███▓▒░ .. وداعة الله يازمان الوكارى .. ░▒▓███

محروم.كوم · #1 02-04-2012, 03:00 AM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
.
الوكري وما ادراك مالوكر
في الجزيره العربيه ( وكري .. وشرق ) وفي شمال افريقيا يطلق عليه ( قش .. وبرني )
الطير المتكاثر في الجزيره العربيه
لايكاد بيت صقار في وقت مضى يخلو منه إما مجني من العش او طرح الشبك بعد توفر
الحرار والبحريات لم يحرص اغلب الصقاقير على اقتناءه الا ان الصقاقير في
(نجد )التي تعتبر في نظري من النقاط الثابته للصقاره في
المملكه اللتي يدور حولها الصقاقيرلازال الوكري يجد مكانه بين
الحرار الشقر وشياهين البحر والجيرات
.

حسيت ان الزمن توقف يوم شفت الصوره مناحي الخمري ومحمد بن هلال وبعض
صقاقير من قبيلة الروسان واضح ان بين طيورهم وكارى
.

سعد بن مطلق بن سرحان الرويس . في مضحى والصقار سعود الديري يزين
الغدا والوكري حاضر في احد مقانيصه ولقد ذكر ابن سرحان الوكري في
قصيده رد على علي ( الفراوي )الديري الرويس أورد شي من قصيدة
علي الديري الرويس
ألا يــابو نايف جعــلكم دايم مسـرور ... ورجــلك تطــيب وقمة الرجم ترقاها
تذكرت وقـت فــات يـالـطـيب المذكـور ... عــلـيـقـه توزعها وألأخـرى تعــشاها
تجهز وتسرح قبل يظهر شعـاع النور ... تبي خبة خشف الــمـهـــا ما تـعـداهـا
شربتوا قرام الجم بالـدلو والـــناعــور ... ولاباقي حاجه تحســف عـلـى شراها
ولاكيف تنصح واحد فالـولع مسحــور ... علاجه قــرون الوســم لانــثرت ماها
ورد سعد بن سرحان الله يرحمه
أنا يالفراوي لو يــعـــــالــجــــــــني الدكـتـور...حرامٍِ علي إرجوم هبان ماأرقاها
أبا أسمح عنالبندق وابا اسمح عن الناظور...عطينا الـــبنادق حقها يومشلناها

وعطيناالصــــــــقاره يوم جا للصقــاره دور...قنصنا بخرشٍِتنـــــثر الدم يمناها
وكاراًَترب الـشـعـب من مــاكـــرٍِمــشــهـور ...حمتها قبيلة روق ما أحدٍِتهقواها

الشعب يقصد شعب العضيان في نجد
..

صوره في المقناص للعود سعد بن سرحان الرويس الله يرحمه وواضح قرناس وكري.
....
وقد ذكرالوكارى في بعض قصيده المرحوم خلف بن سرحان الرويس ومنها
يا مل قلب يــلــوعه بالـهــوى لايـــع .. لوع الوحش للطيار ليا ارتفع فوقه
خرشاً ترب الهضـاب اللي ورا النايع.. من خلقــته ما هوت رجلينه سبوقه
النايع جبل شمال نجد كانت تكثر فيه الوكارى

صورة المرحوم خلف بن سرحان الرويس في المقناص في اخر سنينه
وكأنه يبني قصيدته اللي منها يابدر
يا بدر لو تترك توال الصقاره ... منتب على تالي الصقارة بملزوم
خل الولع لمذبحــيــن الوباره ... والضب صار لهم عدو من القـوم
...
ومن باب الأستئناس بقصيد السراحين الله يرحمهم اللي تطرقوا فيه للمقناص
والطير يقول خلف بن سرحان الرويس
لاوالله الا براد اسهــيــل خــلانـي ... وركب علي اشهب القيض ومعاصيره
ياللـي تجي الـعــود قله لاتباطاني ... حــقــه عــلـــي اصله قدام اجي غيره
ما والله انساه كود الموت ينساني ... والا اشقر الــريـش ينسونه صقاقيره
رد العود سعد بن سرحان الرويس
يامرحبا بالجواب اللي تــنــصـــاني ... من عاد ابغلي وابا احشــم يابدا غيره
لاصار شايب وطيب واكبر اخوانــي ... يوم مــضـــالي تنومـسـني محاصيره
يقول دام الســويــبــــع مابعــد باني ... ماهوجس الـقـلب في نجـد ومحاديره
ماغير نتنا خطاة الأشــقــر الـعانــي ... نسرح مع الصــبـــح وندور مداويره

المرحوم خلف احد الطيور اللي شراه للتو من منطقه الخبت الشمالي وفي
قصايده لابد ان يتطرق للطير مهما كان موضوع القصيده وعلى سبيل
المثال قصيده غزليه زاد قوتها وجمالها حينما تطرق للطير
يا مل قلب يلـــوعـــه لايـــع الــفـرقا ... كــمـــا يلوع الحمام الورق شيهانه
إن حولن حــولــت وليا رقــن تـرقـا ... الشمس غابت وهي حدما وجيعانه
على عشير نحى مع روق عن برقـا ... عليه عـيـني بصافي الدمع غرقانه
أبو ثــمــان رهــاف ودقــة زرقـــــا ... موتي ولا صـدتـــه عــني وهجرانه
..

صورة العود ويحمل الصيد اللذي طاردة الى اخر ايامه ويرد على من ينصحه عنه
عــدوي اللــي عــن المقناص ينهاني ... ياكــثـــر مايلحقه من شرهتن مني
ما قد خم الــشــويــه مــنيد الـثــاني ... وادلال اهلهن على الشعله يفوحني
حتى ايش لو حط له معرض ودكاني ... هـــذي نــصـيـفه وجارتها يبيعني
..

اما انا فقد عشقتها من ذو نعومة اظافري وقضيت جزء من صقارتي معها هذي
اول وكريه ملكتها طرح الخبت الشمالي . ما اضن فيه احد اسعد مني في
تلك اللحظات
.

الله يرحمه علي المعيبر اخر مقناص لي كان معه وكري خلصنا الحبارى وهد عليها شبه فصيل
وهقوتنا فيه كانت في محلها .. الله يجعل مثواك الجنه يابو مشاري
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
◄████▓▒░░~~ ::ايـش اسـمـك بالـبـلـوتـوث - كـل واحـد يـكـتـب اسـمـه.. :: ~~░░▒▓████►ஐ	♕ وليد الجسمي ♕	هواتف , مسجات , وسائط , برامج , ثيمات , نغمات , بلوتوث	126	11-18-2012 10:06 PM
████▓▒░░ مشبك التسريحه السحري متوفر حاليا بأررررررررررخص الاسعااااااااار ░░▒▓████	marwa2005	بيع و شراء و عروض التجارية	22	05-04-2011 03:01 AM
█قبل تطرح استفسارك بالقسم او تبي تسأل عن شي تعال هنا وراح تدعي لي███▓▒░███▓▒░███▓▒░██	محروم.كوم	منتدى أخبار المواقع والمنتديات العربية والأجنبية	0	09-26-2010 09:50 AM
◄████▓▒░░ يايات استراليه للباترول الربع موديل97 وتحت..░░▒▓████►	محروم.كوم	منتدى أخبار المواقع والمنتديات العربية والأجنبية	0	05-05-2010 09:40 PM
◄████▓▒░░ كُلُّ نَفْسٍ بِمَا كَسَبَتْ رَهِينَةٌ ░░▒▓████►	محروم.كوم	منتدى أخبار المواقع والمنتديات العربية والأجنبية	0	04-17-2009 12:11 PM