بقلمي اختكم : ارنوبه خبله , سموي , قيوانيه شامسيه ( كلهم نكاتي )

اتمنى لكم قرائه ممتعه و هاي روايتي الاولى فالمنتدى ^^ اتمنى تنال اعجابكم و لاتحرموني من نقدكم وارائكم

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

فاطمه: رييييييييييم حوه وصمخ ردي
ريم سرحانه لا رد:..........
حميد يرها بقلم : حووووووه فونج حشره ريموه بلاج صاخه
راشد قام من مكانه وراح صوب ريم ويودها من كتوبها وهزها : ريم وين سرحتي فونج صار له ساعه يدق وانتي مب معانا شفيج سرحانه
ريم تفيق من سرحانها : ها لالا ماشي السموحه التلفون حشركم نسيت اخليه صامت
راشد راح وقعد مكانه : انزين ردي عليه يمكن حد يبيج او حد من اهلج
ريم فخاطرها هه اي اهل ترمس عنهم ياراشد لو تعرف شو سوو فيني
حميد: عن ابو يا ريم ماتحسين فلعتج بكل الاقلامه اللي عندي
ريم ابتسمت : لا ماحسيت
فاطمه: تكفين ريم ردي ع التلفون وربي حشره شوفي من اللي مزعجتج
ريم بقلت حيل : ان شاء الله وابتسمت لها
ريم : الو
......: الو
ريم: هلا والله غاده شحالج وحال الأهل؟
غاده: بخير الحمدالله والكل يتريا عودتج ريم تكفين ارجعي لنا لبيتج لاهلج لبنات عمج وخالج ريم ابوج يبيج يا ريم يبيج امج تعبت وايد بليز ريم ارجعي لنا
ريم بجمود : غاده شوفي انتي الوحيده اللي تعرف الرقم الخاص مالي وربي يا غاده لو انتشر عند الاهل لاتعرفيني وله اعرج فاهمه وكم مره قلت لج أم القيوين ماني راجعه لها فاهمه وله لا
غاده: بس ياريم

ريم قاطعتها : لابس وله شيات اذا داقه تسولفين وتفضفضين اللي بداخلج حياج بس اذا عسب الاهل فالسمحيلي ببند
غاده بكل سخرييه : هه اوكي براحتج فمان الله لعلمج خالد وصل له رقمج الخاص
ريم وقفت بكل عصبيه وصرخت والكل التفت لها : شووووووووووو انتي من سمحلج هاي نهايتها يا غاده عطيتج رقمي الخاص وبالاخير تعطينه لواحد حقير نذل سالف دمر حياتي انتي على شو ناويه يا غاده قولي وريحيني على شو ناويه انتي وولد عمج السافل ها شو تريدون مني شو سويت لكم انا
غاده: ههههههه وله شي بس نستمتع بدموعج الحلوه
ريم قفلت التلفون فويها وراحت صوب البلكونه والكل منصدم من تغير حال ريم بس راشد الوحيد اللي فاهم عليها ويحبها والكل اللي فالقسم يعرف الى هي ما تعرف
ريم عند البلكونة: اه يا دنيا شلون انتي قاسيه معاي بعدتيني من اهلي حرمتيني من امي وابوي فرقتيني عنهم وانا بعدني فالعدادي ااااااااه مقساج يادنيا ليتك تشوف شو صار معي يا يبه بس انا الحين بتحداكم وبكون احسن منكم وربي يسامحكم وهني نزلت دمعه من ريم
راشد من وراها بكل حنيه : ريم
ريم بسرعه مسحت دموعها وابتسمت : هلا راشد امر بغيت شي
راشد: لا بس اممممم ريم شو فيج
ريم بسرعه قبل الدمعه لا تخونها : مافيني شي الحمدالله بخير
راشد: اوكي براحتج بس فاي وقت بتلاقيني موجود تعالي وفضفضي باللي فصدرج
ريم : تسلم خيو
راشد بداخله : لا يا ريم تكفين تكفين الى كلمة خيو لا تقولينها انا احبج يا ريم ليتني اقدر اصارحج ليت القوه فيني عسب اصارحج يا ريم
راشد: روحي مو زين تيلسين ع البلكونه اول شي برد وبعدين وي راسج وين تتحرين عمرج
ريم : هههههههه تصدق نسيت عمري يله يله خلنا ندخل داخل القسم
فاطمه : ريماني حبيبتي شفيج
ريم : مافيني شي حبوبه الحمدالله بخير
حميد : باين انه بخير و الصريخ اللي صار قبل شوي شو ها ><
ريم : اسفه ازعجتكم بس سوء تفاهم وي وحده من البنات قهرتني
فاطمه بشك : اكيييييد
ريم ابتسمت لها : يب اكيد
شوي وله يرن فون ريم الخاص رفعت ريم الفون واستغربت من الرقم رقم غريب داق عليها والاسم مب مسجل منو ياترا يكون اللي داق
ريم حولته صامت وكملت شغلها
حميد : ليش ماتردين مو هذا فونج الخاص يعني يمكن حد من اهلج داق
ريم ياليت والله حد يفتكر فيني: لا ها رقم غريب
حميد : اها
فاطمه على نياتها : انزين ردي يمكن امج او ابوج او اخوج داق عليج من رقم ثاني
حميد على نيته : هيه يمكن ليش لا
ريم ااااه كلامكم يذبحني يارت امي وله ابوي داقين علي يا ريت والله : خلني اشوف من داق وحاشرني حشار
ريم : الو
..: هلا ريم واخيرا لقيت رقمج يا حلوه ههههههههههههههههههههه
ريم وقفت منصدمه وصرخت بكلمه خلى الكل يلتفت لها : خاااااااااااااااااالد
خالد: هيه خالد ليش مب عايبنج
ريم بعصبيه : شو تبي مني شو ماكفاك اللي سويته فيني ما كفاك طلعتني من بيتي و خليتني بروحي بهاي الدنيا ماكفاك اللي سويته ذبحتني شو تريد مني شو كل شي بغيته عطيتك اياه شو تريد اكثر من ها قولي شو تريد ذبحتني يا خالد وربي ذبحتني فرقتني عن امي وابوي شو تبي اكثر قولي شو تبي
هني يلست ريم على ريلها تبكي و التلفون على اذنها والكل مستغرب منها شو فيها هاي البنت من دخلت الشركه وهي مو طبيعيه ابدا راشد انصدم من الكلام اللي تقوله ما توقع ريم بهاي الدرجه
ريم : حرام عليك حرااااااااااام بس وربي كفايه شوتبي اكثر شو تبي قولي شو تبي
خالد بكل سخريه : هههههههههههههههههههه ياحلوه احبج وانتي تبكين احب اعذبج دخلتي فحياتنا غلط ولازم اطلعج مثل ما كسبتي حب الاهل خليتهم يكرهوني باقي شي واحد اخليج تموتين و تنسين من انتي و بنت من بخليج تتمنين الموت بخلي كل العالم يكرهج ههههههههههههههههههههه
ريم تصرخ و تبكي بنفس الوقت وفاطمه خافت وقامت تهديها بس هي دزت فاطمه عنها وقالت : شو تبي يا حقير اكثر من اللي سويته فيني شو تبي
خالد وبكل وقاحه و احتقار : باقي اخر شي اسويه اخذ انوثتج وشرفج اخليج منبوذ بها العالم بخليج تكريهن عمرج وتتمين الموت ياريم ههههههههههههههههههههه
ريم بكت اكثر واكثر : حيوان حقير سافل ما تخاف على خواتك ليش تبي تسوي جي ليش انا بنت عمك شو ضريتك قولي شو
خالد : هههههههههههههههه شو سويتي ههههههههههههههههههههه ماسويتي شي بس انا اكرهج من دخلتي العايله بس وربي يا ريم بتشوفين شي ماشفتي في حياتج مثل ما ماتت امج قهر ع اللي سويته وابوج خذ وحده ثانيه اللي كل العايله تبيها بخليج تلحقين امج
ريم تصرخ : شووووووووووووووووووووو امي امي انت حيوان شو سويت بامي شو سويت بها
خالد : هههههههههه بعد ما ظهرتي او بالاحرى انراغيتي من البيت ظهرت المسكينه تلحقج ماتبي تفارقج واحد من الربع السكرى دعومها هههههههههههههههه
ريم وهي تبكي : حيوااااااااااااااااااااااااااااااااااااااااااااااا اان حقير سافل وربي ما بتعرف مكان والزمن من بينا وكما تدين تدان انا لين الحين ساتره على خواتك بس بيي يوم مو انا اللي بفضحهم اللي ارخصو بحالهم له هم بيفضحونهم وبتشوف يا خالد الزمن طويل تسمع يا حقييييييييييييييير اكرهك واكره الساعه اللي جيت فيها
خالد : ههههههههههههه بنشوف وسكرت السماعه على ويها
فرت ريم الفون مالها لين ما تكسر و مابقى فيه شي صاحت طاحت ع الارض تبكي حرقه الكل منصدم مو عارف شوي يسوي
راشد ماحب يشوف ريم بهاي الحاله راح لها ويلس ع الارض وتم يكلمها وهي بس تبكي
راشد: ريم تكفين لا تعذبينا وياج وربي دموعج غاليه ريم شوصار لج شو صار لاهلج ريم لاتخوفينا عليج نحن هني فالقسم اخوانج وخواتج ريم ردي علي ياريم
راشد خاف يوم ريم سكتت فجاء يوم رفعها شاف ويها مزرق و ترتجف بكبرها و تهذي بكلمات مو مفهومه
راشد صرخ على حميد : حميييييييييييييييييييييييييييييييييييييد بسرعه روح شغل سيارتي بسرعه اركض فاطمه ر وحي للمدير ابوج وقولي له انه نحن الاربع بنستاذن ريم مادري شو فيها بسرعه يا فاطمه بسرعه
حميد و فاطمه فنص خوفهم ان شاء الله الحين الحين بروح

راشد و حميد وفاطمه عيال عم
راشد: 25 سنه
حميد 26سنه
فاطمه 25 سنه تصير اخت راشد بالرضاعة
ريم اه ياريم بتعرفون شو سالفتها بس بقولكم
ريم بنت عاشت لحالها وهي عمرها13 سنين وهي فالعدادي كملت دراستها واشتغلت وكله ها كانت تدرس وتشتغل وعاشت فشقه والحين صارت من اغنياء درجه اولى يعني اول متسى الغناء يعني على قدها عمرها 16 سنه ولها بيت فخم بس حياتها كله شغل في شغل عسب تنسى اللي صار معها تدرس وتشتغل فنفس الوقت يعني ماتدخل البيت الى الساعه 2 الفليل يادوبكم ترقد لها ساعه او ساعتين و تقولم تدرس

شوتتوقون يصير ؟ ؟

هل بتعيش ريم وله لا ؟؟
وراشد بيعترف بحبه لها وله لا ؟؟
وليش ريم عايشه لحالها ؟؟ شو سالفتها وقصتها ؟؟
كل ها اتريو البارت الثاني ^^
لا تحرموني من ردودكم يا حلوين ونقدكم يهمني وايد