اقتراحاتكم بخصوص انشاء حفرة أو رافعة لصيانة السيارة في البيت .......بعنا الاستراحه

محروم.كوم · #1 02-07-2012, 12:10 PM

السلام عليكم ورحة الله وبركاته

اخوكم في الله راعي فك وربط وعده وحوسة وزيوت ومايتكل الا على الله ثم على نفسة في اصلاح مواتره ومواتر الجيران ومن يعزون عليه :good:
الا بعض الأمور الثقيله مثل التوظيب ووو هذي بيد وحده ماتصفق

كان عندنا استراحة ومجهز فيها ورشه متواضعة وفيها حفره ومكينة هواء ومسدس كهرب وملزمه وووالخ

و اقضي وقتي فيها وابعد عن العالم والازعاج واعيش مع الفك والربط في المواتر خاصة القديمة لدرجه مره نمت في كبوت الفرت من قوة التعب وانا مبسوط طبعاً

الاستراحة بعناها للاسف واللة يعوض علينا

لي شهور تخيلو ونا ابي اصلح كثير من الامور في مواتري ومواتر الجيران ومن يعز علي
وتوني شاري موتر ناوي اخترع فيه وارجع له الحياة من جديد قبل اسبوع جيت اغير طرمبة المويه في الشارع ونا ساكن في عمارة جديدة وجيراني ما عرفهم
مر علي واحد منهم قال عسى ماشر وين انت عايش فيه قلت وشو قال الصناعية تبعد شارعين من هنا رح وصلح موترك هناك وشلك وشل وجع الراس اوجعت روسنا
يحسبني بخيل وانا ماني عارف افهمة وما الومه قليل منا يشتغل بيده وهاوي قلت في نفسي دام هذي اولها خلااااااااااص خلاااااااااااااااص بهاجر ولا ابي الجيران يتضايقون مني
فكرت وفكرت واحترت وتألمت وقلت مالي الا الله ثم بيت الوالد كبير ولله الحمد

وفيه مساحة تقريباً 6 في 4 جسيت نبض الأهل محد حول هالمساحه صايرة مرتع للقطاوة وسعة صدورهم ومرتع لجرائمهم كلها عصافير وحمام ميت كنها موب ضمن صك البيت بعد هالمشاهد المؤلمة خليت الاهل ينسونها كسرت اللمبات اللي فيها عشان يخافون يمرون فيها وتنمسح من الخريطه الذهنية لديهم

نرجع للمهم

ابي اسوي لي حفرة بدون حفر شلون انا اقولكم
مابي احفر واحوس ابي اي طريقة سهلة بحيث ارفع المواتر عليها بدون تكسير بلااااااااط
عندي افكار واجد واحترت وابي رايكم لنه يهمني

مثلا نقول مثلا هل فيه رافعات صغيرة على الكهرب وكم اسعارها
اي فكره او اقتراح منكم يكون ناجح وسهل التطبيق سوف اكافئ صاحبة بصيانة مجانية لموتره لمدة سنه

تكفون ياجماعة الربع احس اني منيب طبيعي فيني شي ناقص ابي افك ابي اربط ابي اصلح سيارتي وخاصة القديم مايصلح توديه للورش يلعبون فيه لعب ويخربون اللي صالح

شكرا لكم على سعة صدوركم

وآسف على الأطالــــــــــة
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رافعة x-jack من شركة ARB لرفع السيارة بإستخدام العادم (الشكمان)	محروم.كوم	منتدى أخبار المواقع والمنتديات العربية والأجنبية	2	06-17-2016 09:38 AM
رافعة السيارة الحمراء	محروم.كوم	منتدى أخبار المواقع والمنتديات العربية والأجنبية	0	08-29-2011 09:50 PM
رافعة x-jack من شركة ARB لرفع السيارة بإستخدام العادم (الشكمان)	محروم.كوم	منتدى أخبار المواقع والمنتديات العربية والأجنبية	0	08-27-2009 01:50 AM
معلومات لصيانة السيارة...أتمنى أن تستفيدو منها ونتمنى لكم صيفية سعيدة وممتعة..	محروم.كوم	منتدى أخبار المواقع والمنتديات العربية والأجنبية	0	07-14-2009 06:10 AM
معلومات لصيانة السيارة...أتمنى أن تستفيدو منها ونتمنى لكم صيفية سعيدة وممتعة..	محروم.كوم	منتدى أخبار المواقع والمنتديات العربية والأجنبية	0	07-14-2009 05:50 AM