آعمى يدل مبصرين وسط الريـآض يَ عجب العجب

محروم.كوم · #1 12-21-2011, 09:30 PM

بسم الله الرحمن الرحيم

حيّـآ الله آخوآني المكشـآتيه ..

صبّحكم / مسّـآكم الله بالخير

بذكر لكم سـآلفه صـآرت من 30 سنه ..

كـآن لنـآ صديق آعمى اهله في الديره ومعزّب في الرياض وهو مدّرس في مدرسه " الصم والبكم " وسـآكن في بيت شعبي

وكننا نجتمع عنده ليليا .. ويفرح بالللي يسيّر عليه من اقرباء واصحـآب وهو رجـآل نشمـي وكريــم ,

وفي يوم من الايـآم .. جـآنا واحد من الشباب وحنا سهرانين عند صاحبنا الاعمى
وبعد ما سمرنا حنا وهالمسيّر عزمنا جميـع على بيته الجديد
قـآل : حيـآكم الله على القهوه والعشاء عندي بكره .. وودي تعرفون بيتي وتدلونه
قـآلو : ميخــآلف وصّف لنـآ البيت , جعله عامر(ن) بـآهله جعله مـآيخلا
قـآل : آبشرو .

بدا يوصف لهم وكانت بداية الوصف من " طلعة البديعه " وبعد الطلعه تلف يمين وقال يجيكم اشاره وبعد الاشاره الاولى تجيكم الاشاره الثانيه ومن بعدهـآ يمين كذا . كذا ........ الخ -> لحد موقع البيت

كانت المجموعه بمن فيها صاحبنا الاعمى وآنـآ يَ محاتسيكم ( 6 )
واعدوه الشباب كلهم من بكره بيسيّرون عليه . . قالو الاجتماع عند صـآحبنا الاعمى وبعدها ننطلق من عندك لبيت الرجـآل . .

جو على الموعد وانطلقو بعد المغرب وطلعو من طلعة البديعه على وصف الرجـآل وهم 4 فـآتحين وصـآحبنا الاعمى > آنـآ مآ رحت معهم كنت مشغول

اتجهو على بيت الرجــآل " يمين . يسـآر . .... باختصار مـآدلّو عادوها ثـآنيه وثـآلثه
ورآبعه لما قلبو راس الاعمى واتعبوه قـآلهم : لعنبو شيطـآنكم اربعة رجاجيل وثمان عيون فاتحة وعجتزو تدلونه والرجـآل امس يهرج علينـآ عربي وضـآق صدر الاعمى وقال :عيبـ(ن) عليكم يـآ عيال ابوي آرجعو من عند الطلعه

واذا طلعنا علموني بس
ويقول رجعنا وطلعنا الطلعه وقالو له : طلعنا يـآ ابو فلان

قـآل : ولا واحد يتكلم بس اسمعوني وبسألكم وجاوبوا

وبدا يدلّهم " يمين يسـآر ويسألهم عن الاشارات لحد مـآوقفهم عند بـآب الرجــآل اللي عازمهم ... !!!

قآلو له : لاتعلم علينـآ انك انت اللي دآلنّـآ وحنا مادلينا وحنا فاتحين وانت آعمى
* ادعو له بالرحمه
الاعمى توفى
" الله يغفر له ويرحمه "

((الفـآتح فاتح البصيره والقلب وليس البصــر ))

آخوكم / خوي مخبـآته .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مـطـلوب ذيــخ من الريـآض // وسـؤآل	محروم.كوم	منتدى أخبار المواقع والمنتديات العربية والأجنبية	0	08-21-2011 12:50 AM
العيب ماهو في الزمآن , العيب ف نفـــِوس البشر	Royal Ľ ♥ v ề ~	عدسة الاعضاء , كاميرا الاعضاء	8	09-12-2010 12:59 PM
مرور الريـآض ,, والتشدد اللي هـم فيـه ,, وقصتـي معهـم ..~	محروم.كوم	منتدى أخبار المواقع والمنتديات العربية والأجنبية	0	08-10-2009 07:50 AM
فكيف أصيرُ في دنيايَ أعمى القلبِ أعمى العينِ مغشيّا	محروم.كوم	منتدى أخبار المواقع والمنتديات العربية والأجنبية	0	07-28-2009 02:50 AM
أغلى بيبسي..أغلى تلفون..أغلى.....صور	:::النعيــــمي:::	عجائب و غرائب	29	05-20-2008 08:56 PM