#poem_4f0e423e0e00d td { font-family: Tahoma, Verdana, Arial, Helvetica, sans-serif; font-size: x-large; font-weight: bold; } الخيل هي عز العرب يوم الافعال وتنسب لهم منها الخيول الاصايل فيها الغنى للناس اجيال واجيال وفيها الجمال اللي عليها دلايل لاغارت تطيح الدول ماهي اقوال واما النواصي كلها خير سايل ماهو مهايط بالملايين وخبال البل كثرت والخيول القلايل لكننا في وقت غادر وقتال حظ الذهب بين المعادن تمايل والحق ان الخيل عاشت بالاهمال الا القليل اللي لها اليوم صامل تاريخنا والمجد والعز وان طال لله فضله ثم لام الجمايل الله يرحمهم صناديد و ابطال تاريخهم يبقى شعار ومثايل والله ياللخيل حبن ولا زال عندي وفي قلبي لها الود شايل لاتهملون تراث طيب مع خصال وربوا عليه عيالكم بالفضايل