ديوان قصائد خليل بن هدلان

محروم.كوم · #1 01-31-2012, 02:30 AM

السلام عليكم ورحمة الله وبركاته

والصلاة والسلام على سيدنا محمد وعلى آله وصحبه وسلم

أما بعد . . .

اقدم اليكم ديوان شاعر سطع نجمه في ساحة الشعر باابداعه وجزالة شعره

وهو الشاعر المعروف الشاعر الكبير ((خليل بن ذيب بن هدلان )

قصيدة مشاركته في شاعر العرب

#poem_4f2718efed3a7 td {font-family: simplified arabic;font-size: large;font-weight: bold;} برق .. وهبوب .. وذكريات قديمات وغلا مداهيل سقاها الغمامي هزت شجون القلب واخذت سجات وابعدت عن زخم المدن والزحامي في خايع لا رحت له بعض الاوقات كني على الدنيا محصل مرامي لو المرام اللي تمنيت بالذات اقفت به الايام مثل الحلامي وامضيت لي في تختخ البيد ساعات من الضحا حتى ولوج الظلامي ما اشوف به حي ولا اسمع به اصوات الا هوى الغربي ونوح الحمامي اتبع هجوس البال من حيث ما جات وفي شفها ذبيت روس العدامي ومن عالي شفت القفار المريفات تشدى نقوش معورجات الوشامي وهديت فكر ضاري بالجزيلات وستل جناحه واعتلا ثم حامي وساعة لمح بالجو للجول حومات صطى على شرد القوافي شمامي وصاد البيوت الساميات الفريدات النادرات اللي عليها الكلامي صيد يجمل من يروم الجمالات ويشبع مذاق اهل العقول الفهامي هدو يقدم للوجيه السفيرات مع بالغ التقدير والاحترامي وللقول فعل وللمواجيب حزات لادقت الساعه وشد الحزامي الطايله لو دونها العمر فوات آرد عليها مثل ورد الحيامي ورثٍ ورثته من شيوخ البطولات الشامخين المقدمين الكرامي شاعر ولي في حومة العز وقفات والله يعديني دروب الملامي والشعر وهبه من بديع السموات وله قيمةٍ يسمو بها كل سامي والعرف رحله لاكتساب المهارات دومن التجارب يستفيد العصامي والرجل رامي والمكاسيب شارات ولا يصيب الطيّبه كل رامي ولا كل من طب البحور الغزيرات يجيب در دونه الموج طامي ولا كل من يسرج ظهور الاصيلات يثني ليا منه غشاها عسامي ولا كل من شال السيوف الرهيفات يروي شباة السيف والكون حامي ولو كل طير له كفوفٍ شطيرات محدٍ فرق بين القطا والقطامي ولو التمني يدرك المستحيلات اروت ضحاضيح الخلا كل ضامي الله جعل بين الرجال اختلافات وصارت مقاييس القدر والمقامي واكبر دليل ان السنين العسيرات يظهر بها بين الاسامي اسامي امثال ابن هادي زبون الونيات وشالح وذيب مخضبين الحسامي وعقاب بن سعدون ستر العفيفات وراكان بن حثلين زيزوم يامي من وقعهم تشبع سباع مجيعات اليا حصل بين الجموع التحامي ماهيب تمثيل وبطولة روايات ودور درامي في مسلسل درامي واليوم ياعصر الرخا والسلامات نشت قنوف الخير شرق وشامي وقامت تزبر كنها خشم ابانات وهلت مطرها عقب عج وقتامي ومنها ارجعت شهب الديار المحيلات وصارت تزاهى بالنفل والخزامي وزانت مراتيع الفياض العشيبات ورعى بها اللي ما يعرف الجهامي فيها الجمل يمشي على غير مشهات وش عاد لو يبني عليه السنامي اليا برك ما يحتمل للثقيلات واليا وقف ماله شداد ومسامي تمسي به وتصبح كبار الطموحات ويزمي على شوفه من البعد زامي وبينه وبين اللي زمى له مسافات يشيب منها اللي بحل الفطامي ماله ياكود الصبر لو جاه ميلات وعزالله انه لو شكا ما يلامي وهذا سبيل الوقت من ماضي فات لا زان عام ماصفا كل عامي ولو الظروف تقدر اهل المروات مابه عزيز من زمانه مضامي

قصيده في خادم الحرمين الشريفين الملك عبدالله بن عبدالعزيز ال سعود( حفظه الله )

#poem_4f2718efedb7a td {font-family: simplified arabic;font-size: large;font-weight: bold;} ما لاح برق بالمزون المزابير سلام وابعث بالتحيه واشيدي بك يالذي طورت بالدار تطوير وبذلت مجهودك على ما يفيدي وجمعت عدل وقو باسٍ وتفكير ومكارمٍ جمه وفعلٍ فريدي وطيبك يابو متعب يفوق التعابير واكبر من المادح ونظم القصيدي وحبك تعمق في قلوب الجماهير وفي كل يومٍ والولا لك يزيدي ياللي ليا من كلحن الاشاوير تفتل ياراع الشور شورٍ سديدي ولك سطوةٍ تشدى لحد البواتير ويهابها من كان عقله رشيدي ويمناك فيها يا ابيض الوجه تحرير من كبله فقر الدهر بالحديدي انته ذرانا بالليال المعاسير وانته رصيد اللي ما عنده رصيدي تعطي وتصخي ما حصل منك تقصير وانت الكريم وشعبك المستفيدي وتقول انا في خير مدامه بخير وتفرح ليا شفت السعودي سعيدي وشعبك ليا حلت صدوف المقادير درعك وسيفك بالنهار الشديدي عزالله انه ما يبي غيركم غير ولا يطالب في نظامٍ جديدي

قصيده مهداة إلى صاحب السمو الشيخ محمد بن راشد آل مكتوم ( حاكم دبي )

#poem_4f2718efee72f td {font-family: simplified arabic;font-size: x-large;font-weight: bold;} سلام للوافي زبون المهمات من شاعر صاغ البيوت وتكنها تسليمة لو قدرت بالريالات غطى على الشعب الخليجي ثمنها لحاكم دبي اللي يعسف الصعيبات شيخ تزبن ديرته من زبنها قايد وتحته للقياده قيادات ويصدر قراراته ويامر وينها وداره تزاهت بالوفا والمروات والعز كله نابتٍ في وطنها لعيونها راهن بكل الطموحات وكسب طموحاتٍ عليها رهنها وشد العزوم وروض المستحيلات ثم قادها قود الذلول برسنها وفتح مجالاتٍ ووسع مجالات ودرب كوادرها وطور مهنها والفقر وظروف السنين العسيرات جهز نصايبها وجهز كفنها وضيق عليها في كلا الاتجاهات وخلع سباياها وفرق ظعنها وقف لها وسيوف جوده شطيرات واليا انحرت له كل مره طعنها بالصبح غاراتٍ وبالليل غارات حتى لحدها بالقبور ودفنها وشيّد عليها شامخات البنايات واللي جهلها ينشد السحب عنها وتقول له مريت رمز الحضارات دارٍ ولد ( راشد محمد ) سكنها تحلم به ويحلم بها طيب الذات وتوافقت الاحلام منه ومنها فارس وعاشق له فتاةٍ مخبات ويحتار وصفي بين كنه وكنها غيداً يعاملها بفن ومهارات وعاشت معاه اروع ليالي زمنها اليا زعل جت له على كل مشهات واليا رضى من كل وده حضنها ودامت بظله في نعيم ومسرات والله من صدوف الليالي ومنها واخر كلامي يابديع السموات ارعه وصنه من الصوادف وصنها __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان قصائد نجم شاعر المليون :: محمد بن فطيس المري::	الــراقــي	الشعر المنقول	15	08-28-2010 05:11 AM
قصائد روعه, قصائد 2010 اجمل القصائد الرومانسية	محروم.كوم	منتدى أخبار المواقع والمنتديات العربية والأجنبية	0	08-24-2010 07:40 AM
حيوان جميل ولاكن أقوى من الجن‏	جليس القمــــر	المواضيع المكرره	4	04-16-2010 03:04 AM
اشعار قصائد حامد زيد مكتوبه - ابيات و كلمات قصائد شعر مكتوبه	§¶عوذليه طررر ¶§	الشعر المنقول	11	01-14-2010 05:46 AM
طيور جلاب صقور سمج أي حيوان تبا موجود للبيع + صور أدخل لا يفوتك أي طير تبا أو حيوان	لكل استاندر فــتـك يربيه	بيع و شراء و عروض التجارية	32	09-11-2009 01:50 AM