احمد عادي تعتبره ولد خالتها لانه من صغير وهو وياهم ).. اما عواش تمت فمكانهامتيبسه ما تبا تواجهه .. زقرتها مريوم .. واحمد لف يطالعها .. توترت اكثر ويت وقعدتعدال مريوم
تمت تطالع العكاز اللي عداله ( شصار له .. ليش العكاز وياه .. لايكون ريله انكسرت )
دخل منصور وسلم ع احمد .. وتخبره عن ريله وقال السالفهباختصار ..ومنها عرفت عواش السالفه ..
احمد تم يطالع عواش .. عواش ع كثر ماخايفه منه بس تجاهلت نظراته .. ( كيفه هو يمنعني من القعده معاهم عشان منصور .. اففففف )
مها تصاصر مريوم : اتخيل شكلهم يوم بياكلون الباستاههههههههههههههه
مريوم : انا بعد ههههههههههههههههه
عبود : ايه انتن .. لشوتتصاصرن وتظحكن .. تبن تقولن شي قولنه بصوت عالي .. حتى نحن نبا نظحك..
مريوم : وانت شيخصك .. خلك فشغلك بس ..
عبود اطالعها و سكت .. ما يدري ليش سكت تم عهالوضع 10 ثواني وهي اطالعه مستغربه

مريوم تحرك ايدهه جدامه : حوووووووه .. وينرحت
عبود انتبه لعمره ولف الصوب الثاني
مريوم ما عطته ذيج الاهميه ولفت عنههيه بعد
.... واخيرا وصل احلى باستا فالعالم .. والبنات ظحكن
مريوم قامت منمكانها .. : عواش قومي بنروح فوق .. يلا بنات ..
حمدان : و ليش انشالله .. قعدنهني لشو طالعات فوق تترغدن ..
مها : ما يخصك .. نحن نبا نروح
عبود شك فيهن : مريوم .. تعالي هني
قربت صوبه تشوف شو يبا .. حط الباستا فصحن .. وعطاها اياه .. : كلي منه شوي دامج انتي طابختنه .. ما ايوز نحن ناكل وانتن لا .. ( ينادي مهاوحمده وعواش ) يلا تعالن هني كل وحده تشل مغرفه وتاكل مننه
خالد فهم هو بعد : هيه صح .. كيف ناكل وانتن ما كلتن منه..
توترن البنات وما عرفن شو يقولن .. بسالا يعدنها ويخلونهم ياكلون منها .. كل وحده شلت مغرفه وسمن بالله وكلن منها وجبدهنلايعه من التخبيص اللي فيه .. بس ما بينن
مريوم : يمممممم .. ما توقعت انالباستا بيطلع طعمها جيه
مها تسايرها : والله انها عجيبه .. ( كلت لقمه ثانيهعشان تساير ) يلا بسني بناكل عقب نحن حاطيلنا شوي فالمطبخ
حمده ( لايعه جبدها ) : يلا بنات نرووح
عواش ( اععععععع .. شو هاا .. اسميني ما احب الخل .. اللهيسامحج يا مريوم .. خلصتي غرشة الخل فالباستا )
راحن البنات فوق وراحن كلهنالحمام لايعه جبودهن ..

فالصاله .. حطو للكل وبدو ياكلون ..
.
.
.
.
.

توقعاتكم ..
احمد شو بيسويوشو بيقول لعواش عن قعدتها ويا منصور فنفس المكان ..؟!
شو راح يصير للشباب اولما ياكلون من الباستا نيهااهاهاهاها..؟!
عبود ومريوم : شو راح يصير امبينهم داممريوم صارت خادمته الحين ولمدة شهر ..؟!
توقعاتكم لرحلة البر .. ؟!

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صعبه على الشيبان ياوا حسافه ( جديد )	محروم.كوم	منتدى أخبار المواقع والمنتديات العربية والأجنبية	0	08-07-2010 09:50 PM
رحلتي الى حصن خشافه 4.6.2010 ( اليمن -إب -بعدان )	محروم.كوم	منتدى أخبار المواقع والمنتديات العربية والأجنبية	0	06-05-2010 07:30 PM
لكن حسافه مال حظي على فين ! // صقري غدى بين الصقاقير شبــوط	محروم.كوم	منتدى أخبار المواقع والمنتديات العربية والأجنبية	0	06-02-2010 05:20 PM
__ حسافه يا أبتسام __	أمير الحزن	شعر و خواطر	5	05-19-2010 02:40 PM
~حسافه يوم حبيتك وخليتك اعز الناس ~	♕ وليد الجسمي ♕	الشعر المنقول	4	11-28-2008 11:26 PM