دولتي الحبيبه هل هي دوله مظاهر ...!

عيناويهـ(كول على طول) · 09-06-2008, 04:49 AM

السلام عليكم ورحمة الله وبركاته

اولا احب اشكرج ختيه الجود على طرحج لهالموضوع المهم واللي الكل صار يشتكي منه فالبلاد

انا من رايي انه مثل ما قال اخويه النعيمي الزياده فالاسعار مع ارتفاع الرواتب نتيجه طبيعيه او تناسب طردي متوقع بس الشي الخطير فهالموضوع انه ما شفنا انه المسؤلين فالدوله حطوا حد لهالموضوع يعني ممكن الزياده اليوم تكون بدرهم او درهمين عقبه بفتره توصل للضعف ولين توصل وتوصل وتوصل ومحد يتكلم يمكن نحن ما نحس بقيمة هالزيادة بس شي ناس غيرنا يحسبون للفلس الف حسااب شي ناس صح زادت رواتبهم بس البيت الواحد يكون فيه 15 او 20شخص واللي يصرف عليهم شخص واحد فلوس هالزياده بتروح لشوه ولا شوه؟؟؟ وتعال عاد لو البيت اغلب اللي فيه بناات واللي يصرف عليهن او ابوهن مب عاارف كيف يتصرف شو بيكون موقف هالريال يوم يحس عمره عاجز ومب رايم يلبي طلبات واحتياجات عياله؟؟

والشي الثاني رواتبنا زادت صح ونحن في خير ونعمه هيه نعم صح بس الناس الوافدين الموجودين عندنا فالبلاد شو ذنبهم بهالزياده؟؟ ناس يشتغلون ويكدون ليل ونهار عشان يوفرون لعيالهم ولاهلهم اللي هم متغربين عشان يصرفون عليهم واخرتها الراتب نصه يطير على ايجار الغرفه اللي هالشخص عايش فيها والكل يعرف انه نحن دولتنا تعتمد بشكل كبير على العماله الوافده اللي موجوده فيها

شيوخنا الله يطول في عمارهم ما قصروا والقصور مب من صوبهم التقصير من صوب المسؤلين اللي المفروض يحطون حد لهالتلاعب من صوب التجار يعني عادي تلقى سلعه وحده في هالمحل بهالسعر وتروح المحل الثاني تلقى ضعف السعر الاول

الواحد ماشي بيده غير انه يقول صبرا جميلا والله المستعان

ونتمنى انه المسؤلين عن هالموضوع وعن هالارتفاع واللي بيدهم القرارا يحطون حد لهالموضوع

والسموحه على الإطاله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جولتي السريعه لجزيرة ومحمية صير بني ياس البحرية في الإمارات	محروم.كوم	منتدى أخبار المواقع والمنتديات العربية والأجنبية	0	05-13-2010 05:50 PM
جولتي في المنتديات النسائيه :)	محروم.كوم	منتدى أخبار المواقع والمنتديات العربية والأجنبية	0	02-02-2010 10:20 AM
نجم سهيل وأهم مظاهر طلوعه	محروم.كوم	منتدى أخبار المواقع والمنتديات العربية والأجنبية	0	09-02-2009 01:40 PM
استاندر العدواني من دوله الكويت الحبيبه	Al-Rayyani	سيارات و دراجات	5	05-03-2009 03:21 PM
مظاهر الغفلة عن صلاة الجمعة	» βỊη άℓ đόόŁα «	الإسلام والشريعة	1	04-10-2009 06:12 PM