منتدى استراحات زايد - يآليت تنفعني كلمة لو .. من كتاباتي

منتدى استراحات زايد (http://vb.ma7room.com/index.php)

- قصص و روايات (http://vb.ma7room.com/forumdisplay.php?f=26)

- - يآليت تنفعني كلمة لو .. من كتاباتي (http://vb.ma7room.com/showthread.php?t=782521)

رواية يآليت تنفعني كلمة لو

بعيد عن جو الهدوء و الحب و بعيداً عن جو الرومانسيه و العشق .. .
لنصل لـ عالم الجريمة و المحقائق . . .
للعالم اللذي اعيشه انا و تعيشونه انتم . . .
غير عن كثير من الروايااات لاتحمل احداث ( سآذجه ) او حوارات عاديه .
ستحمل القصة مجرى صريح و واقعي لتجارب سمعت عنها و لتجارب شاهدتها و عشتها .
انا اليوم اقدم لكم رواية ( يالت تنفعني كلمة ( لو ) )
تدور قصتها حول .عدد من. العائلات تجمعهم المحبه .
لاآكن من هو اللذي يستطيع ان يفرق بينهم .
و هل المصلحه الشخصيه تتفوق على جميع المصالح .
و هل يضطرون ابطالنا لـ استخدام حساب غيرهم لمصلحتهم الشخصيه !

ملاآحظه : الرواية تحمل مجرى حقيقي و جريئ جداً .
بعيداً عن جو الحب و الرومانسيه .
لتكون روااية حماسيه و متناقضه و مع القليل من فيتامين الحب و العشق .
اتمنى قرائه ممتعه .
و انا آسف يعني يمكن ما اعطي البنات حقهم فـ الوصف من حيث اللبس . و الشكل و الكياج ....الخ.
لأني ذكر و ها الشي صعب بـ النسبه لي اني اتكلم عن شي انا ماعرفه ولا عشته ..!
دائماً في اغلب الرواياات الي يكتبونها البنات نشوف انه الرجل هو الشرير فقط .. لاكن البناات مايعرفون شخصية الرجل اكثر من ما يعرفها الأولاد ,.
وان شاء الله تستمتعون معاي بها الرواية :)

ام عبد الله : حمووود حمووود يالله قوم بسك رقاااد قووم بترووح المدرسة بلا ها الحركاات رقاد الصبح و سهر بـ اليل .
( حمود و هو يلف اللحاف على كامل ويهه ) هاه اميي انزين انا ما سهرت البارحه بس رقدت الساعه 2 ونص . كنت قاعد اسوي تقارير و بحوث
ام عبد الله : يالله عن الخربطاان الزاايد و قم نش تسبح و عقب بتسير المدرسة .
محمد: اوكيك اماايه انتي بس طلعي الحين لأنه عيبب انا لابس شورت قصير
ام عبد الله : انزين عن ترد تنام تراني 5 دقايق و برد اواعييك .
محمد: اوكييه بس يالله طلعي بتأخريني .
(( محمد طالب عمره 16 سنه يدرس فصف اول ثانوي يعني شوي طويل و ضعيف واايد و شعره اسود و عيونه بني غامج ولد خرييش و يحب الربشه )
(( ام عبد الله ( شيخه ) و إلي هي ام محمد و ام عبد الله و عندها بنت اسمها العنود و بنت ثانيه اسمها روضه و الولد اللكبير اسمه عبد الله و هو مسافر ويا حرمته و عياله و ما ايي إلا شهر كل سنه
ام عبد الله حرمة طيبه و تحب عيالها و وايد محافظه و متمسكه بعاداتها و تقاليدها و تحب الخير للناس و تحب عيالها و ريلها بو عبد الله ( سعيد ) )

و من صوب ثاني .
راشد : حمدوه يالله قومي نشي و تمي قاعده ويا امي هنيه تحت فـ الصالة بسج رقاد .
حمده : انزين امك شعنه ماتواعي خوانك و ترد ترقد مب احسن لها .
راشد : و هو يفر عليها مخده صغيرة كانت ع طرف الشبريه : لا والله ترا هاي إلي تتكلمني عنها امي .
حمده : عيل جان هيه امك سير و عابلها انته بروحك و تم وياها .
راشد : و هو يفرها بماي كان مجمعنه بإيده من الحمام .
حمده : اييه يا الغبي خيستني و الماي بآآآرد >< اوووف منك الحين بقوم و بروح .
(( راشد ثاني اكبر عيال بو عبد الله و اعقلهم معرس من حمده بنت عمه حسن جسمه شوي عريض و شعره اسود و فيه ملامح من ابوه )
(( حمده بنت عمرها 27 سنه تحب ريلها راشد و لاكنها ماكاانت تييب عياال و بـ النسبه لمواصفاتها طويله و ضعيفه ))

و راشد و هو نازل من ع الدري .
راشد : السلام عليكم .
الكل : و عليكم السلام .
ام عبد الله : صباح الخير بـ ولدي رااشد حيآك اقرب تريق .
و يلس راشد عند امه و ابوه و خواته العنود و روضه
روضه: رشود يآخي سير شوف حمود اخوي للحين راقد و اللدريول ع الباب بيوصلنا . و حمود مأخرنا .
راشد: ايه انا مب اصغر عيالج تقولين لي رشود .
العنود : انزين حبيبي رويشد ماعليك منها هي معصبه يالله روح شوف حمود .
راشد: و انا مب ريلج تقوليلي حبيبي .
روضه+العنود . افففففففففففففففففففف.
رآشد: انزين خلاص بلاآكم بتآكلوني بروح اجوفه .

و من صوب ثاني محمد فـحجرته و هو يغني
( اذا انته منت متحمل الم و احزان ها الكم يوم )
و يقآطعه راشد: انا طول العمر هاذا شايلهم على اكتافي .
حمود: الناس تدق الباب اول
رآشد: انزين يآحبيبي انته اخوي و بعدين ادخل وين ما ابا انا البجر فـ ها البيت .
و بعديين ليش حضرتك للحين متأخر ماتبا تروح المدرسة شو .
محمد و هو يلف اللعصامه ع راسه : انزين يآخي بلاآك تشوفني قاعد اتعصم و بعدين مافيني اروح من الصبح المدرسة طابور و عفسه و تعرف الحين جو البلاد حرر .
رآشد: افا افا ولد بو عبد الله يتم بـ الشمس لا والله ما ارضاها .
محمد : هيه شفت عاد .
راشد و هو يعلي صوته : يالله عن الكلام الزايد و انزل تحت خواتك يتريونك بتحيرهم عقب .
محمد انزيين . الحين بخلص ها طلعت .

و طلع راشد تحت عسب يكمل ريوقه .
و محمد نازل و هو شكله فيه النوم و كان ماسك بس ( كتابين )
محمد: يالله تحتشرو علي و انتو للحين ماخلصتو .
روضه : الحمد لله علها نعمه دايه .
العنود : الحمد لله شبعت .
رآشد : حموود شو ها إلي بإيدك .
محمد : اوييه لا لا ماصدق شو يعني بإيدي هاي كتب المدرسة .
راشد بس كتابين ؟؟!
محمد: هيه جم عيل تباني اشل ترا الكتب وايد و اخليهم فـ المدرسة بدل ما اييبهم البيت و اردهم وراي يآخي ثجاال .!
راشد: والله يآ حمود لو اليوم ما ييت و انته يايب كتبك كلها البيت لتشوف شي ماشفته .
محمد: انزين هاي الكتب إلي بس علي منها امتحان و واجب شو اسوي .
العنود: اووووف يآخي سنه لين تلبس و الحين سنه محاضره عز الله وصلنا الجاامعه .
رآشد : انزين يالله رووح .

و وصل محمد المدرسة .
و هو نازل شاف خلود اربيعه
محمد: هلا خلود شحالك .
خالد : تمام الحمد لله .
و دخلو المدرسة داخل و كان الطابور بادي عسب جيه راحو الصف و حطو كتبهم و ردو طلعو يصفون فـ الطابور .
....: اخييج تو ما ظلمت المدرسة .

[

align=center]مــرحـبـا

[/align]

أاإتـشـرفـ بـآاأإنـي أاإول وحـدة اأإرد علـى الـروؤوايـة لـآأاإنـ العـنـوؤوانـ جـذبـنـي

و أاإتريا تـكـمـلـتـج لـروؤواأايـهـ

لـآأاإن الروؤوايهـ "" طــــــــرررررررر ""

تسـلمـي عـلـى هـذي الرؤوؤايــهـ

مرحبا اختي .
منورة الموضوع و ان شاء الله انزل البارت الثاني الحين :)
و ابي توقعااتكم و انتقاداتكم .

ملاآحظة :
تجنبت سرد الكلام لـ وصف الأشخاص
يعني اغلب الروايات يكتبون اسم العايله و تحتها اسماء اللعيال و المواصفات و هاذا يشكل صعوبه ع القارئ انه من اول ما يبدأ يقري لازم يحفظ اسماء الشخصيات و تصير في لخبط
بس انا ان شاء الله راح اتبع طريقة ثانيه في سرد الشخصيات و وصف الملامح و الأشكال ما اعتقد لذيك الأهمية قد ما وصف الشخصيه اهم :)

....: اخييج تو ما ظلمت المدرسة .
محمد: عداال يا وزارة الكهربه انته .
منصور: ههاي مخلي ها الشغل حقك انته و ربعك .
استاذ الرياضه ( إلي يسوي الطابور ) : للخلف در على الفصول معتدل سر .
و سارو كلهم صفوفهم و الحصه الأولى كان عليهم علوم فـ لازم يروحو المختبر .
و طبعاً محمد ماحصل كتبه و عرف انه خلود اربيعه شالنهم لأنه خلود ماكان يايب كتبه فـ اضطر انه يروح يدور كتاب من اي صف حذالهم .
و دخل الصف إلي حذالهم .
محمد: السلام عليكم .
الأستاذ : وعليكم السلام .
محمد: شباب ابي كتاب علوم و قلم رصاص .
....: ها امسك ها كتابي بس لاتحل فيه و لو بتحل حل برصاص .
محمد: انزيين .

و محمد توه داخل مختبر العلوم ..

الاستاذ: ها كان ما قيتش للحصه .
محمد: استاذ ترااني اناا كنت فـ الإدارة .
الأستاذ: الإدارة من الصبح ليش شو مسوي .
محمد: ماشي استاذ كل خير ان شاء الله .
الأستاذ: طيب اول و آخر مرة تفضل خش للصف .
محمد و هو ييلس ع الكرسي تذكر انه نسى ورقة العمل فـ الصف .
فأستأذن من الأستاذ و قاله انه بيروح اييب الورقة و بيي و طلع من الصف .

و هو يطالع فـ درجه و شل الورقة و شوي شاف فدرج واحد من الأولاد صمغ ( سائل ) و يا عبآله منصور إلي فـ صفهم .
قآم عبد الله و شل الصمغ و جان يحط ع كرسي منصوور واايد بس كأنه طبقة خفيفه و ماتبين .
و شوي إلا باب الصف ينفتح .

....: حموووود انته شو تسوي هني .
محمد: ( و هو ماسك الصمغ و واقف حذال مكان منصور : هاه .. لا لا ما اسوي شي بس كنت يايب ورقة العمل و بشلها الحين المختبر بعطيها للأستاذ .
استاذ العربي : اها زين زين بسرعه روح على صفك .
و محمد يحمد الله انه الأستاذ ماشاافه ولا عرف السالفه .

و من صوب العنود و روضه كانو متأخرين عن الحصه الأولى
و سارو صوب الأخصائيه .
الأخصائيه : خير ليش يايين متأخرين .
العنود: تعرفي ابو إلي وصلنا المدرسة و كان يحني شعره و عسب جيه تأخرناا تعرفي ترا ابوي من القرن الحجري .
الأخصائيه: نعم نعم احترمي نفسج وم رمسيني عدل .
روضه:ابله احنا اتأخرنا بدون سبب يعني يايين ويا اللدريول و اتأخرنا شوي .و بعدين يعني متأخرين 1 دقايق مافيها شي .
الأخصائيه : اول و آخر مرة تتأخرون يالله بسرعه روحو الصف .
و العنود و هي داشه الصف كانت تآكل لبان و دشت و بدون ماتدق الباب .
العنود : هلا بناات شحآلكووم !؟
بعض البنات : الحمد لله زينين .
الأبله : ماهذا يا العنود لماذا لم تطرقي الباب عند دخولك للصف .
العنود بصوت خفيف : يالله بدينا الفلم المكسيكي .
الأبله: ماذا قلتي لم اسمعك؟!
العنود:ولا شي يا معلمتي .
الأبله : لا يقولون ولا شي بل لا شيئ و هيا تفضلي اجلسي في مكانك .
العنود:ان شاء الله ابله .

و بعد 5 دقايق العنود تسمع صوت خفيف
....: العنوود العنود .