بسم الله الرحمن الرحيم
احبتي اعضاء وزوار منتدى مكشات العريق المنتدى الذي اختصر المسافات
بين جميع الصقاقير من تعارف واستفسارات وكل علم طيب وعل قولة مصطفى الاغا منتدى مكشات الاجمل والامثل والاكمل اليوم وانا جايب لكم مقطع من الارشيف لمثلوثه محمد الهلالي ابو مكدي وهو غني عن التعريف القصه حصلت تقريبا عام 1428هجري اذا ماخانتني الذاكره طبعا كان العم محمد قانص حلي صباح وكان متمركز وكان قريب منه نجم الساحل (عبدالله المعشي) المهم نجم كان يمسح بالموتر على السيف وشوي الا مسح شمال والعم محمد عنه جنوب وشوي الا وذاك الزول اللي يخلي القلب تتسارع نبضاته مثلوثه بحريه شاقه من البحر للصبخه ويقوم العم محمد يقول ان شاء الله انها تامه والمقصد هنا عشان يبي يخشر نجم الساحل معه لله درك ياعم محمد ويقوم يوجه جهتها ويحذفلها قمريه مثقله وهي الللي تتطلبها ماشاء الله تبارك الله ويديرها وينقزها ولاهي عالق وعطها سمانه مثقله واطلبيها وشوي يديرها ويديرها وشوي الا وهي على خشمها ويجي عبدالله ويبارك يقول متى جاتك قال اول ما وجهت شمال جات بعدك بشوي ومهدوها وهلت المباركات وبيعت على ابراهيم الحويطي ب3200ريال الله يرزقهم وهي شيخة المثاليث بسنتها حجم وبوز وارضيه بسم الله ماشاء الله واترككم مع المقطع ادري الطواريح بيتهيضون ويمكن يقولون ليش تبي تحرق اعصابنا لكن ذا اهدااااااااااااااء من اهل الساحل الغربي الى جميع