و الله ما كان الفرق اختياري و لا عمري اخترت الوصال و لقيته ^**^ كامله

! ĐįƠЯ ƒάṦђịǑη ! · 01-07-2012, 05:33 AM

الجزء الخامس

^**^ فالمطار^**^
كان بو منصور عند الجوازات و بو خليفة عند الشنط و الباقين فالمطعم

ميثة استئذنة وراحت الحمام وهي داخله شافت ريال
ميثة : انته ما تستحي ع ويهك تدخل حمام الحريم
...... 1: ههههه اختي انتي اللي غلطانة
ميثة : انا لا اختك و لاعندك خبر
........1 ميت من الضحك و صاد تحت : انزين طلعي برع و شوفي اذا هذا حمام الحريم ولا الرياييل
ميثة ما سوت سالفة و جان اتي تبا تدخل الحمام و لا ريال طالع
الريال انصدم من ميثة
.......1: هههههه قلت ليج انه ها حمام الرياييل بس ما صدقتيني
ميثة طلع بسرعة و هي طالعة جان يدخل هندي
الهندي : مدام انتي ما يشوف هذا حمام مال ريال
ميثة ما سوت سالفة
داخل الحمام
........2: شو السالفة منو هاي البنت ؟؟
...........1 : هههههه تحسب هذا حمام الحريم
........ 2: قولي السالفة كلها من دخلت لين طلعت
.........1: فالطيارة بقولك
.......2: يلا نسير عن تطير الطيارة و نبتلش
وطلعوا الريالين من الحمام و راحوا وركبوا الطيارة

^**^ فالمطعم ^**^
ميثة : شواخي لحقيني
شيخة : شو فيج ؟؟
بو منصور : عن السوالف و يلا نسير نركب الطيارة
المهم الكل راح و ركبوا الطيارة
كان خالد و سلطان عدال بعض و خليفة و حمد عدال بعض و حمدة وعلية عدال بعض و شيخة و ميثة عدال بعض و ام منصور و بو منصور عدال بعض و ام خليفة و بو خليفة عدال بعض و ام حمد و بو حمد عدال بعض
كانت علية تقول لين حمدة عن كل المسلسلات اللي تشوفها
و ميثة و شيخة يتكلمون عن البنات اللي نجحوا و اللي رسبوا و عن التخصصات اللي بيدخلوها
شيخة : ميثووه قولي شو السالفة
ميثة : أي سالفة ؟؟
شيخة : يوم كنا فالمطعم و قلتي لحقيني
ميثة مترددة تقول ولا لا : ...... الصراحة
شيخة : هيه ابي الصراحة
ميثة :........ يوم سرت الحمام ...
شيخة : كملي
ميثة : دخلت حمام الرياييل بالغلط
شيخة : صدق انج فضيحة
ميثة : خليني اكمل
شيخة : كملي بنشوف شو نهايتها
ميثة : جان اشوف واحد
شيخة : اووووف
ميثة : اتعرفين شو قال
شيخة : قولي شو قال
ميثة و هي تقلد صوته : اختي انتي اللي غلطانة
شيخة : و انتي شو رديتي
ميثة : انا لا اختك و لاعندك خبر
شيخة : صدق انج قويه
ميثة : هههههه تتحديني
شيخة : انزين كملي
ميثة : بعدين قال انزين طلعي برع و شوفي اذا هذا حمام الحريم ولا الرياييل
شيخة : بعدين شو ستوا
ميثة : انا غبيه
شيخة : زين يوم عرفتي
ميثة : بدال لا اطلع دخلت الحمام و يطلع واحد فويهي
شيخة : تستاهلي
ميثة : انزين بعدين يوم طلع دعمت هندي وتم يعيب علي
شيخة : انزين يا ميثة اليوم زلتي اسمنج بتنرقعي
ميثة : أي عاد سكتي لا تخوفيني
شيخة : لو حد من الاهل شاف الموقف اللي ستوا ليش شو بتكون ردة فعلج ؟؟
ميثة : بمووووووووت

شيخة : خيبه بتموتي مرة وحدة
ميثة : شواخي شوفي هناك ( و اشرت ع الكرسي اللي قدام قدامهم )
شيخة : شوووو
ميثة : تشوفي الريالين اللي يالسين ع الكرسي و يضحكون
شيخة : هي علامهم
ميثة : هم اللي لقيتهم فالحمام
شيخة : حلفي
ميثة : والله العظيم
شيخة : و الله انج فضيحة اتخيلي لو يطلعوا يعرفون واحد من اخوانا
ميثة : اخوانا بعدهم فالمدرسة ها شكلهم فالجامعة و لا الكلية
شيخة : انا اقول الله يستر
المهم بعد ما وصلوا مطار نيويورك
كان منصور باستقبالهم و بو خليفة كان موصي منصور انه ما ايب طاري عمه او بنت عمه جدامهم
وراح منصور وسلم عليهم ووداهم الفندق اللي كان حاجز ليهم
كانوا حاجزين سويتين واحد لين الرياييل و الثاني فيه البنات

^**^ عند البنات ^**^
ميثة : اووووف
ام خليفة : علامج
ميثة : ياخي ملل
حمدة : صدقج ملل خلونا نطلع
ام حمد : علامكم تونا واصلين خلونا نرتاح شويه
علية : هي و الله صدقكم ملل و ضيج

^**^ عند الرياييل ^**^
بو خليفة : منصور تعال اباك شويه
و طلع بو خليفة من السويت هو و منصور
بو خليفة : منصور وين جناح عمك عبد الله ؟؟
منصور و هو يبتسم : فالطابق *** رقم الجناح **
و دخل منصور داخل
بو حمد : عيل و ين عمك ( علي ) بو خليفة
منصور : ما عرف !!
بو حمد : كيف ما تعرف
منصور :............
خليفة : هو شو قال لك بالضبط
منصور :.... سألني شو اسم الشارع و المنطقة
بو حمد : اهاا
.................................................. .................................................. ..................... كان في واحد متردد اذا يدخل و لا لا و بعدين قرر انه يدخل
طق ...طق ...طق >>> يدق الباب
و راحت الريم و فتحت الباب و انصدمه يوم شافت الريال
........: السلام عليكم
الريم : و عليكم السلام
........: الريم ابوج موجود
الريم انصدمه كيف الريال يعرف اسمها و هي اول مرة تشوفه : ابوي
........: هي ابوج
الريم : هي موجود
........: قوليله اني بدخل
الريم : تفضل
و دخل ...... و يلس فالصالة
وراحت الريم و زقرة ابوها
و راح ابوها الصالة و ....... من شاف بو الريم جان يوقف
بو الريم ما عرف منو لانه ما يعرف حد
بو الريم : السلام عليكم
.......: و عليكم السلام
بو الريم تم يطالع....... بتعجب !!
.......: ما عرفتني
؟؟ و بعدين منو الريالين اللي ميثة شافتهم فالحمام ؟؟ بيكون ليهم دور ولا لا ؟؟و بعدين منو ع الباب ؟؟ و بو الريم شو بتكون ردة فعله يوم بيعرف انه الاهل فأمريكا ؟؟و هم بعد شو بتكون ردة فعلهم ؟؟؟

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات أغنية عمري عمري - هدى حسين - مسلسل الملكة 2011	أنفآسِك أنـا	كلمات الاغاني	5	12-10-2011 12:39 AM
احترت في وصفها مرة احترت(جـديــــــــــد)	محروم.كوم	منتدى أخبار المواقع والمنتديات العربية والأجنبية	0	11-03-2011 09:10 PM
~~~ّّ_ الفرق بين تسوق الرجال وتسوق النساء _ّّ~~~	محروم.كوم	منتدى أخبار المواقع والمنتديات العربية والأجنبية	0	02-19-2010 04:30 PM
بحبك قد عمرى بعد عمرى حبى ليك فوق المشاعر والحدود.. اقوى نغمات الجوال واروعها..mp3	محروم.كوم	منتدى أخبار المواقع والمنتديات العربية والأجنبية	0	06-03-2009 05:20 PM
بحبك قد عمرى بعد عمرى حبى ليك فوق المشاعر والحدود.. اقوى نغمات الجوال واروعها..mp3	محروم.كوم	منتدى أخبار المواقع والمنتديات العربية والأجنبية	0	06-03-2009 03:20 PM