•●Ҳ تذكـر يـآ نـآســـي ,, ان الشـوق جتـآل Ҳ●• - الصفحة 12

ll~»9ξ9όŌόЋ · 02-28-2008, 04:29 PM

[align=right]صوب حميد وزايد

زايد : اونه
حميد : والله
زايد : يعني هاي اللى ميودة الكيمرة هند ؟
حميد : هيه .. واللى حذالهـآ ريم .. بنات خـآلي
زايد : خخخ بس فضحتنـآ لا تيلس تطالعهن جية
حميد : عادي عادي ..

صوب ريم وهند

ريم : والله تشوفين
هند : مابا
ريم : والله من الصبح يطالعج
هند : وارد اطالعة ليش .. مينونه
ريم : خخخ لج معجبين يا حلوه
هند : جب جب معجبين ويهج
ريم : انزين .. بطنش انا .. وين عليا ؟
هند : ما اعررف ..

ريم : اووووية
هند : شووه ؟
ريم : فديتة البيبي شوفية كيوت .. والله لا اروح اصورة
هند : غرربل الله عدوج .. وين سايرة .. اخوانه هناك
ريم : عادي عادي .. بقول لهم ممكن اصور اخوكمـ
هند : والله ان شافج صقور لا يقص راسج
ريم : انزين انتي قومي .. بنسير صوبهم قبل لا يوصل صقور
هند : مابا سيري بروحج
ريم : اووف منج .. بسير لة بعدين
هند : لا لا قومي سيري له لااا
ريم : مابا يوم بتين معاي بسير
هند : مابا

صوب الحريم

ام خالد ( يدتهم ) : عنبو .. وين سارن البنات .. عن يخطفونهمـ بس
ميثة : الله يهديج يدوه .. البر امان .. محد بيخطفهن
ام خالد : وين امان وهالمصبنه هنيه .. خلوني انش لهم بالخيزرانه
ميثة : خخخ حتى هنيه بتقومين تصعفين الاوادم
ام خالد : هيه نعم .. هذيل لو فيهم مذهب .. جان ما شفتيهم هايتين ع الدراجات
ميثة : هههههههه
ام خالد : وينه رشود خليه يلبس جاكيت .. الدنيا برد
ميثة : الله يهداج يدوه الحين لو تلسين تباغمين من اليوم لين باجر با بيسمعج رشود .. هذا من يشوف الدراجة ينسى الدنيا وما فيها
ام خالد : مب منه من اخوج صقور الهررم .. معلم الولد ع هالدراجات
ميثة : خخخخ
( ويرن موبـآيل ميثه )
ميثة : يدوتي دقايق وبرد لج[/align] __DEFINE_LIKE_SHARE__

ll~»9ξ9όŌόЋ · 02-28-2008, 04:29 PM

[align=right]وام سهيل وام صقر وام حميد وام خليفة عقب ما نزلوا الاغراض من السيارة .. راحن ويلسن عند ام خـآلد عسب يسولفون

صوب ميرة ( كانت ميرة يالسه بروحهـآ تسمع الرنات اللى في موبايلهـآ .. وكانت في عالم ثاني .. ومرة وحدة ايها سهيل بالدراجه من وراهـآ )

سهيل( ع الدراجة ) : نحن هنا
ميرة : بسم الله الرحمن الرحيم
سهيل : شو شايفة يني جدامج ؟
ميرة ( وهي مستحية ) : لا بس زيغتني
سهيل : آآه قلبي .. واخير سمعت هالصوت الغاوي
ميرة : سهيل بس عن الحركات وروح
سهيل : مابا .. الحين ببند الدراجة وبي بيلس معاج
ميرة : لا لا سهيل عن الحركـآت .. والله ان يلست عندي بصرخ
سهيل : هههههههههه احلفي انتي بس
ميرة : هيه هيه بصرخ .. يالله فديتك روح
سهيل : انزين جيه يالسه بروحج ؟
ميرة : بس جية .. يالسه اسمع رنات
سهيل : لا لا اغار سيري يلسي مع اميه .. اخاف حد يغازل وانقهر .. والله لا ادفنه هنيه
ميرة : خيبة خيبة .. كل هذا عشـآني
سهيل : هيه واكثر .. ( وهو يغمز لهـآ )
ميرة : يالله بسير عند اماية ..
سهيل : يالله قومي اركبي وراي بوصلج
ميرة : نعم نعم نعم
سهيل : ههه سلامت قلبج

صوب عليا وحصة

عليا : خخخ هذا من الصبح قاعد يستعرض جدامنـآ
حصة : مشكله اللى يلسون يتفننون جدامـ البنات
عليا : خخخ تخيلي ينجلب الحين ؟
حصة : بسم الله ع الولد .. لا تلسين تفاولين ع خلق الله
عليا : ههه .. فديتني ما يخصني في شيء

وتسير ميرة عند امهـآ وتيلس عند اختهـآ عليا .. وصوب بو سهيل وبو صقر كانوا يالسين ع صوب ويسولفون .. واما هند وريم .. بنشوف شو بيصير لهمـ لمـآ بيروحون للولد عشـآن يصورونه ..^^[/align]

انتهـــى الـــ ج ـــزء =)

اتمنـى انهـ عيبكمـ .. ّ __DEFINE_LIKE_SHARE__

ll~»9ξ9όŌόЋ · 02-28-2008, 04:33 PM

لــووول .. اونهـ هذا طويـل خخخ

ادري انهـ قصير يـآ بنوتهـ .. بس مـآعليه ههه

واسمحيلــي يالغـلـآ .. يوم السبت بنزل البـآرت السـآبع =) __DEFINE_LIKE_SHARE__

قلب حاير · 02-29-2008, 04:32 AM

ثانكس حبوبه ع البارت الحلو __DEFINE_LIKE_SHARE__

~grmo0osht.dxb~ · 02-29-2008, 02:16 PM

تسلمين الشيخه ^_^

نترياج الغلا لاتبطين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
Ҳ Ҳ إهداء من الشيخ ناصر آل خليفه لزوجته الشيخه شيخه آل مكتوم Ҳ Ҳ	محروم.كوم	منتدى أخبار المواقع والمنتديات العربية والأجنبية	0	10-03-2009 07:50 AM
شرح ●ҳҲҳ● اسرار وكؤوس لعبة Midnight Club Los Angeles ●ҳҲҳ●	محروم.كوم	منتدى أخبار المواقع والمنتديات العربية والأجنبية	0	08-30-2009 11:10 AM
•●Ҳ إذآ نـآـآۈي تـرۈۈح «« عبداللـﮧ سـآـآلم Ҳ●•	Dxbya Prestige	كلمات الاغاني	16	07-30-2009 03:00 PM
•●Ҳ ج ـرحت قـلب آلغرآم Ҳ●•	Dxbya Prestige	المواضيع المكرره	1	07-24-2008 05:01 PM
●ҳ̸Ҳ̸ҳ● نكـــات ملونـهـ جاهــــزه ●ҳ̸Ҳ̸ҳ●	ملاك الروح	المسنجر وملحقاته , توبيكات , ماسنجر بلس , msn	13	03-02-2008 11:57 PM