انا رفيق جهاد الفيصل اتمنى حكمكم على السالفه الي صارتلي معه

محروم.كوم · #1 02-23-2012, 03:10 AM

السلام عليكم وئاسفين على ازعاجكم وعذرون على الاخطاء الاملائيه
انا رفيق جهاد الفيصل الي صارة السالفه معه ونا الحين ابنسخ نفس كلامه
لاكن هو نقص اهم كلمتين بالنسبه لي الي هن انه اول ماقلتله يمدينا نضبط الشاهي والقهوه ونت تبي اترجعنا على طول قالي وشالي تبي ترجعنا نزلن نزلن ومار اجي وئرجع وانزله عند موتره
وهاذى نسخة االموضوع الي هو كتب

السلام عليكم ورحمة الله وبركاته

أنا صارت لي سالفه قبل يومين وأبي تحكمون بيني وبينهم وللمعلومية ترى السالفه صغيرة وماتستاهل لكن نبي حق على المخطي

السالفه ومافيها إن خوياي طلعوا الساع عشر الصباح من الدوام يبي يروحون يمرون كم فيضة ويتمشون واتصلوا علي وقالوا لي نبي نطلع وأنا بصراحه صار لي خاطر بالطلعه وقلت لهم إني بستأذن وأجي لكم وعلمتهم إن عندي شغل بعد صلاة المغرب ولازم أصير قبل الصلاة بنص ساعة بالبيت .

طلعت من الدوام ورحت للبيت ولقيتهم وركبت معهم وقلتلهم معكم حطب علشان نظبط الشاهي والقهوة بالفيضة اللي تبعد عن الديرة تقريباً ساعة إلا ربع وحنا ماسكين الخط الساع حدعش

رد علي واحد منهم وقال يمدينا نظبط الشاهي والقهوة وانت تبي ترجعنا العصر ؟؟؟؟؟؟

أنا بصراحه نقدت على الكلمة هذي (تبي ترجعنا)

المهم نزلني عند البيت ورجعت انا لدوامي والكلمة حازه بنفسي

رجعوا من البر الساع ثلاث ونص تقريباً ويوم شفته بليل كلمته عن اللي بخاطري وقال إن الكلمة مافيها شي !!!!

وأنا أقوله إن كلمتك هذي تزعل الرجال وهو يقول لا عادي واختلفنا

وقلت مايحل السالفه الا الشباب بمنتدى مكشات ورضا بحكمكم

للمعلومية ترى خويي مابيني وبينه أي شي لكن اختلاف بوجهات النظر بس ونبي الحق

وأتمنى اللي يجاوب مايجامل ويقول ترى السالفه مالها داعي ومن هالكلام

بختصار هل كلمة تبي ترجعنا لو قيلت لك وانت تبي تطلع مع خوياك تصير بخاطرك ولا عادي

والله يعطيكم العافيه

بإنتظار حكمكم من دون مجاملة لأي أحد

ياشباب الله لايهينك ويرفع قدركم ابي الرد الي مخطي انا ولا جهاد مع العلم ان جهاد هو الي قالي وش الي تبي ترجعنا نزلن نزلن
اتمنى الرد يكون انت ولاهو

مشكورين وئاسفين مره اخرى اننا ازعجناكم بالسالفة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ll مرثيه الآمير خالد الفيصل في الأمير محمد عبدالله الفيصل رحمه الله ll تصميم ll	محروم.كوم	منتدى أخبار المواقع والمنتديات العربية والأجنبية	0	08-29-2011 03:20 AM
الى العضو رفيق الدرب خاصه وجميع الاعضاء الي جربوا جهاز رفيق الدرب الخاص بالبطاريه الا	محروم.كوم	منتدى أخبار المواقع والمنتديات العربية والأجنبية	0	09-29-2010 10:00 AM
وش السالفه ؟ معقوله قدرت اكسر البرنامج ؟!!! السالفه كلها هنا ادخل ياولد !!	محروم.كوم	منتدى أخبار المواقع والمنتديات العربية والأجنبية	0	12-14-2009 11:10 AM
يا اخوان مشكله كبيره بجوجل ادسنس اتمنى اتمنى اتمنى الي عنده فكره ما يبخل علي فيها	محروم.كوم	منتدى أخبار المواقع والمنتديات العربية والأجنبية	0	10-14-2009 02:50 AM
السؤال: أيهما أعظم جهاد العلم أم جهاد السيف؟	محروم.كوم	منتدى أخبار المواقع والمنتديات العربية والأجنبية	0	06-23-2009 03:50 PM