[ عـرفـنا الـحـب واسـراره .. وكـتـبـنـا أجـمـل أشـعـاره] - الصفحة 46

Evanescence · 02-27-2008, 05:12 PM

وير از ذا بارت ايم ويتنج لووول ^_^ __DEFINE_LIKE_SHARE__

حنطاويه _ طرر · 02-27-2008, 06:03 PM

ههههه.. اليوم بينزل .. ياي ف الطرييج هع ^.^

تسلمين ع المروور^.^ __DEFINE_LIKE_SHARE__

ємαяαтya Kαsн5a · 02-27-2008, 06:21 PM

مرحبا ملااااييين

وصل البااارت و بسلاااام هع هع ..

البارت ( 16)

" الدنيا حلوة واحلى سنين .. بنعشها واحنا ياناس عاشقين "

الكل وصل القرية وكان زحمه وحصلو باركنات بس هب عند بعض كل واحد ف صوب والكل تيمع عند البوابه وخذو تذاكر ودشو وتمشوو فكم قريه .. وكانو البنات يبون يروحون صوب الالعاب والاولاد يبون يتمشون مايبون يروحون صوب الالعاب لانه زحمه..
ذياب: انزين خلاص روحو صوب الالعاب ونحن بنتمشى
حمد: لا شو نودرهم بروحهم
ذياب: لا هم وايد وبعدين أي واحد يقول لهم شي فطامي وروضة والباقيين مابيقصرون
فطامي: ليش شو فيهم فطامي وروضة؟
ذياب: لسانهم طوييل
روضة: نحن!!
حمدان: لا حرام فطامي لسانها هب طوييل
روضة: ويت نسيتني!! .. هو يقصد فطامي وروضة صح
حمدان: ولــي
سيف: ولا يهمج بنت العم.. اصلا روضة لسانها هب طويل
روضة: احم .. احم
سهيل: اوب اوب اول مرة ادافع عنها غرييبه وغمز له..
سيف فقط: لا عادي يعني صدق لسانها هب طويل
روضة تبى تغير الموضوع : انزين نحن نبى نروح
ذياب: الله معاكن
حمد: عطونا مقفاكن
ميثة: شووو.. انتو الي عطونا مقفاكم
هند: وييو قطعتهم
حميد: افا تعلقين علينا افا يا بنت العم
هند قفطت....
مهرة: خلاص يلا امشو .. وراحو البنات يلعبون
روضة: انا ابا العب سيايير
مهرة: انا بعد
فطامي: انا بعد
هند: مي توو
الريم : انا بعد خاطري العب
مريم: انا بترياكن مابي العب
ميثة: الريم انا بركب معاج
الريم: اوك يلا
وراحو ياخذون فيش .. وركبوو فطامي + روضة مع بعض وروضة الي تسووق

مهرة + هند مع بعض وهند الي تسوق
الريم + ميثة مع بعض والريم الي تسوق

وقبل ماتبدا اللعبه كان في واحد جدى روضة وفطامي هو واخوه الصغير والصغير يغمز لهم ويسوي حركات وروضة تطالعه وتضحك وفطامي بعد .. وبدت اللعبة .. وكل خمس دقايق حد يدعمهم
وبعد شي واحد دعم ميثو والريم من ورى وفتح شيلة الريم الريم لفتها عالسريع ولحقت الولد ودعمته دعمة قويه والولد سفرته تبطلت وهو عصب الا يدعم الريم والريم مسويه له طاف وماتخليه يدعمها .. اما هند ومهرة ف في واحد جداهم مايخليهم يمشوون ..
هند : والله بييلك كف اذا ماقمت من الطريج
الولد: خذي الرقم
مهرة: اوك بتشوف .. شرطـــــــــي
الولد: خلاص خلاص اسمحيلي
هند: خرب اللعب الله ياخذ بليسه
فطامي وروضة شي واحد من متى يلاحقهم هو وربيعه
روضة: اففف هذا من الصبح يلاحقنا
فطامي: خليه يولي
الولد كل خمس دقايق يدعمهم
روضة: والله لعلمه الادب
فطامي: روضة خليه يولي
روضة: شوفيه شو يسوي .. وهو كل ماايي يدعمها تلف وتخليه يدعم غيرها ..
اما مريم فكانت تشوفهم وتضحك.. لمحت حد وراها يقول:هلا والله .. ويوم لفت شافت سلكان وفخاطرها تقول فديته والله .. مريم تبتسم: اهلين
سلطان: شحالج؟
مريم : بخير وسهاله ومن صوبك
سلطان: بخير دامج بخير.,, امم مريامي يايه بروحج
مريم:لا لا يايه مع الاهل.. الشباب يتمشون والبنات يلعبن
سلطان: اها وانتي ليش ماتلعبين؟
مريم:اذا ركبت بركب بروحي وانا مابي
سلطان وهو يمزح: اركب معاج
مريم قفطت: لا مشكوور
سلطان: مريامي هذي فرصة متأكده
مريم: متأكده
سلطان: هههه .. اوك انا الحين بروح اهلج يو صوبج يالله مع السلامه
مريم: مع السلامه
وكانو الشله يايين صوبها

" ودي يمر اسبوع .. من غير زعل ودموع .. كافي عذاب كافي هموم "

ويو الشباب عند البنات وروحو يلعبون لعبة الكنغر كل الشباب والبنات ركبو عشان يلعبون الا فطامي وحمدان مالعبو وكانو واقفين بعيد عن بعض .. فطامي وهي واقفة تتطالعهم وهم يلعبون ياها واحد وتم يلعوزها وحاول انه يسحبها من ايدها ويوديها وياه بس حمدان لمحهم وراح بسرعة عندهم ودز الولد عن فطامي وعطاه كف على ويهه وبدو يضاربون وشي شباب يو يفججونهم عن بعض .. وفججوهم وروح الولد لكن قبل مايروح قال حق فطامي ..***: مااعليه راجع لج وانا وراج وراج واذكريني..
فطامي وهي تحاول تبين انها قويه: روح زيــــــــن
وراح الولد وهو يبتسم لها بخبث..
راحت فطامي صوب حمدان .. فطامي: شحالك الحين بخير ولا في شي يعورك؟
حمدان: لا لا انا بخير امشي جدامي نروح عندهم ولا تخبرين حد عن الي استوى
فطامي: هـا .. اوكي يلا نروح
وراحووو عندهم...
راشد: بلاك حمدان شبلاه ويهك؟

حمدان: لا لا مافيني شي بس دعمت العموود
مهرة: شو اشلق ماتجووف هع هع
حمدان: بتسكتين ولالا ..
مهرة: انزين بلاك معصب!!
حمدان: مايخصج قومي عن ويهي
مهرة قفطت ونزلت راسها .. وافترقو عن بعض راحو البنات يتسوقون والشباب راحو القهوة

فــ القهوة:
سيف: حمدان بلاك
حمدان طـــــاف كان سرحان<<< ماينلام لنه فطامي كانت قمر
سيف: ايه حووو بلاك وهو يأشر بــإده عند عيون حمدان
حمدان............طــــــاف<<<لا حياة لمن تنادي
سيف: شكله متخشع تخشيع ههههههه

منصور: ههه يحليله
سيف: ها منصور سمعنا انك تبى تخطب هع هع
منصور وهو قافط: هــأ...امنو خبرك
راشد: هــا مناصييرووو .. امنو هاي الي خشعتك
منصور: مناصييروو ف عينك .. اصغر عيالك انا
راشد: لا اكبرهم ههههههه
سهيل: ههه خلاص احرجتو البوس طاع الويه كيف غادي ههه
منصور: عنتلاتك يالخام .. مالت عليكم.. ماتنعطون ويه
حمدان وهوتوه يرد لطبيعته: بلاكم؟! امنو الي ماينعطه ويه؟!
منصور وسهيل وراشد وسيف: صباح الليل ههههه
حمدان وهو قافط: هه خلونا نروح نتعشى شو رايكم؟
سهيل: يحب يتهرب هههه
سيف: ياريال كاشفينك .. كاشفينك
راشد: خخخ .. اعترف امنو هاي .. اكيد وحدة من غراشيب دبي
حمدان: عنتلاتكم ييالخام.. صدق ماتنعطون ويه
منصور: هيه والله صدقك ماينعطون ..
سهيل وراشد وسيف: هههههههههههههههههااي

عند البنات..

مهرة: بس خلاص بروح فيها ظهري تكسر..
رواضي: آآآآآخ××
فطامي: ههه مسرع ماعيزتو
هنوده: هه عيايز آخر زمن
الريم : انا ابا اروح الحمام.. امنو بيي معاي
مريم: انا بي.. حد بعد بي
مهرة: لا انتو روحو بس لا تتاخروون
الريم ومريم: اوك .. باي
الكل: باي
وراحو الريم ومريم الحمام.. والبنات راحو ويلسوو على الكراسي
مريم: تدريم امنو شفت اليوم؟
الريم: امنوو؟
مريم: احم .. سلطان^.^
الريم: وانا اقول بلاها مريووم فرحانه ههه
مريم قفطت: جب جب انزين
الريم: ههه اونها تستحي
مريم استحت: لا تعلييييييييييق
عند الحمام.. بعد ماظهرو من الحمام
مريم: خاطري ف باسكن روبنز تبين شي
الريم: اممم اطلبيلي شراتج
مريم: اوك .. بس ترييني اهنه
الريم: اوك
مريم راحت تطلب والريم يلست على الطاوله .. وفي ولدين كانو يتمشون ف شافو الريم ياسه بريحاتها..
الولد(1): ياويل حالي على الغرشوب الي اهناك..
الولد(2):هههه
الولد(1): يمه قلبي
الولد(2): شفيه قلبك؟
الولد(1): اتخشع تخشييييع
الولد(2): هههههههههه
الولد(1): شو رايك نروح عندها^.^
الولد(2): اوك يلا .. وراحو عندها الولدين ويلسوو ع الطاولة الي يالسه عليها واحد مجابلنها وواحد احذالها..
الود(1):مرحبـــــــا
الريم وهي هب مستوعبة ولا شي: أ أ أ ...
الولد(2): هه بلاج الفار كل لسانج
الولد(1):هه الظاهر جه
الريم وهي توه تستوعب الي صار: لو سمحتوو نشووو
الولد(1): بنش بس اول شي تاخذين الرقم
الريم : لا والله*.*
الولد(2): هيه والله هع هع
الريم نشت وسوت عمرها انها شافت اخوها: راشد وتأشر بـإيدها .. واهنه الاولاد شردوو ههه<<<من الزيغة هع هع
الريم: ههه صدق انه الشرده نص المريلة
واهنه يت مريم: ريمو بلاج تضحكين؟
الريم وهي بعدها تضحك: ههههههههه فاتج الفلم الهندي
مريم: الحمدالله والشكر.. أي فلم واي هندي .. وتحط ايدها على يبهت الريم: شكلج مريضة .. شكله الجو مأثر
الريم: ههههه مريووم بلاج؟ صدقيني مافيني شي.. لا مريضة ولا شياته..ههههه
مريم: سكنهم في مساكنهم .. عيل بلاج تضحكين وتخربطين وتقولين فلم وهندي؟!؟!
الريم: بعدين بخبرج..المهم انتي ليش تاخرتي؟
مريم: عسب الزحمه .. تدرين كنت واقفة اتريا الطلبية ويت الحرمة تعطيني الطلبية وانا يايه آخذها والا تيني هنديه خايسة وادزني وطاح الآيس كريم على واحد.. والله اهنه تفشلت بالقوو .. قلتله: اسمحلي اخوويه وروحت.. عاد هو ضحك ورد علي:ههه مسموحه
الريم : هههههههه صدق فشيله
مريم: الله ياخذها من مهنده .. جانها فشلتني..
الريم: هه حرام عليج لاتدعين عليها
مريم: ههه .. ريموو..ريموو
الريم: بلاج؟
مريم: هههههههه تشوفين هاي الي انجلبت هاي هي الي دزتني خخخخخخخخخخخ
الريم: ههه يحليلها^.*
مريم: وااككككككككككككاا
الريم: بس خلاص فضحتينا .. يلا نشي تاخرنا عليهم وراحوو البنات عند الشله وف الدرب الريم خبرت مريم بالسالفة .. وبعدها الكل رد بيييته^.^

كـــــــــــــــــــــــــــــــــــــــــــــــــ ـــــــــــــــــــــــــــــــــــــــــت

شوو تتوقعون بيستوي امبين *** وفطامي وحمدان؟

وهل*** بينفذ كلامه؟

و منو هذا ***؟؟

و شو يبغي من فطامي؟؟

لاتحرمونا من ردوودكم؟!..^.^ __DEFINE_LIKE_SHARE__

m3soolat · 02-27-2008, 06:42 PM

رووووعه

متى التكمله؟؟؟

ابا اعرف شو بيستوي حق فطاامي وحمدااان؟؟

^_^ __DEFINE_LIKE_SHARE__

ємαяαтya Kαsн5a · 02-27-2008, 07:08 PM

التكمله بيتكون يوم السبت

مشكووره عالمرور .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مآمآ كبرت وصرت آحـلـآ من العآآم ~	ريـــف..	الأناقة والجمال والموضه والطفل	18	04-10-2010 03:36 AM
أجـمـل مــفــاجئـة , حــمــل و عـــش جــمــال تــقــنــيــة(3d) عــلــى ســطــح الـم	محروم.كوم	منتدى أخبار المواقع والمنتديات العربية والأجنبية	0	03-13-2010 05:10 PM
~~ حـــوار بـيـن الـحـب والـحـزن ~~	ж شـمـوخ عـراقـيـه ж	الإستراحه العامة	20	05-08-2008 11:17 PM
·.×.· \| بـ / طـعـم الـحـب مـشـحـونـة \| ·.×.·	مزيون بوظبي	هواتف , مسجات , وسائط , برامج , ثيمات , نغمات , بلوتوث	7	02-13-2008 06:18 PM
•--{ أجـمـل كـلـمـات الـ Msn }--•	ж شـمـوخ عـراقـيـه ж	المسنجر وملحقاته , توبيكات , ماسنجر بلس , msn	22	01-14-2008 03:06 AM