ليال النقل وأهداد الوحش منوت عليل البال = غرام اللي شقى الدنيا وطول القيض غرباله

محروم.كوم · #1 01-19-2012, 01:30 AM

الـشـاعــر/ خـالــد مـدعـث الــدوسـري
أنا ليا ضـاق صـدري واشتعـل جاشـي = داويـت نفسـي مــن هـمـوم تناهشـهـا
ضربت لي طرقة تصعب على اللاشي = وسريت رجلي ومسرى الليل ينعشهـا
ونحـرت جـوٍّ خلـي يـوحـش أوحـاشـي = صحاصـح البيـد طـبّ الـلـي يعايشـهـا
خالـي جنابـه مـن العـالـم والأدبـاشـي = قفرٍّ مرب الوحـوش ومأمـن اوحشهـا
عشبـه سـواة الحمـى مهـوب ينـاشـي = لا راعـي البـل ولا الـشـاوي بنايشـهـا
مـا يقطعـن فرجتـه حــرار الابـواشـي = الضمّـر اللـي وصـوف الريـم تلكشهـا

ما يسهجه غير جيـب يطـرب الماشـي = مـع واعـر الارض ولا مـع مفارشهـا
جـيـب يبـعـد عــن معـشـاي مغـبـاشـي = اللـي يـقـص الــدروب الـيـا تناوشـهـا
ما يسمع من المكينه غيـر وشواشـي = ماكنـهـا إلا الحيـايـا فـــي توشـوشـهـا
لا فر من دوس رجلي صابـه خراشـي = فــرة قـطــاة دوي الـمـلـح خـارشـهــا
يطيش مـن طيـش سواقـه ليـا طاشـي = نـوب ٍ يخـمّ الخطـوط ونـوب يقرشـهـا
أبـيـه لابـــان نـجــم ونـجــم مـتـلاشـي = وشفت السويبع مـع خوانـه مداقشهـــا
فــي ليـلـة وبلـهـا هـتــان ورشـاشــي = وقـلايـد الـوسـم مرخيـتـن مراهشـهـا
اليـا ظمـرن الفحـول وجاهـن طياشـي = والارض فـي بطنهـا قــرت هوايشـهـا
وراع ِ الولع عقب موته له تنعواشـي = طيـره علـى الـكـف والدنـيـا مطنشـهـا
ما عاد يطـري لـه الا بـرق الارياشـي = الـلـي عـلـى شانـهـا البـيـداء يفتشـهـا
وانـا معـي عــاري ٍ مـهـوب بخيـاشـي = لاتــل سـيـره عـلـى المقـفـي تفرشـهـا
عـديم واسمه عديم ما اسمه شلاشـي = زرق الشوش لا لحقها علق شوشهـا
ومـن لا عرف لذة المقناص ما عاشي = ولـعـه بلـيـا طمـاعـه مـيــر عايـشـهـا
يسلا بها الخاطر اليا ضـاق وانداشـي = وترتاح في النوم عيني يوم اغلمشهـا
ما تسمع اذني صدى لجلاج وهواشي = الا السـواري مــع الظلـمـا تخترشـهـا
يــا لايـمـي خـلـنـي أصـــد وانـحـاشـي = عن شوف ناس مغير تلـوي خششهـا
والله إن يبطي مع المقناص مطراشي = لـيـن المنـيـه اقـابـل وجـــه طـارشـهـا
هذا الدواء اللي يداوي حدب هشاشي = مـن هـاجـس لاتـحـرك قــام يجرشـهـا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي جرب فشق ضغط 66 غرام .رقم 2 يعطينا رايه وهل يأثر على الاكستريما2 رمي 9 ورا بعض	محروم.كوم	منتدى أخبار المواقع والمنتديات العربية والأجنبية	0	11-22-2011 02:00 PM
أفضل أيام الدنيا	محروم.كوم	منتدى أخبار المواقع والمنتديات العربية والأجنبية	0	10-16-2011 09:00 PM
أنــآ تــراني طــيرك اللي يحــبك مووت	t5tOo5	عدسة الاعضاء , كاميرا الاعضاء	9	09-23-2011 10:59 AM
Mms من اللي جابني ع البال	محروم.كوم	منتدى أخبار المواقع والمنتديات العربية والأجنبية	0	04-09-2010 10:40 PM
..::k::لو بغيت آصفه الموصف يحير ... منوة اللي بقلبه للصقاره غرام ::k::..	III سنـادي عنـادي III	عدسة الاعضاء , كاميرا الاعضاء	8	02-12-2008 03:33 PM