شوف الحيلة وماتسوي

محروم.كوم · #1 01-13-2012, 02:40 PM

قصة مديرة مدرسة

تدور القصة حول مديرة مدرسة عزباء غابت عن المدرسة يومين

وحين عادت لمدرستها قابلنها المدرّسات بالسؤال والسلامات وينك يا مديرة ؟

قالت لهم: باركولي تزوجت مسيار!!!.

قالوا المدرّسات: ألف مبروك .. بس مين سعيد الحظ ؟؟

قالت لهم: بصراحة زوجي هو زوج وحدة فيكم!!

المدرّسات: تكفين علّمينا أي وحدة منا؟

قالت المديرة والله ما راح أعلمكم.

المهم لزّمو عليها .. قالت: أنا ماني متكلّمة ..

لكن اللي تبي تعرف هو زوجها وإلاّ لا تجيب بكرة معها 500 ريال

وإذا جت توقّع الصبح تحط ال500 على الطاولة ..

واللي آخذ فلوسها معناه زوجي ما هو زوجها ..

واللي أخلّي فلوسها على الطاولة وما آخذها فهو زوجها ...

عيب عليّ أتزوج زوجها وآخذ بعد منها 500 ريال !!

وافقت المدرّسات على هذه الطريقة .

ويوم جاء بكرة .. وكل وحدة مزهّبة معها الدراهم ..

جت الأولى والثانية والثالثة والرابعة حتى العاشرة والمديرة تاخذ الدراه ..

يوم جت المدرّسة الـ 11 بدت المديرة تتأفف ..

المهم حطت الدراهم على الطاولة ..

قالت لها المدرّسة : تكفين خذيها يالمديرة

قالت المديرة : اعذريني

قالت المدرسة كانّها قليلة حطيت ألف بدال الخمسمية ..

قالت المديرة : أووووووووووووه معليش أثرك أنتي جواهر والله إنّي آسفة غلطت !!

تنفست المدرّسة وقالت : الحمد لله يعني بتاخذين الفلوس ؟؟

المهم أخذتها المديرة ..

ودخلت بقيّة المدرّسات حتى الـ 23 والمديرة تلعب بأعصاب كل وحدة وفي
النهاية تأخذ الخمسمية ..

المهم بقي مدرّسة واحدة ماجت ..

اتصلوا عليها المدرّسات : هاه وينك يا أستاذة ؟؟

قالت : والله إنّي تعبانة وماني جايّة ..

هاه من صار زوجها اللي متزوج المديرة ؟

قالوا لها : لين الحين مابيّن شي والمديرة عيت تاخذ الفلوس لين نحضّر كل المدرّسات

( يلعبن عليها بس يبونها تجي عشان يطّمّنون إنها هي لأنه ما بقى إلاّ هي )

وقالوا لها المدرّسات : لازم تجين تكفين ..

المهم جت تسحّب رجليها بالقوة ويوم جت تدخل ..

المدرّسات كل وحدة مبسوطة إنه ما هو زوجها ,,

المهم قالت لهم المديرة:

الدراهم ( 12000 ريال ) ما راح ترجع ..

وأنا والله لا تزوجت ولا شي الى الحين عزوبية .. !!

بس كنت مريضة هاليومين ..

ولكن طلبتكم قبل شهر تدفعون 100 ريال نصلّح المصلّى ولا وحدة منكم دفعت ..

قلت والله لأدفّعكم 500 ريال نصلّح المصلى ونشتري مصاحف وقف للمسجد .

قالن المدرسات: بالعافية فداك الدراهم ولو تبين زود عطيناك مادام رجالنا
ما تزوجوا علينا

ودمتم سالمين:d:d:d
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دائرة الخدمة المدنية في رأس الخيمة تقر ضوابط العمل الإضافي للموظفين	دلــــــــوعة الامارات	اخبار محلية و عالمية	2	05-10-2011 05:14 PM
الضغوط وماتسوي ""::::..مقطع فيديو	محروم.كوم	منتدى أخبار المواقع والمنتديات العربية والأجنبية	0	08-04-2010 10:30 AM
برج راس الخيمة	محروم.كوم	منتدى أخبار المواقع والمنتديات العربية والأجنبية	0	06-12-2010 01:40 PM
اسمنت راس الخيمة وراس الخيمة للإسمنت الأبيض ؟	محروم.كوم	منتدى أخبار المواقع والمنتديات العربية والأجنبية	0	03-25-2010 02:20 PM
راس الخيمة	طالب هندسة	نغمــات للهــواتف	18	05-30-2008 04:26 PM