عقب صـلـآة اليمعـة السـآعة 2 ونص في بيت كـل من :




بيت بو صقر .. والكـل يـآلس يتغـدى
ام خالد + ميثة + شمة + حمد + حمدآن




ام خالد ( وهي تتحرطم من الصبح ) : عنبو .. انا ما شفت ريـآل يرقد لين الساعة 12 الضحـى .. متى يتصطلبـون وبتصيرون ريـآييل .!
حمدآن ( بدفـآشة ) : يـدوة .. طولـي بعمرج .. هذي اجـآزة .. يعني لـآزم تحطين في بـآلج .. ان نحن مـآ بنش إلـآ قبل صـلـآة اليمعـة بـ 10 دقـآيق
ام خالد : تدقدقت ضلوعك في بعض قول آمين .. صدق انك فـآصخ الحيـآ
شمة : يدوة حبيبتي اعصـآبج ..
ميثه : يدوة .. من الصبـح محتشرـة .. لـآ تعورين رآسج فيهم ..
ام خالد : وآآآآ فديتج يا ميثـآنة .. انتي العـآقلة فيهم .. بتتزوجين وبتروحين عني .. وما عندي حد يونسني .. غير اني بيلس ادابج ورآ هنووده وحموود ..
حمد : يدووه .. من متى وانتي تدآبجين ورآيـه .!
ام خالد : زين يوم سمعت حسك يالهرم .. عنبو .. لين الحين رآقد ..
( والكــل يضحك .. وينزل صقر من فــوق .. وع طول يقعد ويـآكل )
ام خالد : صقوور يالهيس .. وين كنت .!!
صقر : كنت فوق ارمس ربيعـي
ام خالد : ربعبك بعير قول آمين
صقر : خيبـه .. ههههههههههه .. مقبولـة منج .. المهم .. حمد وحمدآن .. لـآ تنسون العزيمـة اليوم
حمد : عزيمـه شوو .!
حمدآن : عزيمـة العيـن
ام خـآلد : يوم اقول لكمـ رآآآقد ..
حمد : يدووه الله يهدآج .. الحين انا بـآكل ولا بركز في كـلـآمهم
حمدآن : صقـور مـآ قلت لـ سلطـآن انك مـآ بتسير .!
صقر : غيرت رآيي .. بسير معـآكمـ وانا قلت حق سلطون انـي بسير اقولك شغل بلوتوثك .. بطرش لك شيء
ام خالد : لا اليوم شكلنـآ مـآ بنـآكل .. بنيلس نشغل البلوتون مـآلكمـ .. صقوور .. ودر هالمكينة من ايدك ( الموبايل ) .. غربلاتكم .. رفعتوا الضغط .. ما ادري متى بتقبضون لكم مذهب .. انتو مـآ بتصطلبـون من هالحركـآت المـآيعـة إلـآ يوم العسو بيلعب ع ضهوركمـ
حمدآن : لـآآآآآآ .. والله لـآ .. كلـه ولـآ العسـوو .. فديت يدوة انا ( وينش يبوسهـآ ع راسهـآ )
صقر : خـلـآص يدوة .. لـآ تعصبين .. وهذي المكينة وفرينـآهـآ .. شو تبين اكثر
شمة : الحمداللـه ( وتنش )
ام خالد : وآآآآآآآآ فديت العـآقلة انا .. هذي الرزينـه .. مب خبـآلكمـ .. انا اشهد انكمـ مسودين الويـه ( ويلست تتحرطم عليهمـ )




بيت بو خليفـهـ .. عقب الغـدى .. في الصـآلة
ام خليفة + بو خليفة + حصـة



بو خليفة : ان شاء الله
حصة : ابوي مب تنسـى
بو خليفة : لا ان شاء الله .. ما بنسى .. ع هالخشم .. يلا فديتج .. بروح ارقد تعبـآن
حصة : تفضل ابـوي
خليفـه ( وهو نازل من فوق .. ويسلم ع ابـوة .. ويسير عند حصـة )
خليفة : حصــووة
حصة : هاااه ؟
خليفة : شو تبين من ابـوي ؟
حصة : مـآ يخصك .. شيء بيني وبين ابـوي
خليفة : امـآية .. شوفي بنتج
ام خليفة : عيب يا حصة .. هذا اخوج العود لـآ تجـآوبينة غناتـي
حصة : ان شاء الله .. انزين يا اخ خليفـه .. بتظهرنـي معـآك اليوم ولـآ شوو .؟
خليفة : ولـآ شو ؟
حصة : خلوووف .. يلا عاد عن الحركـآت ..
خليفة : آسف يا اخت حصـة انا اليوم عـآزميني الربـع
حصة : امـآية .. شوفي ولدج .. ربعـة اهم مني .. وهذا انا اختك الوحيدة
ام خليفة : حصووة .. بسج من الهيـآتة ..
حصة : شو هاا .. هم يظهرون .. اما انا .. مجـآبلة هالصقف
خليفة : شو تبين عيل .. تبين ارغدج في هالشوارع .. جب يلا جب .. وقري في البيت .. احسن من الهيـآتة
حصة : ما علية يا خلووووووف
ام خليفة ( وهي رايحة المطبخ ) : الله يهديكم
حصة ( ويوصل لهـآ مسج من مـآيد ) : احمـ
المسج :
( جـآلس بحالي ولحالي هزني الشوق وذكرتك .. يعني معقولة يا غالي كل هذا وما وحشتك ؟ )
خليفة (ويمط عنها الموبايل ) : اشووووف
حصة( وهي تحاول تاخذ عنة الموبايل ) : خلووووووووف عن السخـآفة .. عطني الموبايل
خليفة : اوب اوب .. منو هـآآي .!
حصة ( وتاخذ الموبايل ) : أيـه .. ما احب هالحركـآت انزيـن
خليفة : ههههههههههههههههه .. مالت
حصة : عليك يالدب .. قم قم سير جابل ربعك
خليفة : خيبـه من الحين .!
حصة : هييه من الحين .. يلا فـآآآآآآآآرج عن ويهي
خليفة (ويفلعها بالمخدة ) : مابا ..قـآآعد ع جبدج



بيت بو سهيل



راشد ( وهو يركض ): ماااااااااااباااااااااااااااااااا
ام سهيل : رشوود عذبتني .. تعال .. تعبت من كثر ما اربع ورآك انا
راشد : مابا .. ابااااااااا سهيل
ام سهيل : سهيل فوق في غرفتة .. سير لة فكني من حنتك
( ويركض راشد .. ويسير فوق عند سهيل .. ويحدر الغرفة بدون ما يدق الباب .. وع طول يلس ينـآقز ع الشبريـه .. وسهيل كان يرمس ميروة في الفون )
سهيل : يالهيس .. اقعد .. بلـآآآك تخبلت علينـآ
راشد : ابا المس ( ارمس ) ميلة ( ميرة )
سهيل :ماشيء يلا يلا برررع
ميرة : فديتة عطني اياها
راشد : الووو
ميرة : فديت هالحس انا
راشد : انا لاشد ( راشد )
ميرة : ههههه .. وانا ميرة
راشد : ادلي ( ادري ) .. ميلة ميلة ( ميرة ميرة )
ميرة : عيونهـآ آمـرني حبي
راشد : انا احبج ..
ميرة : وانا اموووووووووت فيك
سهيل ( وهو يمط الفون عن راشد ) : وانا اعشقج
ميرة : بسم الله .. من وين طلعت .. سهوووول زيغتني
راشد : ههههههههههههه ..



نفس الوقت بيت بو حميد في الصـآلة
ام حميد + عليا + ريم + هند

وحميد وزآيد فوق



عليا ( وهي تاكل مكسرآت وتتفلسف ) : عشـآن جية يـآ اخت ريم .. في هالزمن ماشيء شيء اسمـة حب
ريم ( وتقلدهـآ في الرمسـه) : شو نسوي يـآ اخت عليـآ .. مثل مل تفضلتـي حضرتج وقلتـي .. ان في هالزمن مـآفي شيء اسمـة حب
ام حميد : غربـلـآتكن من بنـآت .. شو هالررمسـه بعد حب ما حب .. عليووة .. يا مسودة الويه .. بتنجعمين ولـآ انش لج الحيـن
عليا : الله يهـدآج يـآ امـآية .. وهذا الوآقع اللى عـآيشين فيـه
ام حميد : صدق انج فآصخة الحيـآه .. وتجـآوبيني بعد
عليا : بـلـآج امـآية .. يـآلسة اسولف معـآآج
هند : عمـووه .. مـآ عليج منهـآ .. تعـآلي تـآبعي معـآي هالمسلسل




صوب حصـة ..


تنش حصـة عن اخوهـآ .. وتسير غرفتهـآ .. وترد ع مسج مـآيد .. ويوصل لـ مـآيد .. مسج حصـه

( رآضي اعيش الحب ويـآك ؟ هذا سؤآلي وارقب بالحـل )

اتشقق مـآيد يوم ردت عليـه حصـة .. لـآن هو صدق حبـآهـآ من الخـآطر .. من اول يوم اتصلت فيـه بالغلط .. حبهـآ .. ويلس يفكر فيهـآ .. لـآنهـآ كـآنت مستعيلـه .. وطبيعيـة .. يعنـي بدون دلع او أي حركـآت .. { ورد ع المسج }

( رآضــي ونص .. والحيـن انا بسألج .. رآضيـه اعيش الحب ويـآج ؟ )

قرت حصـة المسج .. واتشققت .. وكـآن ودها ترد على المسج وتكتب . هي راضيـة .. لـآن الصرآحة مـآفي ولد يسـوي كل هذا حق بنت اذا ما كـآن يحبهـآ .. لكن حصة مـآ حبت تعق عمرهـآ .. ومـآ ردت ع المسج .. فـ تحطم مايد بالقـو .. ويلس يتريـا مسج منهـآ







امـآ صوب شمـة .. عقب الغدى سـآرت فوق .. وفجت اللـآبتوب .. وشـآفت سيف اون لـآين .. فيلست ترمسـة ..


البع ــــد منك يزيد بـي عوق :
هلـآ
سهـير الليـــل والسبـهـ هموم ــــي :
اهلين
البع ــــد منك يزيد بـي عوق :
شحـآلك ؟
سهـير الليـــل والسبـهـ هموم ــــي :
بخير بشوفتج .. وانتي علومـج ؟
البع ــــد منك يزيد بـي عوق :
تمـآمـ
سهـير الليـــل والسبـهـ هموم ــــي :
انتي ويييينج ؟ من البـآرحة مـآ حدررتي
البع ــــد منك يزيد بـي عوق :
هـع السموحـة منك ..
سهـير الليـــل والسبـهـ هموم ــــي :
لـآ عـآدي .. دبـوه .. وين بتسيرين اليوم ؟
البع ــــد منك يزيد بـي عوق :
ليـش ؟
سهـير الليـــل والسبـهـ هموم ــــي :
لـآ يعني اذا تبيني امـر عليج .. ورآسج .. التوصيل مجـآني
البع ــــد منك يزيد بـي عوق :
هههههههههههههههههه بعدنـي مـآ رتبت جدولــي






وكمـلوا سوآلف .. اما صقر .. رآح يرقد لـآن ورآه درب للعيـن وميثـة دوم تيلس مع يدتهـآ وتونسهـآ في الصـآلة .. // اما في بيت بو حميد .. كالعـآدة ..هند وريم كل مـآ يتجـآبلن يلسن يتنـآقرن .. وعـلـآية مجـآبلتنهمـ .. وام حميـد طفرآنة منهمـ .. وحميد وزآيد .. مجـآبلين السـوني في غرفتهمـ .. وميرة ترمـس سهيل في الفـون كالعـآدة // اما في بيت بو سهـيل .. الوضع تمـآمـ .. ام سهيل مجـآبلة التلفزيون .. ورشـود يلعب .. وسهيل يرمس ميـرة




السـآعة 4 صـوب حمدآن وحميد



حمد وهو يلبس كندورتـة ) : بسير اودي امـآية المستشفـى .. فديتهـآ تعبـآنة .. مـآ تهون علية اودرهـآ بهالحــآلة واسير العيـن
حمدآن : خـلـآص عيل .. وانا قلت حق فردوس ( الدريول ) اييب كندورتـي البنيـة .. وسفرتـي .. حق العزيمـة .. وبيلس ع النت لين مـآ ترجع
حمد : تمـآمـ عيل .. وانا بقـول لـ آسيـووه .. تكوي مـلـآبسي ومـلـآبسك
( وتدق البـآب آسيـة وتحدر الغرفـة )
حمد : عمـرج طويــل .. توني في سيرتج
حمدآن ( ويستهبل عليهـآ ) : اوب اوب .. آسيـة ضعفـآنة .. شو يـآج .؟ ليكون تحبيـن
آسية : الله يكربل الهب .. انا مافي هبيب في قلب انا
حمدآن : خيبـة .. الله يغربل الحب مرة وحـدة .. عنبـو .. هـآي قـآمت تلقط كـلـآمـ يدوه كلـة .. ( وتحدر عليهمـ اليدة موزة وهي ميودة العسـو )
ام خالد : غربـلـآتك يا حمدآنووه .. حتى البشكـآرة دمررتهـآ .. شو هالررمسة بعد حب ما حب
آسية : لـآ ماما .. هدا همدآن يقصد هب هب مال متـوه
حمدآن ( ويغمز لـ آسيـة ) : الله يهدآج يدووة .. حد يـآب طـآري الحب ؟ انا قلت لها ما عندج حب حق المتـوه

ام خالد : جب جب .. لـآ تيلس تخرط علية ملعون الصير سمعتك انا .. لكن انا برآويك يالهيس .. مضيع المذهب .. وانت يا مسود الويـة حموود .. سير ود امك المستشفـى .. مجـآأبل هالجـآمة وامك مريضـة ..
حمد : ديووة خلينـي اتكشخ .. يمكن اشوف مزيونـة
ام خالد : يالهيس .. وتقولها في ويهي ؟ .. ثرك هب ساير تودي امك المستشفى .. ساير تغازل يالهررم .. ( وتنش لـة )
حمد ( ويحط ايدة ع العسـو ) : فديتج يدوة .. انا اليوم وآيد انضربت .. مـآ ابغي اسير العين وانا مكفـوخ .. ( ويبوسهـآ ع رآسهـآ ) .. عندج حمدآنوه .. فمـآن الله
حمدآن : يدوة .. فديت روحج شو مركبنـج فوق .. تعـآلي اقعدي حذآلي .. بحط لج قنـآة المجد ..
ام خالد : جب يلا جب .. يوم بتستوي ريـآل وبتصطلب .. ذيج السـآعة بقعد حذآلك
حمدآن ( ويقوم ويبوسهـآ ع رآسهـآ ) :: فديتج يدووة .. اسولف معاج انا .. بـلـآج لبقتـي جيـة .. يلا انتي سيري تحت .. عشـآن ظهرج .. آآسيـة .. نزلي يدوة تحت .. وعطـي المتـووه حب ( ويغمز لهـآ )



في الصـآلة صوب ميثـة


ميثة ( وهي تشوف يدتها نـآزلة من فوق مع آسية ) : وآبوية .. يدوه شو مركبنج فوق .. مب زين حق ظهـرج ..
ام خالد : غرربلاتهم من اولاد .. مطفريني .. الـآ وينها شمـة ؟
ميثة : فــوق ..




صوب حمدآن


حدر حمدآن الفلكـر والمسـن .. لـين ما يرد حمد من المستشفـى .. ويوم حدر المسن شـآف اضـآفـة .. واللى ضـآيفينـة بنـآت الفلكر من العيـن .. وضـآيفين حمدآن من الفلكر .. وهن ربـآعت عوآش ( حبيبت سلطـآن ) .. وهن صغـآر .. اصغر من عواش // ايمـآن وخلود عمـآرهن 18 .. يعنـي كبر حمدآن وحمد .. لكن هن تعودن ع عواش .. وصـآرن ربع .. وقبل لـآ يرمسون حمدآن .. يلسن يحشن فيـه .. اونه خقـآق .. وشكله ومغـآزلجـي


::


ايمـآن --> غ ـــلطتي اني ص ـدقت في كل ح ـــآية

خلود --> انا بصرآح ـــه بح ـــبك ابتليت

حمدآن --> من كثر شـوق ـــي غـدى فكري مشرد


::


غ ـــلطتي اني ص ـدقت في كل ح ـــآية :
حي اللـه غرشوبنـآ
انا بصرآح ـــه بح ـــبك ابتليت : ( ردن لبوكسهن الأول خلود وايمـآن )
ايمـآنوه .. شوي شوي ع الولـد
غ ـــلطتي اني ص ـدقت في كل ح ـــآية :
مـآل فلكـر .. خليـه صدق عمرة شـوي
انا بصرآح ـــه بح ـــبك ابتليت :
ههههه .. ادري .. بس خلينـآ سوآلف .. مب من بدآيتهـآ غرشوب ورعبوب .. وشويه بتفتحين لـه الميدآن
غ ـــلطتي اني ص ـدقت في كل ح ـــآية :
ههههههههه .. أي ميدآن .. هذا حدة يجـآبل قنـآه السودآن
انا بصرآح ـــه بح ـــبك ابتليت :
ههههههههههه .. بس تدرين .. شكلـه طرر ..
غ ـــلطتي اني ص ـدقت في كل ح ـــآية :
وين الـطرر اللى فيـه .! مـآ اشوف شيء فيـه طرر هههه
انا بصرآح ـــه بح ـــبك ابتليت :
اقولج .. قومي قومي نرجع للأنفـآيت

( ويردن للأنفـآيت عشـآن يقرون اللى فيـه ..وهن مخيسين حمدآن في الأنفـآيت )

من كثر شـوق ـــي غـدى فكري مشرد:
الحين مسوين انفـآيت وصـآخـآت .! انزين الحين الأولى عرفنـآهـآ .. الثـآنيه منو ؟
غ ـــلطتي اني ص ـدقت في كل ح ـــآية :
السمـوحة منك .. كـآن عندي خط ..
من كثر شـوق ـــي غـدى فكري مشرد :
وربيعتج شو كـآن عندهـآ .!
انا بصرآح ـــه بح ـــبك ابتليت :
وانا إلى كـنت ع الخط
من كثر شـوق ـــي غـدى فكري مشرد :
ههههههههه .. صدق انكن بقـر .. مجـآبلـآت بعض في المسن .. شعنـه ترمسينهـآ بعـد .. ولـآ تحبن الخسـآير
غ ـــلطتي اني ص ـدقت في كل ح ـــآية :
اللللله .. بدينـآ بالغلـــط .. لـآ تغلط ع شيخـآتك .. يالهيس
( استغرب حمدآن من رمست ايمـآن .. كيف تتجرآ .. وتقول له هالرمسـه .. وحمدآن مـآ يصيبـه إلـآ الكـلـآمـ الغـآوي .. ولـآ بعد معليـه دوآهـآ عليـه .. اونه شيخـآتك )
من كثر شـوق ـــي غـدى فكري مشرد :
يـآ اخت مـآ اعرف شو يسمـونج .! اعتقد ان نحن مسوين انفـآيت عشـآن نسولف .. مب عشـآن ترآويني لسـآنج شو طـولـه .. وكل وآحد شيخ على نفسـه .. و الهيس ربيـعج اللى تعرفتي عليـه من فريجكمـ مـآ ام لسـآن طويل ..
( انفجرت ايمـآن من رمسـه حمدآن وترد عليـه بسرعـه )
غ ـــلطتي اني ص ـدقت في كل ح ـــآية :
ام لسـآن حرمتك يالثــور ..
انا بصرآح ـــه بح ـــبك ابتليت :
عنبو بـلـآكمـ .. يهـآآل يـآلسين تتـلـآسنون ؟
من كثر شـوق ـــي غـدى فكري مشرد :
شوفي ربيعتـج .. عنبو مب بنت .. ملبق ع طول اشتعلت .. ع شو عـآد .. اقولج .. ( دلـوعة العين ) --> ( نك خلـود ) انا بظهـر .. واشوفج على خير .. واقولج يـآآ ام لسـآآن
غ ـــلطتي اني ص ـدقت في كل ح ـــآية :
نعمـ .. ؟
من كثر شـوق ـــي غـدى فكري مشرد :
سلمـي على ربيعج الثــور ( ورد عليه ايمـآن بسرعة قبل لـآ يظهر )
غ ـــلطتي اني ص ـدقت في كل ح ـــآية :
ربعبك بعيـر كبرك قول آمين ( ويضحك حمدآن ع اسلوبهـآ )
من كثر شـوق ـــي غـدى فكري مشرد :
فـآآلج انشاء الله هالبعيـر ( ويظهر من الأنفـآيت )
غ ـــلطتي اني ص ـدقت في كل ح ـــآية :
سخييييييييييييييييف .. واللللللللللللللله سخيف
انا بصرآح ـــه بح ـــبك ابتليت:
ههههههههه .. والله انكمـ حركـآت .. بس انتي زودتيهـآ الصرآحـه
غ ـــلطتي اني ص ـدقت في كل ح ـــآية :
والله كرهتــه .. لـآعت جبدي منـه ..
انا بصرآح ـــه بح ـــبك ابتليت:
اللى يقول عـآد .. هو اللى ميت فيـج .. اقولج ايمـآنووه
غ ـــلطتي اني ص ـدقت في كل ح ـــآية :
هـلـآ .!
انا بصرآح ـــه بح ـــبك ابتليت:
الصــرآحه .. مب لسـآن عليج ههههههههههههههههههه
غ ـــلطتي اني ص ـدقت في كل ح ـــآية :
هذيل مـآل الفلكـر مـآ يوون إلـآ بالسـآن الطويل .. حقير .. قهربـي
انا بصرآح ـــه بح ـــبك ابتليت:
ههههههههه .. اقولج اتصلتـي في عوآش .!
غ ـــلطتي اني ص ـدقت في كل ح ـــآية :
هيه .. ومن اسبـوع عـآزمتني ع عزيمـه اليومـ
انا بصرآح ـــه بح ـــبك ابتليت:
وبتسيريــن .!
غ ـــلطتي اني ص ـدقت في كل ح ـــآية :
هييه هييه .. خخ اقولـج .. هب مخليـن حد ومب عـآزمينه .. ونص عيـآل دبي بيكـونون هنيه عندنـآ
انا بصرآح ـــه بح ـــبك ابتليت:
كشخــه انزييين .! .. غصبن عن فيسـج بتروحين معـآي العزيمـه
غ ـــلطتي اني ص ـدقت في كل ح ـــآية :
وفيس السبـآل .. علنـي بـلـآه .. كلب ومن كـلـآب بني عبس .. خـآطري اصفعـه
انا بصرآح ـــه بح ـــبك ابتليت:
هههههههههه .. عنبـو .. لين الحين تفكرين فيـه .. ليكـون دش خـآطرج
غ ـــلطتي اني ص ـدقت في كل ح ـــآية :
تدشدشت ظلوعـه في بعـض قولي آمين .. علنـي بـلـآه ويه السبـآل .. شو الزين اللى فيه اللى خـلـآه يحدر خـآطريه .!
انا بصرآح ـــه بح ـــبك ابتليت:
خيبـه .. اعصـآبج يا بنت النـآس


ويكمـلون السوآلف .. وتصير السـآعة 6 ونـص .. ويرجع حمد من المستشفـى .. ويروح لـ حمدآن فــوق وشـآف حمدآن متمدد ع السرير





حمدآن : في المحبـه يـآ عرب لـآ تعذلـوني
حمد : لـآن حبـه في فؤآدي كد سـرى .. هاا يا ولد العمـ .. اشوفك مستـآنس ليكون قنصت ريم يديد ؟
حمدآن : ههه لـآ قنصت ولا طيحت .. قول إلـآ انسبيت
حمد : ههههههه .. افا .. انسبيت .. انا احيد ان ما يصيبك إلـآ الكـلـآمـ الغـآوي .. شو يـآك مرة وحدة انسبيت .!
حمدآن : الله ينطبهـآ من بنـت .. مب لسـآن عليهـأ الصرآحـه .. وشادة حيلهـآ .. ومتفننة في النك .. اللى بيقرا بيقول هاي اللى تخرجت من اكسفوورد .. وثرهـآ طمـة في الأسلوب
حمد : ههههه .. متـى هذا ..
حمدآن : العصر قبل لـآ تروح ,, سير سير طـآلع .. مسجل المحـآآدثه انا
( عقب مـآ يقرآ حمد المحآدثـة )
حمد : ههههههههه .. خيبــة .. لعنت خيرك
حمدآن : إلـآ لعنت صيــري .. لكن وين بتسير منـي
حمد : الصرآحـة هههههههه فنـآنة هالبنت
حمدآن : أي فنانة واي خرابيط .. لسـآنها اطول عندك .. اول شي قبضتنـي بـ غرشوب وما ادري شو .. وعقب جلبت هيس وثور
حمد : ههههههههههه زين يوم انسبيت .. اقــولك .. قم قم خلنـآ نسير نسبح ونكشخ .. ورآنـآ دررب للعيــن
حمدآن ( وهو يذكر اللى سبتـة ) : هييه والله قم قم




سـآر حمدآن يتسبح .. ونزل حمد يقول لـ آسية تكوي الثيـآب .. ومن يظهر حمدآن من الحمآم يدخل حمد يتسبح .. وعقبهـآ يتلبسون ويتكشخـون .. // اما خلـود وايمـآن .. سـآرن يتسبحن ويتكشخن .. وايمـآن بتمر ع خلود عشـآن يسيرون العزيمـة .. يعنـي حمدآن بيشـوف اللى سبتـة ( ايمـآن ) .. وكيـف بيعرفهـآ في العزيمـة ؟