طلعه لفاح (تشخيط) لجزيرة جنا بحر الجبيل 26/1/2012

محروم.كوم · #1 01-28-2012, 04:00 PM

<div><div align="center">صباح / مساء الخير للجميع

اليوم جايب لكم تقرير صيد في جزيرة جنا

سلمكم الله عزمنا انا و شريكي و صديقي أبو حميد ننزل البحر يوم الخميس 26/1/2012 و جهزنا العده و شرينا اللازم و ناوين بنيه على الكنعد ..

و هذا خويي أحمد متحمس و لابس الفروه .. تخبرون الجو بارد و طالعين من الدمام الى الجبيل ..

طلعنا بدري الصباح و كانت الساعه 6 و نص و درجه الحراره 8

شوي و الا الشاب اللطيف ساهر يصبح علينا .. بس حمد الله ان تفادينا و ما صادنا ..خخخ

بعد ما تعدينا ساهر أبو حميد بدأ يسرع و أنا اقوله لاحقينا و رزقنا محفوظ ..

و الحمد لله جات نقطعه التفتيش و أجباري خفف السرعه و ربط الحزام ..هههه

و بعد ساعه وصلنا الجبيل و قربنا من جزيرة ابو علي ..

بعد تعبيه البنزين و تشيك الطراد ... و انتظرنا مجموعه مع الشباب و نزلنا قروووب من ثلاث طرادات طردنا و النوخذه ابو راشد و النوخذه ابو مشعل .. طبعا تأخرنا في النزول و ما وصلنا جزيرة جنا الا الساعه 10 تقريبا

و الحمد لله بعد ما نزلنا الدرجه 10 دقايق الا و انشدت ( الدرجه) : هي الخيط للفاح .. و هات سحب و تحمست في البدايه قلت كنعده بس بعد ما سحبت نص الدرجه تبين لي انها تبانه (تونه) .. و هذا الفيديو:

بعدها بنص ساعه ضربت معنا وحده ثانيه بس فلتت و تحطمنا انا و الخوي قلنا نبي الكنعد .. مع الساعه 12 و نص وقفنا و حدقنا قريب الجزيره و كان الصيد شعري و أحجامه صغيره ما صورته ..

هذا أبو حميد مروق على زقاره صورته و هو مو داري ..خخخ

شوي و اشوف اللي يأشر لي و قول منو هذا و اتفاجأ انه العضو ((صايد الحوت)) أخو و صديق عزيز .. كنت مكلمه الصباح و قال انه ما ودي ينزل .. و في الأخير اشوفه بالجزيره ... هذا البحر من يهواه .. هه .. يقول انه قلبها في راسه و ما يبي يفوت هذي الأجواء .. و أنا داري انه ما يستغني عن البحر ..

و هذا العضو ( النوخذه الاول) الأخ ابو مشعل يورينا صيده ... و الله حماس ... و قلنا وينك يا اللفاح .؟؟

<font face="Comic Sans MS"><font size="5"><font color="#4b0082">و بعده رجعنا الى اللفاح .. و قلت لازم ارجع بكنعده اليوم و لا برمي خويي أحمد في البحر <font color="darkred"> __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير لفاح في الجبيل الصناعية (الخميس 15-12-2011)	محروم.كوم	منتدى أخبار المواقع والمنتديات العربية والأجنبية	0	12-20-2011 12:30 PM
لفاح في بحر الجبيل لــ أبو شديد ( فيديو) ...	محروم.كوم	منتدى أخبار المواقع والمنتديات العربية والأجنبية	0	12-11-2011 02:10 PM
لفاح الجبيل (( احلى لفاح مع ابو شديد)) ؟؟	محروم.كوم	منتدى أخبار المواقع والمنتديات العربية والأجنبية	0	11-07-2011 11:30 AM
لفاح / تشخيط / مجارير	محروم.كوم	منتدى أخبار المواقع والمنتديات العربية والأجنبية	0	04-22-2010 03:00 AM
رحلة لفاح قصيرة لتجربة البرد على شاطئ الجبيل الصناعية	محروم.كوم	منتدى أخبار المواقع والمنتديات العربية والأجنبية	0	01-06-2010 09:50 AM