انواع القهوه

محروم.كوم · #1 01-13-2012, 01:40 PM

القهوة بالجزيرة العربية وبالذات بالكويت اشكال والوان وانواع وبكل محل من المحلات تلقى عندة خلطة ولا طريقة حمسة للقهوة تتشابه تقريبا مع المحل اللى جنبة

توقيع بسكوته الله يذكرها بالخير

ومثل ماعرفت بعد ادمان طويل ان الانواع بالكويت تنحصر ب ..

1- قهوة برية ( تاتي من اليمن عن طريق البر وتسقى بواسطة ري صناعي عكس انواع القهوة الاخرى الري يكون طبيعي من الامطار)

2- قهوة هررية ( يجيبونها من الحبشة ولها اكثر من نوع والاحسن الوسط الاشقر مو الغامج حيل او ان الواحد يخلط بينهم )

3-قهوة محوجة ( مخلوطة مع مكملات القهوة ويختلف كيلها ومعيارها عن باقي الانواع)

4-نيباري ( تاتي من نيبار مقابل سلطنة عمان وقهوة طيبة ولونها حلو وطعمها حلو )

5- شمالي ( ماعمري شريتها لكن لها حمسة خاصه وطريقة تحضير معينه وتخميرة لها وقت ومن عادات اهل الشمال بالاكثر)

6-الافضل طبعا الخولانية وهي نادرة ويجيبونها من اليمن نقية صافية

ونادر ماتحصلها بالكويت واكثر الناس تخلط بينها وبين البرية والفرق شاسع بينهم

ويجيبونها من منطقة خولان باليمن ويدخلون تقريبا 20 الف طن او اكثر بشوي للسعودية من الجنوب ( الطائف - ابها - جازان -ونجران ...) هذا الاصلي طبعا

اما الباقي يقولون خولاني وبالاساس يبيلها واحد يميز القهوة من 1- شكلها 2- ريحتها ويعرف اذا كانت خولانية ولا لا

وطبعا تلقاها في اليمن قليلة لأنها تحجز من يوم يزهر شجرة البن ويصدرونها لدول الخليج لشخصيات معينة

او انك تروح وتاخذ منها وقت مايحصلونها وتاخذ كفايتك

وفي انواع ثانيه ماذكرتها مالها شعبيه او جديدة لكن الغالب بالمحلات هذي الانواع مستثني الخولانية كانت بس معلومة

ومسمياتها تختلف بالجزيرة العربية لكن هذي الاشهر

وابتعد عن قهوة ام ابراهيم او الزهره او ام علي او او كلها خلطات قهوة ومعلبه بالجمعيات ومليانه اصباغ وخلطات وتجيب الحارج

خلصنا من انواع القهوة نروح على الهيل

الهيل اذا تبي قهوة صح لاتشتريه جاهز

اللى يكون مكيس بالجمعيات النوع الافريقي ولا الامريكي لا راح تجيب لنفسك الكلام ترى

اخذ هيل امريكي جامبو درجه اولى الكيلو غالي صاير 12 او اكثر وحبوب مو مطحون نهائيا

وينطحن بالبيت او عند صاحب المحل ينطحن ويتكيس وتشم ريحته على بعد كيلو ............

وعموما القهوة بالكويتي من الاخر

(شمالية) معناتها اسبريسو ثقيله ومرة حيل حيل

(جنوبية او وسط نجد او كويتيه ) معناتها لاتية او نسكافية

انت وذوقك

وبالاخير على قولة رئيس فرنسا الشيخ ساركوزي بصحتك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
القهوه العربيه	محروم.كوم	منتدى أخبار المواقع والمنتديات العربية والأجنبية	0	01-05-2012 08:50 AM
مكائن صنع القهوه	محروم.كوم	منتدى أخبار المواقع والمنتديات العربية والأجنبية	0	09-17-2011 04:50 PM
عادات اهل قطر في شرب القهوه	بنت الـحـمـايـل	التراث والحضارة	11	04-27-2008 12:10 PM
عادات صب القهوه	احساس الامارات	التراث والحضارة	10	03-04-2008 03:35 PM
حلي البسكويت مع القهوه	alflasyh	فن المطبخ والطبخ	32	02-16-2008 04:00 PM