جار الزمــــــــان ونور عينــــــــــي علي جــــــــار

النعيمي · #1 01-25-2008, 03:09 AM

السلام عليكم ورحمة الله وبركاته

حيالله العرب

هذا الإسبوع موضوعي يتحدث عن ( الأعراس الإماراتية)
هو مجرد رصد مواقف ، واتمنى محد يزعل مني لأني ارمس عن اللي اشوفه
واسمعه ( وايد من ربعي )

الموقف الأول
قبل العرس تزهب العروس حق العرس ، وتسير تفصل لها فستان
ماشاء الله عند بعض المصممين -( الإستغلالييين)..
سواء ( مصممين وافدين - ام مواطنات)
يعني انا مابرمس عن الوافدين ع سبة اني شفت بعض المصممات ماشاء الله
اسعار داقة السما...
المهم ارقام خياليه الفساتين 20 - 40 -60 الف

حق ساعتين ومع السلامة
يعني حط لك عليها سعر شوية بتشتري لك دراجه ولا موتر يديد من وكاله

الموقف الثاني

يدخل العريس صالة العرس ، ويشوف حرمته ..
تخيل كيف شكل الحرمه ..و للأسف ان الجثيييييييير من البنات ليلة العرس
(يتحسبن كثر الصبغ) من اساسيات الجمال ..
ولا انا منصدم من شي ، يقول لي واحد من الربع في عرسة
يقول لي دشيت انا والحرمه الغرفة ويالس اتأمل فيها ولا اشوف رمووش ها الطول يقول لي تركيب تركيييب ياررريااااااااااال
وهذا غير وصلات الشعر ...

شوفوا الصورة

نصيحه للبنات ..

لازعلون مني وانا اخوكم ، صراحه الريال يحب البنت ع طبيعتها بدون تصنع
او مبالغه ، يعني زينة البنت اشوه
تحط شويه من ( الجحال) ووشوية الوان على عيونها
هب بهالصورة اللي نحن نشوفها ..

الموقف الثالث ..

القاعااااااااات
تدخل القاعة تحس نفسك داخل فالعصر الأسطوري ومن الطبقة الأرستقراطية
مااشاء الله
اسراآآآآآآآآآآآآآآآآآآآآآآآآآآف حـــــــدة
وشي ناس محتاية هالدراهم ، ماعرف حق شو ها الإسراف

( على ايام حملة دبي للعطاء ، تبرع مواطن اماراتي بتكاليف عرسة للحمله!)
هاا غير النقوط طبعا !!

وطبعا نادرا مانشوف هالأمثله
وانا ماقول لكم لاتسون عرس ،لا بس الإقتصاد واجب ..
وربنا عطاك ها النعمه هب ع سبة تستوي بطران وتقزرها يمين ويسار..الخ.

يعني بصراحه ان سويت عرس قيمتة 200 الف
العرب بترمسسسسس
وان سويت العرس بتكلفة 20 الف بعدها الناس بترمس

الموقف الرابع

فرق الغناء
الا تتشرط الإخت يب لي الفرقة الفلانية
ولا المطرب الفلاني ولا المطربة الفلانية
( وتعال شوف اسعارهم )
بس ع سبة الناس تقول
( هيه شفتوا عرس فلان يايبييين المطرب الــ.................!!)

-
-
-

مواقف مختلفة واللي عنده زياده او مداخله ياليت يفيدنا في ها الشي0
0

اخوكم / النعيمي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ربيع قلبي ونور صدري وجلاء حزني..‎	afnan mansour	الإسلام والشريعة	10	02-10-2011 06:25 PM
ربيع القلوب ونور الصدور .. !	ريـــف..	الإسلام والشريعة	16	03-12-2010 09:07 PM
قصه حقيقيه بسبب مسلسل نوور	عيناوي حبتين	قصص و روايات	21	02-09-2009 04:20 PM
اليوم عيد ميلاد توائم روحي وحياتي ونور دنيتي احلى رومنســــــــــــــــــــــيه	بحور حب رومنسيه	التبريكات والمناسبات	15	06-22-2008 09:42 PM