و الله ما كان الفرق اختياري و لا عمري اخترت الوصال و لقيته ^**^ كامله

! ĐįƠЯ ƒάṦђịǑη ! · 01-07-2012, 05:47 AM

الجزء العشرون

منال : عيل انا بسير المستشفى
أحلام : انا بسير و ياج
ام فيصل : انا بسير بعد
نورة : عيل وين الريم ؟؟

^**^عند الريم ^**^
الريم من كثر ما كانت تصيح ركبت الدري و دخلت حجرة >>> طبعا الريم ما تعرف هاي حجرة منو
و يلست ع الكرسي و تمت تصيح .... و يوم فتحت عيونها شافت برواز فيه صورة و تمت تطالع الصورة
الريم : هاي صورة منو ؟؟...لا ما تشبه خالتي نورة و لا خالتي منال ..... يمكن يدووه يوم كانت صغيرة .... لا هاي فيها حبة خال عدال حلجها .... صح انا دخلت حجرة منو ؟؟

^**^ فالصالة ^**^
اتصلت منال لين الدريول عسب انهم بيروحون المستشفى ..... وشوي و لا الريم تنزل من الدري
خلود : انتي وين يايه ؟؟
الريم : من فوق ... وين بتسيرون اشوفكم لابسين عبيكم
نورة : بنسير المستشفى
الريم : ليش عند منو ؟؟
خلود : ريموووه علامج
الريم و توها استوعبت السالفة :...........

و بعد خمس دقائق جان أي الدريول
و ام فيصل و ام سعود و منال و أحلام ساروا و المرة الثانية سارت الريم و نورة و خلود

^**^ فالمستشفى ^**^
و بعد ما وصلوا المستشفى
الكل : السلام عليكم
الشباب : و عليكم السلام
و سارت الريم و ركضت و حضنت ابوها و تمت تصيح و الكل استغرب من حركتها
بو الريم : الريم حبيبتي علامج ؟؟
الريم :..........
و بعد ما هدت الريم
منال : متى دخلوه غرفة العمليات
فيصل : مرت ساعتين و نص

^**^ فبيت بو منصور ^**^
طلعت ام منصور من حجرتها و هي تزقر الخدامة
ام منصور : واسيري ... واسيري ... وهي تزاعج واسيري و صمخ جلاب
شيخة : امايه علامج
ام منصور : وين واسيري ؟؟
شيخة : اكيد عندها شغل
ام منصور : واسيري
شيخة : امايه قولي شو تبين ؟؟
ام منصور : انتي ما يخصج ... و سارت عنها >>> عافان الله شو هـ الام
شيخة و هي تزاعج : انزين انا بنتج بعد
و سارت شيخة الصالة و كالعادة شافت الاخت عليا ع التلفزيون
شيخة : ما شاء الله ... متى المذاكرة ؟؟
عليا:..............
شيخة : علايوووووه
عليا وهي بعدها مندمجة ع التلفزيون : ..... ها
شيخة : متى المذاكرة ؟؟
عليا: بعدين
شيخة : الحين انتي ثانوية عامه
عليا: انزين اعرف
شيخة : زين يوم عرفتي
عليا: ممكن تكرمينا بسكوتج ؟؟
شيخة : لا ما ممكن
عليا: اوووووف منج سكتي شويه
شيخة سارت و وقفت جدام التلفزيون

عليا: شيخة خليني اشوف التلفزيون و لا .....
شيخة و هي تقاطعها : و لا شووو ... انتي ما تبين مصلحتج الحين انتي ثانوية عامه
عليا: و المطلوب
شيخة : انج تذاكرين
عليا: بعدين بعدين .. الحين خليني اشوف التلفزيون
شيخة : و بعدين شو يعيبج من البرامج السخيفة و المسلسلات
عليا: لو سمحتي ها مب برنامج سخيف
شيخة : ستار اكاديمي و تقولين برنامج مب سخيف ... سخيف و نص بعد
عليا: و الله عاد كيفي .. لا يكون بعد بتخليني معقده مثلج
شيخة : لو سمحتي انا ما معقده
عليا: لو مب معقده كنتي بتشوفين ستار اكاديمي و نجوم الخليج و..و..و..و الخ
شيخة : الله يسامحج
و سارت شيخة المطبخ و تمت تساعد الخدامة
و بعد مرور الوقت
بو منصور دخل البيت
بو منصور : السلام عليكم
عليا و شيخة : و عليكم السلام
و سار بو منصور الحجرة
بو منصور دخل الحجرة وما تكلم
ام منصور : السلام مب بفلوس
بو منصور : اسفين الشيخة ما شفتج
ام منصور : ابا فلوس
بو منصور : بسألج بسؤال
ام منصور بدون نفس : اسأل
بو منصور : انا ابا اعرف الفلوس وين تودينها ؟؟
ام منصور : يعني شو ؟؟
بو منصور : قبل أسبوعين عطيتج 2000 درهم وين وديتيهم ؟؟
ام منصور : هااااا ...
بو منصور : لو تصرفينهم على عيالج مب من حسافة
ام منصور : و انته ليش ما تصرف على عيالك ؟؟
بو منصور : انتي امهم
ام منصور : و انته ابوهم
بو منصور : عن اذنج
خذ بو منصور ظرف من الكبت و طلع من البيت
عليا: بسم الله الرحمن الرحيم ... علامه
شيخة : مب ابوج سيري سأليه
عليا: منصور و سلطان وين ؟؟
شيخة : ما عرف
عليا: شواخي انتي زعلانة مني ؟؟
شيخة :...........
عليا: شواااخي عاد
شيخة : خلي البرامج و المسلسلات ينفعونج
و سارت شيخة حجرتها و بدون ما تعطي عليا مجال علشان تتكلم

^**^ فـ المستشفى ^**^
و بعد مرور ثلاث ساعات و نص ..... طلع الدكتور من غرفة العمليات .... كلهم ركضوا و ساروا عند الدكتور
ام فيصل : ها دكتور
الدكتور بابتسامه : مبروووك العملية نجحت
و الكل فرح لنجاح عملية حميد ... و ام فيصل تمت تصيح و دموعها كانت دموع فرح
نورة : دكتور نقدر نشوفه ؟؟
الدكتور : الحين لا ... بس بعد ساعتين بننقله غرفة الملاحظة و تقدرون تشوفونه
ام فيصل : ساعتين وااايد
بدر : عموووه >>> يقصد ام فيصل <<< انتي سيري البيت ويا البنات و بعدين تعالوا
ام فيصل : لا عادي انا بتم انتو روحوا
فيصل : امايه صدقه بدر انتي سيري البيت ويا البنات
سعود : أحلام
أحلام : نعم
سعود : تعالي شويه
و سارت أحلام عند سعود و وقفوا بعيد شويه
سعود : ليش ويهج محمر جيه ؟؟
أحلام :...........
سعود : يا الله كل هذا صياح حب
أحلام : حميـ....
سعود و هو يقاطعها : انا سعود مب حميد
أحلام : انزين اعرف
سعود و هو يغمز ليها : ما عليه اذا ما خبرت حميد
أحلام : على شوووو ؟؟
سعود : بعدين هو بيخبرج
و سار سعود عنها
أحلام : لا حول الحين هذا شو بيقول لين حميد ؟؟ اوووف
.... و رجعت أحلام عند البنات

^**^ فـ بيت بو خليفة ^**^
ام خليفة : ميثة اتصلي لين خالد اخوج و شوفيه هو وين
ميثة : اووف كله انا خلي خليفة يتصل
ام خليفة : ميثوووه عن طول اللسان
ميثة : انزين خلاص بتصل
و سارت ميثة و اتصلت بخالد
ميثة : الوووو
خالد : هلا
ميثة: متى بتي البيت ؟؟
خالد : ليش ان شاء الله
ميثة : امي تبا تعرف
خالد : ما عرف
ميثة : تقريبا متى ؟؟
خالد : اقول
ميثة : قول
خالد : يلا بااااي و لا تتصلي مرة ثانيه لاني مشغول
ميثة : شو هالشغل اللي طلع مرة و حدة
خالد : جب يلا جب >>> وسكر
ام خليفة : ها متى بيرد ؟؟
ميثة : ما عرف !!
خليفة : كيف ما تعرفين بعد ؟؟
ميثة : قال ما يعرف متى بيرد و بعد قال ما اتصل فيه مرة ثانية
ام خليفة : خليفة فديتك اتصل فأخوك
خليفة : ان شاء الله
و اتصل خليفة لموبايل خالد و لقاه مغلق
خليفة : مغلق
ام خليفة : هذا الولد ما عرف طالع على منووو

><>< و بعد مرور اليوم ><><

^**^ فـ المستشفى ^**^

ام فيصل : ها فديتك شي يعورك ؟؟
حميد : ههههه امايه الحمد لله انا بخير
أحلام : دوووووم ان شاء الله
حميد صد على أحلام و ابتسم : وياج ان شاء الله
خلود و الريم : نحن هنا
سعود : ترى فيه عزوبيه
الكل: ههههههههههههههه
بدر و يحيى دخلوا الحجرة
بدر و يحيى : السلام عليكم

الكل : و عليكم السلام
يحيى : الحمد لله ع السلامة
حميد : الله يسلمك
بدر : سلامات يا الغالي ما تشوف شر
حميد : الشر ما ييك ان شاء الله

و مر الوقت عليهم بضحك و سوالف و مصخره

نهاية الجزء الواحد و العشــــرون
تتوقعون الصورة اللي شافتها الريم صورة منوو ؟؟ و خالد وين يسير ؟؟ و شو بيستوي و ياه ؟؟ و شو المصايب اللي بتستوي ؟؟ و تتوقعون أحلام بتعرف انه سعود اخوها هو اللي كان السبب فـ حادث حميد ؟؟ و اذا عرفت شو بتكون ردة فعلها ؟؟ كل هذا و اكثر بتعرفونه فالجزاء اليايه
توقعاتكم؟؟؟؟
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات أغنية عمري عمري - هدى حسين - مسلسل الملكة 2011	أنفآسِك أنـا	كلمات الاغاني	5	12-10-2011 12:39 AM
احترت في وصفها مرة احترت(جـديــــــــــد)	محروم.كوم	منتدى أخبار المواقع والمنتديات العربية والأجنبية	0	11-03-2011 09:10 PM
~~~ّّ_ الفرق بين تسوق الرجال وتسوق النساء _ّّ~~~	محروم.كوم	منتدى أخبار المواقع والمنتديات العربية والأجنبية	0	02-19-2010 04:30 PM
بحبك قد عمرى بعد عمرى حبى ليك فوق المشاعر والحدود.. اقوى نغمات الجوال واروعها..mp3	محروم.كوم	منتدى أخبار المواقع والمنتديات العربية والأجنبية	0	06-03-2009 05:20 PM
بحبك قد عمرى بعد عمرى حبى ليك فوق المشاعر والحدود.. اقوى نغمات الجوال واروعها..mp3	محروم.كوم	منتدى أخبار المواقع والمنتديات العربية والأجنبية	0	06-03-2009 03:20 PM