قصة حقيقية لفتاة عربية ^.^

عطسة فار · #1 04-13-2009, 11:11 PM

السلام عليكم ورحمة الله وبركاتة

ومابعد السلام . . .

اخواني الاعزاء . هذة قصة حقيقة حصلت لفتاة عربية . قريت هالقصة من حوالي اربع او خمس سنين في منتدى.

ولين اليوم مب قادر انسى هالقصة . وحبيت احط لكم قصة هالفتاة . لأني إلى هاليوم وانا اقول سبحان الله ^^

يمكن إني نسيت اشياء بسيطة في القصة لاني صار لي فترة طويلة من قريتها . بس اتمنى إن المضمون يوصلكم .

القصــــــــة ..

هذي فتاة من اصل عربي .. وعلى حسب علمي . إنها من بلاد الشام . لكن ماعرف اي دولة فيهن ..

هذي الفتاة كانت تدرس وتعيش مع عائلتها في الخارج .. في دولة اجنبية طبعاً

في يوم من الايام .. كان يوم عيد ميلاد احد صديقات هذي البنت . وصديقتها عربية مثلها .

وكانت من احد المعازيم على حفلة عيد الميلاااد ..

فأضطرت البنت تروح حفلة عيد ميلاد صديقتها .. وكانت المنطقة الي لازم تروح لها بعيدة شوي . ولازم تركب القطار عشان توصل .

فالبنت راحت لوحدها في القطار . ووصلت لبيت صديقتها واحتفلوا في عيد ميلادها .. وطبعاً في هالمناسبات تنجبر في بعض الاحيان إنك تتأخر وتاخذك السوالف .

فـ تأخرت البنت شوي زيادة عن اللزوم . وكانوا اهلها نايمين ماقدرت تخبرهم انها بترجع في هالوقت بروحها .

عموماً وصلت البنت للمكان الي تركب فيه القطار . وكانت لازم تنتظر شوي لين يوصل القطار .

وكان المكان خالي مافيه حد . إلا شخصين . وهالشخصين كانوا ينظرون لها بنظرات غريبة ..

البنت خافت وكانت تمشي . وهم من بعد مسافة يمشون وراها .

كانت البنت تدعي ربها .. وتقرأ قرأن .. وفجأة توقفوا الي كانوا يلاحقونها ورجعوا ادراجهم ..

ووصل القطار والبنت ركبت القطار ورجعت البيت سالمة غانمة ..

فلما اصبح الصباح .. هالبنت راحت واخذت جريدة لتتصفحها ..

ومن بين المواضيع والاشياء الموجودة في الجريدة .

قرأت . التالي .. انة في الساعة الـ 11:30 ارتُكبت جريمة قتل واغتصاب فتاة في سكة الحديد التي كانت البنت فيها .

والي استغربت منه البنت . انة هالجريمة صارت من بعد ماغادرت سكة الحديد بـ خمس دقائق .

ومرتكبين الجريمة . هم نفس الاشخاص الي كانوا يلاحقونها في مكان القطار ثم رجعوا ادراجهم .

فـ راحت البنت لمركز الشرطة وطلبت إنها تشوف هالمجرمين ظروري .

استدعوا المجرمين .. فقعدت معاهم .. وقالت لهم . انتوا ارتكبتوا جريمة قتل واغتصاب بعد مارحت انا بخمس دقائق .

وكنتوا تلاحقوني قبلها ومن بعدها رجعتوا .. فـ شو الي خلاكم تتركوني وتروحون تسوون هالشي في شخص ثاني . مع إني كنت لوحدي ومافي الي يخليكم تخافون!!؟.

فقال لها احد المجرمين .. كيف كنتي تبينا نتجرأ ونتقرب منج . وإنتي على يمينج ويسارج حراس!!!؟
سبحاان الله .. البنت كانت لوحدها . بس المجرمين شافوا انه على يمينها ويسارها حراس ..

الله عز وجل . ارسل ملائكتة لكي يحمون هذه البنت .

سبحان الله وبحمدة . سبحان الله العظيم .
اتمنى إن الفكرة توصل لكم بالشكل الصحيح . والسموحة منكم جميعاً __DEFINE_LIKE_SHARE__

سماري كشوخي · 04-14-2009, 11:31 AM

سبحااااااااااان الله ..... مشكورة اختي ع القصة __DEFINE_LIKE_SHARE__

عطسة فار · 04-14-2009, 11:54 AM

شاكر لك مرورك الطيب اخوي سماري.

انا مش بنت ^^ __DEFINE_LIKE_SHARE__

الرهيب القطراوي · 04-14-2009, 01:03 PM

شكرا يااختييييييييييي عطسة فار على القصة الروعة وبارك الله فيج وتقبلي مروري,,,,,,,,,

& كلنا واحد * وخليجنا واحد &
__DEFINE_LIKE_SHARE__

عطسة فار · 04-14-2009, 01:46 PM

شاكر لك مرورك الرهيب

انااااااااااااااااا ولد مب ببببببببببببببببببنت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج من ايادي عربية و برمجة عربية لارسال الاف ال sms مجانا لاي هاتف و لاي دولة و هو	محروم.كوم	منتدى أخبار المواقع والمنتديات العربية والأجنبية	0	05-29-2009 05:50 PM
برنامج من ايادي عربية و برمجة عربية لارسال الاف ال sms مجانا لاي هاتف و لاي دولة و هو	محروم.كوم	منتدى أخبار المواقع والمنتديات العربية والأجنبية	0	05-29-2009 11:50 AM
شباب موضوع اليوم ان شاء الله [ اقوال - حكم وامثال عربية خليجية غربية ] شاركونا ^_^	محروم.كوم	منتدى أخبار المواقع والمنتديات العربية والأجنبية	0	05-03-2009 11:30 AM
قصه واقعيه لفتاة في الامتحان‏	مستر حبوب	قصص و روايات	7	01-15-2009 02:03 PM
قصة مأسوية لفتاة	راعي الفراري الاحمر	قصص و روايات	0	06-01-2008 02:01 AM