المشاركة الأصلية كتبت بواسطة al fraag

	. . منو تتوقعون الي دخل الغرفه ؟ أممم يمكن ساروه وشو تتوقعون يصير ؟ إمم مدري خخ هل بو ساره بيكمل العلآج ولا بيوقف ؟ أحس بيوقف و شو بيصير بين ساره و سيـف ؟ يمكن سيف بيحبها @_@ و أم سـآره هـل بتظل على ما هي ولا بتتغير ؟ ما بتتغير البارت طرر حبيته ابصراحه يعطيج العافيه حبي

البـآرت السـآبع

.
.



............ : السلام عليكم ورحمه الله وبركاته

بو سـآره يشوف الي دخلت و منصدمه

الدكتور سالم : وعليكم السلام ورحمه الله

بو ساره : وعليكم السلام

................ : شحـآلك محمد ؟

بو ساره : الحمد الله . . نحمد الله ونشكره

الدكتور سالم : زين يا بو ساره انا بطلع احين . . اشوفك ع خير . .مع السلامه

بو ساره : مع السلامه دكتور

بو ساره : غريبه شو الي يـآبج . . لا تقولين مشتاقتلي ياخديجه

أم ساره : محمد . . انا يايه اهني عسب نتفاهم مب نتضارب

بو ساره : اها . . تتفاهمين . . ليش نحن بينا شي عسب تتفاهمين !

أم ساره : مححممممممممد . . انا مرتك ولا نسيت

بو ساره : لا حششى علي ما نسيت . . صح انتي مرتي

أم ساره : محمد . . انا بقولك بدون لف ولا دوران . . طلقني

بو ساره [ بـ ستهزاء و قهر ] : هههه خلآآصص لعبتي بالفلوس وشبعتي . . تذكري يمكن في بلد ما سافرتيه . . واذا طلقتج خسساره عقب ما بتقدرين تروحين لها

أم ساره بـ تطنيش : اظني سمعت الي قلته طلقننني

بو ساره : خسسساره والله خسساره فيج . . ما تسستاهلين الي سويته عشانج . . بس تعرفين شو احلى شي استوا من بينا . . بنتي سساره

أم ساره بـ لا مبالاه : المهم انا اتريا ورقة طلاقي

بو ساره بـ عنآد : بس انا ما راح اطلقج

أم ساره بـ صدمه : شوو

بو ساره : الي سمعتيييه

أم ساره : بس انا ما ابااااااك طلقني

بو ساره : هههه ادري انج ما تبيني . . لو انتي تبيني جان ما خليتيني وسرتي تدورين ع غيري . . تتحسبين ما اعرف سوالفج . . تتحسبين ما اعرف وي منو تسافرين . . صح اني معاق . . بس اعرف كل شي

أم ساره بـ صدمه : هاااا

بو ساره وهو مقهور و بحسره وندم : والله لو يرد الزمن فيني جان ما تزوجتج . . لو يرد الزمن فيني جان ما عصيت امي جان ما بعت اهلي عششششانج . . عششان وحده بس اتحب فلوسي . . خسساره حبي لج خسساره . . وما لقيتي ألا سكرتيري تحبيـــنه !! . . ليش انا شو قصصرت عليج . . كل الي تبينه يوصلج . . ابي افففففففهم لييش سويتي جي ! ليييييييش تخونيني ! بس لأني صرت معاااق !

أم ساره : محمد ما عندي شي اقوله طلقني وخلآص

بو ساره : خديــجه انتــي طــ

وشوي يسمعون صوت حد يدق الباب

بو ساره : تفضل

سيـف : يلأآ خـآلوو ترآج طولتي خليـني اوصلج تأخرت ع الربع . . ويسير صوب بو ساره .: السلام عليك خالي شحـآلك

بو ساره : وعليك السلام . . بخير الله يسلمك شحـآلك سيـف ؟

سيـف : بخير ربي يسلمك . . شو صحتك احين !

بو ساره : حمد الله . . بخير والحمد الله الي شايفه انته

سيـف : الحمد الله . . ويشوف خالته ويقول : يلا خالوو

أم ساره : زين انت سير وانا بيك

بو ساره بـ استحقار : لا سيــف خذها معـآك . . انا اخاف عليها

سيـف حس انه الجو متكهرب عندهم جان يقول : يلا خالو انسير ومره ثانيه بيبج . . مع السلامه خالي

بو ساره : الله وياكم

وطلعو من الغرفه وسارو

بو ساره يقول ف خـآطره : [ ااه يالقهــر . . كلـه من هالقـلب يوم حبـها . . الله يسامحج يا خديجه الله يسـآمحج . . بعت اهلـي عشـآنج وانتي اتجـآزيني بـ خيـآنتج . . الله يسامحج ]


.
.


انسير صوب شركه محمد [ بو ساره ]

حسـن : أقولك علي

علي : هلا

حسن : لييش الاستاذ محمد يبـغـآك انت بروحك

علـي : ما ادري علمي علمك يوم بسير بعرف

حسـن : اها . . مسكين والله الاستاذ محمد . . منو كان يتوقع هالانسان الناجح المتفوق يصير له جي

علـي : الي الله كاتبه يصير . . وبعدين الحمد الله في نـآس اخس عنه . . والحمد الله هو يعرف انه هذا اختبار من ربه وصبور

حسـن : هي صح

علـي : زين يلا انا بخليك وبسير اكمل شغلي

حسـن : الله ويـآك


خلوني اعرفكم ع حسن وعلي

حسن : سكرتير محمد [ بو ساره ] . . متزوج بس ما عنده عيال . . راعي حركات و عيونه زآيغه

علـي : صديق بو ساره الروح بالروح . . الشركه كلها تحت أيده وهو الي ماسكنها . . راعي فزعه و الكل يعتمد عليـه . . مرته متوفيـه و عنده ولد وآحد بس واسمه عبد الرحمن : عمره 22 سنـه و عليـه جمـآل ما شاء الله عليـه و حبوب و رآعي فزعه مثل ابوه . . بس عليه حركات طيـش في بعض الاحيان . . ويشتغل في شركـه بو ساره وي أبوه . .

.
.

سيـف : الحمممممد الله ع سلامتج خالوتي مره ثانيه . . وها وصصلتج لـ بيتج . . أي آوامر ثانيه ؟

أم ساره : هههههههه ما تقصر والله . . بس تعال و خلنا نتغدا

سيـف : خالووه لالا خليها وقت ثاني

أم ساره : صدقني اذا ما تغديت ويـآي بزعل

سيـف : اووه كله ولا زعل الخاله

أم ساره : هههههههه خاله ف عينك . . فديتني احلى منك

سيـف : خخخخخخخخخخ لا لا انا احلى منج

سيـف يطلع فونه ويطرش مسج لـ ساره : اقولج تعالي الصاله وسلمي ع امج

أم ساره : زين انا بروح ابدل و برد

سيـف : اوكي خذي راحتج

.
.

ساروه : شموووووووووووووووس

شموس : خييييييبه صمختي اذني خيير شوو فيج

ساروه : امايه وصصلت وهي ف الصاله و الساحر سيفووه وياها

شموس : اووونه قومي ننزل نسسلم عليهم

ساروه : اقوولج اسسترييحي لا اشوتج

شموس وهي تحرك حوايبها : ها ها تغارييين علييه

ساروه : وااااااااااااع ماشي شغله

شموس : عيل قومي ننزل

ساروه : يا بقره والله بياخذ فكره مو حلوه عنج

شموس : اووه صح نسسيت

ساروه : طااف طااف خلينا نكمل مذاكره


.
.

سيــف : هاي تستهبل ولا شوي

ويطرش لها مسج : الاخت ساره . . ممكن تنزلين وتسلمين ع امج . . من الاحترام والادب يعني

.
.

ساروه قرت المسج : طاااااااااع شو كاتب

شموس : اششوف اشوف . . وتاخذ فونها وتقول : اوييييييييه قويه

ساروه ترد عليه بـ مسج وتقول : مع نفسسسك

شموس : شو طرشتي

ساروه بـ ضحك : هههههههههههههه طرشتله مع نفسك خخخخخخخخخخخخخخخخخخخخخخخخخ

شموس : اويييييييييييييييه قويه هههههههههههههههههههههههههههههه

.
.

سيـف فتح المسج وقرا وانصدم جان يطرش : شوفي اذا ما نزلتي وسلمتي عليها يا ويلج

.
.

سـاروه قرت المسج وقالت : اوووف يا كرهي له

شموس : اشوف اشوف شو طرش . . وعقب ما قرت قالت : اوونه يهدد بعد . . جان تقول : خليني انا برد عليه ههههههههههه وجان اطرشله

ساروه : ايييه شو طرشتي والله ياويلج لو وهقتيني وي هذا الي يلوع بالجبد

شموس : هههههههههههههههههههههههههههههه ما عليج خل يولي ههههههههههههههههه

.
.

سيـف فتح المسج وقرا تم جي يطالع الفون وقال : الحمد الله والشكر


نش سيـف من مكانه وراح وهو متجـه لـ غرفه ساروه و دق الباب اقوى شي

ساروه و شموس : اميييييييييييييييييييييه

سيـف : بطلي الباب

ساروه : خييييييييير شوو تبى

سيـف : قتلج بطلي الباب

ساروه : يالحييوانه شو طرشتيله

شموس : والله والله طرشتله [ ان الهاتف الذي ترسل له المسجات مغلق . . الرجاء محاولة الارسال لاحقا . . وشكرا ] وبسس

ساروه ناقعه من الضحك : هههههههههههههههههههههههههههههههههههههههههههههههههه هههههههههههههههههههههههه

سيــف : ساره بطلي الباب

ساروه سارت وبطلت الباب : خيير شو تبى

سيـف : يدز الباب . . ويقول لها تسسسسستهبلين حضرتج

سـاروه ترد وتسك الباب شوي : لوو سسسسسمحت احترم نفسك . . وربيعتي موجوده اهني

سيـف بـ قفطه : هااا

ساروه : ممكن تنجلع احين

سيـف : عدلي اللفاااظج

ساروه : زين زين يلاا رووح

سيـف يحرك حوايبه : تغارين علي

ساروه : هاهاهاهاهاهاهاهاهاهاي ضحكتني والله . . ماشي شغله . . اقول انجلع وآيد احسن لك

سيـف بـ عصبيـه : ايييييه احترمي نفسج

ساروه تطنشه وتسكر الباب

سيـف ظرب الباب بأيده وقال ف خآطره [ انا براويج ما علي يا ساره ]

.
.

ذيـآب : أقول رشود بتطلع اليوم ؟

رآشد : اصغر عيـآلك تقولي رشـود

ذياب : اوونه عاد . . زين بتطلع ؟

رآشد : هي بمر ع منصور وعقب بنطلع بنسير امارات مول

ذيـآب : اها زين خلآص عيل انا بمر ع حمود ربيعي وبنيكم

رآشد : خلآص تم

ريـموه : اششم ريحه طلعه

ذيـآب : خييييييبه مب خشم

رآشد : ممكن سؤال اختي ريم ؟

ريموه وتحط ريل ع ريل : تفضل اخ رآشد

رآشد : كيف تشمين ريحه طلعه !!

ريموه : يعني سالفه طلعه . . انتو شعرفكم ف هالسوالف

رآشد : اها زين . . اصلا سواء شميتي ولا ما شميتي . . خير ان شاء الله انتي شو يخصج

ريموه بـ ابتسسامه عريضه : بي ويـآآآآآآآآآآآآآآآكم

ذيـآب : رششود والله والله شوف الويه انت بس

رآشد : هههههههههههههههههههههههههههه تنفع نوديها المتحف

ريموه بـ زعل : هي كله ما تحبون ما تحبوني

رآشد : لا لا افا عليج نحن نحبج . . بس مب جنه عندج امتحانات

ريموه : واااع من هالطاري . . هي عندي

ذيـآب : عيل اجلبي ويهج وسيري ذاكري

ريموه :امحق اسسلوب وربي . . مالت عليكم من اخوان . . [ وتعطيها ششرده ههههههههههههه ]

ذياب : مب جنه سبتنا

رآشد بـ عبط : لا لا تتوهم

ذيـآب : اها زين

شوي ويرن فون ذيـآب : هذوو حمود يتصل يلا انا ساير

رآشد خلآص اوكي انا بعد احين بسير بمر ع منصور

ويرد ذيـآب ع فونه : مرحببببببببا السساع

حمود : مرحبتيييييييين كبـآر والله

ذياب : خششمك خششمك من التلفون

حمود : هههههههههههههههه خس الله بليسك تباني اخاشم الفون ويقولون عني مينون هههههههههههههههههههههه

ذياب : ههههههههههههههههههههههههههه شحأآلك بو جاسم ؟

حمود : يسرك الحـآل . . وانت علومك؟

ذيـآب : عال العاال هعع

حمود : ويينك تأخرت

ذياب : احين طالع من البيت دقايق بس و اوصلك

حمود : خلآص زين سسكر خسرتني رصيد

ذياب : عنبوووووووووه الزط

حمود : هههههههههههههههههههه انت خسساره والله وآيد تتفلسف

ذيـآب : يالهررررررررررم . . احين دورلك حد يمر عليك

حمود : لا لا لا خلآص هههههههههههه فديت خشمك والله

ذيـآب : خلك ع الخط لين اوصل بيتكم عيل

حمود : عنبووووو احين الا تعاند وتخسرني

ذيـآب : هي وبمر الشيشه و بعبي البترول وعقب بروح الجمعيه وبعدين بي بيتكم

حمود : وخييييييييييييييبه كل هاا . . يا عميييييييييي روووح

ذياب : ههههههههههههههههههههههههههههههههههههه مالت عليك . . يلا انا عند باب بيتكم


حمود : باي و يسسكر الخط ع الطول

ذيـآب : خخخخخخخخخخ اخ عليك يالزطي


خلوني اعرفكم ع حمود : عمره 20 سنه ربيع ذياب من أيام المدرسه . . ويدرس طيران مثل ذيـآب . . رآعي فزعه بس تصرفاته شوي مختلفه عن ذياب و عصبي ..

.
.

رآشد وهو يتصل لـ منصور وهو ما يرد

وصل لـ بيت خالته و نزل ودق الجرس

شوي و البشكاره فتحت الباب و دخل وقال : هوود هوود يا اهل البيت

أم منصور : مرحبـآ مرحبـآ اقرب

يسير ويسلم ع خـآلته : مرحبا خالوه شحـآلج ؟

أم منصور : مرحبتين . . بخير ربي يسلمك . . شحـآلك انت ؟

رآشد : بخير خالوه . . وين منصور عيـل

أم منصور : فـ غرفتــه . . اسير ازقره لـك

رآشد : لا لا استريحي خالوه انا بسير لـه

ويسير رآشد ويصعـد فوق و يدخل غرفة منصور شوي شوي و .............................................

.
.

نهـآيه البـآرت

شو تتوقعــون يستوي ؟

شو تتوقعون رآشد يسوي في منصور ؟

و هل بو سـآره بيـطلق أم ساره ؟

ومنـو الي ام ساره تحبـه ؟

وسيـف و سـآره شو رآيح يصير من بينهم ؟

و بو ساره لـيش يبى يشوف علـي بدون ما يكون حسن ويـآه ؟

وهـل بو ساره بيرد لأهله ؟


لا تحرموني من توقعاتكم و متـآبعتكم

عسـآكم ع القوه

تحيـآتي لكم

	المشاركة الأصلية كتبت بواسطة ميمي غلا ابوها

	السلام عليج مشكوره غناتي القصة طررررطريشن و نتريا البارت الياي ع احر من الجمر

ممممم مااعرف..
شو تتوقعون رآشد يسوي في منصور ؟
بيزيغه من الرقااد..بيصب عليه مااي بارد معروفه حركات الشباب خخ
و هل بو سـآره بيـطلق أم ساره ؟
يب يب وعقب هيه بتنـــــدم..
ومنـو الي ام ساره تحبـه ؟
ماتوقعتهاا جي خايسسه ..تحب حسسن
وسيـف و سـآره شو رآيح يصير من بينهم ؟

نيهاهاهاي ..ضرااايب خلاص بنت المازمي ابيها حق عبدالرحمن ههه غيرت رايي
مابيها حق سيفوو..احس مايستاهلهاا ..مخه مخ يااهل خخخ ع كيـــــفي أأتوقع ~
و بو ساره لـيش يبى يشوف علـي بدون ما يكون حسن ويـآه ؟
لانه يعرف حرمته تحب حسسن اكييد مايبي يقوله عسب لايخبرهاا ..
وهـل بو ساره بيرد لأهله ؟
ان شاء الله ..عسب يتعرفون ع سارونه وتتغير نفسيته ويستجييب للعلاج

مشكووره حبوبه ع البارت ونترياا البارت الياي لاتبطييين عليناا ^^