سالفة ( رحله لم تكن بالحسبان )

محروم.كوم · #1 02-12-2012, 12:20 AM

بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه حياكم الله
هذي سالفه حدثت قديم وفيها طرفه اعجبتن وحبيت ان اذكره لكم
السالفه صارت على واحد بجده يقول مريت لي مسجد في باب مكه ابي اصلي الظهر مدري العصر المهم دخلت المسجد وصليت مع الجماعه يوم قضت الصلاة دخّلوا هكالجنازه وصلينا عليه صلاة الميت يوم طلعنا من المسجد يقول حبيت اشيع الجنازه مع هالمسلمين وفيه جمس ركبوا فيه ناس وقلت لهم تبون تروحون تدفنون هالميت قالوا ان شاء الله قلت وتبون ترجعون قالوا ان شاء الله قلت معكم
يقول واركب والا الربع محزنين وساكتين وحنا نمشي بالسياره يقول ابطينا وحنا نمشي وصلنا مصنع الاسمنت بشمال جده وتعديناه ونمشي وطلعنا من جده وصلنا ذهبان
يقول وانا افكر هذولا وين يبون 00 يقول تعدينا ثول واقبلنا على رابغ وانا انشد اللي بجنبي 00 انتم وين تبون
قال ( المرحوم ان شاء الله ) وصا ته ان يدفن بالمدينه المنوره

يقول قلت بيني وبين نفسي يالله مقسوم خير وين الله جابن لهذولا
المهم يقول وصلنا المدينه ودخلنا المقبره ودفناه الله يرحمه ومن يوم دفناه وانا اروح للسياره واقعد احتري خوييا ( طبعا صاروا خوياه هالحين ) ويم جوا وانا انطحهم واعزيهم واحد واحد عظم الله اجركم وجبر الله عزاكم
ونركب السياره وعلى جده يقول وطول الطريق الربع ساكتين ومحزنين وانا ماغير ادير الهواجيس
ويوم وصلنا جده وعند اول إشاره واسلم عليهم وماتشوفون شر يالربع وانزل واركب تكسي وعلى البيت0
وانا اقول انتهت السالفه والسلام عليكم ورحمة الله وبركاته
محبكم
النبهاني
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة الي من حبه له غدى ذيب !!	محروم.كوم	منتدى أخبار المواقع والمنتديات العربية والأجنبية	0	04-11-2010 01:00 AM
نهيان بن مبارك: البرامج التعليمية تأخذ بالحسبان احتياجات سوق العمل	دلــــــــوعة الامارات	اخبار محلية و عالمية	10	10-27-2009 02:43 PM
اقتراح اتمنى يؤخذ بالحسبان	محروم.كوم	منتدى أخبار المواقع والمنتديات العربية والأجنبية	0	09-15-2009 03:20 AM
مالـم يؤخـذ بالحسبان في fifa2010	محروم.كوم	منتدى أخبار المواقع والمنتديات العربية والأجنبية	0	07-19-2009 10:10 PM