[ عـرفـنا الـحـب واسـراره .. وكـتـبـنـا أجـمـل أشـعـاره] - الصفحة 203

o0oمزيونة زاخرo0o · 04-22-2008, 12:37 PM

يسلموووو ع البارت الغراااااام

ونتريا البارت الياي __DEFINE_LIKE_SHARE__

ємαяαтya Kαsн5a · 04-22-2008, 03:53 PM

الله يسلمكم
العفووو
اليوم بينزل بارت
يسلموو عالمرور الاحلى __DEFINE_LIKE_SHARE__

internet · 04-22-2008, 05:47 PM

اممممم............الساعة كم بينزل البارت؟؟ __DEFINE_LIKE_SHARE__

دمعة المشتاق · 04-22-2008, 06:04 PM

نحن نترياااااااااااااااااااااااااااااااااااااااااااااا اااااااااااااااا __DEFINE_LIKE_SHARE__

حنطاويه _ طرر · 04-22-2008, 06:46 PM

[align=center]وصــــل البــآآرت ^.^

العصر في بيت هنوده
في غرفه ام حارب

ام حارب : بوحارب
بوحارب : لبيه
ام حارب : لبيت في منى ترى اليوم ام منصور و بومنصور ياين يخطبون هنوده لحميد

بو حارب : هاي الساعة المباركة وحميد ريال وينشد به الظهر
ام حارب ابتسمت
فغرفة هنودة
هنودة : افففف منك انت شو تبي
حارب : ابي ارمسها ،، ابي اسمع صوتها
هنودة : لا لا منقود
حارب: يلا عآآد ، دقي عليها وحطي عالسبيكر
هنودةك لا لا ماشي ليش اخسر رصيدي ؟؟
حارب: انتي اتصلي وصدقيني بشتري لج رصيد
هنودة: صدق احلف
حارب: والله يلا اتصلي
هنودة: اووك ودقت لمهاري وحطت سبيكر
مهاري : مرحبا السآآع
هنودة: مرحبا ملاايين ولا يسدن فديتج
مهاري:شحاالهم العرب ؟؟
هنودة : بخير وسهالة مايشكون غير فرقى الحبايب
مهاري: هههههههههه
حارب وبصووت وااطي : فدييت هالضحكة يعلني ماخلا منها
هنودة وهي تصاصره : استح على فييسك
هنودة : نآآس موصيني ابلغج سلامهم
مهاري: هه الله يسلمهم من كل شر فدييتهم والله
هنودة : طااع هااي خخخخخ
مهاري: هنودة لحظة شوي
مهاري وهي تصارخ : حميد حميييد
حميد راح عندها : بلاج تباغمين ؟؟
مهاري: ابي من باسكن روبنز ابيـ ...........
حميد قطع رمستها : ادري شو تبين من باسكن حافضنج
مهاري: هههههههههه اوك الحينه فاارج
حميد: مالت عليج وظهر برع الغرفة
مهاري: سووري هنودة اتأخرت عليج
حارب: لا عاادي فديتج
مهاري زااغت : ا اا ألوو
حارب: ه بلااج انا حاارب
مهاري: هااا وين هنوودة
حارب : هنودة راحت المطبخ
مهاري: اها خلاص عيل فداعة الله
حارب: افا توني إلا مرمسنج
مهاري: لا لا ماروم ارمسك يلا فداعة الله وسكرت عنه

العشا الساعة ثمان ونص فبيت فطامي

فغرفة فطامي
فطامي: يالدبهـ
روضة : إذا انا دبه انتي شو تظهرين
فطامي : رشيقة هع
روضة : ههه شحال الكلية وياج
فطامي: بس دخيلج لاتيبين هالطاري جداي
روضة : ههههه الحمدالله انا ياسىة فبيت ريلي ومرتاحة ^^

فطامي: خخخخخخخخخخخخ

فبيت بو راشد سهيل يالس فغفته وملان
فطرش حق ميثة مسج : " وش السبب ياناس صد المحبين حتى الرسايل ماتجي من طرفهم
اشوفهم ماهم على قلبي حرصين مدري من اللي من سمانا خطفهم "
ميثة طرشت له : ودي اسولف واعبر لكة عن اشواقي
بس الخطى منك دامك ماتشجعني "
سهيل طرش لها : " خلاص عيل انا الحينه بيي بيتكم وابيج تسولفيين ويااي "
ميثة طرشت له : " لا لا اتخبلت انته "
سهيل : افف والله اني مشتاق لج ابي اشوفج

ميثة : وانا بعد بس ماباليد حيلة

فبيت هنودة فالميلس الساعة 8 فالليل
بو حارب : يامرحبا الساع فيكم
بو منصور : مرحبتين فيك والله
بو حارب : شحالك وشحال العيال ؟؟
بو منصور : الحمدالله بخير سيرك حالهم إلا اقول
بو حارب : اتفضل
بو منصور : دام فضلك ، بصراحة نحن يايين نطلب ايد بنتكم هند لولدي حميد
بو حارب : والله هاي الساعة المباركة
بو منصور : تسلم ياليت لو تشاوروون البنت وتردوون علينا
بو حارب إن شالله بعد يومين برد لك خبر ، ويلا حياكم عالعشا
حميد متشقق حاي انها بتوافق ^ـ^ والكل قام يتعشى

فبيت فطامي فالصالة
فطامي ياسة مع حمد ومرته سلامة ويشوفون فلم
والأخت فطامي محتشرة
فطامي: لا لا حرام لاتموت حرام
حمد : والله انج خبلة بلاج انتي تراه تمثيل والله تمثيل
فطامي: شعرفك هذا يسمونه ندماجة
سلاامه : هههههههه اسميكم هبآآل
فطامي: لو سمحتي محد اهبل غير ريلج ولا انا الحمدالله رزينه هع هع
حمد : هههههاي انتي رزينه بحلق شعري عالصفر
فطامي: هه مااتخيل شكلك وانت صلعهة هع هع
سلامة : يلا عاد ماارضى عريلي
حمد : ولا انا ماارضى على نفسي
فطامي وبعدها تضحك : ههههه مالت عليج وعلى ريلج
حمد : شو شو مالت على منو ؟
فطامي: هااه على سلامة
حمد : اييييه تراها حرمتي
فطامي: اولا انا مب ايه انا اف وثانيا ادري انها حرمتك عيل امك كككككك
حمد فر عليها قوطي الكلينكس : والله انج مب سهلة عنلاتج من بنت
فطامي: ههه حاول مرة اخرى هه
سلامة : تعال ماعندك سالفة تحط عقلك في عقل ياهل
فطامي: اييه انتي اليي اسمج مرت اخوي اصطلبي لا اقوم واسويج كيكه
حمد : بس يلااا جـــــــب وبعدين مااحيدج دفشه اللي اعرفه انج رقيقة
فطامي: ها احم احم هي فديتني
سلاامة : هههههههه والله انج خبلة
فطامي: هع بس بس عورتوا راسي
حمد : طااع هاي قومي سلامة نسير فووق ، وراحو حمد وسلامة فوق
رن تلفون البيت
وفطامي شلته
ام حمدان : ألوو السلام عليكم
فطامي: وعليكم السلام هلا
ام حمدان: اهلين شحالج فديتج ؟؟
فطامي: بخير خالو انتي شحالج ؟؟
ام حمدان : الحمدالله بخير عيل وين امج
فطامي: ماما !! لحظة بزقرها وراحت تزقر امها
ام حمد : يا هلا والله
ام حمدان: اهلين فديتج هااه شحالكم وشحال العيال
ام حمد : بخير الله يسلمج كلهم بخير انتي شحالج ؟؟
ام حمدان: الحمدالله بخير إلا اقول باجر بتروحين مكان ؟؟
ام حمد : لا والله بيلس فالبيت
ام حمدان : عيل انا والعيال بنييكم
ام حمد: يا مرحبا السااع فيكم حيااكم
ام حمدان: الله يحييج تسلمين
ام حمد : عيل بخليج بو حمد وصل
ام حمدان : انزين وسلمي عليه

ام حمد : يوصل يلا مه السلامة
وسكرت عنها
بو حمد : السلام عليكم
فطامي + ام حمد : وعليكم السلام
فطامي: ماما شو كانت تبا خاالو ام حمدان ؟؟
ام حمد : تقول بتزورنا باجر هي والعيال
فطامي: يااي كشخة وراحت ركيض عند روضة
بو حمد : ههههه ولا بتعقل
ام حمد : هههههه بعدها صغيرة خل تعرس عقب بتصير حرمة
بو حمد : الله يوفقها
عند روضة فالغرفة
فطامي: روضو عندي لج خبرر
روضة : خبرر ؟؟ شوو ؟؟
فطامي: كم بتعطيني ؟؟
روضة : عشر دراهم
فطامي: اممم نعمة باجر امج وخوانج بيون بيتنا
روضة : والله !! من فترة ماجفت اخواني
فطامي: بلا ويين العشر؟؟
روضة : والله انتي ماتنسين هاه يودي
فطامي: هع هع يلا سي يوو
يوم الأثنين الصبح في غرفة سيف وروضة
روضة : قمات تركض صووب الحمام
وعقب يوم ظهرت
سيف : روضة بلاج ؟
روضة وبتعب : آآه احس بدوار وجبدي لايعة
سيف : قومي بوديج المستشفى
روضة : لا لا الحيينه بصييير احسسن
سييف : لا لا يلا قوومي
وسارو المستشفى
فالمستشفى ظهرت الدكتورة من عند روضة
وسيف راح صوبها
سيف : ها دكتورة شو فيها ؟؟
الدكتورة سعاد : لا لا ماتخفش مراتك حاامل مبرووك
سيف ماات من الفرحة : والله الله يبارك فيج
وساار سيف وهو يمشي بسرعة صوب روضة
سيف : فدييييتج والله شوي شوي امشي
روضة : خبرتك ؟؟
سيف : هي حبي مبروووك
روضة : وهي مستحية الله يبارك فيك
وظهرو من المستشفى وراحو صوب االبيت

كـــــــــــــــــــــــــــــــــــــت .. [/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مآمآ كبرت وصرت آحـلـآ من العآآم ~	ريـــف..	الأناقة والجمال والموضه والطفل	18	04-10-2010 03:36 AM
أجـمـل مــفــاجئـة , حــمــل و عـــش جــمــال تــقــنــيــة(3d) عــلــى ســطــح الـم	محروم.كوم	منتدى أخبار المواقع والمنتديات العربية والأجنبية	0	03-13-2010 05:10 PM
~~ حـــوار بـيـن الـحـب والـحـزن ~~	ж شـمـوخ عـراقـيـه ж	الإستراحه العامة	20	05-08-2008 11:17 PM
·.×.· \| بـ / طـعـم الـحـب مـشـحـونـة \| ·.×.·	مزيون بوظبي	هواتف , مسجات , وسائط , برامج , ثيمات , نغمات , بلوتوث	7	02-13-2008 06:18 PM
•--{ أجـمـل كـلـمـات الـ Msn }--•	ж شـمـوخ عـراقـيـه ж	المسنجر وملحقاته , توبيكات , ماسنجر بلس , msn	22	01-14-2008 03:06 AM