يا بدر جرف الشيح ما نيب ناسيه ...

محروم.كوم · #1 01-05-2012, 10:40 AM

بسم الله

صباحكم خيرااات وسعادة

جرف الشيح / متكى في وسط حرة عويرض كانت لي فيه ذكريات جميلة في السنين الخواااالي رغم وعورة المكان المحيط به ..

.

ــــــــــــــــــــــــــــــــــــــــــــ

يابدر جرف الشيح مانيب ناسيـه
............... وْلانيب ناسي ياابيض الوجه شيحه

لي خمسة اعوامٍ وانا اغيب واجيه
.................. كنّه عزيزٍ قطــــــعته مـا استبيحـه

لو شفت عيني يوم تطري لياليـه
.................. ودموعها من فوق خدي سفيحـه

كان قلت هذا لايع الشوق مضنيه
.................. دايم مع الذكرى ونفسه جريحـه

يابدر لو تدري شكثـر المشاريـه
.................. اللي تجيني في ثيـاب النصيحـه

ناسٍ تقول الصيد لاشـك ملهيـه
.................. وناسٍ تقول سواة خالـد فضيحـه

وانا استحي لاقالوا الناس لي ليه
.................. لو كانت اعذاري بكفـي صريحـه

احدٍ اعزّه واعتـذر لـه واداريـه
.................. واحدٍ اشوم الوجه عنّه واشيحـه

يابدر انا شفي بقطـع المهاميـه
.................. شف الهواوي بالبنـات المليحـه

والصيد يابن الناس مقدر اخلّيـه
.................. طبعي وطبع النفس منهو يزيحـه

أوّاه ياقفرٍ مـن النـاس خاليـه
.................. ماداجه الشاوي يفلّـي سريحـه

باقصى عويرض يوم احدّد محاريه
.................. غربي خشارم والرجوم المطيحـه

يسوقني يمّه من الشوق داعيـه
.................. كما يسوق الريش هبّـاب ريحـه

لو كان قفـرٍ هايـلاتٍ مضاميـه
.................. نفسي بوسطه يابـدر مستريحـه

اختار لـه نقـوة رجـالٍ منابيـه
.................. اهل الجماله كاسبيـن المديحـه

كم ليلةٍ جبنا الشبب يابـدر فيـه
.................. وعدنا وبالخرج الجفايـل ذبيحـه

من فوق جيبٍ لاسرى يقطع التيه
.................. كنّه شهاب الليل ما اسرع لميحه

من وارد الجي إكسْ لاخاب قانيـه
.................. سبعه وتسعيـــــــنٍ سنينـه صحيحـه

هو منوة اللي مايطالـن هقاويـه

.................. راع الدروب الشاسعات النزيحـه

اللي اليا دقّـتْ بقلبـه طواريـه
.................. تلّه متـل الطيـر عجْـــــــلٍ لفيحـه

وانا لمثله ياهل العِـرْف شاريـه
.................. ولايهون اهل الكفوف الشحيحـه
.
.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نسيج \| ائتلاف 14 فبراير \| { نُعلن عنْ التحاق الفتى السيد هاشم السيد سع	محروم.كوم	منتدى أخبار المواقع والمنتديات العربية والأجنبية	0	12-31-2011 10:10 PM
يزف للشعب البحريني خبر استشهاد البطل السعيد السيد هاشم السيد سعيد الس	محروم.كوم	منتدى أخبار المواقع والمنتديات العربية والأجنبية	0	12-31-2011 10:10 PM
نُعلن عنْ التحاق الفتى السيد هاشم السيد سعيد السيد عيسى من عاصمة الثور	محروم.كوم	منتدى أخبار المواقع والمنتديات العربية والأجنبية	0	12-31-2011 09:40 PM
نوكيا 7510 ناسيه رمز القفل	محروم.كوم	منتدى أخبار المواقع والمنتديات العربية والأجنبية	0	05-26-2010 03:00 AM
طلب تكفووون ابي اغنية راشد الماجد ماظنك ناسيه	محروم.كوم	منتدى أخبار المواقع والمنتديات العربية والأجنبية	0	04-11-2009 08:50 AM