ا( ¡¿¡ الله يسامح يوم في حقي اخطيت¡¿¡ ).. - الصفحة 2

مجهوله · #1 01-20-2008, 09:55 PM

السلام عليكم ....

انه اليوم يت لكم وكلي امل انكم بتقرون قصتي

بس باعرفكم بشي قبل ... ((الي كاتبه القصه الي هي انه سارة ولاتاخذون ع المسطلحات لانها بحرينه ))

اسمها ا( ¡¿¡ الله يسامح يوم في حقي اخطيت¡¿¡ ).. ((اتمنى ان تنال اعجابكم ))

ا( ¡¿¡ الله يسامح يوم في حقي اخطيت¡¿¡ )..
الشخصيات :
بيت بوفهد /ام فهد/ فهد(22)/ساره‎‎(‎18‎)‎/
(ترى محمد اخو ساره في الرضاعه لان امه وابو متوفين في حادث سياره بس ساره اكبر من محمد بجم شهر ) محمد(18)-
بيت بوسلطان /ام سلطان/حصه‎(‎19‎)‎/سلطان‎(‎‎25)‎/العنود‎(‎‎‏18)‎-
بيت بوناصر/ام ناصر/ناصر‎(‎‎23‎/ريم (22)/خالد(20)-
البدايه:
سارة :كانت وايد مستانسه لان اخوها فهد بعرس ع حصة وماتم احد من ربعها الي بجامعه ماعزمته كان فستانها اخضر حلو وايد فيه كرستاله وهو حفر وكانت التسريحة وايد بسيطه (بف)
ام فهد:كانت فاله شعرها ولابسه جلابية كلها كرستال (دق) وشك راقي من السعفه محل راقي وايد (في الرفاع)
حصه:كانت ملكه في العرس كان الكل يقول الله يهنيهم
فهد:كان حده مستانس لان كان يحب حصه بس هي ماتدري من ثلاث سنين
محمد:جنه اهو المعرس مب فهد كاشخ
بعد العرس ....
ردو البيت من العرس...
ساره:يمه عرس اخوي كان وايد حلو صح
ام فهد وهي فيها الصيحه :اي
محمد واهو معصب ع ساره :
زين جذي خليتيها تصيح علينا احين شبيسكتها
اله ساره والصيحه عند الباب :
لا يمه اذا تبين تأكدين انه اخوي مستانس يلا حمود ودنا لهم الفندق ؛)
محمد :هي انتيتوهم معرسين وين اوديج مينونه
ساره :يه مايخصني توديني اوانا اروح بروحي
محمد:صج تروحين بروحج عادي اله ببريك وبطل الباب ع الشارع يلا نزلي
ساره: هي انت ماعندك غيرة انه اختك الوحيده واذا احد غازلني وانا رايحه بعدين انا ماعندي محرم ؛)
محمد :هههههاي
ام فهد : اوووف صج انتو سنداره يلا ودني البيت بسرعه في الفندق ....
فهد واهو مستانس بس اول حب يطمن ع امه لان محمد ماعنده ليسن
محمد: الو.. هلا بمعرسنا ..
ساره : اله ساره ساحبه التلفون من حمود وقاعده تشكي الحال حق فهد
محمد: يلا عطيني التلفون وبعد
مخلصت المكالمه
فهد: ينادي حصه حصه (غبوش)
حصه=غبوش ....
حصه وهي مستحيه: هلا فهد
فهد :فديت الي يستحون والله
حصه:يلا قول شنو تبي ابي اتسبح بسرعة
فهد :يلا روحي عشان نرقد من وقت لان باجر العزيمه
حصه :انشالله انت تامر امر بس اطلب في شي ثاني بعد يا بعلي ؛)
فهود وهو مستغرب:هي انتي شنو بعلي ها ردي علي انه عنز زين يا العله :$
حصة وهي ميته من الضحك :
لا بعلي مب سبه يعني زوجي الحلو فهود ؛>
فهود:اهاااا عيل يا بعلتي روحي خلصي شغلج عشان نروح نرقد بسرعه
غبوش :انشالله بس انت روح جهز لنا العشاء اوكي ابي من يدك الحلوه
فهد: انشالله انتي تامرن امر لما فهد راح يحضر العشاء فطم ما تتسبح سوى فهد انتيكات سلطه وسوب بلفطر وعصير فراوله حطهم ع الطاوله و ولع الشموع و حط هديته زواجه منه حق حصه طقم الماس غير الشبكه
حصه بعد الشور:فهود وينك ...
اله تجوف فهد راقد ع الكنبه الكبيرة وطالع الطاوله اله فهد ماتم شي حق زينه ماحطاه بس كانت وايد حلووه
فهد وهو مستعوي: ها خلصتي يلا عشانه لا يبرد بعد لا تنسين خلي سعه في بطنج حق السويت
حصه وهي مستغربه :من سوى كل ذي الي الفندق
فهود وهو معصب :لا اي الي في الفندق انا فهد ولد بوفهد آل.......
حصه: انزين يلا انا يعانه ؛)
فهد :فديت اليعانه يلا قعدي يابعلتي
حصه:تسلم.... عاد سم قبل
اله حصه تقول وي شنو ذي ..؟
فهد:شنو ..؟
حصه:علبه طقم الماس من وين ذي هاااا...؟
فهد:طقم اي والابتسامه العريضه ع ويهه قال:انا ؛)
حصه:تقول مشكور حبيبي وراحت وحبته ع خده
فهود قال:فديت الحبه بعد مره ثانيه
حصوه: والله صج الصبيان ماينعطون ويهه
بعد العشاء راحوا يرقدون......
في بيت بوفهد(اليوم الثاني)
عزمت ام ناصر وبنتها و ام سلطان وبنتها و عزم ابوناصر وعياله وبوسلطان وعياله
الغداء .... رجعوا من الفندق فهد وحصه والكل يهلل ويرحب
والمعاريس مستحين
ام فهد ام سلطان يببون وساره ومحمد يرقصون وريم تصفق مع العنود
بعد اللويه الكل قعد...
ام فهد :فهد يلا روح حق الريايل
حصه :اي صح يلا روح عشان ماتبطي عليهم
فهد:انشالله انتو تامرون امر؛)
ساره :حصه تعالي معاي عشان ابي اراويج شي لج
حصه:وين خلنا نقعد شبيقولون النسوان عنا
ساره:ماعليج منهم يلا بنروح حجرتي عندي شي لج
حصه:زين يلا منبي نتأخر
ساره :زين يلا
بعد ماوصلو الحجره..شنو بيصير ....؟!
فتحو الباب .....
اله ساره مزينه حجره فهد وحاطه هديتين وحده حق حصه والثانيه حق فهوود والمرقد الاحمر ع قلووب والمواسد ع براطم حمر واليتات حمر >>ترى ساره مانمت من العرس كانت تزين الحجره
حصه في عيونها الصيحه :وايه عليج مشكوره حبيبتي
حزه الغداء ....
الكل تيامع حق الغداء
الريايل في الميلس والنسوان في الصاله ....
ساره وهي شايله الاكل حق الريايل :محمد تعال خذ الاكل
ناصر عباله ام فهد و ساره كانت ملاك من جمالها فاله الشعر وكانت لابسه جلابية سوده مشيره بأحمر (مطرزه)
ناصر تم متبنج مب عارف يوقف او لا من التدوديه و ساره حطت الاكل ع الارض وركضت
اله محمد يقول:ماجنه احد نادني من ياناصر
ناصر وهو مايعرف شيقول:لا بس كانت امك تبيك تشيل الاكل جفتك شغول مع اخوك قلت خلني انا اروح لاني اقرب
محمد:اها عيل يلا نحط الاكل
ناصر:يلااا
بعد الغداء ....
النسوان بروحهم يسولفون و البنات بروحهم اله ساره كانت بروحها قاعده تفكر بلي صار لها
ريم و العنود يقولون: حق حصه انتي معاها كلوز روحي لها يمكن مضايقه من شي
حصه :انشالله .. ساره شنو فيج تعالي سولفي معانا
ساره:مالي خلق
حصه:ليش..؟! انزين قولي لي انا مب امرت اخوج في مثابه اختج
ساره :ها انتي حتى لو معرستي ع اخوي انتي اختي
حصه:تسلمين حبيبتي انزين اذا اختج عيل شنو فيج...؟!
ساره :انا احب ؛)
ههه حصه:انزين من ذي و وين تعرفتي عليه..؟!
ساره:باقولج بس انا قبل كنت احب احد قبله احين واحد ثاني
حصه :بس من هم ..؟!
ساره: فضل اخو رفيجتي 4 سنوات بس هو مايدري
حصه: اي رفيجه ...؟!
ساره:عائشه
حصه :اي بس من الثاني..؟!
ساره والحيه منقط منها:مادري احين وانا اودي الغداء كنت انادي حمود وطلع لي ذاك القطعه وانا من التدوديه ماعرفت شاسوي تبنجت مكاني بعدين ستوعبت انه ماعلي شيله حطيت الغداء ع الارض وركضت خفت فهد او محمد يطلعون ويكفخوني

حصه :والله مادري يمكن سلطان اخوي
ساره : لا سلطانوه اعرف شكله
ريم : يمكن نصور اخوي او خلود
ساره : ان شاءلله ناصر
ريم : افا عليج انا باعرف لج من ذي
ريم طبعا وايد كلوز مع ناصر
ساره : عاد ردي علي
ريم : من ارجع البيت بارد عليج
ساره : اوكي
العنود : شرايكم نروح الحوش
ساره : بس بنروح الحوش الخلفي اوك
ريم و حصه و العنود : اوك
خلني اقول لكم عن الحوش الخلفي هو كبير وايد و فيه دوارف و كور ( كور قدم مالين فهد و محمد ) المهم
راحو البنات الحوش و طبعا خذو من عند ساره تيشرتات و جينزات و اللبسوا فوقهم دفافهم و ارفعو الدفه و اربطوها على خصرهم و الشيل على جتوفهم و يلسو يلعبون اول شي دوارف و بعدين نط عرج المصبنه عند العنود وقالت حق البنات تبي تلعب كوره
ريم : ساره عاد اخوانج يرضون

ساره : عاد رضو و لا اقعدوا امشو نلعب
البنات : يلا
كانوا البنات يلعبون في الكور وكانوا ريم و ساره يلعبون وحصه و العنود ماعطين ويهم الباب الخلفي و ريم وساره ماعطين الباب ظهرهم اله الباب انفتح ويدخل سلطان وناصر وخالد ومحمد وفهد جافتهم حصه والعنود وشردو بس ساره وريم مالاحظت اله بصرخه حصه ع ساره عشان يشردون في شردت ريم وساره اله ريم طيح ع ويهاا في طيحتها جد الشباب دشو الميلس الخلفي اله سلطان كان واقف عند الباب يطالع ريم بعد ماشالت روحهاا وركض مع ساره ودخلوا البيت وداوو ريم لان نجرحت بريلهاا وبيدهاا وهم كانوا يداون ...
ساره تقول:تعالوا يوم اطيح ريموو كان سلطانوا متبنج مكانه ماتحرك اله يوم ندش البيت حتى الشباب كلهم دشوا الميلس الخلفي اله هو
حصه:حلفي الله واكبر عليه يمكن عباله انا باكلمه وباجوف
ساره:يلا كلميه
حصه :ماعندي رصيد
ساره:انا بعد
العنود:حتى انا
الكل يطالع ريم ...
ريم :شفيكم لانها كانت سرحانه فماتدري بسالفه
ساره:ريم انتي وين كنتي سرحانه
ريم:لا لان ريلي تعورني فمانتبهت حق كلامكم
ساره:اهاا بس انا اقولج عندج رصيد او لا
ريم:اي تبون شي هاكم
حصه:مشكوره .....الووو...
سلطان:هلا منومعاي...؟!
حصه بتسوي مقلب: انا ماعرفتي حبيبتك امدى نسيت
سلطان:هي انتي انا ولد سيده مب مثل ماتبين انتي العب ع بنات خلق الله فهمتي
حصه:حبيبي لا تنزعج انت مب سلطان و عندك خوات ثنتين وحده اسمها حصه والثانيه العنود
سلطان وهو مستغرب:هي انتي شهل كلام من وين لج اسامي خواتي ها
الشباب لاحظوا سلطان منفعل ومشتط في هذي المكالمه
حصه:اي اكيد باعرف اساميهم واسمك حتى اسم سايقكم اعرفه لا انا اختك حصه هههه
صادو ويوو...هههه
سلطان وهو معصب:ليش سويتي هل الحركه البايخه حرام صبيتي قلبي
حه:سمله ع قلبك انزين ماطول عليك ابي اجوفك احين اوكي يلا باي...
سلطان :زين يلا باي....
بعد المكالمه...
يسألون الشباب من الي خلاك تشتط وتنفعل ها من قول
سلطان وهو منحرج:هذي حصوه المخرفه مسويه مقلب فيني وتبيني اروح لهاااا
الشباب:اها روح لاتتأخر
راح سلطان حق حصه
سلطان:ها شنو تبين بعد صبه القلب...؟!
حصه هههه:لا بس ابي اسألك عن مساع وانت سرحان في البنات..؟!
سلطان :ها طالعتيني ليش انتي الي طحتي ع الارض
حصه:لا هذي ريموو
سلطان :اي ريمو..؟!
حصه:انت ليش ملهوف ع البنت
سلطان:هاا لا بس
حصه:بس شنو ...؟!
سلطان:لا خلاص روحي بس صح ريم اخوها نصور ..؟!
حصه:اي بس انت ليش وايد مهتم
سلطان:ابي رقمهاا..؟!
حصه:ليش..؟!
باجس النبض يمكن تحب عشان انا افكر فيهاا
حصه:لا ماباعطيك وخف عن العبه توك تقول انا مب مال هل السوالف
سلطان:لا بس انعجبت فيها
حصه:لا يعني لا زين
سلطان :واذا انا قلت لج انه انا حبيتهاا
حصه:امده حبيتهاا شدعوه
سلطان:اي اي زين
حصه:لابعدين بيحطون البله علي انا مب انت اذا درو فهمت او لا
سلطان :لا مب قايل حق احد ان انا احبهاا فهمتي
حصه:والله انا خايفه
سلطان:اذا انتي خايفه شاوري سارو و ردي علي زين انا ناطرج
حصه:مادري بس اول ابيرصيد ب 20
سلطان: بدينارين هههه
حصه وهي مستحمقه:لا لا لا لا
سلطان ميت من الضحك: ادري بس اتغشمر مايصير بعد
حصه:اذا تبي الرقم روح يب الكردت زين
سلطان :انتي تامرين امر ياالغاليه
حصه:تسلم يلا انتظرك لا تتأخر
سلطان:تامريني بشي ثاني
حصه:سلامك بس لاتروح بروحك خذ حمود معاك زين وانت بعد قول حق حمود يمكن يفيدك بشي فهمت يلا روح
سلطان:حتى امي ماسوت مثلج
حصه:بسك قرقه لين وصلت البيت سولي مس كول زين زين
راح سلطان حق محمد عشان يروحون السوبر ماركت
في الطريق حق السوبر ماركت ...
سلطان :حمود ممكن سوال..؟!
حمود:اي امر
سلطان:انا احب ؛)
حمود ميت من الضحك: من الي خذت قلبك الحنون
سلطان:انا ماتغشمر ع فكره
محمد:انزين عاد من هي ها.؟!
سلطان:اخت نصور ريم
حمود:اي عرفتها انزين انت شنو ناوي تسوي...؟!
سلطان:مادري بس انا كلمت حصو وقلت لها انا ابي رقمها قالت لا بس بعد ماحنيت عليها قالت بتشاور سارو وبترد علي فهمت
حمود:انا بعد اقول رقمها لا لو دره نصور بيزعل عليك فهمت بتصير مشاكل
سلطان:انا ماباكلمها كليوم بس مره باجس نبضها اذا تحب او لا
حمود :عندك الرقم او لا..؟!
سلطان:لا والله بس لحظه باجوف جوالي تعال هذي رقم سارو
حمود: لا لا
سلطان:وله رقم واتي
حمود: وي لا تقول هذي رقم ريم
سلطان: اي والله انا بعد نسيت الرقم تصدق
صفطو ع صوب....
حمود:تبي انا الي اتصل من جوالي
سلطان:لا سارو بتعرف رقمك وهي بترد عليك
حمود:لا انا عندي رقم محد يعرفه (رقمين)
سلطان :انزين انت اتصل وجوفها تميع بكلامها اذا رقم قريب
حاطين المكالمه سبيكر وهم مسوين صوتهم صوت بنات
حمود:انشالله...الو ....
ريم: الو من معاي ...؟!
حمود:انا نوره ماعرفتيني
ريم:لا والله من ذكريني
حمود:انا نوره الي كنت عديلتج
ريم:والله انا ماعندي رفيجه اسمها نوره يعني مب انا رفيجتج روحي دوريها عدل
انا مب من هب ودب باكلمه ليش عقلي في نعالي
حمود ماعرف يرد: انزين مادام ماتعرفين الرقم ليش رديتي
ريم:لان رفيجتي باقو جوالها عبالي هي
حمود:اي اي هذي انا رفيجتج مسويه مقلب فيج فهمتي
ريم: لا عيل شنو اسمج...؟!
حمود توهق:ها اي اسمي انتي ادره به
ريم:اظاهر عطيتج ويه وايد
حمود:لا لا بس انا نوره
ريم: جم مره اقولج ماعندي رفيجه اسمها نوره يلا لاعاد تتصلين زين
حصه لاحظه في ريم العصبيه
وشكت ان الي يزعم بنت هي سلطانو وحمود
بعد المكالمه.....
ارتاح قلب سلطان انا ريم مالها بهل السوالف
حمود كان معصب:يه انا حمود بنت تهاوشني اخر زمن
سلطان يت من الضحك: هههه محد قالك طق سالفه معاها من انتي فلانه قالت لا بس سد الخط
حمود: ها رتاح قلبك
سلطان:اكيد
حمود: هذن اذا كلمها ريال بتاكله وانا عبالي بتكلمني بهداوه لان يزعم بنت بس هذي حاره سواى حق بنت او حق ولد بتسنعه الله يعين الي بيعرس عليهاا
سلطان:لا تقول جذي هذي حرم سلطان آل.....
حمود : اي اسكت من فضلك ...
سلطان : خير شقلت تبي انزلك اهني
حمود : لا بس اقول الله ايقدم اللي فيه الخير
سلطان : امين
ووصلو السوبر ماركت وخذو حق حصه كردت و رجعوا البيت و في البيت اتصل سلطان في حصه : الوووو
حصه : هلا و الله هاااه وينك ؟
سلطان : تحت يلا انطرج
حصه : يلا يايتك باي
وسكرت حصه الخط و على طول راحت قالت حق ساره ان سلطان يبي رقم ريم ساره عصبت عليها وقالت لا و غلط لان البنت ماتدري ومشت عن حصه وراحت ساره حق ريم و العنود وقعدت اتفكر ان اذا ناصر عرف شبيصير وحصه راحت حق اخوها
سلطان : هااه شسويتي ؟
حصه : اول شي الكردت
سلطان : سمي
حصه : سم الله عدوك بس
سلطان : بس شنو ؟
حصه : سلطان انا قلت حق ساروه بس مارضت و عصبت علي تقول عيب
سلطان : عيب اذا باكلمها كل شوي مب اذا باجس النبض
حصه : سلطان انا باعطيك بس مب تسود ويهي
سطان : اوكي
وخذ سلطان الرقم و مشى وحصه راحت حق البنات اما عند النسوان ام ناصر قالت بتروح بيتهم فنادت ريم علشان اتكلم اخوها ونزلوا البنات مع ريم
ريم : هلا يمه
ام ناصر : يمه كلمي اخوج خل ايي يودينا البيت
ساره : تو الناس خالتي ...
ام ناصر : لا يمه باروح باشوف ريلي من الصبح مهملته
ريم و هي تتصل : ان شاءالله يمه الا ناصر يرد
ناصر : هلا و غلا هلا بعد طوايف امي و ابوي
حمود : هذي اللي باقوم اكفخه و لا يتكلم جدامنا عيني عينك
ريم : هلا فيك يابعدي نصور
ناصر : هلا امري
ريم : اتقولك امي تقدر اتودينا البيت
ناصر : يلا طلعوا باوديكم و بارجع
ريم : بس عيل انا باقعد و بعدين تاخذني
ناصر : سواق ابوج
ريم : و لا بعد ابيك بموضوع يلا باي
ناصر : ريوم ريموه
حمود : وي يكلم اخته ظلمنا
فهد : والله محد يتكلم غيرك
ريم : خير
ناصر : شالموضوع ؟

انشالله انزل الجزء الي بعد مره ثانيه

ترقبوو الجزء الثاني ..... بعد جم سبوع

اي استفسار او اي تعدل او اي انتقاد انتو قولو انه بارد عليكم
للاستفسار:[email protected] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مِمِڪَن ¿!	روحي بلقاك	طلبات التواقيع , التواقيع الجاهزة	5	02-18-2010 09:27 PM
~» طفږ بي ھٌآلْۈۈږد , شآلْحلْ ¿!	ṟά₭άώὲẏά	طلبات البرامج والشروحات وحل مشاكل الحاسب الآلي	7	05-03-2009 03:52 PM
¡! zayed bin hazza3bin zayed alnahyan ¡!	ღ الــــجـــــــــود ღ	الشيوخ و رؤساء الدول	13	04-16-2009 01:23 AM
źǿ0őźą<< ÇĽ¡ĉҝ ĤéяỆ	мisŝ~ƒ๏σŝнџ	تصاميم الاعضاء	18	03-17-2009 02:30 AM