سالفة : مـزايـيـنـي..قوافي

محروم.كوم · #1 03-11-2012, 08:11 AM

السلام عليكم ورحمة الله وبركاته
حياكم ربي مشرفينا
وياهلابأخواني وأخواتي ألاعضاء و وزوار مكشاتي الحبيبه
سبحان الله خالق الخلق خلقنا اشكال والوان واجناس مختلفه
كذالك الحيوان فصائل وانواع متعدده منها المحبوب والمكروه والجميل والقبيح:s
بوحده من ليالي رحلاتنا البريه كنا نايمين وهذي اول ليله لنا بالبر
الكل عقب روتين الدوام الاسبوعي تعبان وما فيه شدة قعده او سهر وعلى ما يقولون ممدي العطله قدامنا:c
صحيت من النوم على صوت خرفشه واتسمع يمكن هواء طلع لأ وبدت الهواجيس!! وشي ياربي؟؟ همن اشتغل ابليس عسا مهوب داب ولا عقرب وبديت اشغل اجهزة التصنت بس ما فيه فايده والصوت يركد همن يطلع
اللي بالخيمه نايمين قلت اخاف اقعدهم يصير مهوب شي وقعدت اقنع نفسي انه ابوجعل او خنفسانه اووووو مدري..
شوي إلا ماش ما ينبلع هالصوت فيه ضيف غير مرغوب فيه بالخيمه وبدت عملية البحث واشتغل المحقق كونن ..اين انت ياغريب ومن تكون؟؟؟
نكشت ام الخيمه ولا لقيت شي مليت وطلعت لي بسكوت واكلته همن قعدت على جنب افكر وش يكون ما دريت إلا طلع من مكانه !!!!

كائن جميل وعجيب بخفته وعليه نضره مثل ما يقولون جذابه
عيونه وساع حجمه صغير تمنيت اقدر امسكه بس الخف وصغر الحجم له دور ما يمديني اتحرك لو شوي شوي إلا ومختفي
حسبته جربوع ويوم قرب لقيته ملك جمال الدهناء للقوارض

انبسطت كثير أخيراً لقيت أنيس الليل وقابلته اجدع له بسكوت وهو يقعد شوي لين تطمن أخذها وراح همن رجع بعد شوي وعلى هالحال لين دخت من الكر والفر مع فاري الجميل
يوم جابكره على نفس الحال وانا سعيده بالزائر الخفي بس استغربت انه ما عاد يبطي لين اخذ البسكوت يرجع بسرعه واثر فيه قبيلة مزايين من الفيران وقعدت اتسامر كل ليله مع فيراني الاعزاء عطيتهم كل ما طالته ايديني وحطيت لهم مويه بس مااشوفهم يشربون ابد
عاد انا فرحانه بالزوار وجيت ابي اسولف على امي واقولها على مزاييني قالت وشي قومي قومي!!!
قومي غسلي قلت بس هذا امس بالليل قالت بـــعد ومفطرةً معنا..
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:عرس دلة الملوحي..قوافي	محروم.كوم	منتدى أخبار المواقع والمنتديات العربية والأجنبية	0	03-11-2012 03:10 AM
سالفة:دوج ابو عبيد..قوافي	محروم.كوم	منتدى أخبار المواقع والمنتديات العربية والأجنبية	0	12-13-2011 07:30 AM
سالفة:عرس حي العطايف..قوافي	محروم.كوم	منتدى أخبار المواقع والمنتديات العربية والأجنبية	0	11-03-2011 09:10 AM
سالفة:سوق حلة القصمان.قوافي	محروم.كوم	منتدى أخبار المواقع والمنتديات العربية والأجنبية	0	10-20-2011 01:00 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM