أبضبط موتري ! وطالب مشورتكم ؟؟ + صور)

محروم.كوم · #1 12-19-2011, 04:30 AM

السلام عليكم ورحمة الله وبركاته ..

أخواني قبل فترة وضعت استفسار في (خيمة اعطال السيارات واصلاحها ) كنت استفسر فيه عن كم مشكلة بالموتر بعد الحادث (الله يبعدنا عنها ولانشوفها ان شاالله)

المهم الشباب ماقصروا وهذا مهوب غريب عليهم !! لكن الى الان ماعرفت وش اللي ابسويه (ماوصلت المعلومه يعني)

فقررت اني اصلح الموتر (أضبطه) عشان أختصر على نفسي وعليكم بالاسئلة راح أقولكم كل شي عن الموتر

السيارة هايلوكس 2001 بنزين- ماشي 200 ألف وكسور
الصيانة

الموتر تحتيته كاملة مغيرة ( مقصات اذرعه عمدان جلب بدي ) يعني تقريبا بدي الهيكل) وضعة سليم الحمدلله
ومسويله تربيط من تحت

اما بدي السيارة (صدامات - رفارف -بيبان) لكم عليها شوي وهنا المشكلة !

مشكلة الموتر
-
-
الموتر ملاحظه من زمان مدري كيف أقولكم

يدخل الصوت الخارجي بزيادة !!!( شفت اذا ماصكيت باب السيارة زين نفسه بالضبط !!!!) مع أن وزنية البيبان 100% موزونة لكن فيها بلا ثاني ولا أعرف وشهو !!

يعني أسمع صوت السيارة بزيادة - السيارات الي تمر جنبي اسمع صوتها بزيادة - صوت الشارع -- حححححووحححح--- اسمعه برضو بشكل زايد عن المعتاد

يعني اذا مشيت 100 الي راكب معي يحسبني أمشي 140 - 150 !! والله

فسؤالي هينا ؟؟؟ هالصوت متعلق بأيش (بالباب - بالرفرف - بـ طبيعة ضعف عزل السيارة ) وهذي الصور الاماكن الي استنتجت ان الهواء او الصوت يجي منها

بطانة الرفرف (مع انها سليمة لكن الجهة اليمين معدووومة هههههـ)

وهذي الصورة من جوا السيارة والباب مفتوح مثل ماتشوفون الرفرف له فتحة ع الباب !!

ومثل ماتشوفون هنا بعد تسكير الباب الوزنية تمام والباب مضبوط (الفراغ الاسود كله ربله مافيه فتحة أبدا)

طبعا هذا استنتاجي ويمكن يكون خطأ أو صح ؟؟

فالذي اطلبه منكم ؟؟ أنا واحد أبي أضبط الموتر ومابقى الا هالنقطة ؟؟

فما أدري أبدا من وين (لأن ماأبغى أسوي شي وبعدين مايكون له دخل وأخسر صح؟) لأني ماني متأكد

أنا اعرف انه هايلوكس مهوب لكزس ولا افالون ! بس برضو أبغى أحسن الموتر شوي

يعني كل حاجه فيه ضبطها الا البدي مدري وين أبداه معه ؟؟

فالمطلوب شغلتين ؟؟ والي هي

1- هل دخول الصوت (الازعاج ) هل هو من عزل السيارة نفسها (بطانة الارضية وبطانة الابواب بالديكور نفسه) ؟؟؟ أم هي من الرفرف ؟؟ (الي حطيت صوره فوق)

والشغلة الثانية

2 - متعلق بالسؤال (1) اذا امكانية تحديد هالشي صعب؟؟
ممكن تدلوني على ورشة بالرياض , أروح له - يركب معي بالموتر يسمع الصوت , ويحددلي وين يجي منه -- وأخيرا أزين الموتر عنده ؟؟؟

وصلى الله على النبي! وبس !!

وأشكركم مقدما على المساعدة ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشروع تعديل وطالب مشورتكم	محروم.كوم	منتدى أخبار المواقع والمنتديات العربية والأجنبية	0	10-19-2011 11:00 PM
عطل في قير موتري	محروم.كوم	منتدى أخبار المواقع والمنتديات العربية والأجنبية	0	03-04-2010 06:20 PM
مشورتكم : اهم قرار بتخذه وقبلها لازم مشورتكم والله ولي التوفيق --- شراء شقة للسكن	محروم.كوم	منتدى أخبار المواقع والمنتديات العربية والأجنبية	0	01-17-2010 10:30 AM
مشكله في قير موتري	محروم.كوم	منتدى أخبار المواقع والمنتديات العربية والأجنبية	0	12-13-2009 08:10 PM
مكيف موتري فيه جني	محروم.كوم	منتدى أخبار المواقع والمنتديات العربية والأجنبية	0	09-06-2009 05:50 AM