يآليت تنفعني كلمة لو .. من كتاباتي

HajesUae · 06-26-2013, 03:37 AM

باك من بعد غيبه طويله

ها البارت و ان شاء الله يعيبكم

انتضر انتقادكم و آرائكم.

من صوب عاشه .
عاشه: حياااتي والله ..
خليفه: فدييت روحج انزين متى نعيدها .
عاشة : لا لا دخييلك خلاص ماباا اوكيه شي حلو بس والله عقب اقعد افكر فيه و اتحسف و اتضايق و مادري شو ماحب جييه . . .
خليفه: انزين عوااشتي دخييلج عشان خاطري .!
عاشة: انزين انا ماينفع اشرد من المدرسة ترا عادي يشوفوني اغيب وايد و عقب يتصلو يسألو عني !
خليفه: انزين الأسبوع الياي !
عاشه: اممم اوكيه بجووف .!
خليفه: لا لا شو تشووفين ابيج تأكديين لي .
عاشه: ان شاء الله .
خليفه : ان شاء الله .
عاشه : انزين حوبي شو قاعد تسوي .!
و شوي رن تيلفونه و طالع الرقم شافها العنود ..
خليفه: انزين حوبي انا مشغول الحين برمسج عقب اوكيه .!
عاشة: اوكيه حبيي . . .
خليفه : هلا والله بـ الطش و الرش !
العنود . هلا احمدااني شحآلك .!
خليفه: والله تمام الحمد لله . شحآلج انتي !ّ
العنود : دام احمدووه حبيبي بخير انا بخير .!
خليفه: عسى دوم ها الحال .!
العنود: احمدااني . . .
خليفه: عيون احمدااني .!
العنود : ابا اشوفك .!
خليفه: اممم وين !
العنود ماعرف بس احتمال باجر اوكييه .
خليفه: خلاص ان شاء الله .!
العنود اوكييه حبيبي . .
خليفه: خلاص اوكيه اتصلي فيني اول ما تقررين .
العنود: اوكيه حبي بيبااي . .
خليفه بينه و بين نفسه : ياخي شو ها الحين انا اتلخبط مو حافظ شو قايل لهم اسمي ><
(( خليفه : اخو ناديه عمره 20 سنه بطاالي يصرف ع نفسه من البيزات إلي يحصلها من ورى البناات ))
.
.
.
.
من صوب ثاني في السعودية . . .
منال: هآكو طآلعو وصل وصل ابووكم ..
شوق: ويينه ماشووفه .
مسعود: هي والله هآذا هناك وصل تعال بنروح صوبه .!
شوق: اييه بابااتي ياااا توني انتبهت .!
و سارو صوب بو عبد الله . .
بو عبد اله : هلا والله بعيآلي .
مسعود+شوق يبوسونه ع رااسه . .

مشعود: الحمد لله ع السلامة ابويا .
شوق: الحمد لله ع السلامه ابوي .
منآل: تو الناآس كآن تميت ويا حبيبة القلب شيخووه !
بو عبد الله : لا والله حلفي انتي بس !
شوق: عآشو الوآلده زعلانه هههههه .
بو عبد الله : شوقووه عيب عيب يالله نرد البيت الساعه 2 !!
منال : يالله عيل .!
و وصلو البيت .
و اول مادخلو .
شوق: يالله وصلنا البيت هاتو الشنط بابااتي قوولي شو يبت لي !! من الإمارات !
بو عبد الله و هو يتذكر انه نسى صوغة اللعيال ..!
بو عبد الله : ها كل خير ان شاء الله .
شوق: انزين ابووي يالله طلع إلي يبته لي اباا اشوفه .
بو عبد الله : وين يا بنتي انا تعبان الحين بآجر ان شاء الله
مسعود: شوقووه عن الخباال بس عااد !
شوق بوزت : انزيين عن تآكلووني .
و بو عبد الله و منال راحو حجرتهم فوق .
اما مسعود و شوق تموت تحت فـ الصالة مبنديين كل الليتات . !
مسعود: اقولج شوقووه يآخي ليش جييه يعني لو ابوي ماكاان معرس امي الثانيه .!
شوق: ايه شو تلخبط كيف يعنيي !
مسعود : يعني لو عندنا ابو لينا بروحنا يتم عندنا احنا بسس !!
شوق: اووف وايد اشيااء بتتغير .! و كنا بنشووفه كل يوم و بنقعد نسولف وياه كل يوم و بنسوي وياه كل إلي نباه .
مسعود: هي والله يعني لو انا بتكون عندي سيارة و بيكون لي راي فها البيت و ما بنحرم من ابوي . و بحصل حد ايي وياي المدرسة و يوصلني و اييبني و ينصحني !
شوق: يآخي يات ع النصيحه يعني هي الحيين !!
مسعود : الله كريم كمليي الفلم ترا فاتنا ههه .
شوق : هه هي والله

و ام مسعود واقفه منصدمه و ماعرف شو تسوي !! و شوي ماحست بعمرها إلا و راده الحجرة و هي تصيح .
بو عبد الله ييبيلي كوب الماي بس لاتشغلي الليل .
ام مسعود: .........
بو عبد الله : منآآآل ؟!
ام مسعود ( منال ) : هآآ آآ آ آآ . .
بو عبد الله قام يطالعها و انصم يوم شافها تصيح !
بو عبد الله : منآليي بلاآج حبيبتيي فيج شي !
منآل : لا لا الله يلعني و يلعن اليوم إلي وافقت اتزوجك فييه . . !
بو عبد الله و هو فآج عينه : ايه انتي خبيله ولا شاربه شي بلاآج جيييه !
منآل : ولا شي بس والله عياالي مب ذنبهم مب ذنبهم متا يشوفون ابوهم إلا اسبوع كل كم شهر .!
و ياليت تقعد فـ البيت تطلع ترابع و را الشغل !!!
بو عبد الله : ليش بلاهم اللعيال شي قاصرنهم و بعدين انتي خذيتييني و انتي عارفه اني متزوج و عندي عياالي و وافقتي ع ها الشي و كنت بكامل قواج العقليه !
منال : انزين اعرف و انا والله غبيه غبيه ماحسبت حساب للمستقبل .
اسمعني من بآجر تروح تسأل عن مسعود فـ المدرسة و تآخذ له سياره و تحسسه بـ المسؤوليه و لو تمسكه شوي من الشغل و تقعد تسولف وياه و تنصحه .
و شوق بعد نفس الشي تطلعها السوق و تلفلف وياها و تاخذ لها كل إلي تبيه .!
بو عبد الله و هو يحس بكلامها و بدا الدم يمشي بعروقه بسرعه و ماعرف شو يسوي : ان شااء الله منالي تآمريني ع شي .
انا ادري والله اني مقصر فـحق عيالي بس والله العظيم مآ بـ اليد حييله انتي ادرى بشغلي و مشاويري و بـ الضرووف !!
منال : انزين انا تزوجتك انته و وافقت عليك انته ما وافقت ع الضروف و السغال ولا تزوجتهم !!
بو عبد الله : انزين حبيبتيي انتي الحين ناامي .
منال: إلا شو يبت لي من هنااك .!
بو عبد الله و هو يتذكر : اييه صح ذكرتييني دخيلج مناليي سمعيينيي انا صوغتهم والله نسييتها >< آآآسف ولازم بآجر من الصح نتلفلف و نييب لهم شي على اسا انه من الإمارات .!
منال عاقدة حياتها : لا والله و انا يعني ما يبت لي شي !
بو عبد الله عاد انتي حظج غير كنت حاط صوغتج بـ شنطتي ..!
منال مستحيه : سيري بطليهاا .!
منال ربعت صوب الشنطه و بطلتها و شافت العقد إلي فيه من الماس و كان رهييييب جداً ! !
منال : مشكوور بو عبـ...مسعوود .. : ماتقصر .
بو عبد الله : منال ترا عبد الله ولدي و سعود و لدي تبي تزقريني بو عبد الله ولا بو سعود على راحتج .
منال : ان شاء الله .
و تحت صوب شوق و مسعود .
مسعود: آآآآه << يتثاوب " يالله انا بروح انام .!
شوق: اوكييه اخيه نوم العوافي . .
شوق بعد بندت التلفزيون و راحت ترقد .!
.(( شوق اكبر من مسعود بـ سنه يعني شوق عمرها 18 و مسعود 17 ))
.
.
و من صوب بيت بو عبد الله في الإمارات .
.
.
.
ام عبد الله كانت ترتب الحجرة و انتبهت لـ كيس احمر شوي كبير و حذاله علبه شوي صغيره !
راحت صوب الكيس و لقت فيه سااعه فخمه و حلوه وايد و ميداليه غاليه و ثقيله شوي مكتوب عليها مسعود !
و الصندوق بطلته لقت فيه سويرة مكتوب عليها شوق و خاتم فيه فص الماس صغير .!
ام عبد الله ماعرف شو تسوي تمت واقفه مكاانهاا و تطالع ها الشيئيين .!
و عقب تعوذت من بليس و قررت انها تنسى الموضوع و تترك الساالفه !
و تنبش فيها لين ما ايي ريلها من السفر . !. !

((و من صوب ثاني في بيت بو عبد الله بعد 3 ايام الساعة 2 باليل))
وصل عبد الله و جوليا و عيالهم بيت قوم بو عبد الله

جوليا: عبد الله شوف الوقت الساعة 2 الحين اكيد راقديين خلنا نسير فندق نرقد و باجر بنييهم هني
عبد الله: ماتشوفين اليهال كيف منسدحين ورا راقديين وين فيهم شدة بعد يروحون فنادق و عباله
انا بدخل من باب المطبخ ان شاء الله يكون مفتوح
جوليا: اوكيه لاتبطي اترياك

نزل عبد الله و هو يمشي صوب باب المطبخ اللي ورا
و فتح الباب بس طلع صوت انه الباب تبطل

و روضه كانت قاعدة بالصالة و من سمعت الصوت تم قلبها يدق بسرعة قامت و انخشت ورا الغنفة
تترقب منو اللي بيي و بيدخل من المطبخ و على حضها حصلت لها عصا حذالها كان محمد يايبنها من غرفة ابوه يبا يضرب فيها العنود يتمصخر وياها

و ااول ما انتبهت انه ريال اللي داخل البيت جان تهجم عليه بالعصا

عبد الله: اخخخخخ ويعه ان شاء الله منو انتي
روضة: حراااااامي ( وطااحت فيه ضرب)
عبد الله قوم عمره و مسك العصا و لف ايده على حلجها
و روضه عضته بقو بايده مما خلا عبد الله يصرخ
قامت عنه روضه وهي تطالعه

روضة: عبد الله !!
عبد الله: ويعااه حشى انتي حرمة ولا كلب بوليسي تحرسين البيت
روضة : انته ليش هني
عبد الله: نعم
روضة اقصد متى ييت و ليش ماقلت لنا
عبد الله: عن الغباء انا مخبرنكم اني بييكم عقب 3 ايام
روضة: عيالك و حرمتك وين
عبد الله توه يتذكر جوليا و اليهال
عبد الله : اوه صح هناك بالسيارة تعالي شلي وياي سموي و وديها فوق الغرفة
روضة:اوكيه

و طلعو من باب الصالة و عبد الله شل الشنط و روضة شلت سموي و جوليا وعت سعيد و خلته يمشي بروحه

عبد الله و جوليا دخلو الحجرة حقهم كانت زاهبة و مرتبه و نظييفه
انسدحو ع الكرفاية و على طول نامو

و بنفس الوقت من صوب حمود وهو بغرفته قاعد ع النت
يسولف ويا خلود ربيعه
حمود: انزين خلود اسمعني بقولك شي بس امانه بيني و بينك
خلود: شو قول سرك في بطنك
حمود: عن السخافه انا تراني عطيت استاذ الانجليزي بيزات عسب ينجحني
خلود: و يعني ترا ها يسمونه دهاان سير ههه لازم تسوي جيه ولا كيف بتنجح عقب
حمود: هيه لا
خلود:انزين بتخبرك و باجي المواد شو بتسوي فيهم!
حمود: والله مادري خل ربك ان شاء الله بيفرجها
خلود: زين عيل انا بسير ارقد باجر سكوووول لازم اقوم مصحصح يمكن يضاربون ربعنا
حمو: صدق منو بيضارب
خلود: مادري بالضبط يالله باي
حمود: باي

حمود\ ياخي انا ليش جيه عايش ماعايبتني حياتي ولا طريقة عيشتي مهمل بكل شي ماعندي شي اسوييه و مهمل دراستي وايد
الله يعيين و تعدي ها السنه على خير

الساعة 7 الصبح في بيت بو زايد

قوم بيت بو زايد يكونون عيال عم حمود و روضة و العنود
يعني بو زايد اخو بو عبد الله

عواش ناشه من الصبح و متزهبه حق المدرسة كانت ناشه بروحها بدون لاتوعيها امهاا
و دخلت غرفة موزة عسب توعيها لدوامها

عواش:مويييز قومي نشي الساعة 7 الحين بتتأخرين على دوامج!
موزه: هممممم
عواش: مباااع شو همم بعاااد قومي يالله دوااام(سحبت اللحاف عن موزة )
موزة:ويعه هاه انزين الحين بقوم و ياويلج مني خليني ارد من الدوام براويج الويل
عواش:حمدي ربج ييت اوعييج بدال ها البيزتين اللي بينخصمن من راتبج انا استفيد منهن احسن
موزة: بس ها اللي فالحه فيه
قامت موزة و دخلت الحمام تغسلت و سبحت و طلعت
لبست عباتها و تعدلت ع الخفيف و تعطرت و شلت شنطتها و نزلت<<ماعرفت اوصف ههه
شافت عواش قاعدة تتريق ويا امها

موزة : صباح الخيرات
عواش و مزنة(امهم) : صباح النور و السرور.

قعدت موزة تتريق و عقب طالعت عواش قالت لها يالله قومي بسج اكل بتتاخرين عن مدرستج
قامت عواش و موزة و طلعو موزة وصلت عواش مدرستها و عقبها راحت الدوام

( عواش بنت عم العنود و روضة عمرها 18 من نفس اعمارهن )
(موزة:تداوم في شركة كبيرة لها هيبتها في السوق و راتبها ممتاز و عمرها 24)
(مزنة:ام عواش و موزة و عندها ولد اسمه زايد و علي وحمده بنرمس عنهم عقب)

و من صوب ثاني في بيت بو عبد الله
كـ العادة حمود و عقب صراخ و حنة قام و دخل يسبح
نزلت ام عبد الله و حطت الريوق بمساعدة الخداماات

العنود و روضة نازلين من فوق لابسين لبس اللسكول

العنود+روضة:صبا الخير امييه
ام عبد الله: صباح النور
روضة راحت باست امها على راسها و خدها و عقب قعدت تتريق

ام عبد الله: تحبين الكعبة ان شاء الله يا بنتي( و هي تطالع العنود) و انت شو قاصرنج حلج ولا ريول عشان ماتيين تبوسيني على راسي
وتصبحين علي شرات الاوادم
العنود: اميه دخيلج بلا ها المثاليات من متى نحن جييه

حمود و هو نازل من ع الدري و يغنيي
مظلوم في حياتي هي والله مظلووم .. حبيبي عيشني بالحزن و الهموم<< اغنية راب

العنود ها حمود بلاك مستهوي اليوم
حمود: المزاج عالي ان شاء الله و نفسيتي منفتحة حق الدراسة اليوم
ام عبد الله: ان شاء الله دوم ها النفسية مب بس اليوم!
حمود: ان شاء الله يا الغالية..

روضة يالله حمود حبيبي خلص بسرعة ترانا بنتأخر
حمود: ان شاء الله اختااه المصون
روضة:عن العبط
و بعد 5 دقايق قامو حود و روضة و العنود ركبو ويا اللدريول

حمود: اوه كأني و انا نازل شفت العصا الي منزلنها من فوق مكسورة
روضة و هي تتذكر: اوه صح ترا عبود عندنا هنيه ف البيت نسيت اخبر اميي
حمود طلع فونه من مخباته يبا يتصل لـ امه
روضة:حمود انته تشل فونك وياك المدرسة
حمود بأستغراب: هيه ليش
روضة: مب ممنوع!
حمود:هيه ممنوع بس عادي ماحد يفتش و هو بيتصل لأمه قاطعته العنود
العنود: ايه يا الغبي لاتتصل لها عقب بتهزبك لانك شال الفون المدرسة
حمود: فديت اختي انقذتيني ياخي ( حمود يكلم السواق) عطني تلفونك و خحذ عن السواق و اتصل لأمه و عطا روضة تكلمها
روضة:هيه امي البارحة يو .. خلاص ان شاء الله..هيه.....يالله بباي.

و وصل كل واحد مدرسته

و بنفس البيت فوق بحجرة راشد و حمدة

راشد: حمدوه قومي بج رقاد خستي خلااص عفنتي
حمده و هي تنجلب الصوب الثاني: هاه بلاك مارقدت عدل تراني
راشد: ليش ان شاء الله بشو تفكرين حضرتج.
حمده: افكر فيك لااه
راشد: عن الخرط.
حمده: رشود لو انا ما اييب عيال انته كيف مستحملني انا ادري انه كل ابو يتمنى ولد و كل ابو يتمنى حد يشيل اسمه بس انا ما اييب (غطت على ويها و تمت تصيح بصوت مسموع)
راشدانصدم ماعرف شو يقول.
حمده: انته حرام اتم جيه مافي ولد يحمل اسمك ولا تشوف ولدك بين ايدينك انا ادري انك تتمنى الولد انته
راشد:حمدوه بلااج ماصار شي هاذا قضاء و قدر و ماحد بيقدر يرده ولا يرفضه
حمده:زين انا بدخل اسبح<<تبا تتهرب من الموقف
راشد تنهد و قام طلع برع نزل عند امه و باسها على راسه

ام عبد الله هلا والله بولدي
راشد:هلا اماايه
ام عبد الله: كيف اصبحت.
راشد:اصبحت بنكد من صباح الله خير .. يالله عيل انا بطلع حيااج.
وطلع من البيت

انتضر آرائكم
حمده و راشد شو بيصير بينهم
عبد الله و جوليا كيف بيعيشون عند اهلهم و كيف بيتقبلون الوضع و عيالهم اي مدارس بيدخلون!!

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بروودة صيف ... ( من كتاباتي )	Lost Dream	شعر و خواطر	5	06-08-2010 05:12 PM
[ عرض دعم فني ] : حمآية الموقع حمآية أولية _ صيانة شآملة للموقع والقوآعد والكثيير ..بأرخص الأسعآر	محروم.كوم	منتدى أخبار المواقع والمنتديات العربية والأجنبية	0	06-07-2009 10:50 PM
ليش اليوم ينساني ..<< كتاباتي ^.^	joode M	شعر و خواطر	15	03-19-2009 05:59 PM
من تكون ؟ << كتاباتي ..~	joode M	شعر و خواطر	6	03-11-2009 06:01 PM
من كتاباتي	سهولتي	شعر و خواطر	4	07-10-2008 02:44 PM