.ماااجور ..
ياللي من فرااقك تعلمت
ان الزمن يومين
طيب .. وو ..خيب
فاجأتني بمفارقك ماتولمت
كذا بدون اسباب عني تغيب
مامت من فرقاك
لكن!!
{تأألمت }
وشيبتبي ياصاحبي قبل اشيب
اضحك واسولف وان لحقني سهر نمت
لكن قسم بالله
ماني بـ طيب

////
///
//
/

شما حطت ريل ع ريل ويلست وتمت تتبسم لـ حصة بدون نفس لأنها تعرف حركاتها
نورة ترمسها : ودري عنج هالحركاات
شما : أي حركات كيفي يايه اسلم ع بنت خاالوه ولا عندج مانع حصييص ؟
حصة كانت مشغولة بالفون : لا ماعندي مانع
نورة : بسير أييبلكن عصير
حصة : بسير وياج
شما مسكت حصة : نويييير ادله الدرب ,, يلسي ويايه
طلعت نوووورة وهي سايرة صوب المطبخ

........ : نووووورة
نورة ألتفتت صوبه : هلا محمد
محمد : شحااالج ؟
نورة : بخيييير الحمدلله ,, شحاالك محمد ؟
محمد : بخير الحمدلله .. أممممممم مابطول علييج بس أباج فسالفة
نورة : آآآآآمر ولد العم
محمد أبتسم وتبشر بخيير : أمممممم أنا أبا أخطبج
نورة جنه حد صب عليها مااااااي باارد من الصدمة تمت فاجة حلجها ومب عارفه
محمد حرك إيده جدام ويها : هااااي
نورة : من صدقك ؟
محمد : هيييه من صدقي أنا خلااااص بدورلي وظييفة من بعد النتايج وأبا أخطب بس قبل لا نبلغهم بالخبر قلت أقوووولج ,, موافقة ؟
نورة : طبعاً لاأ
محمد : شوووووووووووو ؟
نورة : محمد انته ولد عمي وتهمني مصلحتك
محمد : بس أنا أشوف مصلحتيه ويااااج لأنج هنيه ( وأشر ع قلبه )
نورة ع اعتراف محمد لها ما أثر فيها : خلني أكمل ,, انا تهمني مصلحتك وهالمصلحه مب وياايه ,, وحتى لو خطبتني وعرسنا بتكون حياة فاشلة من أولهاا ,, محمد أنسااااني ,, لاتاخذ ع كلمة حيرووني لك لأنه هذا كلام العياايز والاهل ومامنه فايدة ,, شوووف مصلحتك بس مب وياايه ,, دوّر ع نصيييبك بس مستحيل تلقاه عندي ,, حياتك ما بترتبط ويا حياااتي ,,
محمد يحاول يدور عذر يبرر يخلييه ماينصدم من كلامها : أووووكي انا مقدّر هالكلام وادري انه قصدج عشاااان تكملين دراستج ,, صح ؟
نورة ضحكت بإستهبال : ههههه لا محمد مب عشان جذيييه ,, أمممممم انا ما أشوووفك ألا اخويه وبس ,, مستحيل أعييش وياااك ,, مستحيل تستوي بينا عشره وأنا أشووووفك أخووويه
محمد ع صدمته مابغى يخلي السالفة تمشي دون مايعرف : ممكن اعرف السبب ؟
نورة : طبعاً لأنه من حقّك
محمد : شووووو هوووو ؟
نورة : أحب غيييرك
محمد غمّض عيوونه ورفعهن فوووق بدون مايحسب حسااب للشمس ألي صاقعه ع عيوونه
نورة : حيااااتي ويا غيييييرك ,, عشرتي وياك مستحيييييله
محمد : اهاااااا ,, هذا هوه السبب
نورة : هييييييه
محمد لف عنها وكان ساير صوب الميلس بس فجأة وقّف : ليييييييش ,,؟ شوفيني أناا ؟؟ شولاقيه فألي حبيتيه ,, شوفيه زوووود عني ..؟ شوحصلتي عنده ,, ؟
نورة : يحبني وأحبه
محمد : جذاااااااااابه ( وفنفس الوقت نورة أستغربت ) جذااااابه يا نووورة أنتي تحكمييين ع الشكل والمظهر وبس
نورة : لا والله أنا ماــ
محمد ماخلاها تكمل : بس ,, خلاااااااص نوووورة ,, عطيتج حبي حرقتيييه ,, عطيتج قلبي قطعتيييه ورديتيه لي خايب من الرجاا ,, ( رفع إيديه صوب صدره وتنهد ) عمري ماتوقعتج بالحقااارة هذي ,, قوووووووليلي من الأول ,, خبريني بأنج حبيتي غيييييري
نورة : أنا ماكفرت عشان تقولي هالكلام
محمد لا إرادي صفعها : برووووودج يذبح الواحد ,, طافاتج تقهرني ,, وفوووق هذا كله كلاامج جااف ويايه ,, أنا مروووووح ,, بس أبا أقوووولج شيء واحد قبل لا أسير
نورة رفعت راسها صووبه تبا تعرف شو يبا
محمد : خذي قلبي ألي قطعتيييه ورديه لي مثل ماكان ,, مابقدر اعييييش وأنتي لاعبه فقلبي ومقطعتنه نتفه نتفه ( وسااااار عنها ) ركب سيارته وشخطبها وروح

ربعت نوورة فوق ولحقتها حصة ,, ع الساعة 6 المغرب روحت أمون ويا حمدان لأنه كانت تبا تسحب أوراقها من الصيفي بما انه شما مابداوم
رقت شما فووق ودقت الباب وفتحتلها حصة وحصلت نورة يالس ع الشبريه ومتوترة
شما : شفيييكن ؟؟
حصة : ( قالتلها عن أعتراف محمد والحوار ألي دار من بينهم وشو صاااار )
شما شهقت ,, يلست ع طرف الشبريه وخلت ظهرها صوب نورة حطت كوعها ع ريولها وراسها من بين إيدييييهااا بعد نص ساعة سمعن شهقااات من ,, من شماااا ,, تقربت منها نورة وحطت إيدها ع جتف شما بس شما أخرت عنها ووقفت
شما : حرااااااام علييييييج ,, وكل هالبروووووود يطلع منج ,, خلينا نبينله السالفة شوي شوي مب جذا تصدمييينه
نورة : بس أنا بغيييييت أقوووول ( وقاطعتها شما )
شما : شو تقووولين ,.,,.؟ فضحتي نفسج بنفسج ,,
حصة : شماا عاد ماصارت أشتطيتي ع البنت جذا ,, شو سوت يعني ألا أعترفت أنها ماتحبه وبس
شما : أنتي بالذاااااات جب ,, عمريه ماشفت اوقح عنج
نورة : بس حصة مالها خص ,, وماصاار شيء ,, ألي قلته أني أحب غيره
شما بأستهبال : ومنهو ألي تحبينه ؟؟
نورة : نصوووووور
شما : صراصير ينتفن ينبج تنتيييييف أنتي وهالخااااايس
حصة : وييييييع عاد هاي الفاااااظ
شما : خلينا الالفاااااااظ لج ,, من بين أحبك وغنااااااتي ,, ( صدت صوب نورة ) والله يانوووورة بيي يوووم ونصوورج هذا بيردلج قلبج منتف مثل مارديتيه لـ محمد ,, غلطت محمد أنه عطا قلبه لوحده عديييمه أحساااس نفسج ,, لوحده عاااطيه قلبهاااا لواحد جذاااااب ,, وتفكّر أنها خذت قلبه وهي أصلاً ماخذته ولا بتااخذه ( وتقرب من نوووورة ) تعرفيييين لييش ؟؟ لأنه ألي يشلع القلب من مكانه بالغصب مب معناته أمتلكتييه وفهمج كفااااايه
نورة : أنا ماشلعت قلب نااااصر
شما : ههههههه صح ,, ماشلعتيه والدلييييل أنج ماخذتييييه أمره ولا يالسه بتاخذيينه ,, بسج خلاااص ,, يكفي أنه محمد عطاااج قلب وماصنتييييه ,, مستحييل أييج واحد مثله ويعطيييج قلبه ببروود ويقولج لعبي فيه ع كيييييفج
نورة أذكرت يوم قالها محمد : خذي قلبي ألي قطعتيييه ورديه لي مثل ماكان
حصة : البنت ماتحبه ,, مب غصب مافيه شيء غصب فالدنيا هذي
شما من عصبيتها صفعت حصة بظهر كفها لأنه حصة كانت ورا شما ( ووايد عورت حصة ) لأنه شما أطراف صبوعها من البدايه مبين عظماتها لأنها كانت راصه ع إيدها

شما طالعت نورة بنظرة حقد : عمري ماكرهت أنساان كثر ماكرهتج ,, وعمري ما احتقرتج كثر ما أحتقرتج اليووووم
( وظهرت عنهن شما )

حمدان : آلووووو
شما توترت يوم سمعت حمدان : آلووو , هلا حمداان
حمدان : هلااااا شما ,, شحآلج ؟؟
شما : بخير الحمدلله شحآلك ؟
حمدان : تماام ,, أكيد داقه عشان امون ,,
شما : لا مب عشان أموون ,, عشآنك
حمدان تشقق : هلاا شما آمري ,, عيوني لج
شما : مآيآمر عليك عدوو ,, أممممممم ما أدري شو أقووولك بس أتصل ع محمد شوفه وييينه
حمدان : شو تبيبه محمد ؟
شما : هاا لا ماشيء بس أتصل عليه ومايرد
حمدان بأستهبآل : ليش شو مستوي ؟
شما : لا سلامتك مامستوي شيء بس ( فخاطرها : ياربي شو أقووله ) هييه عمووه أم محمد داقه وقالت لين ألحين ما رد بيتهم
حمدان : ماعلييه بشووفه
شما : تسلم برايك عيل
حمدان : عنبووووه بس قلتي الي عندج وبتسكرين
شما : لا انا بتريآآك ترد علييييه ,, بس سر دور محمد
حمدان : اووكي براايج بدقلج يوم بحصله
شما : اممممم دقلي ع رقم أمايه لانه اخااف حد يسمع هالفون يدق
حمدان : تآآمرين امر
شما أبتسمت : مشكوور حمدان بتعبك شويه ,, الله يحفظك
وسكرت عنه

حمدان : إيييييييه المرغووووده بلاااااج ع السيارة ,,؟
البنت : ههههههه بالغلط واللهي ,,

حمدان : انزين ذلفي عن ويهي
البنت : مش حتديني رقمك نفرفش مع بعضنا
حمدان : لا مايحتآي ,, خس الله هالويه لج ,, مب منج من الي مخلنج تشقحيييين نصأص الليووول فالمبزرة

وسار صوب محمد حصله يالس روووحه وضايقه فيه الدنيا تقرب منه وحط إيده ع جتفه , محمد ع طول رفع راسه
محمد : حمداااااان ..؟
حمدان : شو تسوي روحك هنييه ,؟
محمد تنهد بصوت مسمووع : آآآآآآآآآآآآآآآآآآآآآآآآآآآآآآآآآآآآآآآه ضاااايقة فيني الدنياا يا حمدان ,, انته شو يايبنك هنيه
حمدان : فيه نااس متروعين علييييك
محمد بلهفة : منهووووو ؟ نووووورة ؟
حمدان هز راسه بأسف حس انه بيحطمه لو ماقال أسمها : لا
محمد رد أييلس مثل ماكان
حمدان : ماتبا تعرف منهو ؟
محمد : مب مهم ,, مداام هيه ماتخبرت عني ,, مايهمني حد
حمدان : شماا يا محمد ,, هيه ألي تخبرت عنك
محمد مستغرب : شماااا !!
حمدان : هييه شما ,, ولين ألحين مارقدت تبا تطمن علييك ,,
محمد : يزاها الله خييير ,, ليتها عطت نوورة شوي من طيبتها
حمدان : أتصل لشما ترمسها
محمد : لا خلها يمكن راقده
حمدان : لا مب راقده هي روحها قالتلي أدقلها ع تيلفون عمووه عشان تطمن علييك
محمد هز راسه جنه يقوله دق : ألا أنته كيف عرفت عن مكاني ؟
حمدان : هههههه عاد أنته تدري أنه العين ماشاءالله مافيها بحر تعق هموومك فيها ,, بس ع الأقل شيء المبزرة هههههههههههههه
محمد : ههههههههههههههههههههه
حمدان : وأمممممممممممم ع فكره حموود تراني سمعت كل شيء داار بينك وبين نورة ,,
محمد : أحسن وفرت عليه مافيه أقوولك السآلفه ههههههههه ,, شو رآيك
حمدان : خلنآ ندق لـ شمييم لأنه صدق بتجتلني ألحيييين ههههه ,, شوف السااعه 5 الفير

////
///
//

البآآرت { 9}


إنـهدّحيڷي مـטּ عذآب (إنٺظآرڪ)
ﯜأخفيٺ جرحي مآبي آڷنآڛ /يدرﯜטּ•• !


أرمي" ڛڷـآحي"ﯜأعٺرف بـإنٺصآرڪ
بڪيٺ ﯜأنآ أضحڪ :عڷى آڷڷي يحبـﯜטּ••!!



////
///
//
/



حمدان : وأمممممممممممم ع فكره حموود تراني سمعت كل شيء داار بينك وبين نورة ,,
محمد : أحسن وفرت عليه مافيه أقوولك السآلفه ههههههههه ,, شو رآيك
حمدان : خلنآ ندق لـ شمييم لأنه صدق بتجتلني ألحيييين ههههه ,, شوف السااعه 5 الفير
دقلهآ حمدان ع فون أمها وع طول ردت
حمدان يرمس محمد : ههههه ماصدقت أنه دق
محمد أبتسم
حمدان : ألوووو ,, هلا شمييم
شما : هلا حمدان ,, ها بشر لقيته
حمدان : لقيييته لقييييته وبسرعه هويييييته ,, يا حلوه فديته بس ما أدل بيته ,, بس ما أدل بيته
شما : يوووووه يا حمدان ,, عطني أيااه
حمدان : هههههههههههههه أفا ألحين أستغنيتو عن خدمات الشيخ حمدان
شما : أوووووووف يا حمدان يلا عطني أياااه
حمدان : ههههههههههههه ( ويرمس محمد ) عصبت
محمد خذ الفون عن حمدان : هلاا هلا شمووه شحآلج ,,؟
شما : دب ,, خآآآآآيس ,, جذييه تسوي فيه وتسهرني لين هالوقت ,, وأنته تدري يوم الاحد يبدأ دوآمي
محمد : أعذريني شمووه والله من ضيجتيه ,, شو بداومين صيفي ,,؟
شما : لا مابعذرك ألا إذا وعدتني أنك ماتعيدها

محمد : وعد ما أعيدها ولو عدتها انتي اول وحده بتدرين عني وين أنا
شما : تسلم ,,
محمد : شو بداومين صيفي ,,؟
شما تتنهد : آآآآآآآآآه ,, لا والله كنت بداوم عسب ادرب ع السيبا بس أبوويه خلاني اداوم فشركه ,,
محمد : شووووو ؟؟ شو السالفة
قالتله شما عن أبوها يوم دورلها وظيفة ويوم تقآعد وغصبها ع أنها تداوم ,,
محمد : وكيييييف عمي يسوي جذا ..؟ شموه أرمسه حقج ,,
شما : لا دخييلك فكنا من هالمشآآكل إذا هالشيء بيريحه هوه وأمايه وأخواني بسويه ,
محمد : ولييييش مايوظف نورة ,, مع أنه نورة الأكبر وإذا ع الواسطه ,, تراه ع نورة أسهل
شما : أممممممم ما أدري والله ,, تروعت أسأل يلمني بطرااااق
,, تمت وياه خمس دقاايق وسكرت عنه )

, توها حاطه راسها ع المخده ألا والباب يدق
شما : اللهم طولج يآ رووح هذي يدوه مستحيل تخلي الواحد يرقد ( سوتلها طااف وأنخشت تحت لحآفهآآ )
وتمت اليده أدق وشما خلاص مب متحلمة الدق هالكثر لأنها صدق طفرت حتى لو تبآ ترقد مابتروم علت صوتها : منهووووووووووووووووووووووو ؟
اليده : يعله صرصووووور فحلجج يالهرمه
شما : أفففففففف ياربي ,, وسارت تفتح
اليده : فجييييتي ؟
شما : لا بطبج جان تبين
اليده : قووومي صلي
شما : صليييت يدوووه ,, بتخبرج يدوه دقيتي ع نورة تنش تصلي
اليده : هاااا ,, لا ,, برايها نورة ترقد ,, أكييد صلّت أمبوونها سنعه ماتخلي فرضها
شما مطت يدتها ووقفتها جداام حجرة نورة : دقي
اليده : قلتلج بيكون صلت
شما : يدوه دقي لو صلّت بتفتح البااب بسرعه
اليده : أنتي شعنه ماتحبين نوووورة ,,.؟ امره ما ادانينهاا
شما : أناااا !!؟ يدوه انتي ألي ماتحبيني
اليده : قووومي عني بنزل تحت أناا (نزلت وشما تمت واقفه مكانها جدام حجرة نورة )
شما : أففففففف إن كيدكن عظيم ,, مقوى العياايز انزين ,, ههههههه أستغفرالله ( وسارت ترقد )




بعد 3 أياام ( الأثنين )
طبعاً شموه قأأمت أدااوم فالشركة وهي مب عاارفه شيء أمره غير اليلسه ع المكتب وحاطينها فقسم مآل الحريم بس اللهم المراجعين ريآييل ولا الباقي كله حريم ,, اداوم من الساعه 8 يلين 2 الظهر ,, ع السااعه 12 فالمكتب
روضه : شمااااا شو الشغل ,, زين ,,.؟
شما : أمممممممم هذا اليوم ثاني يوم لي يعني بعدني ما اعرف شيء غير اليلسه فالكرسي هذا
روضه : ههههههههههههههههههههههه شوفي أنا بعطيج معااملة وبخليج تكملينها عني
شما توترت : لا رويييض ,, شسمه لا ما أعرف
روضه : كلنا كنا جذيه بس بعدين تعودنا ,, أنتي كم عمرج .؟
شما أمره صخت وماعرفت شو تقول
روضه : أحم ,, ( تقربت من مكتب شما ) أنسير صوب الكفتيريا شوي نرمس
شما أرتاحت أكثر : أووووكي
وتمن يمشن لين وصلن الكافتيريا وشموه أول مره تدخلها لانها يوم الاحد تمت بس يالسه ومب عارفه شو تسوي
روضه : شفتج متوترة من سؤالي مسااعه , شو صااير ,,؟
شما : أحم ,, لا ماصاير شيء بس أنا مشتغله بالواسطه
روضه عقدت حياتها : ههههههه فديتج والله هذا ألي مروعنج ,, حبيبتي كل شيء بالواسطه ألحيييين يعني ردت عليج أنتي
شما : ههه لا بس أنا عمريه 17 سنة
روضه شهقت بصوت عآلي حتى الي فالكافتيريا سمعوها : شوووووو ؟
شما : ههههههههههههه شوفي أبويه مدورلي هالوظيفة لأنه تقآعد وما يكفي معآش التقاعد لأخوآني ووظفني أناا
روضه : كم عمر ابووج ,,؟
شما : أمممم تقدرين تقولين 39 أو 40
روضه : مب جنه بعده ع التقاعد ,,؟
شما هزت راسها بـ هيه : بس بالواسطه بعد خلووووه يتقاعد وياخذ معاش التقاعد
روضه : اهاااا ماشاءالله واسطة أبوج قويه ,,
شما : ههههههههههههههه حتى أنا روحي أستغربت ,
( تمن ربع ساعه زياده وردن مكتبهن ,,


صوب نورة الي مخلينهآ فالبيت روحهآ ويآ هزااع
هزاع : ماما
نورة : أوووووهووو هزاع خلااص والله طفرت منك
هزاع : إيييينه ماما ( وين ماما )؟
نورة : أممممم ما ادري ,, سارت عند الشيبه
هزاع : إيبه ,؟ ( شيبه )؟
نورة : هيه شيبه لحيته لين هنيه ( وأشرت ع صدرهآ )
هزاع : دقه ماما ,, أدين ماما آتي ( بيدق ماما ,, بعدين ماما مابتي )
نورة : ههههه مافهمت ألا ماما

دخلت عليها أمون وياها منصور : السلام عليكم
نورة : وعليكم السلام
أمون توايهت ويآ نورة : أزيييك يا اخجي ؟ عامله إيييه
نورة : تماام الحمدلله يا وليه ,, أنتي عامله إييه
منصور : إيييه حريم الحج متولي بس صخن
أمون ونورة تمن يطآلعن بعض
منصور : شحآلج نورة ؟
نورة : تماام الحمدلله ,, ازيييك يا رآقل ؟
منصور : إييييييييهييي من حجي المصآروة ,, أممممممم وين شمييم ؟
نورة : أول مره تقولها شمييم العاده أدلعها وأتقول شماني
منصور : زعلان منها ,, ماتخبر عني امر
نورة : صدق أنها ماتستحي جانها ماتخبر عن خطيبهاا
أمون يلست عدال هزاع : شوووفيه الحلو مآغط البووز
نورة : يبا امايه ,
أمون : تعال بنلعب أنا ويااك لعبة الشيبه
هزاع تم يصيح : إيييييــبه أقم ( شيبه سقم )
أمون : وت ؟؟ ابا مترجم ؟
نورة : توني أقووله انه امايه سارت عند الشيبه ,, هههههههههههه
أمون : هن وين ناهياات حتى امايه مب هناك ولا أبويه
نورة : ما ادري فيه شيبه متوفي يوين وناهيات العزآآ



ع السآعه 2 وربع وصلت شما من الشركه وكان يايبنها دريول بوحمدان ,, دخلت وحصلتهم كلهم هنآك ( حمدان ، احمد ، نورة ، منصور ، عمور ، هزاع ، أموون ) >> ام أحمد قالت لـ حمدان وأخوانه يسيرون يتغدون هنااك لانهن بيبطن شويه ,, اونه فيه حرمة فالعزآ إغمى عليهاا ولازم يوجبن مدامهن نآهيات من قبل
شما : السلام عليكم
الكل ماعدا منصور : وعليكم السلام
شما ع طول كاانت بترقى الدري بس فجأة وقفت يوم سمعت حد يقولهآ
منصور : حتى مالاحظتي عليه رديت عليج السلام ولالا ,, أمره عقيتي سلامج وخطفتي حجرتج
الكل مستغرب يعني يعرفون أنه يحبها بس مب لهدرجه يعني .. ويصرخ علييها
شما ألتفتت له بس بدون ماترمس وماعرفت شو ترد عليه و ع أسلوبه وصرآخه
منصور سار ووقف جدامها : شفيييييييييج بحلقتي عيونج عليه جذا
شما بصوت أهدئ من صوت منصور بواايد : انته الي شوفيك تصرخ عليه ؟!
حمدان : خلج منه ماعنده سالفه كل يوم وقالنآ زعلان من شما وزعلان منهاا ( تقرب من منصور وصآصره بالخفيف ) ع فكره مابتكون لك
منصور : وأنته شو يخصك
حمدان صفع منصور طرااق : تعلم السنع وأفهم كيف ترد عليها انزيين
أحمد : حمداااان شيااااك عليييه ,, ماقال شيء وبعدين هوه مارمسك يعني مآلك حق تصفعه
حمدان : حاشرنا حشره ,, وآيد حااط أمل فاختك ,
شما سارت صوب منصور وودته حجرة يدتها : شفيك ؟
منصور : ما أعرف ,,
شما بدلع : اهون عليك اتصرخ عليه جذا جداامهم ,, وتخليني طماشه لهم
منصور : لا ,, آسف شماني والله آسف ,,
شما : هههههههههههههه أسمع منصور لاتاخذ ع كلام حمدان يوم يقول مابتكون لك ,, أنا إذا ماكنت لك مابكون لغيرك ,, اوووكي ,, وإذا ماطاعو بنشرد أنا وياك وبنحطهم جدام الامر الواقع ,, يو نو ؟؟
منصور أرتاح شويه : اووكي


ظهرت عنه شما وهي تدري بانه كل ألي تسويه مجرد سياسه لـ منصور عسب مايزعل ,, لكن ماتعني ولا شيء من كلامهاا ><" ,, سارت حجرتها خذتلهآ شوور ونزلت عندهم

حمدان : شمييم شو الشغل ويااج
شما : زيين ألا يومين بعدني ما تأقلمت
أمون ترمس شما : يآآخي انا أمل روحي فالبيت ما أعرف شو أسوي ,,
نورة : انزين من تنشين تعاالي عندي
شما : هييه تعالي عندها حتى نويير ماعندها شغله

وسمعو هرن سيارة برآ
نورة : أمممم هااي حصييص بنت خآلوه

شما : عشتووو ولازم يسون هرنآت لـ بنت الباشاا
نورة : شمييييم عااااد
شما : أوووووووووووه شمييم عاد ولا لووط مب فآيجتلج أنتي وبنت خآلوتج
نورة : شفييييج عليهآ أنتي ..؟ شو مسويتلج
شما : مانازلتلي من زووور
دخلت عليهم وملطخه ويهها كله ميك أب ,, وعاد أحمد من يشوووف الميك أب يعصب ,, حتى خواته لو يحطن جحال ملون نآزعهن
حصة : السلام عليكم ,,
الكل : وعليكم السلام
وأحمد ع طول نش لأنه مآيحب يشوووف هالأشكااال
تقربت عند البنات ووايهتهن : شحآآلكن بنوتاات ؟
نورة & شما & أمون : تماااام

ويلسن يسولفن ربآعه و ع الساعه 7ونص المغرب

كان حمدان وأحمد فحجرة أحمد
حمدان : هاا أحمد وين تبا عقب ماتطلع النتيجه ؟؟
أحمد أنسدح ع الشبريه : خل النتيجه تطلع قبل وخلاف يصير خيير ,,
حمدان : لو النتيجه حلووه لك مني سيرة صوب البر ودبي ع حسابي
أحمد : يالخام ليش ماتقولي من قبل عشان أشد حيلي ,,
حمدان : ههههههه يعني ماشديت حيلك
أحمد : لا أنا شديت بس ما أدري ,, أن شاءالله خير
حمدان : ان شاءالله ,, يلا انا أترخص عيل
أحمد : وييييييين ؟
حمدان : بسير صوب الربع ,, بتي ويايه
أحمد : كلهم يعآرى شو أبا فيهم
حمدان فره بالمخده : يعارى فعينك ,, بعدنا صغار نحن ,,
أحمد : ههههههههه انجلع عيل ههههههه


ظهر حمدان من الحجرة وسمع نورة وحصة يالسات يرمسن فالصاله الفوقيه

حصه : اقووولج هذا السي دي فيه كل المحادثات ألي قلناها انا وحبيبي عبووود ,, مافيه أقوولج الكلااام من أول ويديد
نورة مسكت السي دي : هيييه زين يوم يبتيه عشاان أقرا قصة حقيقيه عن قيس وليلى
حصه تساندت ع الكرسي : فديييييييييييييييييييييييييييته
وحمدان ألي كان يتسمع عليهن لأنه من ظهر من حجرة أحمد سيده انخش فالممر وعدال حجرة نورة بس عشان يسمعهن وهن يسولفن من الصاله لأنه لو وقف ع طرف حجرة شما مابيشوفنه بس الي بيرقى من الدري بيشوفه عسب جذيه وقف عدال حجرة نورة
نورة : انزيييييين متى آخر مره شفتيه ؟
حصة : يوم السبت ,, يالله كان لابس كآآب حمرآآ ,, والله أنه عذاااااااااااااااااااااب
صوب حمدان ألي يتحضى : تعذبتي فنآر جهنم يالخاااايسه إذا ماربيتج وحطييت رااسج تحت تآير السيآرة وفقسته ما أطلع حمدان
سمعن أم حصة تزقر ع حصة عشان تروح
حصة : يلا أنا بسييير لا ترآآوين حد السي دي خصوصأ الساااحرة شموووووه
نورة : جب لا تقولين عنها جذا ,( حطت نورة السي دي تحت المخده ونزلت تودع حصة )



كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت ..


////
///
//
/

البآآرت { 10}


يطعنڪ شخصٍ مآٺـﯜقعٺ يطعنڪ••
ﯜيڛعفڪ شخصٍ مآطرى ڷڪ عڷـﮯ بـآڷ••!


////
///
//
/


نورة : انزيييييين متى آخر مره شفتيه ؟
حصة : يوم السبت ,, يالله كان لابس كآآب حمرآآ ,, والله أنه عذاااااااااااااااااااااب
صوب حمدان ألي يتحضى : تعذبتي فنآر جهنم يالخاااايسه إذا ماربيتج وحطييت رااسج تحت تآير السيآرة وفقسته ما أطلع حمدان
سمعن أم حصة تزقر ع حصة عشان تروح
حصة : يلا أنا بسييير لا ترآآوين حد السي دي خصوصأ الساااحرة شموووووه
نورة : جب لا تقولين عنها جذا ,( حطت نورة السي دي تحت المخده ونزلت تودع حصة )


حمدان أستغل الفرصة وسآآر صووب المخده ورفعها وخذ السي دي وحطه فمخبااه يوم سمع صوت نورة ماعرف وين يسير وكان حجرة شما أقربله دخل دااخل وسكر البااب , أما نورة سيده سارت صوب حجرتهاا لأنه نآصر كان يدقلها من متى وهي ماردت لأنها كانت برآ ويا خآلتها وحصه ,,

أما حمدان ألي أول مادخل شااف عطورات شما وسيده سار صوب التوآليت ومن لقآفته يلس يبطل الأدرااج شآف دفتر لونه بني وعليه دبدووب حلو وكشخه طآآلع أول ما أفتحه سمع صوت الباب ينفتح وسيده حطه ورآ ظهره

شما : حمدان شو تسوي هنيه ؟؟
حمدان : ها لا ماشيء بس ( وفخاطره شو أقووولها هذي ) كنت يالس أطالع ديكور حجرتج إذا غيرتيه وأشوفج إذا مبهدله ولا مرتبه
شما : هيييه ,, ( وطالعت ألي فإييد حمدان وسيده تروعت خافت أنه يشووف ألي فالدفتر سيده سارت صوبه ومطت الدفتر ) وأنته ليش تتليقف وتاخذ الدفتر ؟
حمدان :لا بس جذبني شكله ,, وابا أشوف شوفيه
شما : لا مايحتاي ,, يعني شو بيكون فييه بالله عليييك ,, اظهر عن حد يشووفك هنييه ,, وعاد أنته تعرف أبويه
حمدان قرب رآسه صوب اذنها : حااااضريين للحلويين
شما مااااتت من القفطه ماعرفت شو ترد عليه اول ماظهر قفلت البااب وعقت بعمرها ع الشبريه وهي شاله الدفتر .. آآآىه يآربي فدييييته ,, شو فديته بعد أنا وويهي مآلقييت ألا حمدان ,, ليش أجذب ع عمري أنا من 3 سنيين أحبه ,, أوووه مب حب هذا كنت يآآهل ,, صدق أني هبله ,, شو ابا فـ حمداان ,, بس , , ياااربي ما أعرف شووووو ؟!


ع السااعه 9 ونص حطولهم العشا وتعشو و بو حمدان وعياله وحرمته ردو بيتهم بس أمون ماطاعت ترد قالت بتسهر ويا نوورة بما أنه شما عندها دوام باجر ,, شما ع طول سارت تبدل عسب تسير ترقد أما نورة وأمون يالسات فحجرة نورة و ع السااعه 2 أتذكرت نورة السي دي ,, ظربتها لقآفه تبا تشوووفه بس ماتقدر لانه أمون عندها ,, ولا تقدر تيبه وتخشه لأنها تدري بلقآفه أمون لازم تعرف شو فالسي دي فقالت تخليه مكاانه أحسن لين ماتروح أمون بالبااجر عنهم ,,


أمون : نوييييير نسير نطاالع فلم
نورة : خلينا بنطلعه من النت وبنشووفه هنيييه
أمون : أحمد و عمووور يرقدون الحيين
نورة : لا أحمد وعموور دوم عيال ييرانهم يسهرون عندنا فالميلس يلعبوون
أمون : ياااخي ملينااا
نورة : هههههههههههههههه هذي حاالتيه تراه يوم أتم رووحي >> طبعاً تجذب لأنهاا ترمس ناصر فالوقت هذا
أمون : شميييم متى تداوم ؟
نورة : الساعه 8 ألا ربع تطلع من البييت ,, أنتي ليش سحبتي أورااقج عن الصيفي !؟ أحسلج من هالملل
أمون : أمبوني بسير ويا شمووه بس تراها سارت تداوم هييه
نورة : ولازم يعني كل وحده تمشي ورا الثاانيه ,, ياخي بتييكن الجامعه بتتفرقن خلاف
أمون : الله لا قاله ,, تعرفيين أنا وشمووه حتى فالمدرسه مانخووز عن بعض أنا يوم تي حصة فراغ ما أعرف أيلس ولا وين أسيير أصلاً أنا وياها ماعندنا حتى ربع لأنه مانسمح حد أيي وأيلس ويانا
نورة : معقووووله يعني ماعندكن ربيعاات فالمدرسه
أمون : لا بس بنات الصف حتى نادر مانسوولف وياهن ولا يسالنا عن أشيااء بسييطه لكن أنا وشموووه غييير دومنا ألا لاصقيين فبعض مانخلي حد يوقف من بينا ولا يمشي من بيناا ,, بنات المدرسه كلها فطرف وأنا وشمييم فطرف

نورة : ههههههههههههههههههههههههههه الله يخليكن لبعض
أمون : آآميين
نورة : انزيين قولي ويخلييييييج ويا ويهج
أمون : ويخلييييج ويبقيج ويطول بعمرج وأشوف عيالج وعيال عيال عيال عيال عياالج

ويلسن يسوولفن لين الساااعه 6 ونص وهن كل ضحك وسواالف وسارن يوعن شما ألي اول مادقن الباب حصلنها ناشه


نورة : بسم الله ,, من متى ناشه أنتي ,,؟
شما طفرانه : ويدتج تخلي حد يرقد دومها معسكره عن بابي وأدقدق ,, ما أعرف وين أرقد عنها عشان ماتلقىني
أمون اونها تفكر : امممممممممممممممممممممممممممممممم فوق السطح
شما : تهبيييين شو قاالولج سكنيه


بعد أسبووعين من شغل شما فالشركه أرتااحت واايد وقامت تاخذ وتعطي ويا البناات ألي ويااها وقامو يكلفونها بـ 3 معآملات فاليوم >> بما أنها توها فالبداايه وباقي المعاملات تاخذهن روضه تكملهن عنها بس شما حست بأحرااج شويه بأنها معآملتيين أول اكثر الي المفروض يكونن لـ شما تآخذهن روضه عنها فطلبت من انها هيه ألي تااخذهن عنها وتسوي شغلها رووحه ,, يعني صح مشتغله بالواسطه بس المعاش ماتاخذه بالواسطه لازم تشتغل وتسوي شغلها ,,

النتايج طلعاً
شما يآبت 96.4 %
أمون 93.1 %
أحمد 87 %
منصور 94 %
عمور > يآب دور ثآني فالانجليزي وقاام يصيح من صدمته ,, هوه صح أنه منقع فالامتحاان لكن ما أتخيل الدور الثااني ,, وقاام كله فحجرته يترووع يطلع وينازعوونه هههههه


المغرب فبيت بو أحمد كان محمد يىلس ويا يدته ويسولف وياها ودخل عليهم بو أحمد وسلم محمد ع عمه وأتخبره عن احواله ودخلت عليهم ام احمد ويلست عدال اليده لانها كانت مسلمه ع محمد قبل ,,


أم احمد : حميد دوّر معلم لـ عموور عنده أمتحان بعد كم يوم
بو أحمد وهوه يعآبل فمدوآخه : خليييييه ياكل من خبزه
أم احمد : شو بعد ياكل من خبزه ماياكل من خبزه خلاص الولد يآبها الطمااطه وماينفع هالكلام الحيين ,, سر ودورله معلم
بو احمد : والله ما أدورله
محمد : مآآعليه عمي انا بدورله انزييين
بو أحمد : يميين بالله ما أدورله ,, ولا تحطووله خلي شما تعلمه
أم أحمد : شماا عندها شغلهاا ,, وأنته كله ع شماا مب فآآلح ألا تطلّب منهااا ,, قول لـ نورة
بو أحمد : شما لو ماتعرف الانجليزي وهالرمسه مآلتهم جان ماوظفووها ,, خليييييها تعلم اخوها

ويلسو يسولفون والكل يقنع بو أحمد أنه يدور لولده معلم بس هوه خلاص حط فبآله شما الي بتدرسه يعني شماا ,, ومآفيه مجاال انه حد يرمسه فالساالفه هذي مره ثانيه


ومن قاالو لـ شما هالخبر تخبلت ,, ماتبا تعلم حد ومآلها خلق بس شو تسوي أواامر القرقووش


أما حمداان ألي طااير من الفرحه لأنه مسك أكبر دليييييل على حصة ألي هوه السي دي > ألي نورة نست سآلفته وحصه امره ماتخبرتهاا عنه ,, ألحين يفكر يوديه لأ بووووها ويفضحهااا ويخلي ألي مايعرف بسوالفها يعرف الحييين ,,


حصة كانت ترمس نورة
حصة : أمممم نوييييير بخصوص السي دي وينه مآرديتيه حقي ,, من أسبوعين وشيء وهوه عندج ألحين
نورة فزت من مكاانها وفجت حلجها : أقووول حصيييص حد يدق البااب خلاف برمسج اوكي
حصة : اوكي باي
يوم سكرت حصة ,, نورة أبتلشت قاامت أدور وماعرفت وينه ولا وين حطته

سآآرت تدق ع شما وقااقلتلهآ وتمن 10 دقاايق يطآلعن فـ بعض لين أستوعبن ,, وخلاف قآمن يدورن فالصالة وتحت المخدات وتحت الكراسي بس ماشيء ,,
نورة : أنا بسير عند البشكآآرة وانتي سيري عند أحمد قوليله إذا شافه ,, سآآرت نورة عند البشكآآرة بعد مانزلت من الصالة وحمدت ربها أنه محمد روح لأنها صآرت ماتتحمل نظرآآت تشل نفس الموضووع لامن محمد ولامن شماا ,,


صوب شما دقت ع أحمد من فون البيت ألي كان فالصاله الفوقيه
شما : هلا احمد
أحمد كان فالملعب ولا الشبااب : صبر عزووز بييكم ,, هلا شمووه شفيج ؟
شما : أمممم بغيت أسألك عن السي دي ,,
أحمد : أصفعج الحين داقتلي عشان تتخبريني عن س يدي
شما : يعني ادله وييييين ؟
أحمد : سي دي شوووو أنتي وويهج ؟
شما : مآل حصة
أحمد : خس الله هالطآري لج ,, شووفيه ؟
شما ماعرفت شو تقوول ,, يعني مب معقوله تقوله فيه محاادثاات وياا عبود الي ترمسه
أحمد : إيييييييه اتخبرج شوفيه ؟ لاني شآيف هذيج المره سي دي فحجرة نورة ,,
شما : شوشفت فييه ؟
احمد : شموووووووووووه السي دي مآل حصة شوفيه
شما : فيييه صورهاا ,, أنته فتحت السي دي الي فحجرتها ,,,؟
أحمد : لااا بتلقينه فالسده ,, ما أبا شيفتهاا فحجرتيه أسميهاا ما بتتبارك سيري سيري شليه منااك
شما : ههه اوكي ,, ( سكرت وربعت صوب حجرته ويلست تفتح الأدرااج لين لقته وسيده سارت حجرة نورة عشان تفتح السي دي من لابهاا )


أما نورة الي كانت تسال البشكاارة وماضوت منها شيء غير مافي معلوووم ومافي معلووم لكن ضحكت عليها نورة يوم سألتها البشكارة

البشكارة : هزا كيف شكل مال سي دي
نورة : اففففف سي دي بعد شو كيف شكله هوه داايري
البشكارة : سيم سيم دوونات ؟؟
نورة : هههههههههههههه شوه التشبيه هيه هييييه نفسه وينه ؟
البشكارة : مااافي معلوم
نورة : هييه هذا ألي مولفينه منكن مافي معلوم ومافي معلوم ,, يوم طلعت من المطبخ لقت حمدان واقف ومتساند عدال سيارته يوم شافها ظاهره من المطبخ سار صوبها


حمدان : شحآلج نورة ؟
نورة : بخييييير ,, شحآلك حمدان ؟
حمدان : فرحااااان أناا ,, ادورين ع شيء ؟!
نورة : هاا ,, لا
حمدان بمكر : تعاالي ويايه شوي
نورة تبعته بدون ماترادد دخل سيارته 5 ثواني وظهر والسي دي فإيده
حمدان : ادورين هذا ؟
نورة بغت تمطه بس قبضة حمدان كانت أقوى لانه كان متوقع ردة فعلها : حمدان هااااته
حمدان : كله قريييته من شحآآلك حبيبي ليييين نهآآيته ,,
نورة : حمدااان هاااته ,, هذا مآل وحده من ربيعاتي أنته مالك خص فيها
حمدان : حتى لو كان ماال بنت عمتيه الي هي حصه ؟
نورة فجت حلجها : هااااااا ؟
حمدان : سيري دااخل وقولي لـ بنت خالتج أنه هالسي دي بيوصل لأبوها ولو تترجآآني ولا تسوي الي تباه هالسي دي مابيرد لإيدها تسمعين



نورة سيده ربعت فوق ولقت شما ع لاب نورة
شما : نوووورة دقيت لـ أحمد وقآلي عن السي دي بس مافيه شيء هوه قآلي أنـــ ( قاطعتها نورة )
نورة : عند حمداااااان ,, السي دي عند حمداااااااان
شما شهقت بقو
نورة : أصص يغربلج فضحتينا
شما : ها شو ؟؟ شونسوي ألحين ؟
نورة : بدق لـ حصة بخليها تتصرف
شما تضحك بأستهبال : ههههههاااااااااااي
نورة بعصبيه : شوووووووووووو ؟
شما : الحييين تبين حصة تحل السآلفة والله بتقوولج مثل مآآيبتيلي الفضيحه ووصل السي دي لـ حمدان أنتي تسيرين ترديلي السي دي مآلي ولاا ,,
نورة : ولا شوو ؟
شما : اكييد بتقول عن سوآلفج ,,
نورة : وأنتي شدرااج ,,
شما : حصة نذله ,, محد يامنها ع سر ,, هآي خآيسه مآوراها أماان
نورة بما انها ماترضى ع حصة كثر ما أقتنعت بالرد ألي قالته شما عن حصة ,, هيه من الاسااس تدري بـ حصة ماتتحمل تشل هم روحها ولا مسؤوليه روحها .. مستحيل تخلي نورة تطلع من السآآلفه وهي ألي تنفضح رووحها ,, وفوق هذى كله تدري أنه حصة تتروووع ,, فشيء طبيعي لو يسؤلونها بتقوول نورة بعد تسوي وتواعد وتخر كل شيء ,, فجاة نورة شهقت


شما : ويييييت بييب فون أمايه بندق عليييه ( سارت تييب الفون وماكان فيه رصيد >> لازم حريم مايخلن فلس فالفون .. ودقله من فون نورة ورمسته نورة ( كانت ياالسه ع الشبريه وشما يآلسه ع كرسي التوآليت يعني تقريباً بينها وبين نورة مسآفة بسيطه


كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت
////
///
//

البآآرت { 11}





مآتعودت اتبع المقفي ولو حضرت جنآبكَ
رح عسآهآ خيرة والدرب لكَ عرضة وطولة
روح لآجآبكَ امجيب الغيم واتركَ لي صوآبكَ
جيت حلم ورحت حلم تشبه احلآم الطفولة
مآأنت بأول من طعن هالقلب والدرب انتهآبكَ
يآثقل خطوآتكَ البآرح وهالليله عجولة
بآغى الفرقا جعل ربي يعجل في ذهآبكَ
بآيع قلب لكَ الله كَنت مآتحلم تطولة . . ’


////
///
//
/

شما : ويييييت بييب فون أمايه بندق عليييه ( سارت تييب الفون وماكان فيه رصيد >> لازم حريم مايخلن فلس فالفون .. ودقله من فون نورة ورمسته نورة ( كانت ياالسه ع الشبريه وشما يآلسه ع كرسي التوآليت يعني تقريباً بينها وبين نورة مسآفة بسيطه

نورة : ألوووو
حمدان : هلااا ,, منهو ؟
نورة : نورة ,, أنا نورة
حمدان أبتسم بخبث : هلا نورة ,, شحآلج ؟
نورة : بخير ,, شحآلك ؟
حمدان : تمااام
نورة : حمدان وينك انته ؟
حمدان : ظآهر من البيت ألحيين
نورة : وين نآهي ؟
حمدان : ظااهر شويه عندي كم شغله
نورة حاست بوزها : بتعطي السي دي لأبو حصة ؟
حمدان : هيييييييه ,, يلا برآيج وصلت أناا
نورة : حمدااااان لحظة ,,
حمدان : نورة أنتي حسآبج عقب ,, ويآ الي ترمسينه ,,
نورة : أنا ما أرمس ,,
حمدان : عن الجذب لا أتميين تجذبين عليه ,, أنا اعرف سوآلفكن كلهاا
نورة : كيييف تباني أرمس وأنا أحب
حمدان : تحبييين ؟
فنفس الوقت شما رفعت رآسهآ لـ نورة وتقربت منهاا عسب تعرف أو بالأحرى تطلع الكلام من عيونها
نورة : هيييه ,, حمدان أنا أحبك ,,
شما جنه حد جاب عليها مآآآي بآآرد من صدمتهاا
حمدان : تحبيني !؟
نورة : هييييه أحبك ,,
حمدان : حد ياالس ويآج ؟
نورة : هييه شما ويايه
حمدان : نزلي عنها تحت أبا ارمسج رووحج

( نشت نوووورة وشما ماسألت ولا سؤال كانت تشوف خطواات نورة وهيه تبعد عنها ونآزله تحت ,, كانت تشوف نورة وهي سآيرة ترمس حب شما , ع طول سآرت حجرتها وتمت أتصييييح مب مصدقة عيوونها ولا اذنها يوم قآلت نورة لقلب شما بأنها تحبه ,, نووووورة تحب حمدان ,؟ متى ؟ وكيييف ؟ ولييييش ؟ وأناا ؟ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآه يآقلبي ,, سيده حطت رآسهآ ع المخده وكانت الساعه 2 ونص ,, رقدت لسببين ,, من تعبهاا لأنها مب راقده الظهر ولانها تبا تشرد عن الأفكاار وعن تردد الكلام فاذنها ,, أحبك أحبك أحبك أحبك ,, قالتها اختيه لروووحي ,, حست أنه قلبهآ مجروح ونورة خلت جرحها ينزف ,, خلته يلتهب ولا لقااله مداوي ) ورقدت شما ع الساعه 3


أما نووورة ألي كاانت مصدقة عمرها ويآ حمدان
حمدان : عيل ليش رمستي يوم أنتي تحبيني ؟
نورة : أنقهرررت ,,
حمدان : أنقهرتي !! من شو ؟
نورة : أممممم منك ,, أمك قآلت أنها بتخطبلك بنت يرآآنكم وأنا يوم عرفت بغيت أنسااك بأني أرمس غيرك
حمدان : وليييش ماقلتيلي من قبل ؟!
نورة : لييش بيأثر علييك ألحين ولا بعدين يعني !؟ ليكون أنته تحب ؟
حمدان : هاا لا منهو قآل ..
نورة : اوكي أنا أترخص ألحين ,, شيء فخااطرك ؟
حمدان : سلامتج حطي بآلج ع نفسج ,, بااي
نورة : اوكي باي ( وساارت فوق وهي تحس انها انتصرت ع حمداان )


وحمدان ألي أول ماسكر عق فونه ع سيت السيارة ,, معقوله نورة تحبني أناا ,؟ ليش مافكرت فيهاا من قبل ؟ ليييش شلييت تفكيري كله صوووب انساانه مب حاسه فيه ,, ليييش حبيت شما ؟! أصلاً شما ماتحبني وعمرهاا ماحبتني ,, ليش أكمل حياتي وأعق تفكيري ع أنساانه مب حاااسه فيني > <" آآآه ياربي ,, مثل ماسوت نوورة بسوي ,, يوم بغت تنساني حبت غيري وانا لازم أنساا شما بحبهاا ,, بعدين أنا مابتعب ويا نوورة ,, هيه تعزني واااايد وتحبني وقآلتهآ بدون ماتستحي وبدون مقدماات ,, ( وتم يفكر طوول الليل فالسالفه هذي وبالمقآرنه بين شما و نورة )


أما نورة ألي كآآنت طآيره من الفرح ع أنهاا خلت حمدان يغض النظر عنهاا ومآيفكر فيوم انها ترمس ,, وكانت تترياا شما تنش عشان تخبرهآآ


صوب اليده ألي من الساعه 5ألا ربع وهي ادق ع شما بس شما مافتحت كانت وايد تعبانه ورآقده ,, بس ع السااعه 7 نشت ع صوت المنبه توضت وصلت وخلاف دخلت تآخذلهآ شوور و سحت شعرهاا وتلبست عبااتهاا و نزلت تحت ع الساعه 8 ألا عشر أول مانزلت حصلت نورة ياالسه تتريااهااا

نورة : صباااحووو
شما : صباح النور ( وسيده كانت بتطلع )
نورة : تعالي ماخبرتج شو صاار أمس ,,
شما : أنا متأخره بآقي عشر دقاايق ,, يلا بااي ( طلعت وحصلت دريول خآلها يتريآهآ ووداها الشركه ويا البشكاارة وأول مادخلت سلمت ع البنات ألي وياها فالمكتب ويلسن لين 8 ونص وهن يسوولفن بس شما مب ويااهن ولالها خص فسوآلفهن ,, ><"

دخل مراجع للمكتب وسآآر صوب شما وحط الملف جدامها : تفضلي ( ويلس ع الكرسي ألي عدال مكتبها )

شما : أحم أخويه معآملتك عند روضه رقم المكتب 4 مب عندي
المراجع أسمه سالم : أدري
شما : عيل تفضل عندهااا
سالم : بحوّل المعآمله عندج
شما : بس أنته من البدايه مستمر وياها يعني حق شو تحولها ,,؟ ( وهي ترمس روضه ) روضه هذآ المراجع عندج خذي ملفه وكمليه حقه ..
سالم وقف ودق بإيديه ع مكتب شما : قلتلج المعآمله بحولها عندج
شما وقفت : والله أنا مب مسؤوله عن ملفك اووكي ,, ومب بشورك تحول معآمله لي ولا لـ غيري أنته معاملتك عندها ومسيفه فكمبيوترهاا ,, بعدين مب مهم عند منهو المهم تخلص معآملتك وخلاص ..

روضه يت صوبها : شماا خلاص فضحتيناا ,, انزين أخويه تفضل مكتبيه أنا بكملها لك
سالم : أنا أبا عند هآي ( وأشر بصبعه لـ شما )
شما : شووو بعد عند هآي ,,؟
سالم : قصدي الاستاذه شما ,,
شما : المعآمله ما بكلمهآآ انا ,, لو ادق برآسك فاليدراان كلهآآ ,, سر شوف شغلك يلااا ,,
دخل واحد من الفرآشين وكلم مديرة قسمهن ( ألي هيه منال )
منال : بناات سمعن ألي بقوول أسمهاا تسير صوب المدير أمممم ,, شما حميد الـ,,,,,
شما : شووووووو ؟
منال : سيري عند المدير طآلبنج
شما : رويييض بليييز انا ما أعرفه هذا المدير الله يخليج تعالي وياايه
روضه : هههههههه ما بيااكلج ,, سيري شوفي شو يبا
سالم : ومعاملتيه ..
شما : أووووووووه سر ول ,, صدعتنا ,, ( وظهرت من القسم وهي تتبع الفرآش لانها ماتعرف وين مكتب المدير ) ألي كآآن قسمه برآآ المكآن الي هن فييه ,,دخلت عند السكرتيرة وقآلتلها السكرتيره تدخل ) يوم دخلت شأأفت كلهم ريآآييل ويآ المدير ع مكتبه


شما شهقت بقووووو
المدير أسمه حمد : نعم ؟
شما فخاطرها : بسم الله ,, ( وهي تكلم المدير ) أناا ,, أنته ,, أنا شمييم أنا شما حميد الـ ,,,, أنته طلبتنيه
حمد : يلسي
شما ماعرفت وين تيلس كلهم ريآآييل ويلست ع كرسي شوي بعيد عنهم
حمد : فيييه وفد بيينا من لندن ونبا الاستقباال يكون كالعااده ,, بنتعآآمل ويااهم بلغة الأانجليزي طبعاً ونبا ترشييحكم لشخص وااحد عسب يمسك الحوآآر ويااهم ,, وهوه ألي بيعرضلهم الشركه والمكآتب كلهآآ
الموظف 1 : بس الترشيح الاقوى بيكوون لك أستااذ حمد خصوصاً أنك انته المدير ولك خبرة أكثر ويا الوفوود ألي أييونا من برآآ
حمد : أنا أباا أعطي فرصه لغيري ,, لو تمييت أرمس انا ويا كل وفد أيي ويانا مابيشوفون شيء تغيير عندنا ,, وأنتو تدروون أنه الأجاانب يحبوون التغيير بشكل فضييع ,, وأنا أنصح بأنه تختآروولي وآحد هوه يكون الناطق الرسمي لـ الشركه
تمو يتنآقشوون مع بعض وقآلوله الموظفين أنه بآجر بييبووله الاسم المنآسب للي يستحق لقب الناطق الرسمي للشركه وهم ظآآهرييين كلهم أندفعو للبااب بس شما ماحبت تختلط ويااهم وتمشي بين الريااييل فوقفت ع طرف لين يظهرون وتقريباً كآنو 7 موظفيين
قبل لا تظهر شما سمعت
حمد : شما تعاالي شوي
شما وقف قلبهاا ما تباا ترمسه تترووع منه خصوصاً أول مارحب فيها وقآلهاا نعم

شما تقربت لمكتبه : نعم
حمد : يلسي
شما يلست بعيد عن مكتبه
حمد : ههههههه مابكلج ,, تقربي
شما تقربت عدآآل مكتبه أكثر ويلست ع الكرسي وهذا ألي خلى حمد يدقق فملامحهاا وشكلها وعيونها ,, جمآلهآآ
حمد : أول مره أشوفج هنييه
شما : أنا متوظفه من أكثر من أسبوعين
حمد : شو متخصصه
شما قفطت وغدى وييها أحمر من الخااطر : أممممم ماعرف شو أقولك بس أنا مب مخلصه ثآنويه
حمد : هييييييه أنتي الي ياايه من طرف أبووويه يعني
شما : أممممم ما أدري
حمد : انزين ممكن سؤال ؟
شما هزت رآسها بالإيجااب : تفضل
حمد : ليش مرتبكه ؟
شما : لا عادي
حمد : انزيين شو جنسيتج ؟
شما بحلقت عيونها فيييه وبصوت عآلي شوي : نعم ؟!
حمد أستغرب من ردة فعلهآ كثر مآعيبته طريقة كلامها : لااا مب قصدي والله ,, بس شفت فيييج جمآآل أووربي ..
شما قفطت وفخآطرهآ : الريآل يبا يمدح جمآلج وأنتي تنبحين فويه ,, بقره بقره بتم بقره
حمد : انزيين ألحين تقدرين تتفضليين مكتبج
شما : اوكي ( ونشت )
حمد : بس لحظه شوي ( نش من مكتبه وجاابلهاا ) شو الأنجليزي عندج ؟!
شما : الحمدلله زييين والله
حمد : يعني لو أخترتج تكونيين الناطق الرسمي بتوآفقين
شما : ما أدري والله ,, أستأذن أنا
حمد : تفضلي ,, أذنج معآآج


وطلعت وسكرت البااب وهيه قلبها يرقع طبوووول ,, خآيفه & مرتبكه ,, مب عارفه توصف شعوورها وكانت فنفس الوقت فرحآآنه لأنه هالشركه وآيد زينه خصوصاً المديير مع أنها أول مره تشووفه بس أرتاحتله وايد ,, بس ألي عكّر مزآجهآ هوه الموظف سآلم ألي يالسه ع مكتبهاا و ضحكت ع عناد روضه ألي رفضت تحول المعاامله لأنه مآيصير ,,


صوب حمدان كان فبيت عمه ويا محمد فالميلس
حمدان : ويييين بتقدم وظيفة ؟!
محمد : والله بشووف كم شركه وأن شاءالله خيير
حمدان : أنته جيد جداً يآيب صح ؟
محمد : هييه
حمدان : أوب دحييييح والله
محمد : هههههه يالحسد ,,
حمدان : ناااوي أسير دبي أنا وأحمد ,, بتخآويناا
محمد : منهو ويااكم ؟!
حمدان : روااحناا أنا واعد أحمد أني أودييه أن كانت النسبه تستآهل
محمد : هيييه والله نسبة احمد زينه وتستآهل
حمدان : مب ناوي تعرس ؟!
محمد سكت شوي وهوه يفكر ويين أعرس وأنا فقلبي وحده ثااانيه !؟ كيف ابدأ حياة يديده وأنا بعدني أحبهاا ,,
حمدان : حووووه وييين وصلت ؟
محمد : أنته تدري ليش ما أعرس !! أنا مانسيتها عسبة أبدي حياة ثآنيه ,,
حمدان : انزين خل أمك أدورلك وحده ومع الأيام بتنساها
محمد : تباني اظلم بنت الناااااس ويايه وأنا قلبي ويآآ وحده ثآنيه ,, ويا وحده ماتستآهل القلب ألي وفآلهاا وعطآهآ أياااااه ,, آآآآآآآآآآآآه يا حمدان ثرك مب حااس فييه
حمدان وهوه يفكر فـ نورة صدمة أنها ماتحبك مب أقوى من صدمة أنهاا تحبني ,,

وتمو يسولفوون وحمداان حااول يجلب موده كثره مايقدر عسبة مايذكرهاا وعشان حمدان مايفكر أنه خآآن محمد أخو دنياا عشان نووورة

ع الساعه 2 ونص أمون كاانت عند شما ,,
شما : بتخبرج سموون أنتي جيه ماتخلين الواحد يقيل ويوطي رآسه
أمون : ههههههه برآيج أنتي العيووووز
شما : ههههههه والله العظيم يآخي أنا وحده تعبآآنه ادااوم مب انتن تفخن لييييين 2 ولا ما أدري كم
أمون : انزين فكينا ,, شخبآر الدواام
شما : قووومي نسير حجرتيه وبقوولج شو صآآر
وسارن فوق ,, وقآلتلها شما عن ألي صاار أمس وكيف نورة لفظة بـ ( أحبك ) لـ حمدان ,, وكيف كان شعوور شما تجااه هالصدمة

أمون : والله برآويه هالخآآيس ,, عيل الفترة الاخييره ماحسيتيه يلمحلج بانه بيتقرب منج اكثر؟
شما : امون الريآآل وااايد عاطفي
أمون : فضل عنهم ويى عاطفتهم
شما حطت إيدها ع حلج أمون : لمي هالحلج خليني أرمس
أمون : انزين يلاااا
شما : الريآل عااطفي مايبا وحده تستحي من شيء خصوصاً إذا كانت مشآعر من بينهم ,, وآآيد يقهره هالشيء ,, هوه يبا وحده يحس ويااهاا بانه تحبه ,,
أمون : وانتي تحبينه
شما : بس ماقلتها
أمون : القلب أقوى من الكلااام
شما : صح كلااامج , بس ألحيين مايفكرون فالقلب يفكرووون فالرمسه وبس ,, انزين سمعي سمعي بقوولج شو صآرلي اليووم ,, ممكن ؟!
أمون : يب يب كآآن يوو
شما : أموون اليوم ولأول مره شفت مديرناا
أمون : بس هوه هأ ألي صاار
شما : نووو ,, طلبنا فاجتمااع وكنت أنا الوحيده ألي بنت من بينهم و ,,, و ,,, و ) وقآلتلها ألي صآر لين ظهرت من عند حمد

أمون : شو أسمه ؟
شما : حمد
أمون : كيف شكله وكم عمره ؟
شما : واااااي يا أمون والله أنه عذااب ,, بس انا مادققت فييه وايد يعني بقولج ألي لمحته فيه ,, هوه أبيضآآني وعيونه وسآآع عسليه مآيله للبني الغآمج رموشه كثآآف ,, وحيآته مقروووونه وعليه جسم وآي خبآآل والله ,, طويل ومعضّل طشوونه مب وآيد وكتوفه مبينه شوي ,, يعني جسمه كشخه والله وتحسين انه له هيييييبه ,, أممممم متواضع واايد لدرجه أنه رفض أنه يكون الناطق الرسمي لوفد لندن
أمون : آآآآآآآآآآآآآآآآآآآآآآآآآآآآآه لا تخليني أحلم فيييييه ,, وتقولين ما دققتي عنبووه ذا العيون لج هالكثر لمحه ,, حشى فصفصتي الرياال تفصفييص
شما : ههههه ويا ويهج ,, هذا ألي شفته أناا
امون : كم عمره ,,؟
شما : كم تتوقعين ؟!
امون : أممممم بما انه مديير أعطييه 25 ولا 26 وفوق
شما : نووووب ,, سألت رويض قاالتلي عمره 22 سنة
امون : وت ؟
شما : هيييه ,, تراه هوه مثل ماقالتلي روييض أنه كان يدرس هندسة طيراان فـ يده ألي هوه أبو أبوووه مرض وأبوه هوه ألي ودااه يعآلجه وحمد أكبر ولد عنده عسب جذا مسكه الشغل وخلاه المديير وأصلاً هوه مديير من سنة يعني متحمل مسؤولية شركه كااملة منهو عمره 21 سنة
أمون : أباااااه ,, أحبه
شما : ههههههههههههههههه قومي عني ويا ذا الويه
أمون : ليكون حبيتيه ؟
شما : إذا بحبه ما أبا تكون نيتيه أنسى أخوج ,, خليني انسى حمداانوه قبل
امون : وعاادي وبسهووله تقوولينهاا بتنسينه ؟
شما : شو أسوي وااجب عليه أسوي هالشيء ( وفخآطرهآ حسيييت بك زوود يآ محمد ,, كيف بتكون ردة فعلك يوم تعرف حمداان ربيعك وأخووك هو هالي تحبه نورة )
أمون : قررتي تنسين
شما : يب ( ونشت عسب تصلي العصر ) ,,
أمون فخاطرها : ياا قوو قلبج يا شماا

دق البااب ونشت أمون تفتح حصلت عموور واقف
أمون : هلا عموور
عمور : شمييم وين ؟
أمون : تتوضى ,, شو تباها
عمور : اباها أدرسني عندي أمتحاان ورى بااجر
أمون : ههههههههههههههههههههههه بو الطمااط
عمور : جب جب عاد أونج مايبتي شراتها
أمون : لا مايطيع زينك ,, بنت علمي وحيااتك
عمور : تتمنينها أصلاً
أمون : هههههه دخل دخل أترياها
دخل عموور ويلس ع شبرية شماا ويوم طلعت
شما : هلااا عمووور .. هاا ؟
عمور : درسيني
شما : يآآربي يآخي محد يرتآح فالبيت هذآآ شغل وخلاف مجآبل ويه هالعنز الي عدآلك ( وأشرت ع أمون ) وخلاف ادرسك
أمون : أنا عنز ,, مشكووووره شميييم أيي منج أكثر ( ونشت وكانت بتطلع )
شما : لحظه لحظه ( ومسكتها من إيدها ) والله آسفة ألا أتمصخر عليج ( ودزت خد امون بالخفيف ) شوفيج صايره حساااسه واايد ؟
أمون : ما ادريبج من ييت وأنتي جنه مآتبين حد اييلس وياااج
شما بآستها ع خدها : فدييييييت الحسااسين انا ,, هههههههه والله اتمصخر
عمور : ألحييين مافيج أدرسيني وفييج تسويلي فلم تركي ورومانسي
امون : طع هذآآآ شكله يتاابع التركيين بعد
شما : ههههههه عشان جذيه ياب الطماااطه ههههههه


صلن وخلاف أمون ساارت عند نوورة قآلت تبا تيلس وياها شوي تعرف عن أمس وشو قآآلت ويآآ حمدان وشما شلت أورآآق ونزلت الصاالة ألي تحت ويا عموور عشان أدرسه ,, حطت شيلتها ع الكرسي ونزلت فالدعنه تذآكرله وهوه مسطل
شما : أنزييين أكتب تعبير عن السكوووول
عمور : كم سطر ,؟
شما : اكتب موضووع كآآمل ( إيسي )
عمور : ما أعرف
شما : لا والله وبنتم ما أعرف وما أعرف شو بتسوي فالامتحاان ,, يلا اكتب أشووووف
ومسك القلم وتم متنح لا انه كتب ولا انه وطى القلم ووقالها ماعرفت ,, وشما تتحضى عليييه


أما نووورة وأمون الي كاانن يمشن فالحوي ويرمسن عن سآآلفة حمدان ونورة
أمون : وألحيين يدقلج هوه ؟
نورة ارتبكت : هاا لا ,, من عد هذاك اليوم مادقلي
أمون : اهاااااا
ودخل حمدان بسياارته ونزل صوبهن
حمدان : هلا والله ,, شحآلكن ؟؟
نورة & امون : تمااام
حمدان : إيييه سموون أنتي جيه دووم معسكره هنييه !؟
أمون : أحم اضمن مستقبليه ويا زوجه شقيقي
نورة طآلعتها بنظره حتى حمدان لاحظهاا
حمدان : شحاالج نورة ؟
نورة : بخيير ,, شحآآلك ؟
حمدان : الحمدلله بخييير
وتمو سآآكتيييين

حمدان : نورة بغيتج شوي
أمون : من اولهااا
حمدان : أموووون سيري دااخل
امون : نوووووو وي
حمدان : أمووووون سيري
أمون : أمبوسيبوول
حمدان عصب : أموووووووووووون
أمون : انزيييين أفففففففف ( وساارت الصااله )
كانت هنااك شما وعموور بس
شما : أشووفج يتي
أمون : شسمه حمدان قال يبا يسوولف شوي ويا نوورة

كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآت


////
///
//
/