اختنق صدره وفك / لخنقته كل . . . الزراير !

محروم.كوم · #1 03-01-2012, 07:00 PM

شفني باطراف المدينه / اشعل افواه السجاير
............................ طفل يتسكع حنين / ويحتظن صمت المدينه !

شايل بيده رساله / تحتري صوت [ البشاير ]
............................بعد ماذاق الهوان . . . وبعد ماذاق الغبينه !

يرتشف [ جرح الغياب ] / وعينه تهل العباير
............................قلّب اوجاعه / فراق وهزت الذكرى .. حنينه

فوق ارصفة الشوارع / يلمح بعينه [ مناير ]
............................يبتسم مرات لكن : تجرحه ذكرى . . . دفينه

يامناير من غيابك : يسكن الحزن / الضماير
............................يامناير ضاع بعدك / [ طفل كنتي تحتوينه ] !

العبت فيه المواجع . . عاش وقته في خساير
............................ماحسب جور الزمان وصارت افراحه حزينه

يا مناير من رحلتي : صارت ذنوبه / كباير !!
............................يلعن الوقت ورداه . . . ويلعن البعد وسنينه

يسأل الليل / ببرآءه : هو انا وشلون صاير ؟
............................وليه انا لأوجاع وقتي صرت ياليلي / رهينه !

يحتضن صمت المباني / وينضر لوجه العماير
............................يحتري [ نور النوافذ ] تبعث .. بقلبه سكينه !

يمشي بدرب المدينه في حرا : عابر / وزاير
............................خطوته صيحة غريقِ يلمح بعينه . . . . سفينه

كان في قربك بـ آمان وصار من غيبتك ثاير !
............................حالته صارت غريبه / مو مثل [ ماتعرفينه ]

[ يرسم الحلم ] بيديه : وينكسر والحلم / باير !
............................كان يحلم كل ليله . . . في [ امل انك تجينه ] !

الغياب أرهق شعوره / ظالم غيابك . . . وجاير
............................يكسر بعزم الهقاوي / وكسرة الهقوه .. لعينه

تاه من ظلم الليالي / دار في صمت . . الدواير
............................بعثر [ الوقت بحياته ] . . . ولا له الا الله يعينه

يمشي بخطوات خوف .. وجاهلا دربه / وحاير
............................يستظل بعز ليله . . . تحت [ غصن الياسمينه ]

يكسر [ الغصن بيمينه ] ويرسم قلوب ودواير
............................والثرا يحظن دموعه . . قبل تمسحها / يمينه !

اختنق صدره وفك / لخنقته كل . . . الزراير !!

............................ياعسى الضيقه / تفارق صدر كانت له سجينه

يرتعش شوق وحنين / وخافقه بالدم .. فاير !
............................صاح من حر الفراق وهز هالشارع / ونينه !

وسار باطراف المدينه / يشعل افواه السجاير
............................طفل ضايع بالمدينه / كان يبحث عن مدينه !!

.
.

للشأعر مآإهر العآإيد ..
لآروآحكم العذبة .... !
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بني جمرة : البنغالي الذي اختنق وأسعفوه، يقوم ليتوضى لكي يصلي ركعتين شك	محروم.كوم	منتدى أخبار المواقع والمنتديات العربية والأجنبية	0	09-25-2011 09:00 PM
اذا غص الطفل او اختنق	محروم.كوم	منتدى أخبار المواقع والمنتديات العربية والأجنبية	0	06-08-2010 06:20 PM
اختنق صباحي من الهموم دمعً / خلفيات Black Berry	Дјறàl Диsǎήһ	برامج وصور وثيمات والعاب بلاك بيري و IPhone	12	06-06-2010 05:10 AM
خذ ربي بيدي ** وخذ ربي بقلبي فآني اختنق	رًوَحًيَ بًدَوًيهَ	شعر و خواطر	10	12-25-2009 10:33 PM
لأخفاء الزراير من أي برنامج	محروم.كوم	منتدى أخبار المواقع والمنتديات العربية والأجنبية	0	06-05-2009 09:50 AM