محتار تستخدم أي اصدار من الفوتوشوب ..؟!! [تفضل هنا الحل ]

حَِـضِْرٍةٍّ القِاﮰـِد · #1 01-06-2012, 10:04 PM

بسم الله الرحمن الرحيم

السلام عليكم و رحمة الله و بركاته ... كيف الحال يا احلى أعضاء ..؟

اممم تبون مقدمات ...؟ ماله داعي ندخل بالموضوع بسسسسسرعة...

بحاول قد ما اقدر اني اوصل المعلومه بأختصار أول شيء

كلنا شفنا تصاميم ف ( الشوارع - قنوات - مواقع - منتديات - بلاك بيري - اي فون - وت ساب .. الخ )
و حبينا نصمم و احترنا نصمم بأي برنامج يا كثر البرامج الي تروم تصمم من وراها و يا كثر الاصدارت
طبعا كلن و طريقة فكره و تصميمه و مافي برنامج اصعب عن الثاني .. و اكثر المصممين اتجهوا للفوتوشوب و السبب انه يعطي الحريه بتصميم الي تبيه هو برنامج صح لآكن ما يصمم انت الي تصمم بالأصح تروم تغير 180 درجه في البكجر الي تبيه و بشكل الي تبيه و بدون تعب بس يبيلها شويت تفكير و كذا يعني

طيب الحين نحن نبي نصمم و نبي نشتغل على الفوتوشوب بس يا كثر الاصدارات الي في الفوتوشوب أختار اي اصدار؟
انا جربت كل اصدار في الفوتوشوب من عام 2004 و انا اصمم و اقولك لا تفكر بأي اصدار الا من اصدار 7 و وفوق
في البدايه قبل لا أكمل ... شو راح يكون طبيعة تصميمك ..؟
مصمم تواقيع - مصمم لوحات اعلانيه - مصمم دي بيات - مصمم خلفيات - مصمم لوحات ألكترونيه ...الخ

ممكن تستغربون من سؤوالي لآكن صدقوني هو الحل لأختيار شو هو الأصدار الأنسب لي و لتصميمي

اذا انت حاب تصمم تصاميم صغيره ما تتعدى ال 1000 بكسل
أنصحك في السابع ( أقدم اصدار )
لأنه قديم و خفيف و بنفس الوقت مريح لك و ماراح يسبب لك مشاكل ( خصوصا الي يستخدمون لابتوبات قديمه أو كمبيوترات قديمه )
اما اذا حاب تطور نفسك شوي و تصمم لبوسترات ألبومات أو اعلانات أو استايلات للمنتديات انصحك في السابع أو الثامن ( مافي اي اختلاف سبب نزول الثامن هو تحديث للفلاتر و اصلاح في الفلاتر الي كانت فيها مشاكل في الاصدار السابع )

اما اذا حاب تسوي اشياء اكبر من كذا انصحك في الاصدار التاسع لانه مهيأ و مصمم للأشياء الكبيره جداً و يستحمل اما الباقيين تروم تصمم فيهم اشياء كبيره لآكن راح يواجهك تعليق كبير في البرنامج

الأصدار الحادي عشر أو CSX
X= رقم الاصدار الي تبيه

انا الصراحه ماشفت اي اختلاف في الاصدارات الي استخدمتها CS2 and CS3 and CS4
اي اختلاف الا في اشياء مرررره بسيطه
لآكن الاصدار CS5 الي اقدر اسميه الأب الروحي لباقي الأصدارات فهو دمج كل الاصدارات في بطنه ههههههههه
و فيه خاصيه مررررره حلوه الي هي الـ 3D
و الصراحه انص بشده و بقوه و بكل شيء الي يحب الفن الفكتوري أو الفن الحديث أو التصاميم المبهره بهذا الأصدار لانه يعطيك كثير من المميزات الي تخليك تسوي الي بخاطرك و في مره صممت لوحه اعلاني لشركه كانت 6 امتار في 12 متر و الصراحه استحمل مع ان كنت متوقع انه راح يعلق علي و يشفر

طيب شو الأختلاف الي بين كل اصدار؟
الأختلاف كبير و بضرب لك بمثل الدرج السلم
راح تلاحظ أول خظه تخطيها هي انك ترفع رجلك لأعلى بمستوى صغير و تبقى كدا الين توصل لأخر السلم أو الدرج و تشوف نفسك انك ارتفعت عالي و انت ما بذلت مجهود
هذا هو تفكير شركة ADOBE انها توصل للقمه لاكن بتدرج
نزلت عددة اصدارات و عددة برامج و ملحقات لمساعدة الفوتوشوب
ممكن الحين شخص يختلف برأي و يقول ان الاصدار السابع الي هو القديم أفضل اصدار ليه ..؟
لآن الشركة ما نست الأصدار و عطة مستخدميه حقها قامت تنزل كل فتره شيء جديد لهم و حسسوهم ان ماله داعي ياخذون الادار الجديد لان مميزات الاصدار الجديد عندهم يلقونها بالتحديثات
فهذا الشيء يمنع انك تختار شو الاصدار المناسب
فعلشان كذا من بداية الموضوع قلت اختيارك للأصدار يكون على طبيعة تصميمك

اتمنى اني افدتكم لو بشيء بسيط و أي نقطه غلطة فيها أو تخطيت حدودي فيها اتمنى السموحه منكم
و اتمنى قبل اي شخص ياخذ براي أنه يبحث أكثر
انا مجرد شخص عادي
و بالاول و الأخير ترى الموضوع بأكمله مجهود شخصي و رأي الشخصي
اتمنى محد يزعل مني و ان تستفادون من طرحي

أخوكم
وليد الحمادي

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[طلب] : برنامج الفوتوشوب + الامج ريد اخر اصدار	محروم.كوم	منتدى أخبار المواقع والمنتديات العربية والأجنبية	0	12-31-2011 06:20 PM
كل ماتحتاجه لبرنامج الفوتوشوب هنا >>>>> تفضل	محروم.كوم	منتدى أخبار المواقع والمنتديات العربية والأجنبية	0	09-14-2010 08:10 PM
تبحث عن تصاميم مميزة لفيلتك و محتار _ تفضل بالدخول	محروم.كوم	منتدى أخبار المواقع والمنتديات العربية والأجنبية	0	08-05-2009 07:30 PM
تبحث عن تصاميم مميزة لفيلتك و محتار _ تفضل بالدخول	محروم.كوم	منتدى أخبار المواقع والمنتديات العربية والأجنبية	0	08-05-2009 07:20 PM
سارع بالتسجيل بدورة الفوتوشوب (تفضل هنا)	محروم.كوم	منتدى أخبار المواقع والمنتديات العربية والأجنبية	0	04-07-2009 07:10 AM