[ عـرفـنا الـحـب واسـراره .. وكـتـبـنـا أجـمـل أشـعـاره] - الصفحة 20

Fa6aMy · 02-07-2008, 04:04 PM

يسلموو ع الباارت

بس نزلوو باارت اشويه طوييل __DEFINE_LIKE_SHARE__

احلاهم واتحداهم · 02-07-2008, 07:29 PM

تسلموون عالمروور

حنطاويو خبرتيها ها ؟؟

ماعليه دواح عندي >>>> ككككككككككككككككككككككككككك __DEFINE_LIKE_SHARE__

احلاهم واتحداهم · 02-07-2008, 07:31 PM

تسلموون عالمروور

حنطاويو خبرتيها ها ؟؟

ماعليه دواج عندي >>>> ككككككككككككككككككككككككككك __DEFINE_LIKE_SHARE__

banootah · 02-09-2008, 03:42 PM

نتريااا البارت اليديد متى بتنزلينه ؟؟؟ __DEFINE_LIKE_SHARE__

i!اماراتيـــه كشخـــه!i · 02-09-2008, 03:52 PM

البارت(8)

" طير الحمامي .. هيج غرامي .. هايم هيامي .. والشووق غلاب .. "

سهيل: هذا توه يستوعب الحمدالله والشكر
واهنه دش منصور البيت
منصور: انتو شو مقعدنكم هالحزة الحين وحدة ونص(1:30)
روضة: وانت شو يايبنك البيت هالحزة الحين وحدة ونص(1:30)
سهيل: حلوووة كفج كفج^^
منصور: والله انا ريال
سيف: ليش نحن شوو يهال؟
منصور: لا انتو مال مدارس احيدكم بسرعة ترقدون ككككككككك
سيف: والله شهرين وبنفتك من المدارس
سهيل بخيبة امل: انا باقيلي سنتين(2)
حمدان: إن فلحت
روضه: انت مايخصك ف سهيل عاد كله ولا سهييل
حمدان: عوذ بالله نقول كلمة ترد بعشر..
سهيل: ماارضى
فطامي: بدى المحامي الاول
مهرة: هههههههههههههه
منصور: خخخخخ يلا نشوو ارقدوو باجر وراكم نشه من الصبح..

والكل نش عسب يرقد عسب باجر بيسرحون العزبه

يوم الجمعة الصبح

نشت فطاميقبل الكل حتى قبل لا يأذن الفير وراحت غسلت ويهها وطلعت برع البلكونه وكان الجو بارد مع انه كان ف نص شهر(3) وعقب عشر دقايق سمعت الاذان وراحت وعت مهرة وروضة
فطامي: مهرة نشي
مهرة: هممممم
فطامي قربت من اذن مهرة وبصوت عالي : مهرررررررررررررررة
مهرة فزت: هــــا شوووو
فطامي نقعت من الضحك: ههههههههههههههه
مهرة: فقدتج بالدبه
فطامي: خخخخ يلا نشي توه اذن
مهرة نشت بتكاسل : يلا قايمة ونشت اتوضت
وظهرت مهاري من الحمام..
فطامي تشوف روضة بخبث: مهرة
مهرة: هلا
فطامي: نشي نلعوز روضة
مهرة: يلا بس شو نسوي؟
فطامي: امممم بنرش عليها ماي باااارد
مهرة: اوك وراحت وفتحت ثلاجتها الصغيرة الي فحجرتها وشلت غرشة ماي وفتحتها وحطت شويه ف ايدها ورشته ع ويه روضة
روضة نشت: بسم الله
فطامي ومهرة تمو يضحكون ع شكل روضة الي يضحك .. روضة اطالعتهم وردت كملت رقادها
فطامي: طاع هاي كملت والله
مهرة: شكلها تعبانه..
فطامي: شكلها جه..
وسمعو بومنصور يدق الباب ع حميد عسب يوعيه ف ظهرو البنات وراحو يسلمون عليه
بومنصور: هلا والله ببناتي

فطامي: اهلين عمي
مهرة: ها ابوي اكييد عيزت من حميد
بومنصور: مب بس حميد الا اثنينتهم منصور وحميد
فطامي ومهرة يطالعون بعض
مهرة: افا عليك ان ماقومناهم الحين مناكون بنات الرميثي
بومنصور: يلا راوني شطارتكم ..انا بروح اتيدد
وراحو الاثنين عند منصور وهو كان قافل الباب ومهرة يالسه ادق معلايه ع الباب وفطامي تضحك.. منصور نش من ع الشبريه وهو طفران وراح فتح الباب وشاف مهرة شاقه الحلج هي وفطامي..
منصور: انتو شو ماتخلون الواحد يرقد
مهرة: قم صل
فطامي: يلا بسرعة
منصور: يلا يلا عطوني مقفاكم
مهرة: مب تروح ترقد
فطامي: هيه يلا روح غسل ويهك وتيدد
منصور وهو طفران منهم: انزين يلا برع
مهرة: عوذ بالله
وظهرو من عنده
وراحو عند حميد وكان الباب مفتوح وشكله كان يضحك نص ويه مغطاي ب شعره وفاج حلجه
فطامي: مهاري شوفي اخوج والله يضحك
مهرة وهي تضحك: هيه والله نكـــــــــته
فطامي: اقول سيري ايبي فرشاه او ريشه ..اي شي ناعم بنلعوزه
مهرة: اوك
وراحت يابت فرشاه وتمو يلعوزونه لين ماعصب عليهم وطردهم وراح يتغسل
مهرة: خخخخ والله يضحكون
فطامي: هع هع والله لو سويت جه ف حمد جان دفني
مهرة: هههههههههاي, اقول يلا نروح نصلي
فطامي: يلا..وراحو الشباب مع ابوهم يصلون والبنات بعد راحو يصلون مهرة كانت مخلصة وفطامي بعدها .. ويوم خلصت ابتسمت لها وقالت: تقبل الله
مهرة: منا ومنج
فطامي: يلا نوعي روضو بسها رقاد عفنت
مهرة: حلوووووة هاي عفنت خخخخ
وراحو ايوعونها وبعد معاناه طاعت تنش لانها آخر وحدة رقدت..
وصلت وخلصت ونزلو تحت وشافوو الكل يالس تحت بمافيهم الشباب ماعدا هند وميثه حتى ريم ومريم كانو موجودات
البنات: السلام عليكم
الكل: وعليكم السلام, وراحو سلموو ع عمومتهم ويدتهم
فطامي: عيل وين ميثوو وهنوده
ام حارب: الحين يايين
وف هاللحظة دشوو هنوده وميثوو
روضة: والله لو طارين المليون جان تقاسمنها خخخخخخخ
الكل: هههههه
بوراشد: يلا عيل قومو اتلبسو بنروح الحينه
ميثة: انا يوعانه ماتريقت
ام حارب: بنتريق يميع هناك يلا نشوو
والكل نش الي راح يتلبس والي راح يجهز اغراضه

كــــــــــــــــــــــــــــــت

شوو تتقعووون بيصيير ف العزبه؟

لا تحرموننا من ردووودكم^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مآمآ كبرت وصرت آحـلـآ من العآآم ~	ريـــف..	الأناقة والجمال والموضه والطفل	18	04-10-2010 03:36 AM
أجـمـل مــفــاجئـة , حــمــل و عـــش جــمــال تــقــنــيــة(3d) عــلــى ســطــح الـم	محروم.كوم	منتدى أخبار المواقع والمنتديات العربية والأجنبية	0	03-13-2010 05:10 PM
~~ حـــوار بـيـن الـحـب والـحـزن ~~	ж شـمـوخ عـراقـيـه ж	الإستراحه العامة	20	05-08-2008 11:17 PM
·.×.· \| بـ / طـعـم الـحـب مـشـحـونـة \| ·.×.·	مزيون بوظبي	هواتف , مسجات , وسائط , برامج , ثيمات , نغمات , بلوتوث	7	02-13-2008 06:18 PM
•--{ أجـمـل كـلـمـات الـ Msn }--•	ж شـمـوخ عـراقـيـه ж	المسنجر وملحقاته , توبيكات , ماسنجر بلس , msn	22	01-14-2008 03:06 AM